§12.28.1οἱ δὲ Σάμιοι διὰ τὴν ἀνάζευξιν τοῦ Περικλέους νομίζοντες ἔχειν καιρὸν ἐπιτήδειον εἰς ἐπίθεσιν ταῖς ἀπολελειμμέναις ναυσίν, ἐπέπλευσαν ἐπʼ αὐτάς, καὶ νικήσαντες τῇ ναυμαχίᾳ φρονήματος ἐπληροῦντο.
사모스인들은 페리클레스의 출발로 인해 남겨진 배들을 공격하기에 적절한 기회가 왔다고 생각하여, 그 배들을 향해 출항했고, 해전에서 승리하여 자신감에 가득 찼다.
§12.28.2ὁ δὲ Περικλῆς ἀκούσας τὴν τῶν ἰδίων ἧτταν, εὐθὺς ὑπέστρεψε καὶ στόλον ἀξιόλογον ἤθροισε, βουλόμενος εἰς τέλος συντρῖψαι τὸν τῶν ἐναντίων στόλον.
페리클레스는 아군의 패배 소식을 듣고 즉시 회항하여, 적의 함대를 완전히 분쇄하고자 강력한 함대를 집결시켰다.
ταχὺ δʼ ἀποστειλάντων Ἀθηναίων μὲν ἑξήκοντα τριήρεις, Χίων δὲ καὶ Μυτιληναίων τριάκοντα, μεγάλην ἔχων δύναμιν συνεστήσατο τὴν πολιορκίαν καὶ κατὰ γῆν καὶ κατὰ θάλατταν, συνεχεῖς ποιούμενος προσβολάς.
아테네인들이 예순 척의 삼단노선을, 키오스인과 뮈틸레네인들이 서른 척을 신속히 파견했기에, 그는 대군을 이끌고 육지와 바다 양면에서 포위 공격을 감행하며 끊임없이 공세를 펼쳤다.
§12.28.3κατεσκεύασε δὲ καὶ μηχανὰς πρῶτος τῶν πρὸ αὐτοῦ τούς τε ὀνομαζομένους κριοὺς καὶ χελώνας, Ἀρτέμωνος τοῦ Κλαζομενίου κατασκευάσαντος.
그는 또한 자신의 선대인들 중 최초로 공성 무기들을 사용했는데, 이는 이른바 파성퇴와 귀갑차로, 클라조메나이의 아르테몬이 제작한 것이었다.
ἐνεργῶς δὲ πολιορκήσας τὴν πόλιν καὶ ταῖς μηχαναῖς καταβαλὼν τὰ τείχη κύριος ἐγένετο τῆς Σάμου.
그는 정력적으로 도시를 포위하고 무기로 성벽을 무너뜨려 사모스를 장악했다.
κολάσας δὲ τοὺς αἰτίους ἐπράξατο τοὺς Σαμίους τὰς εἰς τὴν πολιορκίαν γεγενημένας δαπάνας, τιμησάμενος αὐτὰς ταλάντων διακοσίων.
그리고 주모자들을 처벌한 후, 사모스인들에게 포위 공격에 소요된 비용을 청구하여 이를 200달란트로 책정했다.
§12.28.4παρείλετο δὲ καὶ τὰς ναῦς αὐτῶν καὶ τὰ τείχη κατέσκαψε, καὶ τὴν δημοκρατίαν καταστήσας ἐπανῆλθεν εἰς τὴν πατρίδα.
그는 또한 그들의 배를 압수하고 성벽을 허물었으며, 민주정을 수립한 후에 조국으로 돌아갔다.
Ἀθηναίοις δὲ καὶ Λακεδαιμονίοις μέχρι τούτων τῶν χρόνων αἱ τριακονταετεῖς σπονδαὶ διέμειναν ἀσάλευτοι.
아테네인들과 라케다이몬인들 사이에서는 이 시기까지 30년 평화 조약이 흔들림 없이 유지되었다.
καὶ ταῦτα μὲν ἐπράχθη κατὰ τοῦτον τὸν ἐνιαυτόν.
그리고 이 일들이 이 해에 행해졌다.