§11.77.1ἐπʼ ἄρχοντος δʼ Ἀθήνησι Φρασικλείδου Ὀλυμπιὰς μὲν ἤχθη ὀγδοηκοστή, καθʼ ἣν ἐνίκα στάδιον Τορύλλας Θετταλός, Ῥωμαῖοι δʼ ὑπάτους κατέστησαν Κόιντον Φάβιον καὶ Τίτον Κοίντιον Καπιτωλῖνον.
아테네에서 프라시클레이데스가 아르콘으로 있을 때 제80회 올림피아 대회가 개최되었고, 이때 테살리아 인 토릴라스가 스타디온 경주에서 우승했으며, 로마 인들은 퀸투스 파비우스와 티투스 퀸크티우스 카피톨리누스를 집정관으로 임명했다.
ἐπὶ δὲ τούτων κατὰ μὲν τὴν Ἀσίαν οἱ τῶν Περσῶν στρατηγοὶ διαβάντες ἐπὶ τὴν Κιλικίαν ναῦς μὲν κατεσκεύασαν τριακοσίας κεκοσμημένας καλῶς πρὸς τὴν πολεμικὴν χρείαν, τὸ δὲ πεζὸν στρατόπεδον λαβόντες προῆγον πεζῇ διὰ Συρίας καὶ Φοινίκης·
이들의 임기 중에, 아시아에서는 페르시아의 장군들이 킬리키아로 건너가 전쟁에 필요한 장비를 잘 갖춘 배 300척을 조립하고, 보병대를 이끌고 시리아와 포이니케를 거쳐 육로로 전진했다.
συμπαραπλέοντος δὲ καὶ τοῦ στόλου τῇ πεζῇ στρατιᾷ κατήντησαν εἰς Μέμφιν τῆς Αἰγύπτου.
함대 또한 보병대와 나란히 항해하는 가운데, 그들은 이집트의 멤피스에 도착했다.
§11.77.2καὶ τὸ μὲν πρῶτον τὴν πολιορκίαν τοῦ Λευκοῦ τείχους ἔλυσαν, καταπληξάμενοι τοὺς Αἰγυπτίους καὶ τοὺς Ἀθηναίους·
그리고 처음에는 이집트 인들과 아테네 인들을 위압하여 ‘하얀 성벽’의 포위를 풀게 했다.
μετὰ δὲ ταῦτα ἐμφρόνως βουλευσάμενοι κατὰ στόμα μὲν παρατάττεσθαι διέκλινον, στρατηγήμασι δὲ ἐφιλοτιμοῦντο καταλῦσαι τὸν πόλεμον.
이 일 후에 현명하게 의논한 그들은 정면으로 대치하는 것을 피하고, 책략을 통해 전쟁을 종식시키는 데 열성적으로 힘썼다.
διόπερ καὶ τῶν Ἀττικῶν νεῶν ὁρμουσῶν ἐν τῇ Προσωπίτιδι λεγομένῃ νήσῳ, τὸν περιρρέοντα ποταμὸν διώρυξι διαλαβόντες ἤπειρον ἐποίησαν τὴν νῆσον.
그리하여 아티카의 배들이 프로소피티스라 불리는 섬에 정박해 있을 때, 그들은 주변을 흐르는 강을 운하로 차단하여 그 섬을 육지와 이어지게 만들었다.
§11.77.3τῶν δὲ νεῶν ἄφνω καθιζουσῶν ἐπὶ ξηρὰν τὴν γῆν, οἱ μὲν Αἰγύπτιοι καταπλαγέντες ἐγκατέλιπον τοὺς Ἀθηναίους καὶ πρὸς τοὺς Πέρσας διελύσαντο·
배들이 갑자기 마른 땅 위에 얹히게 되자, 이집트 인들은 겁에 질려 아테네 인들을 버려두고 페르시아 인들과 화해하였다.
οἱ δὲ Ἀθηναῖοι συμμάχων ὄντες ἔρημοι καὶ τὰς ναῦς ὁρῶντες ἀχρήστους γεγενημένας, ταύτας μὲν ἐνέπρησαν, ὅπως μὴ τοῖς πολεμίοις ὑποχείριοι γενηθῶσιν, αὐτοὶ δὲ οὐ καταπλαγέντες τὴν δεινότητα τῆς περιστάσεως παρεκάλουν ἀλλήλους μηδὲν ἀνάξιον πρᾶξαι τῶν προκατειργασμένων ἀγώνων.
한편 아테네 인들은 동맹자를 잃고 배들이 무용지물이 된 것을 보고, 이것들이 적의 손에 들어가지 않도록 불태워 버렸고, 자신들은 처한 상황의 가혹함에 압도되지 않은 채, 이전에 치러냈던 투쟁에 부끄럽지 않은 일은 아무것도 하지 말자고 서로를 독려했다.
§11.77.4διόπερ ταῖς ἀρεταῖς ὑπερβαλλόμενοι τοὺς ἐν Θερμοπύλαις ὑπὲρ τῆς Ἑλλάδος ἀποθανόντας, ἑτοίμως εἶχον διαγωνίζεσθαι πρὸς τοὺς πολεμίους.
그리하여 그들은 용맹함에 있어 헬라스를 위해 테르모필레에서 전사한 자들을 능가하였으며, 적들과 끝까지 싸울 준비가 되어 있었다.
οἱ δὲ στρατηγοὶ τῶν Περσῶν Ἀρτάβαζος καὶ Μεγάβυζος, ὁρῶντες τὴν ὑπερβολὴν τῆς εὐτολμίας τῶν πολεμίων καὶ λογισάμενοι, διότι τούτους οὐ δυνατὸν ἀνελεῖν ἄνευ τοῦ πολλὰς μυριάδας ἀποβαλεῖν τῶν ἰδίων, σπονδὰς ἔθεντο πρὸς τοὺς Ἀθηναίους, καθʼ ἃς ἔδει χωρὶς κινδύνων ἀπελθεῖν αὐτοὺς ἐκ τῆς Αἰγύπτου.
그러나 페르시아의 장군들인 아르타바조스와 메가비조스는 적들의 극치에 달한 대담함을 보고, 자군의 수만 명을 잃지 않고서는 이들을 섬멸하는 것이 불가능하다고 판단하여, 아테네 인들이 위험 없이 이집트에서 철수하도록 하는 협정을 맺었다.
§11.77.5οἱ μὲν οὖν Ἀθηναῖοι διὰ τὴν ἰδίαν ἀρετὴν τυχόντες τῆς σωτηρίας ἀπῆλθον ἐκ τῆς Αἰγύπτου, καὶ διὰ τῆς Λιβύης εἰς Κυρήνην ἀπελθόντες ἐσώθησαν παραδόξως εἰς τὴν πατρίδα.
이리하여 아테네 인들은 자신들의 용맹함 덕분에 구원을 얻어 이집트를 떠났고, 리비아를 거쳐 키레네로 퇴각한 끝에 기적적으로 무사히 조국으로 생환했다.
§11.77.6ἅμα δὲ τούτοις πραττομένοις ἐν μὲν ταῖς Ἀθήναις Ἐφιάλτης ὁ Σοφωνίδου, δημαγωγὸς ὢν καὶ τὸ πλῆθος παροξύνας κατὰ τῶν Ἀρεοπαγιτῶν, ἔπεισε τὸν δῆμον ψηφίσματι μειῶσαι τὴν ἐξ Ἀρείου πάγου βουλήν, καὶ τὰ πάτρια καὶ περιβόητα νόμιμα καταλῦσαι.
이 일들이 일어나는 동시에, 아테네에서는 소포니데스의 아들 에피알테스가 민중지도자로서 아레오파고스 법관들에 대항해 군중을 선동하고, 결의를 통해 아레오파고스 평의회의 권한을 축소시키며 조상 전래의 명성 높은 관행을 폐지하도록 민중을 설득했다.
οὐ μὴν ἀθῷός γε διέφυγε τηλικούτοις ἀνομήμασιν ἐπιβαλόμενος, ἀλλὰ τῆς νυκτὸς ἀναιρεθεὶς ἄδηλον ἔσχε τὴν τοῦ βίου τελευτήν.
하지만 이토록 거대한 불법에 손을 댄 그는 결코 벌을 면하지 못했고, 밤중에 암살당해 그 생의 마감은 불분명한 상태로 남았다.