§11.76.1κατὰ δὲ τὴν Σικελίαν Συρακόσιοι μὲν πολεμοῦντες τοῖς ἀφεστηκόσι ξένοις συνεχεῖς προσβολὰς ἐποιοῦντο τῇ τε Ἀχραδινῇ καὶ τῇ Νήσῳ, καὶ ναυμαχίᾳ μὲν ἐνίκησαν τοὺς ἀποστάντας, πεζῇ δʼ οὐκ ἴσχυον ἐκβαλεῖν ἐκ τῆς πόλεως διὰ τὴν ὀχυρότητα τῶν τόπων.
시켈리아에서는 시라쿠사 사태로 반란을 일으킨 외국인 용병들과 전쟁을 치르던 시라쿠사 인들이 아크라디네와 ‘섬’에 대해 끊임없는 공격을 감행했으며, 해전에서는 반란자들을 물리쳤으나, 육전에서는 그 지역의 견고함 때문에 그들을 도시에서 몰아내지 못했다.
§11.76.2μετὰ δὲ ταῦτα παρατάξεως γενομένης ἐπὶ τῆς χώρας, καὶ τῶν ἀγωνιζομένων παρʼ ἀμφοτέροις ἐκθύμως κινδυνευόντων, πεσεῖν συνέβη οὐκ ὀλίγους παρʼ ἀμφοτέροις, νικῆσαι δὲ τοὺς Συρακοσίους.
그 후 평원에서 회전이 벌어져 양측의 전투원들이 열정적으로 위험을 무릅쓰고 싸웠는데, 양측 모두에서 적지 않은 수의 전사자가 발생했으나 결국 시라쿠사 인들이 승리하게 되었다.
μετὰ δὲ τὴν μάχην οἱ Συρακόσιοι τοὺς μὲν ἐπιλέκτους, ὄντας ἑξακοσίους, αἰτίους γενομένους τῆς νίκης, ἐστεφάνωσαν ἀριστεῖα δόντες ἀργυρίου μνᾶν ἑκάστῳ.
전투가 끝난 후 시라쿠사 인들은 승리의 주역이 된 600명의 정예 병사들에게 관을 씌워주고, 포상으로 한 사람당 은 1미나씩을 주었다.
§11.76.3ἅμα δὲ τούτοις πραττομένοις Δουκέτιος μὲν ὁ τῶν Σικελῶν ἡγεμών, χαλεπῶς ἔχων τοῖς τὴν Κατάνην οἰκοῦσι διὰ τὴν ἀφαίρεσιν τῆς τῶν Σικελῶν χώρας, ἐστράτευσεν ἐπʼ αὐτούς.
이러한 일들이 진행되는 동시에, 시켈로이 인들의 지도자 두케티오스는 시켈로이 인들의 토지 강탈 문제로 카타네 주민들에게 원한을 품고 그들을 향해 군대를 진격시켰다.
ὁμοίως δὲ καὶ τῶν Συρακοσίων στρατευσάντων ἐπὶ τὴν Κατάνην, οὗτοι μὲν κοινῇ κατεκληρούχησαν τὴν χώραν καὶ τοὺς κατοικισθέντας ὑφʼ Ἱέρωνος τοῦ δυνάστου ἐπολέμουν·
마찬가지로 시라쿠사 인들도 카타네로 진격하자, 이들은 공동으로 토지를 분배하고 참주 히에론에 의해 그곳에 정착한 자들과 전쟁을 벌였다.
ἀντιταχθέντων δὲ τῶν ἐν τῇ Κατάνῃ καὶ λειφθέντων πλείοσι μάχαις, οὗτοι μὲν ἐξέπεσον ἐκ τῆς Κατάνης, καὶ τὴν νῦν οὖσαν Αἴτνην ἐκτήσαντο, πρὸ τούτου καλουμένην Ἴνησσαν, οἱ δʼ ἐξ ἀρχῆς ἐκ τῆς Κατάνης ὄντες ἐκομίσαντο πολλῷ χρόνῳ τὴν πατρίδα.
카타네 주민들이 대항했으나 여러 차례의 전투에서 패배하자, 그들은 카타네에서 쫓겨나 이전에는 이넷사라 불렸던 지금의 에트나를 차지하게 되었고, 원래 카타네 출신이었던 자들은 오랜 시간 끝에 조국을 되찾았다.
§11.76.4τούτων δὲ πραχθέντων οἱ κατὰ τὴν Ἱέρωνος δυναστείαν ἐκπεπτωκότες ἐκ τῶν ἰδίων πόλεων ἔχοντες τοὺς συναγωνιζομένους κατῆλθον εἰς τὰς πατρίδας, καὶ τοὺς ἀδίκως τὰς ἀλλοτρίας πόλεις ἀφῃρημένους ἐξέβαλον ἐκ τῶν πόλεων·
이 일들이 끝난 후, 히에론의 참주 정치 시절에 자신들의 도시에서 쫓겨났던 자들이 아군을 이끌고 조국으로 귀환하여 타인의 도시를 부당하게 빼앗았던 자들을 도시에서 몰아냈다.
τούτων δʼ ἦσαν Γελῷοι καὶ Ἀκραγαντῖνοι καὶ Ἱμεραῖοι.
이들 중에는 겔라 인, 아크라가스 인, 히메라 인들이 있었다.
§11.76.5παραπλησίως δὲ τούτοις καὶ Ῥηγῖνοι μετὰ Ζαγκλαίων τοὺς Ἀναξίλου παῖδας δυναστεύοντας ἐκβαλόντες ἠλευθέρωσαν τὰς πατρίδας.
이와 마찬가지로 레기온 인들도 잔클레 인들과 함께 참주로 군림하던 아낙실라스의 아들들을 몰아내고 조국을 해방시켰다.
μετὰ δὲ ταῦτα Καμάριναν μὲν Γελῷοι κατοικίσαντες ἐξ ἀρχῆς κατεκληρούχησαν·
그 후 겔라 인들은 카마리나를 다시 개척하고 토지를 처음부터 분배했다.
αἱ δὲ πόλεις σχεδὸν ἅπασαι πρὸς τὴν κατάλυσιν τῶν πολέμων ὁρμήσασαι, καὶ κοινὸν δόγμα ποιησάμεναι, πρὸς τοὺς κατοικοῦντας ξένους διελύθησαν, καὶ τοὺς φυγάδας καταδεξάμεναι τοῖς ἀρχαίοις πολίταις τὰς πόλεις ἀπέδοσαν, τοῖς δὲ ξένοις τοῖς διὰ τὰς δυναστείας ἀλλοτρίας τὰς πόλεις ἔχουσι συνεχώρησαν τὰ ἑαυτῶν ἀποκομίζειν καὶ κατοικεῖν ἅπαντας ἐν τῇ Μεσσηνίᾳ.
거의 모든 도시가 전쟁의 종식을 원하여 공동 결의를 채택하고, 거주하던 외국인들과 화해하였다. 그들은 망명자들을 받아들여 옛 시민들에게 도시를 돌려주었고, 참주 정치로 인해 타인의 도시를 점유하고 있던 외국인들에게는 자신의 재산을 가지고 모두 메세니아에 정착하는 것을 허용했다.
§11.76.6αἱ μὲν οὖν κατὰ Σικελίαν ἐν ταῖς πόλεσι στάσεις καὶ ταραχαὶ τοῦτον τὸν τρόπον κατελύθησαν, αἱ δὲ πόλεις τὰς ἀπαλλοτρίους πολιτείας ἀποβαλοῦσαι σχεδὸν ἅπασαι τὰς ἰδίας χώρας κατεκληρούχησαν τοῖς πολίταις πᾶσιν.
이와 같은 방식으로 시켈리아 전역의 도시 내 분란과 혼란이 수습되었으며, 거의 모든 도시가 외래의 체제를 탈피하고 자신들의 토지를 모든 시민에게 재분배했다.