§11.43.1ὁ δὲ Θεμιστοκλῆς λαβὼν τὴν ἐξουσίαν τοῦ πράττειν, καὶ πᾶσαν ὑπουργίαν ἔχων ἑτοίμην τοῖς ἐγχειρουμένοις, πάλιν ἐπενόησε καταστρατηγῆσαι τοὺς Λακεδαιμονίους·
테미스토클레스는 실행할 권한을 얻고, 기도하는 일들에 대한 모든 지원이 준비되자, 다시금 라케다이몬인들을 기만할 계획을 세웠다.
ᾔδει γὰρ ἀκριβῶς ὅτι καθάπερ ἐπὶ τοῦ τῆς πόλεως τειχισμοῦ διεκώλυσαν οἱ Λακεδαιμόνιοι, τὸν αὐτὸν τρόπον ἐπὶ τῆς κατασκευῆς τοῦ λιμένος ἐγχειρήσουσι διακόπτειν τῶν Ἀθηναίων τὰς ἐπιβολάς.
도시의 성벽을 쌓을 때 라케다이몬인들이 방해하려 했던 것과 마찬가지로, 항구를 건설할 때에도 그들이 같은 방식으로 아테네인들의 계획을 좌절시키려 들 것임을 그가 정확히 알고 있었기 때문이다.
§11.43.2ἔδοξεν οὖν αὐτῷ πρὸς μὲν τοὺς Λακεδαιμονίους πρέσβεις ἀποστεῖλαι τοὺς διδάξοντας συμφέρειν τοῖς κοινοῖς τῆς Ἑλλάδος πράγμασιν ἔχειν ἀξιόχρεων λιμένα πρὸς τὴν ἀπὸ τῶν Περσῶν ἐσομένην στρατείαν.
그리하여 그는 한편으로는 라케다이몬인들에게 사절을 보내어, 장차 페르시아인들로부터 있을 원정에 대비하여 충분한 규모의 항구를 보유하는 것이 그리스 공동의 이익에 부합함을 설명하도록 하기로 결정했다.
διὰ δὲ τούτου τοῦ τρόπου τοὺς Σπαρτιάτας ἀμβλυτέρους ποιήσας πρὸς τὸ κωλύειν, αὐτὸς εἴχετο τῶν ἔργων, καὶ τῶν πάντων συμφιλοτιμουμένων ταχέως συνέβη γενέσθαι καὶ παραδόξως κατασκευασθῆναι τὸν λιμένα.
이 방법으로 스파르타인들의 방해 의지를 무디게 만든 뒤, 그 자신은 공사에 착수했고, 모든 이들이 다투어 협력한 덕분에 항구는 신속하고도 예상치 못하게 건설되기에 이르렀다.
§11.43.3ἔπεισε δὲ τὸν δῆμον καθʼ ἕκαστον ἐνιαυτὸν πρὸς ταῖς ὑπαρχούσαις ναυσὶν εἴκοσι τριήρεις προσκατασκευάζειν, καὶ τοὺς μετοίκους καὶ τοὺς τεχνίτας ἀτελεῖς ποιῆσαι, ὅπως ὄχλος πολὺς πανταχόθεν εἰς τὴν πόλιν κατέλθῃ καὶ πλείους τέχνας κατασκευάσωσιν εὐχερῶς·
또한 그는 민중을 설득하여 매년 기존 선박에 더해 삼단노선 20척을 추가로 건조하게 하고, 재류 외국인과 기술자들에게 면세 혜택을 주도록 했다. 이는 사방에서 많은 군중이 도시로 흘러들어와 더 많은 기술이 용이하게 정착되도록 하기 위함이었다.
ἀμφότερα γὰρ ταῦτα χρησιμώτατα πρὸς τὰς τῶν ναυτικῶν δυνάμεων κατασκευὰς ὑπάρχειν ἔκρινεν.
그는 이 두 가지 조치 모두가 해군력을 구축하는 데 극히 유용하다고 판단했기 때문이다.
οἱ μὲν οὖν Ἀθηναῖοι περὶ ταῦτα ἠσχολοῦντο.
그리하여 아테네인들은 이 일들에 전념하게 되었다.