§11.38.1ἐπʼ ἄρχοντος δʼ Ἀθήνησι Τιμοσθένους ἐν Ῥώμῃ τὴν ὑπατικὴν ἀρχὴν διεδέξαντο Καίσων Φάβιος καὶ Λεύκιος Αἰμίλιος Μάμερκος.
아테네에서 티모스테네스가 아르콘으로 있을 때, 로마에서는 카이소 파비우스와 루키우스 에밀리우스 마메르쿠스가 집정관 직을 이어받았다.
ἐπὶ δὲ τούτων κατὰ τὴν Σικελίαν πολλή τις εἰρήνη κατεῖχε τὴν νῆσον, τῶν μὲν Καρχηδονίων εἰς τέλος τεταπεινωμένων, τοῦ δὲ Γέλωνος ἐπιεικῶς προεστηκότος τῶν Σικελιωτῶν καὶ πολλὴν εὐνομίαν τε καὶ πάντων τῶν ἐπιτηδείων εὐπορίαν παρεχομένου ταῖς πόλεσι.
이들의 임기 동안 시켈리아에서는 큰 평화가 섬을 지배하고 있었는데, 카르타고인들이 완전히 굴복한 상태였고, 겔론이 시켈리아 그리스인들을 온건하게 다스리며 도시들에 훌륭한 질서와 모든 생활필수품의 풍요를 제공하고 있었기 때문이다.
§11.38.2τῶν δὲ Συρακοσίων τὰς μὲν πολυτελεῖς ἐκφορὰς νόμῳ καταλελυκότων καὶ τὰς εἰωθυίας δαπάνας εἰς τοὺς τελευτῶντας γίνεσθαι περιῃρηκότων, ἐγγεγραμμένων δὲ ἐν τῷ νόμῳ καὶ τῶν παντελῶς λιτῶν ἐνταφίων, ὁ βασιλεὺς Γέλων βουλόμενος τὴν τοῦ δήμου σπουδὴν ἐν ἅπασι διαφυλάττειν, τὸν περὶ τῆς ταφῆς νόμον ἐφʼ ἑαυτοῦ βέβαιον ἐτήρησεν·
또한 시라쿠사 사람들이 법으로 사치스러운 장례를 폐지하고 죽은 자를 위해 관습적으로 행해지던 지출을 삭감했으며, 법에는 지극히 간소한 수의만이 규정되어 있었는데, 겔론 왕은 모든 일에 있어 민중의 헌신적인 열의를 보존하기를 원했기에, 장례에 관한 그 법을 자신에 대해서도 확실하게 지키도록 했다.
§11.38.3ὑπὸ γὰρ ἀρρωστίας συνεχόμενος καὶ τὸ ζῆν ἀπελπίσας, τὴν μὲν βασιλείαν παρέδωκεν Ἱέρωνι τῷ πρεσβυτάτῳ τῶν ἀδελφῶν, περὶ δὲ τῆς ἑαυτοῦ ταφῆς ἐνετείλατο διαστελλόμενος ἀκριβῶς τηρῆσαι τὸ νόμιμον.
그는 병에 걸려 생명을 단념했을 때, 왕위는 형제들 중 가장 연장자인 히에론에게 넘겨주었고, 자신의 장례에 관해서는 법적 규정을 정확히 지키라고 엄격하게 지시했기 때문이다.
διὸ καὶ τελευτήσαντος αὐτοῦ τὴν ἐκφορὰν κατὰ τὴν ἐπαγγελίαν αὐτοῦ συνετέλεσεν ὁ διαδεξάμενος τὴν βασιλείαν.
그리하여 그가 사망하자, 왕위를 승계한 자가 그의 지시에 따라 장례를 치렀다.
§11.38.4ἐτάφη δʼ αὐτοῦ τὸ σῶμα κατὰ τὸν ἀγρὸν τῆς γυναικὸς ἐν ταῖς καλουμέναις Ἐννέα τύρσεσιν, οὔσαις τῷ βάρει τῶν ἔργων θαυμασταῖς.
그의 시신은 아내의 영지에 있는 '아홉 개의 탑'이라 불리는 곳에 묻혔는데, 그것들은 그 구조물의 웅대함으로 인해 경탄할 만한 것이었다.
ὁ δὲ ὄχλος ἐκ τῆς πόλεως ἅπας συνηκολούθησεν, ἀπέχοντος τοῦ τόπου σταδίους διακοσίους.
그리고 도시의 모든 군중이 뒤따라갔는데, 그 장소는 200스타디온이나 떨어져 있었다.
§11.38.5ἐνταῦθα δʼ αὐτοῦ ταφέντος ὁ μὲν δῆμος τάφον ἀξιόλογον ἐπιστήσας ἡρωικαῖς τιμαῖς ἐτίμησε τὸν Γέλωνα, ὕστερον δὲ τὸ μὲν μνῆμα ἀνεῖλον Καρχηδόνιοι στρατεύσαντες ἐπὶ Συρακούσας, τὰς δὲ τύρσεις Ἀγαθοκλῆς κατέβαλε διὰ τὸν φθόνον.
그가 그곳에 묻히자 민중은 훌륭한 무덤을 세우고 게론을 영웅의 예우로 숭배했다. 그러나 나중에 시라쿠사로 원정해 온 카르타고인들에 의해 무덤 기념비는 파괴되었고, 탑들은 아가토클레스가 질투심 때문에 허물어뜨렸다.
ἀλλʼ ὅμως οὔτε Καρχηδόνιοι διὰ τὴν ἔχθραν οὔτε Ἀγαθοκλῆς διὰ τὴν ἰδίαν κακίαν οὔτε ἄλλος οὐδεὶς ἠδυνήθη τοῦ Γέλωνος ἀφελέσθαι τὴν δόξαν·
그럼에도 불구하고 카르타고인들도 적개심 때문에, 아가토클레스도 자신의 사악함 때문에, 그 어떤 다른 사람도 겔론으로부터 그의 영광을 빼앗을 수는 없었다.
§11.38.6ἡ γὰρ τῆς ἱστορίας δικαία μαρτυρία τετήρηκε τὴν περὶ αὐτοῦ φήμην, κηρύττουσα διαπρυσίως εἰς ἅπαντα τὸν αἰῶνα.
역사의 공정한 증언이 그에 대한 명성을 보존하여, 모든 세대에 걸쳐 소리 높여 선포하고 있기 때문이다.
δίκαιον γὰρ ἅμα καὶ συμφέρον ἐστὶ τῷ κοινῷ βίῳ διὰ τὴν ἱστορίαν τοὺς μὲν πονηροὺς τῶν ἐν ταῖς ἐξουσίαις γεγενημένων βλασφημεῖσθαι, τοὺς δὲ εὐεργετικοὺς τυγχάνειν ἀθανάτου μνήμης·
권력을 쥐었던 자들 중 사악한 자들은 역사를 통해 비난을 받고, 은혜를 베푼 자들은 불멸의 기억을 얻는 것이 인류 공동의 삶에 있어 정의롭고도 유익한 일이기 때문이다.
οὕτω γὰρ μάλιστα συμβήσεται πολλοὺς ἐπὶ τὴν κοινὴν εὐεργεσίαν προτρέπεσθαι τῶν μεταγενεστέρων.
그렇게 함으로써 후세 사람들 중 많은 이들이 공동체에 은혜를 베풀도록 가장 잘 권장될 것이기 때문이다.
§11.38.7Γέλων μὲν οὖν ἑπταετῆ χρόνον ἐβασίλευσεν, Ἱέρων δʼ ὁ ἀδελφὸς αὐτοῦ διαδεξάμενος τὴν ἀρχὴν ἐβασίλευσε τῶν Συρακοσίων ἔτη ἕνδεκα καὶ μῆνας ὀκτώ.
그리하여 겔론은 7년 동안 통치했고, 그의 형제 히에론이 권력을 승계하여 시라쿠사 인들을 11년 8개월 동안 통치했다.