§9.874ΑΘ. ἐὰν δὲ ἄψυχόν τι ψυχῆς ἄνθρωπον στερήσῃ, πλὴν ὅσα κεραυνὸς ἤ τι παρὰ θεοῦ τοιοῦτον βέλος ἰόν, τῶν δὲ ἄλλων ὅσα τινὸς προσπεσόντος ἢ αὐτὸ ἐμπεσὸν κτείνῃ τινά, δικαστὴν μὲν αὐτῷ καθιζέτω τῶν γειτόνων τὸν ἐγγύτατα ὁ προσήκων γένει, ἀφοσιούμενος ὑπὲρ αὑτοῦ τε καὶ ὑπὲρ τῆς συγγενείας ὅλης, τὸ δὲ ὀφλὸν ἐξορίζειν, καθάπερ ἐρρήθη τὸ τῶν ζῴων γένος.
아테네인: 만약 무생물인 어떤 것이 사람의 목숨을 빼앗는다면(단, 벼락이나 신으로부터 오는 그와 같은 무기 종류는 제외하오), 그것들을 제외한 다른 것들 중에서 무언가가 덮치거나 혹은 스스로 부딪쳐 사람을 죽인 모든 것에 대해, 친족은 자신과 가문 전체의 정화를 위해 가장 가까운 이웃을 재판관으로 874a¦ 세워야 하며, 유죄 판결을 받은 무생물은 동물 부류에 대해 언급된 바와 같이 국경 밖으로 내쫓아야 하오.
ἐὰν δὲ τεθνεὼς μὲν αὖ τις φανῇ, ἄδηλος δὲ ὁ κτείνας ᾖ καὶ μὴ ἀμελῶς ζητοῦσιν ἀνεύρετος γίγνηται, τὰς μὲν προρρήσεις τὰς αὐτὰς γίγνεσθαι καθάπερ τοῖς ἄλλοις, προαγορεύειν δὲ τὸν φόνον τῷ δράσαντι, καὶ ἐπιδικασάμενον ἐν ἀγορᾷ κηρῦξαι τῷ κτείναντι τὸν καὶ τὸν καὶ ὠφληκότι φόνου μὴ ἐπιβαίνειν ἱερῶν μηδὲ ὅλης χώρας τῆς τοῦ παθόντος, ὡς, ἂν φανῇ καὶ γνωσθῇ, ἀποθανούμενον καὶ ἔξω τῆς τοῦ παθόντος χώρας ἐκβληθησόμενον ἄταφον.
또한, 누군가 죽은 채로 발견되었으나 살인자가 불분명하고 태만하지 않게 수색했음에도 찾아낼 수 없다면, 다른 이들의 경우와 마찬가지로 동일한 배제 선고가 내려지도록 하고, 행위자에 대해 살인을 고발하며, 광장에서 소송을 거친 후에 '아무개를 죽이고 살인죄를 지은 자'는 신전이나 피해자의 나라 전체에 발을 들여놓지 말라고 포고해야 하오. 이는 만약 그가 나타나 신원이 확인될 경우, 처형되어 피해자의 나라 밖에 매장되지 않은 채 내던져지도록 하기 위함이오.
οὗτος δὴ νόμος εἷς ἡμῖν ἔστω κύριος περὶ φόνου κείμενος.
이 법이 살인에 관해 제정된, 우리에게 유효한 하나의 법이 되도록 합시다.
καὶ τὰ μὲν περὶ τὰ τοιαῦτα μέχρι τούτων οὕτως· ὧν δὲ ὁ κτείνας ἐφʼ οἷς τε ὀρθῶς ἂν καθαρὸς εἴη, τάδε ἔστω·
그리고 그러한 일들에 관한 규정은 이쯤 해두고, 살인자가 누구를 죽였을 때, 그리고 어떤 조건에서 정당하게 정화될(무죄가 될) 수 있는지에 대해서는 다음과 같이 정합시다.
Νύκτωρ φῶρα εἰς οἰκίαν εἰσιόντα ἐπὶ κλοπῇ χρημάτων ἐὰν ἑλὼν κτείνῃ, καθαρὸς ἔστω· καὶ ἐὰν λωποδύτην ἀμυνόμενος ἀποκτείνῃ, καθαρὸς ἔστω·
밤중에 재물을 훔치기 위해 집 안으로 들어오는 도둑을 붙잡아 죽였다면 정화된 것으로 보며, 노상강도를 자위하기 위해 죽였을 때에도 정화된 것으로 보오.
καὶ ἐὰν ἐλευθέραν γυναῖκα βιάζηταί τις ἢ παῖδα περὶ τὰ ἀφροδίσια, νηποινὶ τεθνάτω ὑπό τε τοῦ ὑβρισθέντος βίᾳ καὶ ὑπὸ πατρὸς ἢ ἀδελφῶν ἢ ὑέων·
또한, 누군가 자유민 여성이나 소년을 성적으로 폭행하려 한다면, 폭행을 당한 당사자나 아버지, 형제, 혹은 아들들에 의해 벌없이 죽임을 당하도록 하시오.
ἐάν τε ἀνὴρ ἐπιτύχῃ γαμετῇ γυναικὶ βιαζομένῃ, κτείνας τὸν βιαζόμενον ἔστω καθαρὸς ἐν τῷ νόμῳ·
만약 남편이 자신의 아내가 폭행당하는 현장을 목격하고 그 폭행범을 죽였다면, 법에 따라 정화된 것으로 보오.
καὶ ἐάν τις πατρὶ βοηθῶν θάνατον, μηδὲν ἀνόσιον δρῶντι, κτείνῃ τινά, ἢ μητρὶ ἢ τέκνοις ἢ ἀδελφοῖς ἢ συγγεννήτορι τέκνων, πάντως καθαρὸς ἔστω.
그리고 만약 누군가 불경한 짓을 전혀 저지르지 않은 아버지를 죽음으로부터 구하기 위해 누군가를 죽였거나, 혹은 어머니나 자식들, 형제들, 또는 자식의 공동 부모를 구하기 위해 죽였다면, 어떤 경우든 전적으로 정화된 것으로 보오.
τὰ μὲν τοίνυν περὶ τροφήν τε ζώσης ψυχῆς καὶ παιδείαν, ὧν αὐτῇ τυχούσῃ μὲν βιωτόν, ἀτυχησάσῃ δὲ τοὐναντίον, καὶ περὶ θανάτων τῶν βιαίων ἃς δεῖ τιμωρίας γίγνεσθαι, νενομοθετήσθω·
그리하여 살아 있는 영혼의 양육과 교육(영혼이 이것을 얻으면 살아갈 만하지만, 불행히 놓치면 그 반대가 되오)에 관한 일들, 그리고 폭력적인 죽음에 대해 내려져야 할 처벌들에 관한 일들은 이로써 입법된 것으로 합시다.
τὰ δὲ περὶ τὴν τῶν σωμάτων τροφὴν μὲν καὶ παιδείαν εἴρηται, τὸ δʼ ἐχόμενον τούτων, αἱ βίαιοι πράξεις ὑπʼ ἀλλήλων ἀκούσιοί τε καὶ ἑκούσιοι γιγνόμεναι διοριστέον εἰς δύναμιν αἵ τέ εἰσιν καὶ ὅσαι, καὶ ὧν ἂν τυγχάνουσαι τιμωρήσεων τὸ πρόσφορον ἔχοιεν ἂν ἕκασται, ταῦτα μετʼ ἐκεῖνα, ὡς ἔοικεν, ὀρθῶς ἂν νομοθετοῖτο.
신체의 양육과 교육에 관해서는 이미 언급되었으니, 이것들에 뒤이어 일어나는 일들, 즉 서로에 대해 행해지는 비자발적이고 자발적인 폭력적 행위들이 어떤 것이며 얼마나 되는지 가능한 한 분명하게 구분해야 하오. 그리고 그것들이 제각기 어떠한 처벌을 받아야 각자에게 합당한 응징을 받게 될 것인지, 이러한 일들은 그것들 뒤에 이어서 입법되는 것이 마땅해 보이오.
τραύματα δὴ καὶ πηρώσεις ἐκ τραυμάτων τά γε δεύτερα μετὰ θανάτους καὶ ὁ φαυλότατος ἂν τάξειεν τῶν ἐπὶ νόμον τρεπομένων.
사실 부상 및 부상으로 인한 불구는 죽음 다음으로 두 번째 가는 일이며, 법으로 나아가려는 사람이라면 아무리 보잘것없는 사람이라도 그렇게 배치할 것이오.
τὰ δὴ τραύματα, καθάπερ οἱ φόνοι διῄρηντο, διαιρετέον, τὰ μὲν ἀκούσια, τὰ δὲ θυμῷ, τὰ δὲ φόβῳ, τὰ δὲ ὁπόσα ἐκ προνοίας ἑκούσια συμβαίνει γιγνόμενα·
그러므로 부상은 살인죄가 구분되었던 것처럼 구분되어야 하니, 어떤 것은 비자발적인 것, 어떤 것은 분노에 의한 것, 어떤 것은 공포에 의한 것, 그리고 미리 계획되어 자발적으로 일어나는 모든 것들로 구분되어야 하오.