§7.796ΑΘ. καὶ δὴ τά γε κατὰ πάλην ἃ μὲν Ἀνταῖος ἢ Κερκύων ἐν τέχναις ἑαυτῶν συνεστήσαντο φιλονικίας ἀχρήστου χάριν, ἢ πυγμῆς Ἐπειὸς ἢ Ἄμυκος, οὐδὲν χρήσιμα ἐπὶ πολέμου κοινωνίαν ὄντα, οὐκ ἄξια λόγῳ κοσμεῖν·
ATH.: 그리고 레슬링 중에서 안타이오스나 케르퀴온이 쓸데없는 경쟁심을 위해 자신들의 기술로 확립한 것들이나, 권투 중에서 에페이오스나 아미코스가 확립한 것들은 전쟁에서의 협동에 아무런 유용함이 없기에, 말로 꾸밀 가치조차 없습니다.
τὰ δὲ ἀπʼ ὀρθῆς πάλης, ἀπʼ αὐχένων καὶ χειρῶν καὶ πλευρῶν ἐξειλήσεως, μετὰ φιλονικίας τε καὶ καταστάσεως διαπονούμενα μετʼ εὐσχήμονος ῥώμης τε καὶ ὑγιείας ἕνεκα, ταῦτʼ εἰς πάντα ὄντα χρήσιμα οὐ παρετέον, ἀλλὰ προστακτέον μαθηταῖς τε ἅμα καὶ τοῖς διδάξουσιν, ὅταν ἐνταῦθʼ ὦμεν τῶν νόμων, τοῖς μὲν πάντα τὰ τοιαῦτα εὐμενῶς δωρεῖσθαι, τοῖς δὲ παραλαμβάνειν ἐν χάρισιν.
하지만 똑바로 서서 하는 레슬링, 즉 목과 손과 옆구리를 빼내는 동작에서 비롯되어, 품위 있는 힘과 건강을 위해 경쟁심과 안정된 자세를 가지고 정성껏 훈련하는 것은 모든 일에 유용하므로 생략해서는 안 되며, 오히려 학습자들과 동시에 그것들을 가르칠 사람들에게 지시해야 합니다. 우리가 법률의 이 대목에 이르렀을 때, 후자(교사)는 이 모든 것을 기꺼이 전수하고, 전자(학습자)는 감사하는 마음으로 이를 받아들이도록 말입니다.
οὐδʼ ὅσα ἐν τοῖς χοροῖς ἐστιν αὖ μιμήματα προσήκοντα μιμεῖσθαι παρετέον, κατὰ μὲν τὸν τόπον τόνδε Κουρήτων ἐνόπλια παίγνια, κατὰ δὲ Λακεδαίμονα Διοσκόρων.
또한 무용 중에서 모방하기에 적절한 모방들도 생략해서는 안 되니, 이곳에서는 쿠레테스들의 무장 놀이이고, 라케다이몬에서는 디오스쿠로이들의 무장 놀이입니다.
ἡ δὲ αὖ που παρʼ ἡμῖν κόρη καὶ δέσποινα, εὐφρανθεῖσα τῇ τῆς χορείας παιδιᾷ, κεναῖς χερσὶν οὐκ ᾠήθη δεῖν ἀθύρειν, πανοπλίᾳ δὲ παντελεῖ κοσμηθεῖσα, οὕτω τὴν ὄρχησιν διαπεραίνειν·
나아가 우리 고장의 저 처녀이자 여주인도 무용 놀이를 기뻐하여 빈손으로 노닐어서는 안 된다고 생각하셨고, 완전한 무장으로 몸을 꾸민 채 그렇게 무용을 끝까지 마쳤습니다.
ἃ δὴ πάντως μιμεῖσθαι πρέπον ἂν εἴη κόρους τε ἅμα καὶ κόρας, τὴν τῆς θεοῦ χάριν τιμῶντας, πολέμου τʼ ἐν χρείᾳ καὶ ἑορτῶν ἕνεκα.
이것들은 참으로 남아이든 여아이든 간에 여신의 은혜를 기리기 위해, 전쟁의 필요에서나 축제를 위해서나 전적으로 모방하는 것이 마땅할 것입니다.
τοῖς δέ που παισὶν εὐθύς τε καὶ ὅσον ἂν χρόνον μήπω εἰς πόλεμον ἴωσιν, πᾶσι θεοῖς προσόδους τε καὶ πομπὰς ποιουμένους μεθʼ ὅπλων τε καὶ ἵππων ἀεὶ κοσμεῖσθαι δέον ἂν εἴη, θάττους τε καὶ βραδυτέρας ἐν ὀρχήσεσι καὶ ἐν πορείᾳ τὰς ἱκετείας ποιουμένους πρὸς θεούς τε καὶ θεῶν παῖδας.
그리고 아이들은 당장, 그리고 아직 전쟁터에 나가지 않는 동안에는, 모든 신들께 참배와 행렬을 올릴 때 항상 무기와 말로 몸을 단장해야 하며, 무용과 행진 속에서 신들과 신들의 자녀들을 향해 때로는 빠르게, 때로는 느리게 간구를 올려야 할 것입니다.
καὶ ἀγῶνας δὴ καὶ προαγῶνας, εἴ τινων, οὐκ ἄλλων ἢ τούτων ἕνεκα προαγωνιστέον·
또한 시합이나 예비 시합도, 만약 치르게 된다면, 다른 어떤 것들이 아니라 바로 이것들을 위해 치러야 할 것입니다.
οὗτοι γὰρ καὶ ἐν εἰρήνῃ καὶ κατὰ πόλεμον χρήσιμοι εἴς τε πολιτείαν καὶ ἰδίους οἴκους, οἱ δὲ ἄλλοι πόνοι τε καὶ παιδιαὶ καὶ σπουδαὶ κατὰ σώματα οὐκ ἐλευθέρων, ὦ Μέγιλλέ τε καὶ Κλεινία.
왜냐하면 이것들은 평화 시에나 전쟁 중에나 국가와 개인 가정 모두에 유용하기 때문입니다. 하지만 신체에 관한 그 밖의 노고나 놀이, 성실한 노력들은 자유인에게 어울리지 않는 것입니다, 메길로스와 클레이니아스여.
ἣν εἶπον γυμναστικὴν ἐν τοῖς πρώτοις λόγοις ὅτι δέοι διεξελθεῖν, σχεδὸν δὴ διελήλυθα τὰ νῦν, καὶ ἔσθʼ αὕτη παντελής·
내가 처음 논의할 때 상세히 다루어야 한다고 말했던 체육에 대해서는 이제 거의 다 다루었으며, 이것으로 완전합니다.
εἰ δέ τινα ταύτης ὑμεῖς ἔχετε βελτίω, θέντες εἰς κοινὸν λέγετε.
하지만 만약 여러분이 이보다 더 나은 것을 가지고 계신다면, 그것을 공동의 자리에 내놓고 말씀해 주십시오.
ΚΛ. οὐ ῥᾴδιον, ὦ ξένε, παρέντας ταῦτα ἄλλα ἔχειν βελτίω τούτων περὶ γυμναστικῆς ἅμα καὶ ἀγωνίας εἰπεῖν.
CL.: 이방인이여, 이것들을 젖혀두고 체육과 시합에 관해 이보다 더 나은 다른 것을 말하기란 쉽지 않은 일입니다.
ΑΘ. τὸ τοίνυν τούτοις ἑξῆς περὶ τὰ τῶν Μουσῶν τε καὶ Ἀπόλλωνος δῶρα, τότε μέν, ὡς ἅπαντα εἰρηκότες, ᾠόμεθα καταλείπειν μόνα τὰ περὶ γυμναστικῆς·
ATH.: 그렇다면 이것들에 뒤이을 것, 즉 뮤즈들과 아폴론의 선물에 관한 일입니다만, 당시에는 모든 것을 다 말한 것처럼 체육에 관한 일만을 남겨두었다고 생각했습니다.
νῦν δʼ ἔστιν δῆλα ἅ τʼ ἐστὶν καὶ ὅτι πρῶτα πᾶσιν ῥητέα.
하지만 이제 그것들이 무엇인지, 그리고 그것들이 무엇보다 먼저 언급되어야 함이 분명해졌습니다.
λέγωμεν τοίνυν ἑξῆς αὐτά.
그러니 차례대로 그것들에 관해 말해 봅시다.
ΚΛ. πάνυ μὲν οὖν λεκτέον.
CL.: 참으로 말씀하셔야 마땅합니다.