§5.737ΑΘ. σωτηρίας τε γὰρ ἀρχὴ μεγίστη πόλεως αὕτη γίγνεται, καὶ ἐπὶ ταύτης οἷον κρηπῖδος μονίμου ἐποικοδομεῖν δυνατὸν ὅντινα ἂν ὕστερον ἐποικοδομῇ τις κόσμον πολιτικὸν προσήκοντα τῇ τοιαύτῃ καταστάσει·
아테네인: 왜냐하면 이것이 국가 보존의 가장 큰 시발점이 되며, 이와 같은 확고한 기초 위에 훗날 누구라도 이러한 체제에 걸맞은 정치적 질서를 구축해 나가는 것이 가능하기 때문입니다.
ταύτης δὲ σαθρᾶς οὔσης τῆς μεταβάσεως, οὐκ εὔπορος ἡ μετὰ ταῦτα πολιτικὴ πρᾶξις οὐδεμιᾷ γίγνοιτʼ ἂν πόλει.
그러나 이러한 이행이 부실하다면, 그 이후의 정치적 실천은 어느 국가에게도 순탄치 않을 것입니다.
ἣν ἡμεῖς μέν, ὥς φαμεν, ἐκφεύγομεν·
우리는 우리의 말대로 이것을 피하고 있습니다.
ὅμως δὲ εἰρῆσθαί γε ὀρθότερον, εἰ καὶ μὴ ἐξεφεύγομεν, ὅπῃ ποτʼ ἂν ἐποιούμεθα αὐτῆς τὴν φυγήν.
하지만 설령 피하지 못했다 하더라도, 그것으로부터의 회피를 어떤 방식으로 행해야 했을지 미리 밝혀두는 편이 더 올바를 것입니다.
εἰρήσθω δή νυν ὅτι διὰ τοῦ μὴ φιλοχρηματεῖν μετὰ δίκης, ἄλλη δʼ οὐκ ἔστιν οὔτʼ εὐρεῖα οὔτε στενὴ τῆς τοιαύτης μηχανῆς διαφυγή·
이제 그것은 정의와 함께 돈을 탐하지 않음으로써 가능하다는 점을 말해두어야겠습니다. 그러한 방책에 의한 회피의 길은 넓은 길이든 좁은 길이든 다른 데에는 없습니다.
καὶ τοῦτο μὲν οἷον ἕρμα πόλεως ἡμῖν κείσθω τὰ νῦν.
그리고 이 점을 현재 우리 국가의 밸러스트(안정판)로 삼아 두도록 합시다.
ἀνεγκλήτους γὰρ δεῖ τὰς οὐσίας πρὸς ἀλλήλους κατασκευάζεσθαι ἁμῶς γέ πως, ἢ μὴ προϊέναι πρότερον εἰς τοὔμπροσθεν ἑκόντα εἶναι τῆς ἄλλης κατασκευῆς οἷς ᾖ παλαιὰ ἐγκλήματα πρὸς ἀλλήλους, ὅσοις νοῦ καὶ σμικρὸν μετῇ·
왜냐하면 어떻게든 서로의 재산에 관해 비난받을 일 없도록 구성해야 하며, 그렇지 않으면 서로에게 오래된 원망을 품고 있는 자들은, 조금이라도 지각이 있다면, 다른 구성 작업을 향해 기꺼이 더 이상 나아가서는 안 되기 때문입니다.
οἷς δέ, ὡς ἡμῖν νῦν, θεὸς ἔδωκε καινήν τε πόλιν οἰκίζειν καὶ μή τινας ἔχθρας εἶναί πω πρὸς ἀλλήλους, τούτους ἔχθρας αὑτοῖς αἰτίους γενέσθαι διὰ τὴν διανομὴν τῆς γῆς τε καὶ οἰκήσεων οὐκ ἀνθρώπινος ἂν εἴη μετὰ κάκης πάσης ἀμαθία.
반면에 지금의 우리처럼, 신이 새로운 국가를 세우도록 허락하셨고 서로에게 아직 아무런 적대감도 없는 자들이, 토지와 주거의 분배 때문에 스스로 적대감의 원인을 만들어낸다면, 그것은 온갖 비열함을 동반한 인간 이하의 무지가 될 것입니다.
τίς οὖν δὴ τρόπος ἂν εἴη τῆς ὀρθῆς διανομῆς;
그렇다면 올바른 분배의 방법은 어떤 것이겠습니까?
πρῶτον μὲν τὸν αὐτῶν ὄγκον τοῦ ἀριθμοῦ δεῖ τάξασθαι, πόσον εἶναι χρεών·
먼저 그들 수의 총량을 얼마로 해야 할지 정해야 합니다.
μετὰ δὲ τοῦτο τὴν διανομὴν τῶν πολιτῶν, καθʼ ὁπόσα μέρη πλήθει καὶ ὁπηλίκα διαιρετέον αὐτούς, ἀνομολογητέον·
그 다음으로 시민들의 구분에 대해, 수에 있어 몇 개의 부분으로, 또 얼마만한 크기로 그들을 나누어야 할지 합의해야 합니다.
ἐπὶ δὲ ταῦτα τήν τε γῆν καὶ τὰς οἰκήσεις ὅτι μάλιστα ἴσας ἐπινεμητέον.
그리고 이어서 토지와 주거를 가능한 한 균등하게 분배해야 합니다.
ὄγκος δὴ πλήθους ἱκανὸς οὐκ ἄλλως ὀρθῶς γίγνοιτʼ ἂν λεχθεὶς ἢ πρὸς τὴν γῆν καὶ πρὸς τὰς τῶν πλησιοχώρων πόλεις·
인구의 충분한 규모는 토지와 이웃 국가들에 대한 고려 없이는 올바르게 말해질 수 없습니다.
γῆ μὲν ὁπόση πόσους σώφρονας ὄντας ἱκανὴ τρέφειν, πλείονος δὲ οὐδὲν προσδεῖ, πλήθους δέ, ὁπόσοι τοὺς προσχώρους ἀδικοῦντάς τε αὐτοὺς ἀμύνασθαι δυνατοὶ καὶ γείτοσιν ἑαυτῶν ἀδικουμένοις βοηθῆσαι μὴ παντάπασιν ἀπόρως δύναιντʼ ἄν.
즉 토지에 관해서는 절제 있는 사람들 얼마만큼을 부양하기에 충분한 크기인가 하는 것이며(그 이상의 것은 전혀 필요 없습니다), 인구에 관해서는 이웃들이 자신들에게 부당한 짓을 저지를 때 방어해낼 수 있고, 자신들의 이웃이 부당한 일을 당할 때 완전히 무력하지 않게 원조할 수 있는 수여야 합니다.
ταῦτα δέ, ἰδόντες τὴν χώραν καὶ τοὺς γείτονας, ὁριούμεθα ἔργῳ καὶ λόγοις·
이러한 것들은 국토와 이웃들을 살펴본 후에 실제 행동과 논의를 통해 규정하기로 합시다.
νῦν δὲ σχήματος ἕνεκα καὶ ὑπογραφῆς, ἵνα περαίνηται, πρὸς τὴν νομοθεσίαν ὁ λόγος ἴτω.
하지만 지금은 개요와 밑그림을 그리기 위해, 논의가 계속 진행되도록 입법을 향해 나아갑시다.
πεντάκις μὲν χίλιοι ἔστωσαν καὶ τετταράκοντα, ἀριθμοῦ τινος ἕνεκα προσήκοντος, γεωμόροι τε καὶ ἀμυνοῦντες τῇ νομῇ· γῆ δὲ καὶ οἰκήσεις ὡσαύτως τὰ αὐτὰ μέρη διανεμηθήτων, γενόμενα ἀνὴρ καὶ κλῆρος συννομή.
분배지를 수호할 토지 소유자들은 어떤 적절한 수로 인하여 5040명으로 하고, 토지와 주거도 이와 마찬가지로 동일한 부분들로 분배되어, 한 사람과 한 구획이 공동 배분이 되도록 합시다.
δύο μὲν δὴ μέρη τοῦ παντὸς ἀριθμοῦ τὸ πρῶτον νεμηθήτω, μετὰ δὲ ταῦτα τρία τὸν αὐτόν·
우선 전체 수의 두 부분이 먼저 나누어질 수 있고, 그 다음에 세 부분도 마찬가지로 나누어집니다.
πέφυκε γὰρ καὶ τέτταρα καὶ πέντε καὶ μέχρι τῶν δέκα ἐφεξῆς.
실제로 그것은 네 부분, 다섯 부분, 그리고 차례로 열 부분까지 나누어지는 성질을 가지고 있습니다.
§5.738ΑΘ. δεῖ δὴ περὶ ἀριθμῶν τό γε τοσοῦτον πάντα ἄνδρα νομοθετοῦντα νενοηκέναι, τίς ἀριθμὸς καὶ ποῖος πάσαις πόλεσιν χρησιμώτατος ἂν εἴη.
아테네인: 입법을 하는 모든 사람은 수에 관해 적어도 다음과 같은 점, 즉 어떤 수가 그리고 어떤 성질의 수가 모든 국가에 가장 유용할 것인가를 생각해 두어야 합니다.
λέγωμεν δὴ τὸν πλείστας καὶ ἐφεξῆς μάλιστα διανομὰς ἐν αὑτῷ κεκτημένον.
그렇다면 자신 안에 가장 많고 또한 가장 연속적인 분할들을 포함하고 있는 수에 대해 말하도록 합시다.
ὁ μὲν δὴ πᾶς εἰς πάντα πάσας τομὰς εἴληχεν·
모든 수는 모든 분할에 있어서 온갖 나눗셈을 할당받고 있습니다.
ὁ δὲ τῶν τετταράκοντα καὶ πεντακισχιλίων εἴς τε πόλεμον καὶ ὅσα κατʼ εἰρήνην πρὸς ἅπαντα τὰ συμβόλαια καὶ κοινωνήματα, εἰσφορῶν τε πέρι καὶ διανομῶν, οὐ πλείους μιᾶς δεουσῶν ἑξήκοντα δύναιτʼ ἂν τέμνεσθαι τομῶν, συνεχεῖς δὲ ἀπὸ μιᾶς μέχρι τῶν δέκα.
하지만 5040이라는 수는 전쟁에 있어서나 평화 시의 모든 계약과 공동 관계, 그리고 세금과 분배에 관해서나, 하나가 모자라는 예순 개를 넘지 않는 분할들로 나누어질 수 있으며, 1에서 10까지는 연속적으로 나누어집니다.
ταῦτα μὲν οὖν δὴ καὶ κατὰ σχολὴν δεῖ βεβαίως λαβεῖν, οἷς ἂν ὁ νόμος προστάττῃ λαμβάνειν·
그러므로 이 일들은 법이 파악하도록 명령하는 사람들이 여가를 내어 확실하게 파악해 두어야 합니다.
ἔχει γὰρ οὖν οὐκ ἄλλως ἢ ταύτῃ, δεῖ δὲ αὐτὰ ῥηθῆναι τῶνδε ἕνεκα κατοικίζοντι πόλιν.
왜냐하면 그것은 실제로 이와 다를 수 없기 때문이며, 국가를 건설하는 자에게 이 일들은 다음과 같은 이유 때문에 언급되어야 합니다.
οὔτʼ ἂν καινὴν ἐξ ἀρχῆς τις ποιῇ οὔτʼ ἂν παλαιὰν διεφθαρμένην ἐπισκευάζηται, περὶ θεῶν γε καὶ ἱερῶν, ἅττα τε ἐν τῇ πόλει ἑκάστοις ἱδρῦσθαι δεῖ καὶ ὧντινων ἐπονομάζεσθαι θεῶν ἢ δαιμόνων, οὐδεὶς ἐπιχειρήσει κινεῖν νοῦν ἔχων ὅσα ἐκ Δελφῶν ἢ Δωδώνης ἢ παρʼ Ἄμμωνος ἤ τινες ἔπεισαν παλαιοὶ λόγοι ὁπῃδή τινας πείσαντες, φασμάτων γενομένων ἢ ἐπιπνοίας λεχθείσης θεῶν, πείσαντες δὲ θυσίας τελεταῖς συμμείκτους κατεστήσαντο εἴτε αὐτόθεν ἐπιχωρίους εἴτʼ οὖν Τυρρηνικὰς εἴτε Κυπρίας εἴτε ἄλλοθεν ὁθενοῦν, καθιέρωσαν δὲ τοῖς τοιούτοις λόγοις φήμας τε καὶ ἀγάλματα καὶ βωμοὺς καὶ ναούς, τεμένη τε τούτων ἑκάστοις ἐτεμένισαν·
처음부터 새로운 국가를 만들든, 아니면 허물어진 옛 국가를 복구하든 간에, 신들과 신전들에 관한 일, 즉 국가 안에서 각각에 대해 어떤 것들을 세워야 하고 어떤 신들이나 수호신들의 이름을 붙여야 하는가에 대해서는, 지각 있는 사람이라면 누구도 델포이나 도도나 혹은 아몬으로부터 유래한 것이나, 어떤 오래된 전승들이 사람들을 어떻게든 설득하여(신들의 현현이나 소위 신들의 영감이 나타남으로써 사람들을 설득하고, 제의와 뒤섞인 희생 제사를 제정하되 그것이 현지의 것이든, 티레니아나 키프로스의 것이든, 아니면 다른 어디에서 온 것이든 간에, 그러한 전승들을 통해 신탁과 신상과 제단과 신전을 성별하고 이것들 각각에 성역을 구획했던 것인데), 이러한 것들을 변경하려 하지 않을 것입니다.
τούτων νομοθέτῃ τὸ σμικρότατον ἁπάντων οὐδὲν κινητέον, τοῖς δὲ μέρεσιν ἑκάστοις θεὸν ἢ δαίμονα ἢ καί τινα ἥρωα ἀποδοτέον, ἐν δὲ τῇ τῆς γῆς διανομῇ πρώτοις ἐξαίρετα τεμένη τε καὶ πάντα τὰ προσήκοντα ἀποδοτέον, ὅπως ἂν σύλλογοι ἑκάστων τῶν μερῶν κατὰ χρόνους γιγνόμενοι τοὺς προσταχθέντας εἴς τε τὰς χρείας ἑκάστας εὐμάρειαν παρασκευάζωσι καὶ φιλοφρονῶνταί τε ἀλλήλους μετὰ θυσιῶν καὶ οἰκειῶνται καὶ γνωρίζωσιν, οὗ μεῖζον οὐδὲν πόλει ἀγαθὸν ἢ γνωρίμους αὐτοὺς αὑτοῖς εἶναι.
이것들 중에서 입법자는 단 한 가지도, 아주 미세한 것이라 할지라도 변경해서는 안 됩니다. 오히려 각각의 부분들에 신이나 수호신, 또는 어떤 영웅을 배정해야 하며, 토지 분배에 있어서는 먼저 이들에게 선택된 성역과 모든 걸맞은 것들을 배정해야 합니다. 그것은 각 부분의 집회가 정해진 시기에 개최됨으로써 각각의 필요에 편의를 마련하고, 희생 제사와 더불어 서로 친목을 도모하고 친밀해지며 서로를 알게 되도록 하기 위함입니다. 서로를 알고 지내는 것보다 국가에 더 큰 선은 없습니다.
ὅπου γὰρ μὴ φῶς ἀλλήλοις ἐστὶν ἀλλήλων ἐν τοῖς τρόποις ἀλλὰ σκότος, οὔτʼ ἂν τιμῆς τῆς ἀξίας οὔτʼ ἀρχῶν οὔτε δίκης ποτέ τις ἂν τῆς προσηκούσης ὀρθῶς τυγχάνοι·
왜냐하면 서로의 성품에 있어서 서로에게 빛이 아니라 어둠이 있는 곳에서는, 합당한 명예도 관직도 적절한 재판도 누구 하나 올바르게 얻을 수 없을 것이기 때문입니다.
δεῖ δὴ πάντα ἄνδρα ἓν πρὸς ἓν τοῦτο σπεύδειν ἐν πάσαις πόλεσιν, ὅπως μήτε αὐτὸς κίβδηλός ποτε φανεῖται ὁτῳοῦν, ἁπλοῦς δὲ καὶ ἀληθὴς ἀεί, μήτε ἄλλος τοιοῦτος ὢν αὐτὸν διαπατήσει.
그러므로 모든 사람은 모든 국가에서 첫째로 이 일에 힘써야 합니다. 즉 자기 자신이 결코 누구에게도 위선적인 사람으로 보이지 않고 언제나 소박하고 진실할 것이며, 다른 위선적인 자가 자신을 속이지 못하게 하는 것입니다.