§3.697ΜΕ. ἔχει ταύτῃ.
ΜΕ. 그렇습니다.
ΑΘ. τί οὖν;
ΑΘ.
οὐ νομοθέτου καὶ ταῦτα αὖ φήσομεν εἶναι διανέμειν;
그렇다면 이것들을 분배하는 것도 역시 입법자의 임무라고 우리가 말해야 하지 않겠습니까?
ΜΕ. καὶ μάλα.
ΜΕ. 물론입니다.
ΑΘ. βούλει δὴ τὰ μὲν ἅπαντα καὶ ἐφʼ ἕκαστον ἔργον καὶ κατὰ σμικρὰ ἐκείνῳ δῶμεν νεῖμαι, τὸ δὲ τριχῇ διελεῖν, ἐπειδὴ νόμων ἐσμὲν καὶ αὐτοί πως ἐπιθυμηταί, πειραθῶμεν, διατεμεῖν χωρὶς τά τε μέγιστα καὶ δεύτερα καὶ τρίτα;
ΑΘ. 그렇다면 개별적인 일들과 미세한 부분들에 관한 모든 분배는 저 사람에게 맡기기로 하고, 우리 자신도 어떤 의미에서는 법을 갈망하는 자들이니만큼, 가장 중대한 것, 두 번째 것, 세 번째 것을 따로 떼어 나누는 세 가지 구분을 시도해 보시겠습니까?
ΜΕ. πάνυ μὲν οὖν.
ΜΕ. 기꺼이 그렇게 합시다.
ΑΘ. λέγομεν τοίνυν ὅτι πόλιν, ὡς ἔοικεν, τὴν μέλλουσαν σῴζεσθαί τε καὶ εὐδαιμονήσειν εἰς δύναμιν ἀνθρωπίνην δεῖ καὶ ἀναγκαῖον τιμάς τε καὶ ἀτιμίας διανέμειν ὀρθῶς.
ΑΘ. 그렇다면 우리는, 보아하니 보존되고 인간의 힘이 닿는 한 행복해지려는 국가는 명예와 불명예를 올바르게 분배하는 것이 필요하고도 불가피하다고 말하겠습니다.
ἔστιν δὲ ὀρθῶς ἄρα τιμιώτατα μὲν καὶ πρῶτα τὰ περὶ τὴν ψυχὴν ἀγαθὰ κεῖσθαι, σωφροσύνης ὑπαρχούσης αὐτῇ, δεύτερα δὲ τὰ περὶ τὸ σῶμα καλὰ καὶ ἀγαθά, καὶ τρίτα τὰ περὶ τὴν οὐσίαν καὶ χρήματα λεγόμενα·
그리고 올바른 분배란, 영혼 안에 절제가 갖추어져 있을 때, 영혼에 관한 선을 가장 명예롭고 으뜸가는 것으로 두고, 두 번째로는 신체에 관한 아름답고 선한 것들을, 그리고 세 번째로는 재산과 돈이라 불리는 것들을 두는 것입니다.
τούτων δὲ ἂν ἐκτός τις βαίνῃ νομοθέτης ἢ πόλις, εἰς τιμὰς ἢ χρήματα προάγουσα ἤ τι τῶν ὑστέρων εἰς τὸ πρόσθεν τιμαῖς τάττουσα, οὔθʼ ὅσιον οὔτε πολιτικὸν ἂν δρῴη πρᾶγμα.
만약 어떤 입법자나 국가가 이 범위를 벗어나, 부를 명예에 있어 승격시키거나, 혹은 후순위의 것을 명예를 통해 선순위로 놓는다면, 그는 경건하지도 않고 정치가답지도 못한 일을 행하는 것이 될 것입니다.
εἰρήσθω ταῦτα ἢ πῶς ἡμῖν;
이렇게 말해 두어야 할까요, 아니면 어떻게 해야 할까요?
ΜΕ. πάνυ μὲν οὖν εἰρήσθω σαφῶς.
ΜΕ. 당연히 명확하게 그렇게 말해 두어야 합니다.
ΑΘ. ταῦτα μὲν τοίνυν ἡμᾶς ἐπὶ πλέον ἐποίησεν εἰπεῖν ἡ Περσῶν πέρι διάσκεψις τῆς πολιτείας·
ΑΘ. 그런데 이러한 이야기들을 우리가 더 상세히 나누게 한 것은 페르시아 국제에 관한 검토였습니다.
ἀνευρίσκομεν δὲ ἐπὶ ἔτι χείρους αὐτοὺς γεγονότας, τὴν δὲ αἰτίαν φαμέν, ὅτι τὸ ἐλεύθερον λίαν ἀφελόμενοι τοῦ δήμου, τὸ δεσποτικὸν δʼ ἐπαγαγόντες μᾶλλον τοῦ προσήκοντος, τὸ φίλον ἀπώλεσαν καὶ τὸ κοινὸν ἐν τῇ πόλει.
그리고 우리는 그들이 훨씬 더 나빠졌음을 발견하게 되는데, 그 원인에 대해 우리는 그들이 민중으로부터 자유를 지나치게 빼앗고, 주인으로서의 지배를 적정 수준 이상으로 도입했기 때문에, 국가 안의 우애와 공동체를 상실했기 때문이라고 말합니다.
τούτου δὲ φθαρέντος, οὔθʼ ἡ τῶν ἀρχόντων βουλὴ ὑπὲρ ἀρχομένων καὶ τοῦ δήμου βουλεύεται, ἀλλʼ ἕνεκα τῆς αὑτῶν ἀρχῆς, ἄν τι καὶ σμικρὸν πλέον ἑκάστοτε ἡγῶνται ἔσεσθαί σφισιν, ἀναστάτους μὲν πόλεις, ἀνάστατα δὲ ἔθνη φίλια πυρὶ καταφθείραντες, ἐχθρῶς τε καὶ ἀνηλεήτως μισοῦντες μισοῦνται·
그리고 이것이 파괴되자, 지배자들의 평의회는 피지배자와 민중을 위해 의논하는 것이 아니라 자신들의 지배를 위해 의논하게 됩니다. 매번 자신들에게 아주 작은 이익이라도 생길 것이라 생각되면, 그들은 우호적인 도시들을 황폐화하고 우호적인 민족들을 불로 멸망시키며, 적대적이고 무자비하게 미워하며 미움을 받습니다.
ὅταν τε εἰς χρείαν τοῦ μάχεσθαι περὶ ἑαυτῶν τοὺς δήμους ἀφικνῶνται, οὐδὲν κοινὸν ἐν αὐτοῖς αὖ μετὰ προθυμίας τοῦ ἐθέλειν κινδυνεύειν καὶ μάχεσθαι ἀνευρίσκουσιν, ἀλλὰ κεκτημένοι μυριάδας ἀπεράντους λογισμῷ, ἀχρήστους εἰς πόλεμον πάσας κέκτηνται, καὶ καθάπερ ἐνδεεῖς ἀνθρώπων μισθούμενοι, ὑπὸ μισθωτῶν καὶ ὀθνείων ἀνθρώπων ἡγοῦνταί ποτε σωθήσεσθαι.
그리고 전투의 필요성이 생겨 민중에게 나아갈 때, 그들은 민중 안에서 기꺼이 위험을 감수하고 열심히 싸우려는 공동의 의지를 전혀 발견하지 못하며, 오히려 장부상으로는 무수히 많은 군세를 소유하고 있으면서도 전쟁에는 전혀 쓸모없는 군세만을 소유하게 되어, 마치 인력이 부족한 것처럼 용병을 고용하고, 결국 고용된 이방인들에 의해 구원받기를 바라게 되는 것입니다.
§3.698ΑΘ.πρὸς δὲ τούτοις ἀμαθαίνειν ἀναγκάζονται, λέγοντες ἔργοις ὅτι λῆρος πρὸς χρυσόν τε καὶ ἄργυρόν ἐστιν ἑκάστοτε τὰ λεγόμενα τίμια καὶ καλὰ κατὰ πόλιν.
ΑΘ. 게다가 그들은 무지해질 수밖에 없는데, 국가 안에서 명예롭고 아름답다고 일컬어지는 것들이 황금과 은에 비하면 매번 하찮은 장난감에 불과하다는 것을 스스로의 행동으로 보여주고 있기 때문입니다.
ΜΕ. πάνυ μὲν οὖν.
ΜΕ. 참으로 그렇습니다.
ΑΘ. τὰ μὲν δὴ περί γε Περσῶν, ὡς οὐκ ὀρθῶς τὰ νῦν διοικεῖται διὰ τὴν σφόδρα δουλείαν τε καὶ δεσποτείαν, τέλος ἐχέτω.
ΑΘ. 그러면 페르시아인들에 관한 것, 즉 지나친 예속과 전제적 지배 때문에 현재 올바르게 다스려지지 않고 있다는 이야기는 이것으로 끝맺도록 합시다.
ΜΕ. πάνυ μὲν οὖν.
ΜΕ. 그렇게 하십니다.
ΑΘ. τὰ δὲ περὶ τὴν τῆς Ἀττικῆς αὖ πολιτείας τὸ μετὰ τοῦτο ὡσαύτως ἡμᾶς διεξελθεῖν χρεών, ὡς ἡ παντελὴς καὶ ἀπὸ πασῶν ἀρχῶν ἐλευθερία τῆς μέτρον ἐχούσης ἀρχῆς ὑφʼ ἑτέρων οὐ σμικρῷ χείρων·
ΑΘ. 다음으로는 아티카의 국제에 관한 것을 마찬가지 방식으로 살펴보아야 하는데, 이는 모든 지배로부터의 완전한 자유가 타인에 의한 절도 있는 지배를 받는 것보다 결코 적지 않게 더 나쁘다는 점을 밝히기 위해서입니다.
ἡμῖν γὰρ κατʼ ἐκεῖνον τὸν χρόνον, ὅτε ἡ Περσῶν ἐπίθεσις τοῖς Ἕλλησιν, ἴσως δὲ σχεδὸν ἅπασιν τοῖς τὴν Εὐρώπην οἰκοῦσιν, ἐγίγνετο, πολιτεία τε ἦν παλαιὰ καὶ ἐκ τιμημάτων ἀρχαί τινες τεττάρων, καὶ δεσπότις ἐνῆν τις αἰδώς, διʼ ἣν δουλεύοντες τοῖς τότε νόμοις ζῆν ἠθέλομεν.
왜냐하면 그리스인들, 혹은 아마도 유럽에 살고 있는 거의 모든 이들에 대한 페르시아인의 침공이 일어났던 그 당시에, 우리에게는 오래된 국제가 있었고 재산 평가에 따른 네 가지 관직이 있었으며, 일종의 주인 역할을 하는 '삼가함'이 깃들어 있어, 우리는 당시의 법에 복종하며 살고자 했기 때문입니다.
καὶ πρὸς τούτοις δὴ τὸ μέγεθος τοῦ στόλου κατά τε γῆν καὶ κατὰ θάλατταν γενόμενον, φόβον ἄπορον ἐμβαλόν, δουλείαν ἔτι μείζονα ἐποίησεν ἡμᾶς τοῖς τε ἄρχουσιν καὶ τοῖς νόμοις δουλεῦσαι, καὶ διὰ πάντα ταῦθʼ ἡμῖν συνέπεσε πρὸς ἡμᾶς αὐτοὺς σφόδρα φιλία.
그리고 여기에 더해 육지와 바다에서 엄청난 규모의 적군이 들이닥쳐 막막한 공포를 심어줌으로써, 우리를 지배자들과 법에 더욱더 복종하게 만들었고, 이 모든 일들로 인해 우리 사이에 매우 강력한 우애가 생겨나게 되었습니다.
σχεδὸν γὰρ δέκα ἔτεσιν πρὸ τῆς ἐν Σαλαμῖνι ναυμαχίας ἀφίκετο Δᾶτις Περσικὸν στόλον ἄγων, πέμψαντος Δαρείου διαρρήδην ἐπί τε Ἀθηναίους καὶ Ἐρετριᾶς, ἐξανδραποδισάμενον ἀγαγεῖν, θάνατον αὐτῷ προειπὼν μὴ πράξαντι ταῦτα.
왜냐하면 살라미스 해전이 일어나기 거의 10년 전에, 다티스가 페르시아 함대를 이끌고 도달했는데, 이는 다레오스가 아테네인들과 에레트리아인들을 명백한 표적으로 삼아 그들을 노예로 잡아오라고 파견한 것이었으며, 이를 수행하지 못할 경우 죽음에 처하겠다고 미리 경고했기 때문입니다.
καὶ ὁ Δᾶτις τοὺς μὲν Ἐρετριᾶς ἔν τινι βραχεῖ χρόνῳ παντάπασιν κατὰ κράτος τε εἷλεν μυριάσι συχναῖς, καί τινα λόγον εἰς τὴν ἡμετέραν πόλιν ἀφῆκεν φοβερόν, ὡς οὐδεὶς Ἐρετριῶν αὐτὸν ἀποπεφευγὼς εἴη·
그리고 다티스는 에레트리아인들을 아주 짧은 시간 안에 수많은 군세로 완전히 힘으로 제압했고, 에레트리아인 중에서 단 한 사람도 자신에게서 벗어나지 못했다는 두려운 소문을 우리 국가에 퍼뜨렸습니다.
συνάψαντες γὰρ ἄρα τὰς χεῖρας σαγηνεύσαιεν πᾶσαν τὴν Ἐρετρικὴν οἱ στρατιῶται τοῦ Δάτιδος.
즉, 다티스의 군사들이 손을 맞잡고 에레트리아 전역을 그물질하듯 샅샅이 훑어 잡아들였다는 것이었습니다.
ὁ δὴ λόγος, εἴτʼ ἀληθὴς εἴτε καὶ ὅπῃ ἀφίκετο, τούς τε ἄλλους Ἕλληνας καὶ δὴ καὶ Ἀθηναίους ἐξέπληττεν, καὶ πρεσβευομένοις αὐτοῖς πανταχόσε βοηθεῖν οὐδεὶς ἤθελεν πλήν γε Λακεδαιμονίων·
이 소문은 참이든 아니면 어떤 경로로 도달했든, 다른 그리스인들과 특히 아테네인들을 경악하게 만들었습니다. 그리고 그들이 사방에 사절을 보내 원조를 요청했으나, 라케다이몬인들을 제외하고는 아무도 원조하려 하지 않았습니다.
οὗτοι δὲ ὑπό τε τοῦ πρὸς Μεσσήνην ὄντος τότε πολέμου καὶ εἰ δή τι διεκώλυεν ἄλλο αὐτούς—οὐ γὰρ ἴσμεν λεγόμενον— ὕστεροι δʼ οὖν ἀφίκοντο τῆς ἐν Μαραθῶνι μάχης γενομένης μιᾷ ἡμέρᾳ.
그들조차도 당시 메세네와의 전쟁 때문에, 그리고 만약 다른 어떤 방해 요소가 있었다면—우리는 그것에 대해 전해 들은 바가 없습니다만—어쨌든 마라톤 전투가 벌어진 다음 날에야 도착했습니다.
μετὰ δὲ τοῦτο παρασκευαί τε μεγάλαι λεγόμεναι καὶ ἀπειλαὶ ἐφοίτων μυρίαι παρὰ βασιλέως.
그 후, 왕으로부터 대규모 준비의 소문과 수많은 위협이 끊임없이 날아들었습니다.