§12.968ΑΘ. ὁ δὲ μὴ ταῦθʼ οἷός τʼ ὢν πρὸς ταῖς δημοσίαις ἀρεταῖς κεκτῆσθαι σχεδὸν ἄρχων μὲν οὐκ ἄν ποτε γένοιτο ἱκανὸς ὅλης πόλεως, ὑπηρέτης δʼ ἂν ἄλλοις ἄρχουσιν.
아테네인: 공적인 덕성에 더해 이것들을 획득할 수 없는 자는, 어쩌면 온 나라의 유능한 통치자는 결코 될 수 없을 것이며, 다른 통치자들의 조력자가 될 뿐이네.
ὁρᾶν δὴ χρεὼν νῦν, ὦ Κλεινία καὶ Μέγιλλε, ἤδη πρὸς τοῖς εἰρημένοις νόμοις ἅπασιν ὅσους διεληλύθαμεν εἰ καὶ τοῦτον προσοίσομεν, ὡς φυλακὴν ἐσόμενον κατὰ νόμον χάριν σωτηρίας τὸν τῶν ἀρχόντων νυκτερινὸν σύλλογον, παιδείας ὁπόσης διεληλύθαμεν κοινωνὸν γενόμενον·
이제 우리는, 클레이니아스와 메길로스여, 우리가 검토해 온 모든 기정의 법률들에 더해 이 법률도 덧붙여야 할지 보아야 하네. 즉, 통치자들의 '야간 회의'가 구제를 위해 법률에 따른 수호자가 되도록, 그리고 우리가 상세히 논한 모든 교육에 동참하는 자가 되도록 말이네.
ἢ πῶς ποιῶμεν;
아니면 어떻게 해야 하겠는가?
ΚΛ. ἀλλʼ, ὦ λῷστε, πῶς οὐ προσοίσομεν, ἄν πῃ καὶ κατὰ βραχὺ δυνηθῶμεν;
클레이니아스: 하지만, 최선의 친구여, 우리가 조금이라도 가능하다면 어찌 그것을 덧붙이지 않겠습니까?
ΑΘ. καὶ μὴν πρός γε τὸ τοιοῦτον ἁμιλληθῶμεν πάντες.
아테네인: 참으로 그러한 목표를 향해 우리 모두 경쟁하세.
συλλήπτωρ γὰρ τούτου γε ὑμῖν καὶ ἐγὼ γιγνοίμην ἂν προθύμως—πρὸς δʼ ἐμοὶ καὶ ἑτέρους ἴσως εὑρήσω—διὰ τὴν περὶ τὰ τοιαῦτʼ ἐμπειρίαν τε καὶ σκέψιν γεγονυῖάν μοι καὶ μάλα συχνήν.
나 또한 기꺼이 자네들의 이 일에 협력자가 되겠네. 그리고 나 외에도 아마 다른 이들을 찾아낼 수 있을 것이네. 나에게는 이러한 일들에 관한 경험과 고찰이 아주 많이 쌓여 있기 때문일세.
ΚΛ. ἀλλʼ, ὦ ξένε, παντὸς μὲν μᾶλλον ταύτῃ πορευτέον ᾗπερ καὶ ὁ θεὸς ἡμᾶς σχεδὸν ἄγει·
클레이니아스: 하지만, 외지인이여, 신이 우리를 거의 이끄시는 그 길로 어떻게든 나아가야만 합니다.
τίς δὲ ὁ τρόπος ἡμῖν γιγνόμενος ὀρθῶς γίγνοιτʼ ἄν, τοῦτο δὴ τὰ νῦν λέγωμέν τε καὶ ἐρευνῶμεν.
그러나 우리에게 어떤 방식이 행해져야 올바른 것이 되겠습니까? 바로 이 점을 이제 이야기하고 탐구해 봅시다.
ΑΘ. οὐκέτι νόμους, ὦ Μέγιλλε καὶ Κλεινία, περὶ τῶν τοιούτων δυνατόν ἐστιν νομοθετεῖν, πρὶν ἂν κοσμηθῇ—τότε δὲ κυρίους ὧν αὐτοὺς δεῖ γίγνεσθαι νομοθετεῖν—ἀλλὰ ἤδη τὸ τὰ τοιαῦτα κατασκευάζον διδαχὴ μετὰ συνουσίας πολλῆς γίγνοιτʼ ἄν, εἰ γίγνοιτο ὀρθῶς.
아테네인: 메길로스와 클레이니아스여, 그러한 일들에 관해서는 그것이 질서 지어지기 전에는 더 이상 법률을 제정하는 것이 불가능하네. ――그때가 되어서야 비로소 그들이 스스로 제정해야 할 일들의 주권자가 되어야 하네―― 오히려 올바르게 이루어지기만 한다면, 많은 교제를 수반한 가르침이 그러한 일들을 조직해 줄 것이네.
ΚΛ. πῶς;
클레이니아스: 어떻게 말입니까?
τί τοῦτο εἰρῆσθαι φῶμεν αὖ;
이것이 또 어떤 뜻으로 하신 말씀이라고 해야 하겠습니까?
ΑΘ. πρῶτον μὲν δήπου καταλεκτέος ἂν εἴη κατάλογος τῶν ὅσοι ἐπιτήδειοι πρὸς τὴν τῆς φυλακῆς φύσιν ἂν εἶεν ἡλικίαις τε καὶ μαθημάτων δυνάμεσιν καὶ τρόπων ἤθεσιν καὶ ἔθεσιν·
아테네인: 우선 첫째로, 아마 연령과 학습 능력, 성품의 기질과 습속에 있어 수호자의 본성에 적합한 사람들의 명단을 작성해야 할 것이네.
μετὰ δὲ τοῦτο, ἃ δεῖ μανθάνειν οὔτε εὑρεῖν ῥᾴδιον οὔτε ηὑρηκότος ἄλλου μαθητὴν γενέσθαι.
그다음으로, 배워야 할 것들은 스스로 발견하기도 쉽지 않고, 발견한 다른 사람의 제자가 되기도 쉽지 않네.
πρὸς τούτοις δὲ χρόνους, οὕς τε καὶ ἐν οἷς δεῖ παραλαμβάνειν ἕκαστα, μάταιον ταῦτʼ ἐν γράμμασιν λέγειν·
게다가 각각의 것들을 얼마나 긴 시간 동안, 그리고 언제 습득해야 하는지에 대한 기간에 관해서는, 이를 글로 적어 말하는 것은 무익하네.
οὐδὲ γὰρ αὐτοῖς τοῖς μανθάνουσι δῆλα γίγνοιτʼ ἂν ὅτι πρὸς καιρὸν μανθάνεται, πρὶν ἐντὸς τῆς ψυχῆς ἑκάστῳ που μαθήματος ἐπιστήμην γεγονέναι.
배우는 자들 스스로에게도, 각각의 배움에 대한 지식이 혼 내부에 어쩌면 성립하기 전까지는, 그것이 적절한 시기에 배워지고 있는지가 분명해지지 않을 것이기 때문이네.
οὕτω δὴ πάντα τὰ περὶ ταῦτα ἀπόρρητα μὲν λεχθέντα οὐκ ἂν ὀρθῶς λέγοιτο, ἀπρόρρητα δὲ διὰ τὸ μηδὲν προρρηθέντα δηλοῦν τῶν λεγομένων.
따라서 이러한 일들에 관한 모든 것은, 만약 '미리 말할 수 없는 것(비밀)'이라고 말해진다면 올바르게 말해지는 것이 아니며, 그렇다고 '미리 말할 수 있는 것'이라고 할 수도 없으니, 미리 예고된다고 해도 그것이 말하고자 하는 바를 전혀 밝혀주지 못하기 때문이네.
ΚΛ. τί οὖν δὴ ποιητέον ἐχόντων τούτων οὕτως, ὦ ξένε;
클레이니아스: 그렇다면 외지인이여, 상황이 이러하다면 우리는 도대체 무엇을 해야 합니까?
§12.969ΑΘ. τὸ λεγόμενον, ὦ φίλοι, ἐν κοινῷ καὶ μέσῳ ἔοικεν ἡμῖν κεῖσθαι, καὶ εἴπερ κινδυνεύειν περὶ τῆς πολιτείας ἐθέλομεν συμπάσης, ἢ τρὶς ἕξ, φασίν, ἢ τρεῖς κύβους βάλλοντες, ταῦτα ποιητέον, ἐγὼ δʼ ὑμῖν συγκινδυνεύσω τῷ φράζειν τε καὶ ἐξηγεῖσθαι τά γε δεδογμένα ἐμοὶ περὶ τῆς παιδείας τε καὶ τροφῆς τῆς νῦν αὖ κεκινημένης τοῖς λόγοις·
아테네인: 친구들이여, 속담에 이르듯 승부는 우리 공동의 한가운데에 놓여 있는 것 같네. 만약 우리가 나라의 제도 전체를 걸고 모험을 하고자 한다면, 사람들이 말하듯 세 개의 6 또는 세 개의 1을 던지는 심정으로 이 일을 해야 하네. 그리고 나 또한 이제 다시 논의에서 제기된 교육과 양육에 관해 나에게 결정된 바를 밝히고 설명함으로써 자네들과 함께 모험을 하겠네.
τὸ μέντοι κινδύνευμα οὐ σμικρὸν οὐδʼ ἑτέροις τισὶν προσφερὲς ἂν εἴη.
하지만 그 모험은 작은 것이 아니며, 다른 어떤 것과도 유사하지 않을 것이네.
σοὶ δὴ τοῦτό γε, ὦ Κλεινία, μέλειν παρακελεύομαι·
클레이니아스여, 자네에게 바로 이 일을 명심할 것을 권하네.
σὺ γὰρ τὴν Μαγνήτων πόλιν, ἢ ᾧ ἂν θεὸς ἐπώνυμον αὐτὴν ποιήσῃ, κλέος ἀρῇ μέγιστον κατασκευάσας αὐτὴν ὀρθῶς, ἢ τό γε ἀνδρειότατος εἶναι δοκεῖν τῶν ὕστερον ἐπιγιγνομένων οὐκ ἐκφεύξῃ ποτέ.
자네가 마그네스인의 나라를, 혹은 신이 여기에 어떤 이름을 붙이든 간에, 올바르게 건립한다면 가장 큰 명예를 얻거나, 적어도 후세 사람들 중에서 가장 용감한 자로 여겨지는 일에서 결코 벗어나지 못할 것이기 때문이네.
ἐάν γε μὴν οὗτος ἡμῖν ὁ θεῖος γένηται σύλλογος, ὦ φίλοι ἑταῖροι, παραδοτέον τούτῳ τὴν πόλιν, ἀμφισβήτησίς τε οὐκ ἔστʼ οὐδεμία οὐδενὶ τῶν νῦν παρὰ ταῦθʼ ὡς ἔπος εἰπεῖν νομοθετῶν, ὄντως δὲ ἔσται σχεδὸν ὕπαρ ἀποτετελεσμένον οὗ σμικρῷ πρόσθεν ὀνείρατος ὣς τῷ λόγῳ ἐφηψάμεθα, κεφαλῆς νοῦ τε κοινωνίας εἰκόνα τινά πως συμμείξαντες, ἐὰν ἄρα ἡμῖν οἵ τε ἄνδρες ἀκριβῶς ἐκλεχθῶσι, παιδευθῶσί τε προσηκόντως, παιδευθέντες τε ἐν ἀκροπόλει τῆς χώρας κατοικήσαντες, φύλακες ἀποτελεσθῶσιν οἵους ἡμεῖς οὐκ εἴδομεν ἐν τῷ πρόσθεν βίῳ πρὸς ἀρετὴν σωτηρίας γενομένους.
사랑하는 동료들이여, 만약 우리의 이 신성한 회의가 실현된다면, 여기에 나라를 넘겨주어야 하네. 그리고 이에 반하여 말하는 오늘날의 입법자들에게는 말하자면 그 누구에게도 논쟁의 여지가 없네. 그리고 조금 전에 꿈속에서처럼 말로 만저보았던 것, 즉 머리와 지성의 결합이라는 어떤 이미지를 나름대로 혼합했던 것이 실제 현실 속에서 거의 완수될 것이네. 만약 사람들이 엄격하게 선발되고, 적절하게 교육을 받으며, 교육을 받은 뒤에 그 나라의 아크로폴리스에 거주하여, 우리가 이전에 살면서 덕에 관해, 나라의 구제를 위해 그러한 모습을 본 적이 없는 완벽한 수호자들이 된다면 말이네.
ΜΕ. ὦ φίλε Κλεινία, ἐκ τῶν νῦν ἡμῖν εἰρημένων ἁπάντων ἢ τὴν πόλιν ἐατέον τῆς κατοικίσεως ἢ τὸν ξένον τόνδε οὐκ ἀφετέον, ἀλλὰ δεήσεσιν καὶ μηχαναῖς πάσαις κοινωνὸν ποιητέον ἐπὶ τὴν τῆς πόλεως κατοίκισιν.
메길로스: 사랑하는 클레이니아스여, 지금까지 우리에게 말해진 모든 것으로 보아, 나라의 창건을 포기하든가, 아니면 이 외지인을 절대 보내지 않고 온갖 간청과 방책을 다하여 나라의 창건에 협력자로 삼아야 하네.
ΚΛ. ἀληθέστατα λέγεις, ὦ Μέγιλλε, καὶ ἐγὼ ποιήσω ταῦθʼ οὕτως καὶ σὺ συλλάμβανε.
클레이니아스: 메길로스여, 참으로 올바른 말씀입니다. 저도 그렇게 할 테니 자네도 도와주게.
ΜΕ. συλλήψομαι.
메길로스: 돕겠네.