§11.937ΑΘ.ἐάν τις ἑκὼν μὴ ʼθέλῃ μαρτυρεῖν, προκαλεῖσθαι τὸν δεόμενον, ὁ δὲ κληθεὶς ἀπαντάτω πρὸς τὴν δίκην, καὶ ἐὰν μὲν εἰδῇ καὶ ἐθέλῃ μαρτυρεῖν, μαρτυρείτω, ἐὰν δὲ εἰδέναι μὴ φῇ, τοὺς τρεῖς θεοὺς Δία καὶ Ἀπόλλωνα καὶ Θέμιν ἀπομόσας ἦ μὴν μὴ εἰδέναι ἀπαλλαττέσθω τῆς δίκης·
아테나인: 만약 누군가 자발적으로 증언하기를 원치 않는다면, 그것을 필요로 하는 자가 그를 소환해야 하며, 소환된 자는 재판에 출두해야 하네. 그리고 만약 그가 사실을 알고 있으며 증언하기를 원한다면 증언하게 하되, 만약 알지 못한다고 말한다면, 세 신 즉 제우스와 아폴론과 테미스에 걸고 참으로 알지 못함을 맹세하여 재판의 의무에서 벗어나게 하세.
ὁ δʼ εἰς μαρτυρίαν κληθείς, μὴ ἀπαντῶν δὲ τῷ καλεσαμένῳ, τῆς βλάβης ὑπόδικος ἔστω κατὰ νόμον.
그러나 증언하도록 소환되었음에도 소환한 자에게 출두하지 않는 자는 법률에 따라 그 손해에 대하여 기소 대상이 되도록 하세.
ἐὰν δέ τίς τινα δικάζοντα ἀναστήσηται μάρτυρα, μαρτυρήσας μὴ διαψηφιζέσθω περὶ ταύτης τῆς δίκης.
그리고 만약 누군가 재판을 진행하고 있는 자를 증인으로 세운다면, 그는 증언한 후에 이 재판에 대한 표결에 참여해서는 안 되네.
γυναικὶ δʼ ἐξέστω ἐλευθέρᾳ μαρτυρεῖν καὶ συνηγορεῖν, ἐὰν ὑπὲρ τετταράκοντα ἔτη ᾖ γεγονυῖα, καὶ δίκην λαγχάνειν, ἐὰν ἄνανδρος ᾖ·
자유민 여성에게는 마흔 살이 넘었을 경우 증언하고 변호하는 것이 허용되며, 남편이 없을 경우 소송을 제기하는 것이 허용되네.
ζῶντος δὲ ἀνδρὸς ἐξέστω μαρτυρῆσαι μόνον.
그러나 남편이 살아 있는 동안에는 증언하는 것만 허용되네.
δούλῃ δὲ καὶ δούλῳ καὶ παιδὶ φόνου μόνον ἐξέστω μαρτυρεῖν καὶ συνηγορεῖν, ἐὰν ἐγγυητὴν ἀξιόχρεων ἦ μὴν μενεῖν καταστήσῃ μέχρι δίκης, ἐὰν ἐπισκηφθῇ τὰ ψευδῆ μαρτυρῆσαι.
여종과 남종 그리고 아이에게는 살인 사건에 대해서만 증언하고 변호하는 것이 허용되네. 단, 그들이 거짓 증언을 했다고 고발당할 경우를 대비하여 재판 때까지 참으로 머물겠다는 충분한 보증인을 세우는 경우에 한하네.
ἐπισκήπτεσθαι δὲ τῶν ἀντιδίκων ἑκάτερον ὅλῃ τῇ μαρτυρίᾳ καὶ μέρει, ἐὰν τὰ ψευδῆ φῇ τινα μεμαρτυρηκέναι, πρὶν τὴν δίκην διακεκρίσθαι·
그리고 소송 당사자 쌍방은, 누군가 거짓 증언을 했다고 주장할 경우, 재판의 판결이 내리기 전에 증언의 전체나 일부에 대해 거짓 증언으로 고발할 수 있네.
τὰς δʼ ἐπισκήψεις τὰς ἀρχὰς φυλάττειν κατασεσημασμένας ὑπʼ ἀμφοῖν, καὶ παρέχειν εἰς τὴν τῶν ψευδομαρτυριῶν διάκρισιν.
관청들은 쌍방에 의해 봉인된 고발장들을 보관해야 하며, 위증죄의 판정을 위해 제출해야 하네.
ἐὰν δέ τις ἁλῷ δὶς ψευδομαρτυρῶν, τοῦτον μηκέτι νόμος ἀναγκαζέτω μηδεὶς μαρτυρεῖν, ἐὰν δὲ τρίς, μηκέτʼ ἐξέστω τούτῳ μαρτυρεῖν·
만약 누군가 위증죄로 두 번 유죄 판결을 받는다면, 그 어떤 법률도 이 자에게 더 이상 증언하도록 강제해서는 안 되며, 세 번 판결을 받는다면 이 자에게는 더 이상 증언하는 것을 허용해서는 안 되네.
ἐὰν δὲ τολμήσῃ μαρτυρῆσαι τρὶς ἑαλωκώς, ἐνδεικνύτω μὲν πρὸς τὴν ἀρχὴν ὁ βουλόμενος αὐτόν, ἡ δʼ ἀρχὴ δικαστηρίῳ παραδότω, ἐὰν δὲ ὄφλῃ, θανάτῳ ζημιούσθω.
만약 세 번 판결을 받고서도 감히 증언하려 한다면, 원하는 자는 누구든 그를 관청에 고발하게 하고, 관청은 그를 법정에 넘겨야 하며, 만약 유죄 판결을 받는다면 사형에 처해져야 하네.
ὁπόσων δʼ ἂν μαρτυρίαι ἁλῶσιν δίκῃ, ψευδῆ δοξάντων μαρτυρεῖν καὶ τὴν νίκην τῷ ἑλόντι πεποιηκέναι, ἐὰν τῶν τοιούτων ὑπὲρ ἥμισυ μαρτυριῶν καταδικασθῶσίν τινες, τὴν κατὰ ταύτας ἁλοῦσαν δίκην ἀνάδικον γίγνεσθαι, ἀμφισβήτησιν δʼ εἶναι καὶ διαδικασίαν εἴτε κατὰ ταύτας εἴτε μὴ ἡ δίκη ἐκρίθη, ὁποτέρως δʼ ἂν κριθῇ, ταύτῃ γιγνέσθω τὸ τέλος τῶν ἔμπροσθεν δικῶν.
많은 증언이 소송에서 거짓 증언을 한 것으로 판정되어 승소한 자에게 승리를 가져다준 것으로 유죄 판결을 받았을 때, 만약 그러한 증언들 중 절반 이상에 대해 누군가 유죄 판결을 받는다면, 이 증언들에 따라 유죄 판결을 받은 재판은 재심에 붙여지게 되네. 그리고 이 증언들에 따라 재판이 판결되었는지 아닌지에 대한 쟁송과 사법 절차가 있어야 하며, 어느 쪽으로 판결되든 그것으로 이전 재판들의 최종 결정이 이루어지게 하세.
πολλῶν δὲ ὄντων καὶ καλῶν ἐν τῷ τῶν ἀνθρώπων βίῳ, τοῖς πλείστοις αὐτῶν οἷον κῆρες ἐπιπεφύκασιν, αἳ καταμιαίνουσίν τε καὶ καταρρυπαίνουσιν αὐτά·
인간의 삶에는 많고 아름다운 것들이 존재하지만, 그것들의 대부분에는 일종의 파멸의 신 같은 것이 자라나 그것들을 더럽히고 오염시키네.
καὶ δὴ καὶ δίκη ἐν ἀνθρώποις πῶς οὐ καλόν, ὃ πάντα ἡμέρωκεν τὰ ἀνθρώπινα;
참으로 인간들 사이에서의 재판은 인간적인 모든 것을 길들여 왔으니 어찌 아름답지 않겠는가?
καλοῦ δὲ ὄντος τούτου, πῶς οὐ καὶ τὸ συνδικεῖν ἡμῖν γίγνοιτʼ ἂν καλόν;
그리고 이것이 아름다운 것이라면, 우리가 변호하는 것 역시 어찌 아름답지 않겠는가?
ταῦτα οὖν τοιαῦτα ὄντα διαβάλλει τις κάκη, καλὸν ὄνομα προστησαμένη τέχνην, ἣ πρῶτον μὲν δή φησιν εἶναί τινα δικῶν μηχανήν—εἶναι δʼ αὐτὴ τοῦ τε δικάσασθαι καὶ συνδικεῖν ἄλλῳ—νικᾶν δυναμένην, ἄντʼ οὖν δίκαια ἄντε μὴ τὰ περὶ τὴν δίκην ἑκάστην ᾖ πεπραγμένα·
그런데 이와 같이 훌륭한 것들을 어떤 악덕이 ‘기술’이라는 아름다운 이름을 내걸고 비방하고 있네. 그것은 먼저 재판에 있어서의 어떤 방책이 존재한다고 주장하며—그것 자체가 스스로 소송을 제기하고 타인을 변호하기 위한 기술이라고 하면서—각각의 재판에 관한 일들이 정의롭게 행해졌든 그렇지 않든 이길 수 있다고 주장하네.
§11.938ΑΘ. δωρεὰν δʼ αὐτῆς εἶναι τῆς τέχνης καὶ τῶν λόγων τῶν ἐκ τῆς τέχνης, ἂν ἀντιδωρῆταί τις χρήματα.
아테나인: 그리고 만약 누군가 대가로 돈을 준다면 그 기술 자체와 그 기술에서 나오는 연설이 선물이 된다고 주장하네.
ταύτην οὖν ἐν τῇ παρʼ ἡμῖν πόλει, εἴτʼ οὖν τέχνη εἴτε ἄτεχνός ἐστίν τις ἐμπειρία καὶ τριβή, μάλιστα μὲν δὴ χρεών ἐστιν μὴ φῦναι·
그러므로 우리 포리스에서는 그것이 기술이든 혹은 기술이 없는 어떤 경험과 숙련이든 간에, 무엇보다도 아예 생겨나지 않는 것이 가장 마땅하네.
δεομένου δὲ τοῦ νομοθέτου πείθεσθαι καὶ μὴ ἐναντία δίκῃ φθέγγεσθαι, πρὸς ἄλλην δὲ ἀπαλλάττεσθαι χώραν, πειθομένοις μὲν σιγή, ἀπειθοῦσιν δὲ φωνὴ νόμου ἥδε·
입법자가 복종하여 정의에 반하는 말을 하지 말고 다른 나라로 떠나갈 것을 요구하지만, 복종하는 자들에게는 침묵이, 복종하지 않는 자들에게는 다음과 같은 법률의 목소리가 적용되네.
ἄν τις δοκῇ πειρᾶσθαι τὴν τῶν δικαίων δύναμιν ἐν ταῖς τῶν δικαστῶν ψυχαῖς ἐπὶ τἀναντία τρέπειν καὶ παρὰ καιρὸν πολυδικεῖν τῶν τοιούτων ἢ καὶ συνδικεῖν, γραφέσθω μὲν ὁ βουλόμενος αὐτὸν κακοδικίας ἢ καὶ συνδικίας κακῆς, κρινέσθω δὲ ἐν τῷ τῶν ἐκλεκτῶν δικαστηρίῳ, ὀφλόντος δέ, τιμάτω τὸ δικαστήριον εἴτε φιλοχρηματίᾳ δοκεῖ δρᾶν τὸ τοιοῦτον εἴτε φιλονικίᾳ, καὶ ἐὰν μὲν φιλονικίᾳ, τιμᾶν αὐτῷ τὸ δικαστήριον ὅσου χρὴ χρόνου τὸν τοιοῦτον μηδενὶ λαχεῖν δίκην μηδὲ συνδικῆσαι, ἐὰν δὲ φιλοχρηματίᾳ, τὸν μὲν ξένον ἀπιόντα ἐκ τῆς χώρας μήποτε πάλιν ἐλθεῖν ἢ θανάτῳ ζημιοῦσθαι, τὸν ἀστὸν δὲ τεθνάναι φιλοχρημοσύνης ἕνεκα τῆς ἐκ παντὸς τρόπου παρʼ αὐτῷ τιμωμένης·
만약 누군가 재판관들의 영혼 속에 있는 정의의 힘을 정반대로 돌리려 꾀하고, 부적절하게 그러한 부류의 소송을 남발하거나 변호하는 것으로 보인다면, 원하는 자는 누구든 그를 악덕 소송이나 악덕 변호의 죄로 기소하게 하고, 선출된 재판관들로 구성된 법정에서 재판받게 하세. 그리고 유죄 판결을 받았을 때, 법정은 그가 돈을 바라는 마음에서 그러한 짓을 하는 것으로 보이는지 아니면 이기고자 하는 마음에서 그러는 것인지 판정하게 하세. 그리하여 만약 이기고자 하는 마음에서라면, 법정은 그러한 자가 얼마 동안 그 누구에게도 소송을 제기해서도 변호해서도 안 되는지 그 기간을 판정하게 하고, 만약 돈을 바라는 마음에서라면, 외국인은 이 나라를 떠나 다시는 돌아오지 못하게 하되 돌아서면 사형에 처하고, 시민은 그가 온갖 방법으로 자기 안에서 숭상하는 돈을 바라는 마음의 대가로 사형에 처해져야 하네.
καὶ ἐάν τις φιλονικίᾳ κριθῇ δὶς τὸ τοιοῦτον δρᾶν, τεθνάτω.
그리고 만약 누군가 이기고자 하는 마음에서 그러한 짓을 했다고 두 번 판결을 받는다면 사형에 처해져야 하네.