§11.927ΑΘ. εἴς τινα γὰρ οὖν μοι καιρὸν φαινόμεθα τοὺς ἔμπροσθεν λόγους διεξελθεῖν, ὡς ἄρα αἱ τῶν τελευτησάντων ψυχαὶ δύναμιν ἔχουσίν τινα τελευτήσασαι, ᾗ τῶν κατʼ ἀνθρώπους πραγμάτων ἐπιμελοῦνται·
아테나인: 실로 우리는 이전의 논의, 즉 죽은 자들의 영혼이 사후에도 어떤 힘을 가지고 있어서 그것으로 인간의 일들을 돌본다는 주장을 참으로 시의적절한 때에 마친 것으로 보이네.
ταῦτα δὲ ἀληθεῖς μέν, μακροὶ δʼ εἰσὶν περιέχοντες λόγοι, πιστεύειν δὲ ταῖς ἄλλαις φήμαις χρεὼν περὶ τὰ τοιαῦτα, οὕτω πολλαῖσιν καὶ σφόδρα παλαιαῖς οὔσαις, πιστεύειν δʼ αὖ καὶ τοῖς νομοθετοῦσιν ταῦθʼ οὕτως ἔχειν, ἄνπερ μὴ παντάπασιν ἄφρονες φαίνωνται.
이들은 진리이기는 하지만 많은 내용을 포함하는 긴 논의라네. 그러나 이러한 일들에 대해서는 매우 많고 극히 오래된 다른 전승들을 믿어야 하며, 또한 이것이 그러하다고 규정하는 입법자들도 그들이 완전히 어리석어 보이지 않는 한 믿어야 하네.
ταύτῃ δὲ εἰ ταῦτʼ ἐστὶν κατὰ φύσιν, πρῶτον μὲν τοὺς ἄνω θεοὺς φοβείσθων, οἳ τῶν ὀρφανῶν τῆς ἐρημίας αἰσθήσεις ἔχουσιν, εἶτα τὰς τῶν κεκμηκότων ψυχάς, αἷς ἐστιν ἐν τῇ φύσει τῶν αὑτῶν ἐκγόνων κήδεσθαι διαφερόντως καὶ τιμῶσίν τε αὐτοὺς εὐμενεῖς εἶναι καὶ ἀτιμάζουσιν δυσμενεῖς, ἔτι δὲ τὰς τῶν ζώντων μέν, ἐν γήρᾳ δὲ ὄντων καὶ ἐν μεγίσταις τιμαῖς—ὅπουπερ πόλις εὐνομοῦσα εὐδαιμονεῖ, τούτους οἱ παῖδες παίδων φιλοστοργοῦντες ζῶσι μεθʼ ἡδονῆς·
그리고 만약 이러한 일들이 자연에 부합하는 것이라면, 우선 고아들의 고독을 살피시는 지상의 신들을 두려워해야 하고, 다음으로 자신의 후손들을 특별히 돌보며 자신들을 공경하는 자들에게는 호의를 베풀고 소홀히 하는 자들에게는 적의를 품는 성품을 본래 지닌 죽은 자들의 영혼을 두려워해야 하네. 나아가 살아 있기는 하나 노년기에 있으며 최고의 경의를 받는 자들의 영혼 또한 두려워해야 하네. 잘 다스려진 포리스가 행복을 누리는 곳에서, 이들을 자녀들의 자녀들이 지극히 사랑하며 기쁨 속에 살아가고 있네.
καὶ τὰ περὶ ταῦτα ὀξὺ μὲν ἀκούουσιν βλέπουσίν τε ὀξύ, τοῖς τε περὶ αὐτὰ δικαίοις εὐμενεῖς εἰσιν, νεμεσῶσίν τε μάλιστα αὖ τοῖς εἰς ὀρφανὰ καὶ ἔρημα ὑβρίζουσιν, παρακαταθήκην εἶναι μεγίστην ἡγούμενοι καὶ ἱερωτάτην—οἷς ἐπίτροπον καὶ ἄρχοντα πᾶσι δεῖ τὸν νοῦν, ᾧ καὶ βραχὺς ἐνείη, προσέχοντα, καὶ εὐλαβούμενον περὶ τροφήν τε καὶ παιδείαν ὀρφανῶν, ὡς ἔρανον εἰσφέροντα ἑαυτῷ τε καὶ τοῖς αὑτοῦ, κατὰ δύναμιν πάντως πᾶσαν εὐεργετεῖν.
그리고 그들은 이러한 일들에 대해 예리하게 듣고 예리하게 보며, 그것들에 관한 정의를 행하는 자들에게는 호의를 베풀고, 반면에 고아들과 버려진 자들을 모욕하는 자들에게는 가장 격렬하게 분노하네. 그들은 고아를 가장 위대하고 가장 신성한 기탁물로 여기기 때문이네. 아주 적은 지성이라도 가진 자라면, 모든 후견인과 지배자는 이 지성에 주의를 기울여 고아의 양육과 교육에 신중해야 하며, 자신과 자기 권속을 위해 무공계를 납부하듯이 모든 힘을 다해 그들을 도와야 하네.
ὁ μὲν δὴ πεισθεὶς τῷ πρὸ τοῦ νόμου μύθῳ καὶ μηδὲν εἰς ὀρφανὸν ὑβρίσας οὐκ εἴσεται ἐναργῶς τὴν περὶ τὰ τοιαῦτα ὀργὴν νομοθέτου, ὁ δὲ ἀπειθὴς καί τινα πατρὸς ἢ μητρὸς ἔρημον ἀδικῶν διπλῆν τινέτω πᾶσαν τὴν βλάβην ἢ περὶ τὸν ἀμφιθαλῆ γενόμενος κακός.
법 이전의 신화에 설득되어 고아에게 아무런 모욕도 가하지 않은 자는, 그러한 일들에 대한 입법자의 분노를 실제로 겪지는 않을 것이네. 그러나 불복종하여 아버지나 어머니를 잃은 고아를 부당하게 대하는 자는, 양부모가 건재한 자에게 악행을 저지른 경우보다 모든 손해에 대해 두 배를 치러야 하네.
τὴν δὲ ἄλλην νομοθεσίαν ἐπιτρόποισίν τε περὶ ὀρφανοὺς ἄρχουσίν τε περὶ τὴν ἐπιμέλειαν τῶν ἐπιτρόπων, εἰ μὲν μὴ παράδειγμά τε τροφῆς παίδων ἐλευθέρων ἐκέκτηντο αὐτοὶ τρέφοντες τοὺς αὑτῶν καὶ τῶν οἰκείων χρημάτων ἐπιμελούμενοι, ἔτι δὲ νόμους περὶ αὐτῶν τούτων μετρίως διειρημένους εἶχον, εἶχέν τινα λόγον ἂν ἐπιτροπικούς τινας νόμους, ὡς ὄντας ἰδίᾳ διαφέροντας πολύ, τιθέναι, ποικίλλοντας ἐπιτηδεύμασιν ἰδίοις τὸν τῶν ὀρφανῶν βίον παρὰ τὸν τῶν μή·
후견인에 대한 그 밖의 입법 및 후견인 감독에 관한 지배자에 대한 입법에 관해서는, 만약 그들 자신이 자식을 기르고 자기 재산을 관리하면서 자유민 자녀의 양육에 대한 본보기를 갖추지 못했거나, 나아가 이것들 자체에 대해 적절히 규정된 법률을 가지고 있지 않았다면, 고아의 생활을 고아가 아닌 자의 생활과 다른 독자적인 관행으로 다양하게 만드는, 사적으로 크게 다른 것으로서의 후견용 법률을 몇 가지 제정하는 것도 나름대로 일리가 있었을 것이네.
νῦν δὲ εἰς μὲν τὰ τοιαῦτα σύμπαντα οὐ πολὺ διαφέρον ἡ παρʼ ἡμῖν ὀρφανία κέκτηται τῆς πατρονομικῆς, τιμαῖς δὲ καὶ ἀτιμίαις ἅμα καὶ ἐπιμελείαισιν οὐδαμῶς ἐξισοῦσθαι φιλεῖ.
그러나 이제 그러한 모든 일에서 우리 포리스의 고아 처지는 아버지를 상속받는 자들의 처지와 크게 다르지 않으나, 경의와 불명예, 그리고 동시에 받는 보살핌에 있어서는 결코 같은 대우를 받는 경향이 없네.
§11.928ΑΘ. διὸ δὴ περὶ τοῦτο αὐτὸ τὴν ὀρφανῶν πέρι νομοθεσίαν παραμυθούμενός τε καὶ ἀπειλῶν ὁ νόμος ἐσπούδακεν.
아테나인: 그러므로 바로 이 점에 대해, 법은 고아에 관한 입법을 열성적으로 행하며 위로와 위협을 동시에 사용하고 있네.
ἔτι δʼ ἀπειλή τις ἂν τοιάδε εἴη μάλα ἔγκαιρος·
나아가 다음과 같은 위협은 매우 시의적절할 것이네.
ὃς ἂν θῆλυν εἴτε ἄρρενα ἐπιτροπεύῃ, καὶ ὃς ἂν ἐπιτρόπου φύλαξ τῶν νομοφυλάκων καταστὰς ἐπιμελῆται, μὴ χεῖρον ἀγαπάτω τῶν αὑτοῦ τέκνων τὸν τῆς ὀρφανικῆς μετειληφότα τύχης, μηδὲ τῶν οἰκείων τῶν τοῦ τρεφομένου χεῖρον χρημάτων ἐπιμελείσθω, βέλτιον δὲ ἢ τῶν αὑτοῦ κατὰ προθυμίαν.
즉, 여아든 남아든 고아의 후견을 맡은 자, 그리고 후견인의 감시자로서 수법관으로부터 임명되어 보살핌을 행하는 자는, 고아의 처지를 나누어 가진 자를 자기 자식 이상으로 사랑해야 하며, 그 양육되는 자의 재산을 자기 재산 이상으로 나쁘게 관리해서는 안 되고, 오히려 열성을 다해 자기 재산보다 더 잘 관리해야 하네.
ἕνα δὲ τοῦτον νόμον ἔχων ὀρφανῶν πέρι πᾶς ἐπιτροπευέτω·
모든 이는 고아에 관해 이 한 가지 법률을 지니고 후견을 행하도록 하세.
ἐὰν δὲ ἄλλως τις περὶ τὰ τοιαῦτα πράττῃ παρὰ τὸν νόμον τόνδε, ὁ μὲν ἄρχων ζημιούτω τὸν ἐπίτροπον, ὁ δὲ ἐπίτροπος τὸν ἄρχοντα εἰς τὸ τῶν ἐκκρίτων δικαστήριον εἰσάγων ζημιούτω τῷ δόξαντι τιμήματι τῷ δικαστηρίῳ διπλῇ.
만약 누군가가 이러한 일들에 대해 이 법률을 위반하여 행동한다면, 지배자는 그 후견인에게 벌을 내리고, 후견인은 그 지배자를 재판에 회부하기 위해 선출된 재판관들의 재판소로 끌고 가 재판소가 승인한 사정액의 두 배의 벌을 내리도록 하세.
ἐὰν δʼ ἐπίτροπος ἀμελεῖν ἢ κακουργεῖν δοκῇ τοῖς οἰκείοις ἢ καὶ τῶν ἄλλων τινὶ πολιτῶν, εἰς ταὐτὸν ἀγέτω δικαστήριον·
만약 후견인이 친족이나 다른 시민의 누군가에게 태만하거나 악행을 저지른 것으로 보인다면, 같은 재판소로 끌고 가야 하네.
ὅτι δʼ ἂν ὄφλῃ, τετραπλασίαν μὲν τούτου τίνειν, γιγνέσθω δὲ τὸ μὲν ἥμισυ τοῦ παιδός, τὸ δʼ ἥμισυ τοῦ καταδικασαμένου τὴν δίκην.
그리고 유죄로 판결된 액수의 네 배를 치르도록 하되, 그 절반은 아이의 것이 되고 절반은 유죄 판결을 얻어낸 소송인의 것이 되게 하세.
ἅμα δʼ ἂν ἡβήσῃ τις τῶν ὀρφανῶν, ἐὰν ἡγῆται κακῶς ἐπιτροπευθῆναι, μέχρι πέντε ἐτῶν ἐξηκούσης τῆς ἐπιτροπῆς ἔστω δίκην λαχεῖν ἐπιτροπίας·
동시에 고아 중 누군가가 성년이 되었을 때 자신이 부당하게 후견받았다고 생각한다면, 후견 기간이 만료된 지 5년 이내에는 후견에 관한 소송을 제기할 수 있도록 하세.
ἐὰν δέ τις ὄφλῃ τῶν ἐπιτρόπων, τιμᾶν τὸ δικαστήριον ὅτι χρὴ παθεῖν ἢ ἀποτίνειν, ἐὰν δὲ δὴ τῶν ἀρχόντων, ἀμελείᾳ μὲν δόξας κακῶσαι τὸν ὀρφανόν, ὅτι χρὴ τίνειν αὐτὸν τῷ παιδί, τιμάτω τὸ δικαστήριον, ἐὰν δὲ ἀδικίᾳ, πρὸς τῷ τιμήματι, τῆς ἀρχῆς τῶν νομοφυλάκων ἀφιστάσθω, τὸ δὲ κοινὸν τῆς πόλεως ἕτερον νομοφύλακα ἀντὶ τούτου καθιστάτω τῇ χώρᾳ καὶ τῇ πόλει.
그리고 만약 후견인 중 누군가가 패소한다면 재판소는 그가 받아야 할 벌이나 치러야 할 액수를 사정해야 하네. 만약 지배자 중 누군가가 태만으로 고아에게 해를 끼친 것으로 판단된다면, 그가 아이에게 치러야 할 액수를 재판소가 사정하도록 하세. 만약 부정으로 해를 끼쳤다면, 사정액에 더하여 수법관의 직에서 해임되어야 하며, 포리스의 공동체는 그의 대신에 그 지역과 포리스를 위해 다른 수법관을 임명해야 하네.
διαφοραὶ πατέρων τε πρὸς αὑτῶν παῖδας γίγνονται καὶ παίδων πρὸς γεννητὰς μείζους ἢ χρεών, ἐν αἷς οἵ τε πατέρες ἡγοῖντʼ ἂν δεῖν τὸν νομοθέτην νομοθετεῖν ἐξεῖναί σφισιν, ἐὰν βούλωνται, τὸν ὑὸν ὑπὸ κήρυκος ἐναντίον ἁπάντων ἀπειπεῖν ὑὸν κατὰ νόμον μηκέτʼ εἶναι, ὑεῖς τʼ αὖ σφίσι πατέρας ὑπὸ νόσων ἢ γήρως διατιθεμένους αἰσχρῶς ἐξεῖναι παρανοίας γράφεσθαι·
아버지와 자신의 자녀들 사이, 그리고 자녀들과 친부모 사이에 필요 이상의 불화가 발생하기도 하네. 그 불화 속에서 아버지들은, 원한다면 전령관을 통해 모두가 보는 앞에서 그 아들이 법적으로 더 이상 자신의 아들이 아니라고 선언하는 것을 허용하도록 입법자가 입법해야 한다고 생각할 수 있네. 또한 자녀들 편에서도 병이나 노령으로 인해 추한 행동을 하는 아버지를 정신이상으로 고소하는 것이 법적으로 허용되어야 한다고 생각할 수 있네.
ταῦτα δὲ ὄντως ἐν παγκάκων ἤθεσιν ἀνθρώπων γίγνεσθαι φιλεῖ, ἐπεὶ ἡμίσεών γε ὄντων τῶν κακῶν, οἷον μὴ κακοῦ μὲν πατρός, ὑέος δέ, ἢ τοὐναντίον, οὐ γίγνονται συμφοραὶ τηλικαύτης ἔχθρας ἔκγονοι.
이러한 일들은 실제로 극도로 사악한 성품을 가진 인간들 사이에서 일어나기 마련이네. 악이 절반뿐이어서, 예를 들어 아버지는 나쁘지 않은데 아들이 나쁘거나 혹은 그 반대인 경우에는 이토록 큰 적의에서 비롯되는 불행이 일어나지 않기 때문이네.