§56ΤΙ. διὸ γῇ μὲν τοῦτο ἀπονέμοντες τὸν εἰκότα λόγον διασῴζομεν, ὕδατι δʼ αὖ τῶν λοιπῶν τὸ δυσκινητότατον εἶδος, τὸ δʼ εὐκινητότατον πυρί, τὸ δὲ μέσον ἀέρι·
그러므로 땅에 이 (정육면체) 형상을 분배함으로써 우리는 그럴듯한 논의를 보존하게 됩니다. 또한 나머지 것들 중에서 가장 움직이기 어려운 형상을 물에, 가장 움직이기 쉬운 것을 불에, 중간의 것을 공기에 분배합니다.
καὶ τὸ μὲν σμικρότατον σῶμα πυρί, τὸ δʼ αὖ μέγιστον ὕδατι, τὸ δὲ μέσον ἀέρι·
아울러 가장 작은 물체를 불에, 가장 큰 것을 물에, 중간의 것을 공기에.
καὶ τὸ μὲν ὀξύτατον αὖ πυρί, τὸ δὲ δεύτερον ἀέρι, τὸ δὲ τρίτον ὕδατι.
그리고 더 나아가 가장 날카로운 것을 불에, 두 번째 것을 공기에, 세 번째 것을 물에 분배합니다.
ταῦτʼ οὖν δὴ πάντα, τὸ μὲν ἔχον ὀλιγίστας βάσεις εὐκινητότατον ἀνάγκη πεφυκέναι, τμητικώτατόν τε καὶ ὀξύτατον ὂν πάντῃ πάντων, ἔτι τε ἐλαφρότατον, ἐξ ὀλιγίστων συνεστὸς τῶν αὐτῶν μερῶν·
이제 이 모든 것들에 관하여, 가장 적은 밑면을 가진 것이 본성상 가장 움직이기 쉽다는 것은 필연적이며, 그것은 모든 면에서 가장 잘 자르고 가장 날카로운 것이며, 또한 동일한 부분들 중 가장 적은 수로 구성되어 있기에 가장 가볍습니다.
τὸ δὲ δεύτερον δευτέρως τὰ αὐτὰ ταῦτʼ ἔχειν, τρίτως δὲ τὸ τρίτον.
그리고 두 번째 것은 두 번째로, 세 번째 것은 세 번째로 이러한 동일한 성질들을 가집니다.
ἔστω δὴ κατὰ τὸν ὀρθὸν λόγον καὶ κατὰ τὸν εἰκότα τὸ μὲν τῆς πυραμίδος στερεὸν γεγονὸς εἶδος πυρὸς στοιχεῖον καὶ σπέρμα·
그렇다면 올바른 이성과 그럴듯함에 따라, 사면체의 입체로 생성된 형상을 불의 원소이자 씨앗이라고 합시다.
τὸ δὲ δεύτερον κατὰ γένεσιν εἴπωμεν ἀέρος, τὸ δὲ τρίτον ὕδατος.
그리고 생성 순서상 두 번째인 것을 공기의 원소, 세 번째 것을 물의 원소라고 부르기로 합시다.
πάντα οὖν δὴ ταῦτα δεῖ διανοεῖσθαι σμικρὰ οὕτως, ὡς καθʼ ἓν ἕκαστον μὲν τοῦ γένους ἑκάστου διὰ σμικρότητα οὐδὲν ὁρώμενον ὑφʼ ἡμῶν, συναθροισθέντων δὲ πολλῶν τοὺς ὄγκους αὐτῶν ὁρᾶσθαι·
이제 이 모든 것들은, 각 부류의 개별적인 것들이 그 미세함으로 인해 우리에게 전혀 보이지 않으며, 많은 수가 모였을 때 비로소 그 부피가 보일 정도로 극히 미세한 것으로 생각해야 합니다.
καὶ δὴ καὶ τὸ τῶν ἀναλογιῶν περί τε τὰ πλήθη καὶ τὰς κινήσεις καὶ τὰς ἄλλας δυνάμεις πανταχῇ τὸν θεόν, ὅπῃπερ ἡ τῆς ἀνάγκης ἑκοῦσα πεισθεῖσά τε φύσις ὑπεῖκεν, ταύτῃ πάντῃ διʼ ἀκριβείας ἀποτελεσθεισῶν ὑπʼ αὐτοῦ συνηρμόσθαι ταῦτα ἀνὰ λόγον.
그리고 진정 이들의 수량과 운동, 그리고 다른 힘들의 비례 관계에 대해서도, 필연의 본성이 자발적으로 설득되어 굴복한 한도 내에서, 신이 모든 면에서 이들을 지극히 정밀하게 완성하시고 비례에 따라 조화롭게 맞추셨다고 생각해야 합니다.
ἐκ δὴ πάντων ὧνπερ τὰ γένη προειρήκαμεν ὧδʼ ἂν κατὰ τὸ εἰκὸς μάλιστʼ ἂν ἔχοι.
우리가 그 부류를 미리 말했던 이 모든 것들로부터, 다음과 같이 그럴듯하게 성립할 것입니다.
γῆ μὲν συντυγχάνουσα πυρὶ διαλυθεῖσά τε ὑπὸ τῆς ὀξύτητος αὐτοῦ φέροιτʼ ἄν, εἴτʼ ἐν αὐτῷ πυρὶ λυθεῖσα εἴτʼ ἐν ἀέρος εἴτʼ ἐν ὕδατος ὄγκῳ τύχοι, μέχριπερ ἂν αὐτῆς πῃ συντυχόντα τὰ μέρη, πάλιν συναρμοσθέντα αὐτὰ αὑτοῖς, γῆ γένοιτο—οὐ γὰρ εἰς ἄλλο γε εἶδος ἔλθοι ποτʼ ἄν—ὕδωρ δὲ ὑπὸ πυρὸς μερισθέν, εἴτε καὶ ὑπʼ ἀέρος, ἐγχωρεῖ γίγνεσθαι συστάντα ἓν μὲν πυρὸς σῶμα, δύο δὲ ἀέρος·
땅은 불과 만나서 그 날카로움에 의해 해체될 때, 그것이 불 자체 안에서든, 공기나 물의 부피 안에서든 표류할 것입니다. 그 부분들이 어딘가에서 서로 만나 다시 서로 결합하여 땅이 될 때까지는 말입니다. ――왜냐하면 땅이 다른 형상으로 이행하는 일은 결코 없을 것이기 때문입니다.―― 반면에 물은 불에 의해서나 공기에 의해 분할될 때, 결합됨으로써 불의 한 몸과 공기의 두 몸이 생성되는 것이 가능합니다.
τὰ δὲ ἀέρος τμήματα ἐξ ἑνὸς μέρους διαλυθέντος δύʼ ἂν γενοίσθην σώματα πυρός.
또한 공기의 한 부분이 해체된 파편들로부터는 불의 두 몸이 생성될 수 있습니다.
καὶ πάλιν, ὅταν ἀέρι πῦρ ὕδασίν τε ἤ τινι γῇ περιλαμβανόμενον ἐν πολλοῖς ὀλίγον, κινούμενον ἐν φερομένοις, μαχόμενον καὶ νικηθὲν καταθραυσθῇ, δύο πυρὸς σώματα εἰς ἓν συνίστασθον εἶδος ἀέρος·
그리고 다시, 소량의 불이 공기나 물, 혹은 어떤 땅에 둘러싸여 움직이는 것들 사이에서 움직이다가, 싸우다 패하여 부서질 때, 불의 두 몸이 결합하여 공기의 한 형상을 이룹니다.
καὶ κρατηθέντος ἀέρος κερματισθέντος τε ἐκ δυοῖν ὅλοιν καὶ ἡμίσεος ὕδατος εἶδος ἓν ὅλον ἔσται συμπαγές.
또한 공기가 압도당해 산산조각 날 때는, 두 개 반의 전체로부터 물의 한 온전한 입체가 합성될 것입니다.
§57ΤΙ. ὧδε γὰρ δὴ λογισώμεθα αὐτὰ πάλιν, ὡς ὅταν ἐν πυρὶ λαμβανόμενον τῶν ἄλλων ὑπʼ αὐτοῦ τι γένος τῇ τῶν γωνιῶν καὶ κατὰ τὰς πλευρὰς ὀξύτητι τέμνηται, συστὰν μὲν εἰς τὴν ἐκείνου φύσιν πέπαυται τεμνόμενον—τὸ γὰρ ὅμοιον καὶ ταὐτὸν αὑτῷ γένος ἕκαστον οὔτε τινὰ μεταβολὴν ἐμποιῆσαι δυνατὸν οὔτε τι παθεῖν ὑπὸ τοῦ κατὰ ταὐτὰ ὁμοίως τε ἔχοντος—ἕως δʼ ἂν εἰς ἄλλο τι γιγνόμενον ἧττον ὂν κρείττονι μάχηται, λυόμενον οὐ παύεται.
티: 실로 우리는 이것들을 다시 다음과 같이 추론해 봅시다. 즉, 다른 부류 중 하나가 불에 붙잡혀 그 각과 변의 날카로움에 의해 잘릴 때, 그것이 저 (불의) 본성으로 재구성된다면 잘리는 것이 멈춥니다. ――왜냐하면 자신과 닮았고 동일한 부류는, 똑같은 상태로 닮아 있는 것에 대해 어떤 변화도 일으킬 수 없고 그것으로부터 어떤 영향도 받을 수 없기 때문입니다.―― 그러나 그것이 다른 것으로 변화하는 동안 더 약한 자로서 더 강한 자와 싸우는 한, 해체되는 것이 멈추지 않습니다.
τά τε αὖ σμικρότερα ὅταν ἐν τοῖς μείζοσιν πολλοῖς περιλαμβανόμενα ὀλίγα διαθραυόμενα κατασβεννύηται, συνίστασθαι μὲν ἐθέλοντα εἰς τὴν τοῦ κρατοῦντος ἰδέαν πέπαυται κατασβεννύμενα γίγνεταί τε ἐκ πυρὸς ἀήρ, ἐξ ἀέρος ὕδωρ·
그리고 다시, 더 작은 물체들이 많은 더 큰 물체들에 둘러싸여 소수가 부서지고 소멸할 때, 지배하는 것의 형상(이데아)으로 결합하기를 원한다면 소멸하는 것이 멈추고 불로부터 공기가, 공기로부터 물이 생성됩니다.
ἐὰν δʼ εἰς ταὐτὰ ἴῃ καὶ τῶν ἄλλων τι συνιὸν γενῶν μάχηται, λυόμενα οὐ παύεται, πρὶν ἢ παντάπασιν ὠθούμενα καὶ διαλυθέντα ἐκφύγῃ πρὸς τὸ συγγενές, ἢ νικηθέντα, ἓν ἐκ πολλῶν ὅμοιον τῷ κρατήσαντι γενόμενον, αὐτοῦ σύνοικον μείνῃ.
그러나 만약 그것들이 같은 곳으로 나아가 다른 부류 중 다가오는 것과 부딪쳐 싸운다면, 완전히 밀려나 해체되어 동족에게로 도망치거나, 혹은 패배하여 많은 것들로부터 지배적인 것과 닮은 하나가 되어 그 동거인으로 머물기 전까지는 해체되는 것이 멈추지 않습니다.
καὶ δὴ καὶ κατὰ ταῦτα τὰ παθήματα διαμείβεται τὰς χώρας ἅπαντα·
그리고 실로 이 수동적 변화들에 따라 모든 것은 그 자리를 옮깁니다.
διέστηκεν μὲν γὰρ τοῦ γένους ἑκάστου τὰ πλήθη κατὰ τόπον ἴδιον διὰ τὴν τῆς δεχομένης κίνησιν, τὰ δὲ ἀνομοιούμενα ἑκάστοτε ἑαυτοῖς, ἄλλοις δὲ ὁμοιούμενα, φέρεται διὰ τὸν σεισμὸν πρὸς τὸν ἐκείνων οἷς ἂν ὁμοιωθῇ τόπον.
왜냐하면 각 부류의 무리는 수용기의 운동에 의해 고유한 처소로 갈라져 있으며, 매번 자신과는 달라지고 다른 것과 닮아 가는 것들은 진동으로 인해 자신과 닮아 가게 된 것들의 처소로 운반되기 때문입니다.
ὅσα μὲν οὖν ἄκρατα καὶ πρῶτα σώματα διὰ τοιούτων αἰτιῶν γέγονεν·
순수하고 근원적인 물체들은 이와 같은 원인들로 인해 생성되었습니다.
τὸ δʼ ἐν τοῖς εἴδεσιν αὐτῶν ἕτερα ἐμπεφυκέναι γένη τὴν ἑκατέρου τῶν στοιχείων αἰτιατέον σύστασιν, μὴ μόνον ἓν ἑκατέραν μέγεθος ἔχον τὸ τρίγωνον φυτεῦσαι κατʼ ἀρχάς, ἀλλʼ ἐλάττω τε καὶ μείζω, τὸν ἀριθμὸν δὲ ἔχοντα τοσοῦτον ὅσαπερ ἂν ᾖ τἀν τοῖς εἴδεσι γένη.
그러나 그 형상들 안에 다시 다른 부류(변종)들이 내재하고 있는 것에 대해서는, 두 원소(삼각형)의 구성을 원인으로 돌려야 합니다. 즉, 처음에 심어진 삼각형이 각각 단 하나의 크기만을 갖는 것이 아니라 더 작은 것과 더 큰 것도 가졌으며, 그 수는 형상 안에 존재하는 부류들의 수만큼 있기 때문입니다.
διὸ δὴ συμμειγνύμενα αὐτά τε πρὸς αὑτὰ καὶ πρὸς ἄλληλα τὴν ποικιλίαν ἐστὶν ἄπειρα·
그러므로 이것들이 자체적으로, 또한 서로 혼합됨으로써 그 다양성은 무한합니다.
ἧς δὴ δεῖ θεωροὺς γίγνεσθαι τοὺς μέλλοντας περὶ φύσεως εἰκότι λόγῳ χρήσεσθαι.
자연에 관해 그럴듯한 논의를 사용하려는 사람은 마땅히 이 다양성을 관찰하는 자가 되어야 합니다.
κινήσεως οὖν στάσεώς τε πέρι, τίνα τρόπον καὶ μεθʼ ὧντινων γίγνεσθον, εἰ μή τις διομολογήσεται, πόλλʼ ἂν εἴη ἐμποδὼν τῷ κατόπισθεν λογισμῷ.
이제 운동과 정지에 관하여, 그것들이 어떤 방식으로 어떤 것들과 함께 생겨나는지 합의하지 않는다면, 그 뒤의 추론에 많은 장애가 있을 것입니다.
τὰ μὲν οὖν ἤδη περὶ αὐτῶν εἴρηται, πρὸς δʼ ἐκείνοις ἔτι τάδε, ἐν μὲν ὁμαλότητι μηδέποτε ἐθέλειν κίνησιν ἐνεῖναι.
그것들에 관해서는 이미 언급되었지만, 그것들에 더하여 다음을 아직 말해 두어야 합니다. 즉, 균일함 속에는 결코 운동이 존재할 수 없다는 점입니다.
τὸ γὰρ κινησόμενον ἄνευ τοῦ κινήσοντος ἢ τὸ κινῆσον ἄνευ τοῦ κινησομένου χαλεπόν, μᾶλλον δὲ ἀδύνατον, εἶναι·
왜냐하면 움직여질 것이 움직일 것 없이 존재하거나, 혹은 움직일 것이 움직여질 것 없이 존재하는 것은 어려우며, 오히려 불가능하기 때문입니다.
κίνησις δὲ οὐκ ἔστιν τούτων ἀπόντων, ταῦτα δὲ ὁμαλὰ εἶναί ποτε ἀδύνατον.
그리고 이것들이 결여되었을 때는 운동이 존재하지 않으며, 또한 이것들이 언제고 균일하게 존재하는 것은 불가능합니다.