§42ΤΙ. ὁπότε δὴ σώμασιν ἐμφυτευθεῖεν ἐξ ἀνάγκης, καὶ τὸ μὲν προσίοι, τὸ δʼ ἀπίοι τοῦ σώματος αὐτῶν, πρῶτον μὲν αἴσθησιν ἀναγκαῖον εἴη μίαν πᾶσιν ἐκ βιαίων παθημάτων σύμφυτον γίγνεσθαι, δεύτερον δὲ ἡδονῇ καὶ λύπῃ μεμειγμένον ἔρωτα, πρὸς δὲ τούτοις φόβον καὶ θυμὸν ὅσα τε ἑπόμενα αὐτοῖς καὶ ὁπόσα ἐναντίως πέφυκε διεστηκότα·
그들이 필연적으로 육체에 심어지게 되고, 그들의 몸으로 어떤 것은 들어오고 어떤 것은 나갈 때, 첫째로 격렬한 수동적 상태들로부터 생겨나는, 모든 이에게 공통된 하나의 타고난 감각이 필연적으로 발생할 것이며, 둘째로 즐거움과 괴로움이 뒤섞인 사랑이, 그리고 이것들에 더하여 두려움과 분노, 그리고 이것들에 따르는 모든 것과, 이것들과 반대되는 본성을 지녀 서로 떨어져 있는 온갖 것들이 생겨날 것이다.
ὧν εἰ μὲν κρατήσοιεν, δίκῃ βιώσοιντο, κρατηθέντες δὲ ἀδικίᾳ.
만일 그들이 이것들을 이겨낸다면 정의롭게 살 것이나, 이것들에 지배당한다면 부정의하게 살 것이다.
καὶ ὁ μὲν εὖ τὸν προσήκοντα χρόνον βιούς, πάλιν εἰς τὴν τοῦ συννόμου πορευθεὶς οἴκησιν ἄστρου, βίον εὐδαίμονα καὶ συνήθη ἕξοι, σφαλεὶς δὲ τούτων εἰς γυναικὸς φύσιν ἐν τῇ δευτέρᾳ γενέσει μεταβαλοῖ·
그리고 정해진 시간을 훌륭하게 살아낸 이는 다시 자신과 짝을 이루는 별의 처소로 돌아가 행복하고 친숙한 삶을 누릴 것이지만, 이것들에 실패한 이는 두 번째 생성에서 여성의 본성으로 변하게 될 것이다.
μὴ παυόμενός τε ἐν τούτοις ἔτι κακίας, τρόπον ὃν κακύνοιτο, κατὰ τὴν ὁμοιότητα τῆς τοῦ τρόπου γενέσεως εἴς τινα τοιαύτην ἀεὶ μεταβαλοῖ θήρειον φύσιν, ἀλλάττων τε οὐ πρότερον πόνων λήξοι, πρὶν τῇ ταὐτοῦ καὶ ὁμοίου περιόδῳ τῇ ἐν αὑτῷ συνεπισπώμενος τὸν πολὺν ὄχλον καὶ ὕστερον προσφύντα ἐκ πυρὸς καὶ ὕδατος καὶ ἀέρος καὶ γῆς, θορυβώδη καὶ ἄλογον ὄντα, λόγῳ κρατήσας εἰς τὸ τῆς πρώτης καὶ ἀρίστης ἀφίκοιτο εἶδος ἕξεως.
그리고 이러한 상태에서도 여전히 악을 그치지 않는 자는, 그가 악해지는 방식에 상응하여, 그 성격 생성의 유사성에 따라 항상 어떤 그러한 야수의 본성으로 변해갈 것이다. 그리하여 그의 안에 있는 '같은 것'과 '비슷한 것'의 순환에 이끌려, 불과 물과 공기와 흙으로부터 나중에 덧붙여진, 시끄럽고 이성 없는 거대한 혼란을 이성으로 제압하고, 최초의 가장 훌륭한 상태의 모습에 도달하기 전에는 고난의 바뀜에서 벗어나지 못할 것이다.
διαθεσμοθετήσας δὲ πάντα αὐτοῖς ταῦτα, ἵνα τῆς ἔπειτα εἴη κακίας ἑκάστων ἀναίτιος, ἔσπειρεν τοὺς μὲν εἰς γῆν, τοὺς δʼ εἰς σελήνην, τοὺς δʼ εἰς τἆλλα ὅσα ὄργανα χρόνου·
그들에게 이 모든 법을 제정해주어, 그 뒤에 있을 각자의 악에 대해 자신이 책임이 없도록 하신 후에, 그는 어떤 이들은 지구에, 어떤 이들은 달에, 어떤 이들은 다른 모든 시간의 도구들에 뿌리셨다.
τὸ δὲ μετὰ τὸν σπόρον τοῖς νέοις παρέδωκεν θεοῖς σώματα πλάττειν θνητά, τό τʼ ἐπίλοιπον, ὅσον ἔτι ἦν ψυχῆς ἀνθρωπίνης δέον προσγενέσθαι, τοῦτο καὶ πάνθʼ ὅσα ἀκόλουθα ἐκείνοις ἀπεργασαμένους ἄρχειν, καὶ κατὰ δύναμιν ὅτι κάλλιστα καὶ ἄριστα τὸ θνητὸν διακυβερνᾶν ζῷον, ὅτι μὴ κακῶν αὐτὸ ἑαυτῷ γίγνοιτο αἴτιον.
그리고 씨앗을 뿌린 뒤의 일은 젊은 신들에게 넘겨주어, 죽을 수밖에 없는 몸을 빚게 하셨고, 사람의 혼 중에서 아직 추가되어야 할 나머지 부분을 그들이 완성하여 그에 따르는 모든 것을 지배하게 하셨으며, 죽을 수밖에 없는 생물이 스스로에게 악의 원인이 되지 않는 한, 힘닿는 데까지 가장 아름답고 훌륭하게 인도하도록 하셨다.
καὶ ὁ μὲν δὴ ἅπαντα ταῦτα διατάξας ἔμενεν ἐν τῷ ἑαυτοῦ κατὰ τρόπον ἤθει·
이 모든 것을 규정하신 후, 그는 자신의 본성에 맞는 상태에 머무르셨다.
§43ΤΙ. μένοντος δὲ νοήσαντες οἱ παῖδες τὴν τοῦ πατρὸς τάξιν ἐπείθοντο αὐτῇ, καὶ λαβόντες ἀθάνατον ἀρχὴν θνητοῦ ζῴου, μιμούμενοι τὸν σφέτερον δημιουργόν, πυρὸς καὶ γῆς ὕδατός τε καὶ ἀέρος ἀπὸ τοῦ κόσμου δανειζόμενοι μόρια ὡς ἀποδοθησόμενα πάλιν, εἰς ταὐτὸν τὰ λαμβανόμενα συνεκόλλων, οὐ τοῖς ἀλύτοις οἷς αὐτοὶ συνείχοντο δεσμοῖς, ἀλλὰ διὰ σμικρότητα ἀοράτοις πυκνοῖς γόμφοις συντήκοντες, ἓν ἐξ ἁπάντων ἀπεργαζόμενοι σῶμα ἕκαστον, τὰς τῆς ἀθανάτου ψυχῆς περιόδους ἐνέδουν εἰς ἐπίρρυτον σῶμα καὶ ἀπόρρυτον.
그분이 머무르시는 동안, 자식들은 아버지의 명령을 깨닫고 그에 복종하여, 죽을 수밖에 없는 생물의 불사하는 시원을 이어받아 자신들의 제작자를 모방하였고, 우주로부터 불과 흙, 물과 공기의 미립자들을 나중에 다시 돌려줄 것으로 생각하여 빌려와, 받아들인 것들을 하나로 결합하였다. 그것은 자신들이 묶여 있던 저 해체 불가능한 끈들이 아니라, 너무 작아서 보이지 않는 촘촘한 쐐기들로 용접하여 모두로부터 하나의 몸을 각각 완성하였고, 불사하는 혼의 순환을 흘러 들어오고 흘러 나가는 몸 안으로 묶어 넣었다.
αἱ δʼ εἰς ποταμὸν ἐνδεθεῖσαι πολὺν οὔτʼ ἐκράτουν οὔτʼ ἐκρατοῦντο, βίᾳ δὲ ἐφέροντο καὶ ἔφερον, ὥστε τὸ μὲν ὅλον κινεῖσθαι ζῷον, ἀτάκτως μὴν ὅπῃ τύχοι προϊέναι καὶ ἀλόγως, τὰς ἓξ ἁπάσας κινήσεις ἔχον·
격렬한 강물 속에 묶인 혼의 순환은 지배하지도 지배당하지도 않은 채, 힘으로 쓸려가고 쓸고 가며, 그 결과 생물 전체는 움직이되, 무질서하게 닿는 대로, 그리고 이성 없이 나아가며 여섯 가지 모든 운동을 하게 되었다.
εἴς τε γὰρ τὸ πρόσθε καὶ ὄπισθεν καὶ πάλιν εἰς δεξιὰ καὶ ἀριστερὰ κάτω τε καὶ ἄνω καὶ πάντῃ κατὰ τοὺς ἓξ τόπους πλανώμενα προῄειν.
즉 앞뒤로, 그리고 다시 우측과 좌측으로, 아래위로, 여섯 방향의 모든 영역을 헤매며 나아갔던 것이다.
πολλοῦ γὰρ ὄντος τοῦ κατακλύζοντος καὶ ἀπορρέοντος κύματος ὃ τὴν τροφὴν παρεῖχεν, ἔτι μείζω θόρυβον ἀπηργάζετο τὰ τῶν προσπιπτόντων παθήματα ἑκάστοις, ὅτε πυρὶ προσκρούσειε τὸ σῶμά τινος ἔξωθεν ἀλλοτρίῳ περιτυχὸν ἢ καὶ στερεῷ γῆς πάγῳ ὑγροῖς τε ὀλισθήμασιν ὑδάτων, εἴτε ζάλῃ πνευμάτων ὑπὸ ἀέρος φερομένων καταληφθείη, καὶ ὑπὸ πάντων τούτων διὰ τοῦ σώματος αἱ κινήσεις ἐπὶ τὴν ψυχὴν φερόμεναι προσπίπτοιεν·
왜냐하면 영양을 공급하는 범람하고 흘러내리는 파도가 컸을 뿐만 아니라, 누군가의 몸이 외부의 이질적인 불에 부딪히거나, 흙의 단단한 덩어리, 혹은 물의 미끄러운 흐름에 부딪혔을 때, 또는 공기에 의해 실려 오는 바람의 폭풍을 만났을 때, 이 충격들이 각자에게 일으키는 수동적 상태들이 훨씬 더 큰 혼란을 자아냈기 때문이다. 그리고 이 모든 움직임이 몸을 통하여 혼으로 전달되어 부딪쳤다.
αἳ δὴ καὶ ἔπειτα διὰ ταῦτα ἐκλήθησάν τε καὶ νῦν ἔτι αἰσθήσεις συνάπασαι κέκληνται.
이것들이 바로 그 때문에 나중에, 그리고 지금도 통틀어 '감각'이라 불리게 되었다.
καὶ δὴ καὶ τότε ἐν τῷ παρόντι πλείστην καὶ μεγίστην παρεχόμεναι κίνησιν, μετὰ τοῦ ῥέοντος ἐνδελεχῶς ὀχετοῦ κινοῦσαι καὶ σφοδρῶς σείουσαι τὰς τῆς ψυχῆς περιόδους, τὴν μὲν ταὐτοῦ παντάπασιν ἐπέδησαν ἐναντία αὐτῇ ῥέουσαι καὶ ἐπέσχον ἄρχουσαν καὶ ἰοῦσαν, τὴν δʼ αὖ θατέρου διέσεισαν, ὥστε τὰς τοῦ διπλασίου καὶ τριπλασίου τρεῖς ἑκατέρας ἀποστάσεις καὶ τὰς τῶν ἡμιολίων καὶ ἐπιτρίτων καὶ ἐπογδόων μεσότητας καὶ συνδέσεις, ἐπειδὴ παντελῶς λυταὶ οὐκ ἦσαν πλὴν ὑπὸ τοῦ συνδήσαντος, πάσας μὲν στρέψαι στροφάς, πάσας δὲ κλάσεις καὶ διαφθορὰς τῶν κύκλων ἐμποιεῖν, ὁσαχῇπερ ἦν δυνατόν, ὥστε μετʼ ἀλλήλων μόγις συνεχομένας φέρεσθαι μέν, ἀλόγως δὲ φέρεσθαι, τοτὲ μὲν ἀντίας, ἄλλοτε δὲ πλαγίας, τοτὲ δὲ ὑπτίας·
그리고 바로 그때, 현재 가장 많고 큰 운동을 일으키며 끊임없이 흐르는 수로와 함께 혼의 순환을 움직이고 격렬하게 뒤흔들어, '같은 것'의 순환을 완전히 묶어버려 그에 역행하여 흐름으로써 지배하고 나아가는 것을 가로막았고, '다른 것'의 순환을 뒤흔들어놓았다. 그리하여 두 배와 세 배의 각각 세 가지 간격, 그리고 1.5배, 1.33배, 1.125배의 중항들과 결합들은, 그것을 묶은 이 외에는 완전히 해체 불가능한 것이었기에, 온갖 뒤틀림을 겪고 원들의 온갖 굴절과 파괴를 가능한 한 만들어냈다. 그 결과 그것들은 서로 겨우 이어져 흘러가되, 이성 없이 흘러가며, 때로는 거꾸로, 때로는 옆으로, 때로는 뒤집힌 채 움직였다.
οἷον ὅταν τις ὕπτιος ἐρείσας τὴν κεφαλὴν μὲν ἐπὶ γῆς, τοὺς δὲ πόδας ἄνω προσβαλὼν ἔχῃ πρός τινι, τότε ἐν τούτῳ τῷ πάθει τοῦ τε πάσχοντος καὶ τῶν ὁρώντων τά τε δεξιὰ ἀριστερὰ καὶ τὰ ἀριστερὰ δεξιὰ ἑκατέροις τὰ ἑκατέρων φαντάζεται.
그것은 마치 누군가 뒤집힌 채 머리를 땅에 대고 발을 위로 올려 어떤 것에 기대고 있을 때, 그 수동적 상태에서는 겪는 이에게나 보는 이들에게나 서로의 우측이 좌측으로, 좌측이 우측으로 나타나는 것과 같다.