§8.559δικαίως δὴ τοῦτο ἐπʼ αὐταῖς ἐροῦμεν, τὸ ἀναγκαῖον. δικαίως. τί δέ; ἅς γέ τις ἀπαλλάξειεν ἄν, εἰ μελετῷ ἐκ νέου, καὶ πρὸς οὐδὲν ἀγαθὸν ἐνοῦσαι δρῶσιν, αἱ δὲ καὶ τοὐναντίον, πάσας ταύτας εἰ μὴ ἀναγκαίους φαῖμεν εἶναι, ἆρʼ οὐ καλῶς ἂν λέγοιμεν; καλῶς μὲν οὖν. προελώμεθα δή τι παράδειγμα ἑκατέρων αἵ εἰσιν, ἵνα τύπῳ λάβωμεν αὐτάς; οὐκοῦν χρή. ἆρʼ οὖν οὐχ ἡ τοῦ φαγεῖν μέχρι ὑγιείας τε καὶ εὐεξίας καὶ αὐτοῦ σίτου τε καὶ ὄψου ἀναγκαῖος ἂν εἴη; οἶμαι. ἡ μέν γέ που τοῦ σίτου κατʼ ἀμφότερα ἀναγκαία, ᾗ τε ὠφέλιμος ᾗ τε μὴ παῦσαι ζῶντα δυνατή. ναί. ἡ δὲ ὄψου, εἴ πῄ τινα ὠφελίαν πρὸς εὐεξίαν παρέχεται, πάνυ μὲν οὖν. τί δὲ ἡ πέρα τούτων καὶ ἀλλοίων ἐδεσμάτων ἢ τοιούτων ἐπιθυμία, δυνατὴ δὲ κολαζομένη ἐκ νέων καὶ παιδευομένη ἐκ τῶν πολλῶν ἀπαλλάττεσθαι, καὶ βλαβερὰ μὲν σώματι, βλαβερὰ δὲ ψυχῇ πρός τε φρόνησιν καὶ τὸ σωφρονεῖν; ἆρά γε ὀρθῶς οὐκ ἀναγκαία ἂν καλοῖτο; ὀρθότατα μὲν οὖν. οὐκοῦν καὶ ἀναλωτικὰς φῶμεν εἶναι ταύτας, ἐκείνας δὲ χρηματιστικὰς διὰ τὸ χρησίμους πρὸς τὰ ἔργα εἶναι; τί μήν; οὕτω δὴ καὶ περὶ ἀφροδισίων καὶ τῶν ἄλλων φήσομεν; οὕτω.
"그렇다면 우리는 마땅히 이 욕구들에 대해 '필수적'이라는 명칭을 붙여야 할 것이네." "마땅히 그렇습니다." "반면에, 만약 어떤 사람이 젊을 때부터 훈련하여 없앨 수 있고, 존재하더라도 아무런 선도 행하지 못하며, 오히려 그 반대의 일을 행하는 그런 모든 욕구들을 우리가 '필수적이지 않다'고 말한다면, 그것은 올바른 말이 되지 않겠는가?" "참으로 올바른 말입니다." "그러면 그 욕구들이 각각 어떤 것인지 몇 가지 본보기를 골라내어, 대강이나마 파악해 보도록 할까?" "당연히 그래야지요." "그러면 건강과 좋은 체력을 유지할 때까지 먹으려는 욕구, 즉 순전한 양식과 반찬에 대한 욕구는 필수적인 것이 아니겠는가?" "그렇게 생각합니다." "양식에 대한 욕구는 아마도 두 가지 면에서 필수적일 것이네. 유익하다는 점과, 살아 있는 생명의 활동을 멈추지 않게 해줄 수 있다는 점에서 말이네." "예." "그리고 반찬에 대한 욕구는, 그것이 체력 증진에 조금이라도 유익을 제공해 준다면 필수적이겠지?" "참으로 그렇습니다." "하지만 이러한 양식들을 넘어서는 다른 종류의 음식들이나 그와 유사한 것들에 대한 욕구로서, 젊어서부터 억제되고 교육받으면 대부분의 경우 없앨 수 있고, 몸에도 해롭고 지혜와 절제를 지향하는 영혼에도 해로운 그런 욕구는, 올바르게 '필수적이지 않은 것'이라 불려야 하지 않겠는가?" "참으로 지극히 올바른 말씀입니다." "그렇다면 이러한 욕구들은 낭비적인 것이라 부르고, 반대로 저 욕구들은 일하는 데 유용하기 때문에 돈을 벌게 해주는 것이라 부르면 어떻겠는가?" "당연히 그래야지요." "성적 쾌락이나 그 밖의 다른 욕구들에 대해서도 우리가 이와 같이 말할 수 있겠는가?" "그렇습니다." "그렇다면 우리가 방금 '수벌'이라 이름 붙인 자는, 이러한 쾌락과 욕구들로 가득 차 있고 필수적이지 않은 욕구들에 의해 지배를 받는 자를 가리켜 말한 것이며, 반면에 필수적인 욕구들에 의해 지배받는 자를 '절약가'이자 '과두정적 인간'이라 부른 것이 아니었나?" "아니, 당연히 그렇지요." "그렇다면 다시 한 번," 내가 말했네, "어떻게 과두정적 인간으로부터 민주정적 인간이 태어나는지 이야기해 보세.
ἆρʼ οὖν καὶ ὃν νυνδὴ κηφῆνα ὠνομάζομεν, τοῦτον ἐλέγομεν τὸν τῶν τοιούτων ἡδονῶν καὶ ἐπιθυμιῶν γέμοντα καὶ ἀρχόμενον ὑπὸ τῶν μὴ ἀναγκαίων, τὸν δὲ ὑπὸ τῶν ἀναγκαίων φειδωλόν τε καὶ ὀλιγαρχικόν; ἀλλὰ τί μήν; πάλιν τοίνυν, ἦν δʼ ἐγώ, λέγωμεν ὡς ἐξ ὀλιγαρχικοῦ δημοκρατικὸς γίγνεται. φαίνεται δέ μοι τά γε πολλὰ ὧδε γίγνεσθαι. πῶς; ὅταν νέος, τεθραμμένος ὡς νυνδὴ ἐλέγομεν, ἀπαιδεύτως τε καὶ φειδωλῶς, γεύσηται κηφήνων μέλιτος, καὶ συγγένηται αἴθωσι θηρσὶ καὶ δεινοῖς, παντοδαπὰς ἡδονὰς καὶ ποικίλας καὶ παντοίως ἐχούσας δυναμένοις σκευάζειν, ἐνταῦθά που οἴου εἶναι ἀρχὴν αὐτῷ μεταβολῆς ὀλιγαρχικῆς τῆς ἑαυτῷ εἰς δημοκρατικήν.
내가 보기에는 대체로 다음과 같이 일어나는 듯하네." "어떻게요?" "방금 우리가 말한 것처럼, 교양 없이 절약만 하며 자란 젊은이가 수벌들의 꿀을 맛보고, 온갖 알록달록하고 다양한 종류의 쾌락을 만들어낼 수 있는 사납고 두려운 짐승들과 어울리게 될 때, 바로 거기서 그 사람의 내면에 있는 과두정적 성향이 민주정적 성향으로 변하기 시작한다고 생각해야 할 것이네." "그럴 수밖에 없겠군요." 그가 말했네.
πολλὴ ἀνάγκη, ἔφη. ἆρʼ οὖν, ὥσπερ ἡ πόλις μετέβαλλε βοηθησάσης τῷ ἑτέρῳ μέρει συμμαχίας ἔξωθεν, ὁμοίας ὁμοίῳ, οὕτω καὶ ὁ νεανίας μεταβάλλει βοηθοῦντος αὖ εἴδους ἐπιθυμιῶν ἔξωθεν τῷ ἑτέρῳ τῶν παρʼ ἐκείνῳ, συγγενοῦς τε καὶ ὁμοίου; παντάπασιν μὲν οὖν. §8.560καὶ ἐὰν μέν γε οἶμαι ἀντιβοηθήσῃ τις τῷ ἐν ἑαυτῷ ὀλιγαρχικῷ συμμαχία, ἤ ποθεν παρὰ τοῦ πατρὸς ἢ καὶ τῶν ἄλλων οἰκείων νουθετούντων τε καὶ κακιζόντων, στάσις δὴ καὶ ἀντίστασις καὶ μάχη ἐν αὐτῷ πρὸς αὑτὸν τότε γίγνεται. τί μήν; καὶ ποτὲ μὲν οἶμαι τὸ δημοκρατικὸν ὑπεχώρησε τῷ ὀλιγαρχικῷ, καί τινες τῶν ἐπιθυμιῶν αἱ μὲν διεφθάρησαν, αἱ δὲ καὶ ἐξέπεσον, αἰδοῦς τινος ἐγγενομένης ἐν τῇ τοῦ νέου ψυχῇ, καὶ κατεκοσμήθη πάλιν.
"그렇다면 국가가 외부에서 온 동맹이 한편의 세력을 도우되 비슷한 것이 비슷한 것을 도움으로써 변화했던 것처럼, 젊은이 또한 외부에서 온 일련의 욕구들이 그의 내면에 있는 욕구들 중 자신과 친족 관계이자 비슷한 한편의 세력을 도우면서 변화하는 것이 아니겠는가?" "참으로 전적으로 그렇습니다." "그리고 만약 그의 내면에 있는 과두정적인 부분에 대하여, 그의 아버지나 혹은 다른 친척들이 타이르고 꾸짖는 어떤 원군이 와서 지원해 준다면, 그때 그의 내면에는 자신에 맞서는 내분과 반항과 싸움이 일어나게 될 것이네." "당연히 그렇지요." "그리고 내 생각에, 때로는 민주정적 세력이 과두정적 세력에게 굴복하기도 하여, 젊은이의 영혼 속에 어떤 수치심이 생겨나 욕구들 중 일부는 소멸되고 다른 일부는 쫓겨남으로써 다시 질서가 잡히기도 하네." "때로는 참으로 그렇게 되기도 합니다." 그가 말했네.
γίγνεται γὰρ ἐνίοτε, ἔφη. αὖθις δὲ οἶμαι τῶν ἐκπεσουσῶν ἐπιθυμιῶν ἄλλαι ὑποτρεφόμεναι συγγενεῖς διʼ ἀνεπιστημοσύνην τροφῆς πατρὸς πολλαί τε καὶ ἰσχυραὶ ἐγένοντο. φιλεῖ γοῦν, ἔφη, οὕτω γίγνεσθαι.
"하지만 쫓겨난 그 욕구들과 친족 관계인 다른 욕구들이, 아버지가 양육하는 법을 몰랐던 탓에 다시 은밀하게 길러져서 많고 강력해지기도 하네." "과연 그렇게 되기 쉽지요." 그가 말했네.
οὐκοῦν εἵλκυσάν τε πρὸς τὰς αὐτὰς ὁμιλίας, καὶ λάθρᾳ συγγιγνόμεναι πλῆθος ἐνέτεκον.
"그리하여 그것들이 젊은이를 이전과 똑같은 어울림으로 끌어당겼고, 은밀하게 짝을 지어 수많은 무리를 낳았네.
τί μήν; τελευτῶσαι δὴ οἶμαι κατέλαβον τὴν τοῦ νέου τῆς ψυχῆς ἀκρόπολιν, αἰσθόμεναι κενὴν μαθημάτων τε καὶ ἐπιτηδευμάτων καλῶν καὶ λόγων ἀληθῶν, οἳ δὴ ἄριστοι φρουροί τε καὶ φύλακες ἐν ἀνδρῶν θεοφιλῶν εἰσι διανοίαις. καὶ πολύ γʼ, ἔφη.
당연히 그렇지요." "결국 그것들이 젊은이의 영혼의 아크로폴리스를 점령해 버렸는데, 그곳이 배움이나 아름다운 직업, 그리고 참된 말씀들로 텅 비어 있음을 알아챘기 때문이네. 그것들이야말로 신의 사랑을 받는 사람들의 정신 속에서 가장 훌륭한 파수꾼이자 수호자들이지 않은가." "참으로 참으로 그렇습니다." 그가 말했네.
ψευδεῖς δὴ καὶ ἀλαζόνες οἶμαι λόγοι τε καὶ δόξαι ἀντʼ ἐκείνων ἀναδραμόντες κατέσχον τὸν αὐτὸν τόπον τοῦ τοιούτου. σφόδρα γʼ, ἔφη.
"그리하여 참된 것들 대신에 거짓되고 허풍 떠는 말씀들과 의견들이 달려 올라가 그러한 사람의 동일한 자리를 차지해 버렸네." "참으로 그렇습니다." 그가 말했네.
ἆρʼ οὖν οὐ πάλιν τε εἰς ἐκείνους τοὺς Λωτοφάγους ἐλθὼν φανερῶς κατοικεῖ, καὶ ἐὰν παρʼ οἰκείων τις βοήθεια τῷ φειδωλῷ αὐτοῦ τῆς ψυχῆς ἀφικνῆται, κλῄσαντες οἱ ἀλαζόνες λόγοι ἐκεῖνοι τὰς τοῦ βασιλικοῦ τείχους ἐν αὐτῷ πύλας οὔτε αὐτὴν τὴν συμμαχίαν παριᾶσιν, οὔτε πρέσβεις πρεσβυτέρων λόγους ἰδιωτῶν εἰσδέχονται, αὐτοί τε κρατοῦσι μαχόμενοι, καὶ τὴν μὲν αἰδῶ ἠλιθιότητα ὀνομάζοντες ὠθοῦσιν ἔξω ἀτίμως φυγάδα, σωφροσύνην δὲ ἀνανδρίαν καλοῦντές τε καὶ προπηλακίζοντες ἐκβάλλουσι, μετριότητα δὲ καὶ κοσμίαν δαπάνην ὡς ἀγροικίαν καὶ ἀνελευθερίαν οὖσαν πείθοντες ὑπερορίζουσι μετὰ πολλῶν καὶ ἀνωφελῶν ἐπιθυμιῶν; σφόδρα γε.
"그렇다면 그는 다시 저 로토파고이들에게로 돌아가 공공연히 살아가게 되는 것이 아니겠는가? 그리고 그의 친척들로부터 그의 영혼의 절약적인 부분을 돕기 위한 어떤 원군이 도착하더라도, 저 허풍 떠는 말씀들이 그의 내면에 있는 왕궁 성벽의 문들을 닫아 걸어 원군 그 자체를 들여보내지도 않고, 더 연장자인 사사로운 개인들의 말씀이라는 사절단을 받아들이지도 않네. 그리고 그들 스스로가 싸워 이겨서, 수치심을 '어리석음'이라 부르며 불명예스러운 추방자로 밖으로 밀어내고, 절제를 '비겁함'이라 부르며 모욕하고 내쫓으며, 중용과 질서 있는 지출을 '촌스러움'과 '비굴함'이라 설득하여 수많은 무익한 욕구들과 함께 국경 밖으로 추방해 버리지 않는가?" "참으로 그렇습니다." "그리하여 그들에게 점령당해 위대한 비의의 입문식을 치르고 있는 자의 영혼을 이러한 것들로부터 깨끗이 비워 내고 청소한 후에, 그 다음으로 이제 오만, 무정부 상태, 방탕, 무치를 수많은 합창단과 함께 화관을 씌워 찬란하게 데려오며, 그것들을 칭송하고 고운 이름으로 부르네.
τούτων δέ γέ που κενώσαντες καὶ καθήραντες τὴν τοῦ κατεχομένου τε ὑπʼ αὐτῶν καὶ τελουμένου ψυχὴν μεγάλοισι τέλεσι, τὸ μετὰ τοῦτο ἤδη ὕβριν καὶ ἀναρχίαν καὶ ἀσωτίαν καὶ ἀναίδειαν λαμπρὰς μετὰ πολλοῦ χοροῦ κατάγουσιν ἐστεφανωμένας, ἐγκωμιάζοντες καὶ ὑποκοριζόμενοι, ὕβριν μὲν εὐπαιδευσίαν καλοῦντες, ἀναρχίαν δὲ ἐλευθερίαν, ἀσωτίαν δὲ μεγαλοπρέπειαν, ἀναίδειαν δὲ ἀνδρείαν.
즉 오만을 '세련된 교양'이라 부르고, 무정부 상태를 '자유'라 부르며, 방탕을 '아름다운 기개'라 부르고, 무치를 '용기'라 부르면서 말이네."