§8.557καὶ σφόδρα γε. δημοκρατία δὴ οἶμαι γίγνεται ὅταν οἱ πένητες νικήσαντες τοὺς μὲν ἀποκτείνωσι τῶν ἑτέρων, τοὺς δὲ ἐκβάλωσι, τοῖς δὲ λοιποῖς ἐξ ἴσου μεταδῶσι πολιτείας τε καὶ ἀρχῶν, καὶ ὡς τὸ πολὺ ἀπὸ κλήρων αἱ ἀρχαὶ ἐν αὐτῇ γίγνονται. ἔστι γάρ, ἔφη, αὕτη ἡ κατάστασις δημοκρατίας, ἐάντε καὶ διʼ ὅπλων γένηται ἐάντε καὶ διὰ φόβον ὑπεξελθόντων τῶν ἑτέρων. τίνα δὴ οὖν, ἦν δʼ ἐγώ, οὗτοι τρόπον οἰκοῦσι; καὶ ποία τις ἡ τοιαύτη αὖ πολιτεία; δῆλον γὰρ ὅτι ὁ τοιοῦτος ἀνὴρ δημοκρατικός τις ἀναφανήσεται. δῆλον, ἔφη. οὐκοῦν πρῶτον μὲν δὴ ἐλεύθεροι, καὶ ἐλευθερίας ἡ πόλις μεστὴ καὶ παρρησίας γίγνεται, καὶ ἐξουσία ἐν αὐτῇ ποιεῖν ὅτι τις βούλεται; λέγεταί γε δή, ἔφη. ὅπου δέ γε ἐξουσία, δῆλον ὅτι ἰδίαν ἕκαστος ἂν κατασκευὴν τοῦ αὑτοῦ βίου κατασκευάζοιτο ἐν αὐτῇ, ἥτις ἕκαστον ἀρέσκοι. δῆλον. παντοδαποὶ δὴ ἂν οἶμαι ἐν ταύτῃ τῇ πολιτείᾳ μάλιστʼ ἐγγίγνοιντο ἄνθρωποι. πῶς γὰρ οὔ; κινδυνεύει, ἦν δʼ ἐγώ, καλλίστη αὕτη τῶν πολιτειῶν εἶναι· ὥσπερ ἱμάτιον ποικίλον πᾶσιν ἄνθεσι πεποικιλμένον, οὕτω καὶ αὕτη πᾶσιν ἤθεσιν πεποικιλμένη καλλίστη ἂν φαίνοιτο. καὶ ἴσως μέν, ἦν δʼ ἐγώ, καὶ ταύτην, ὥσπερ οἱ παῖδές τε καὶ αἱ γυναῖκες τὰ ποικίλα θεώμενοι, καλλίστην ἂν πολλοὶ κρίνειαν. καὶ μάλʼ, ἔφη. καὶ ἔστιν γε, ὦ μακάριε, ἦν δʼ ἐγώ, ἐπιτήδειον ζητεῖν ἐν αὐτῇ πολιτείαν. τί δή; ὅτι πάντα γένη πολιτειῶν ἔχει διὰ τὴν ἐξουσίαν, καὶ κινδυνεύει τῷ βουλομένῳ πόλιν κατασκευάζειν, ὃ νυνδὴ ἡμεῖς ἐποιοῦμεν, ἀναγκαῖον εἶναι εἰς δημοκρατουμένην ἐλθόντι πόλιν, ὃς ἂν αὐτὸν ἀρέσκῃ τρόπος, τοῦτον ἐκλέξασθαι, ὥσπερ εἰς παντοπώλιον ἀφικομένῳ πολιτειῶν, καὶ ἐκλεξαμένῳ οὕτω κατοικίζειν. ἴσως γοῦν, ἔφη, οὐκ ἂν ἀποροῖ παραδειγμάτων. §8.558τὸ δὲ μηδεμίαν ἀνάγκην, εἶπον, εἶναι ἄρχειν ἐν ταύτῃ τῇ πόλει, μηδʼ ἂν ᾖς ἱκανὸς ἄρχειν, μηδὲ αὖ ἄρχεσθαι, ἐὰν μὴ βούλῃ, μηδὲ πολεμεῖν πολεμούντων, μηδὲ εἰρήνην ἄγειν τῶν ἄλλων ἀγόντων, ἐὰν μὴ ἐπιθυμῇς εἰρήνης, μηδὲ αὖ, ἐάν τις ἄρχειν νόμος σε διακωλύῃ ἢ δικάζειν, μηδὲν ἧττον καὶ ἄρχειν καὶ δικάζειν, ἐὰν αὐτῷ σοι ἐπίῃ, ἆρʼ οὐ θεσπεσία καὶ ἡδεῖα ἡ τοιαύτη διαγωγὴ ἐν τῷ παραυτίκα; ἴσως, ἔφη, ἔν γε τούτῳ. τί δέ; ἡ πρᾳότης ἐνίων τῶν δικασθέντων οὐ κομψή; ἢ οὔπω εἶδες, ἐν τοιαύτῃ πολιτείᾳ καταψηφισθέντων θανάτου ἢ φυγῆς, οὐδὲν ἧττον αὐτῶν μενόντων τε καὶ ἀναστρεφομένων ἐν μέσῳ, ὡς οὔτε φροντίζοντος οὔτε ὁρῶντος οὐδενὸς περινοστεῖ ὥσπερ ἥρως; καὶ πολλούς γʼ, ἔφη. ἡ δὲ συγγνώμη καὶ οὐδʼ ὁπωστιοῦν σμικρολογία αὐτῆς, ἀλλὰ καταφρόνησις ὧν ἡμεῖς ἐλέγομεν σεμνύνοντες, ὅτε τὴν πόλιν ᾠκίζομεν, ὡς εἰ μή τις ὑπερβεβλημένην φύσιν ἔχοι, οὔποτʼ ἂν γένοιτο ἀνὴρ ἀγαθός, εἰ μὴ παῖς ὢν εὐθὺς παίζοι ἐν καλοῖς καὶ ἐπιτηδεύοι τὰ τοιαῦτα πάντα, ὡς μεγαλοπρεπῶς καταπατήσασʼ ἅπαντʼ αὐτὰ οὐδὲν φροντίζει ἐξ ὁποίων ἄν τις ἐπιτηδευμάτων ἐπὶ τὰ πολιτικὰ ἰὼν πράττῃ, ἀλλὰ τιμᾷ, ἐὰν φῇ μόνον εὔνους εἶναι τῷ πλήθει; πάνυ γʼ, ἔφη, γενναία. ταῦτά τε δή, ἔφην, ἔχοι ἂν καὶ τούτων ἄλλα ἀδελφὰ δημοκρατία, καὶ εἴη, ὡς ἔοικεν, ἡδεῖα πολιτεία καὶ ἄναρχος καὶ ποικίλη, ἰσότητά τινα ὁμοίως ἴσοις τε καὶ ἀνίσοις διανέμουσα. καὶ μάλʼ, ἔφη, γνώριμα λέγεις. ἄθρει δή, ἦν δʼ ἐγώ, τίς ὁ τοιοῦτος ἰδίᾳ. ἢ πρῶτον σκεπτέον, ὥσπερ τὴν πολιτείαν ἐσκεψάμεθα, τίνα τρόπον γίγνεται; ναί, ἔφη. ἆρʼ οὖν οὐχ ὧδε; τοῦ φειδωλοῦ ἐκείνου καὶ ὀλιγαρχικοῦ γένοιτʼ ἂν οἶμαι ὑὸς ὑπὸ τῷ πατρὶ τεθραμμένος ἐν τοῖς ἐκείνου ἤθεσι; τί γὰρ οὔ; βίᾳ δὴ καὶ οὗτος ἄρχων τῶν ἐν αὑτῷ ἡδονῶν, ὅσαι ἀναλωτικαὶ μέν, χρηματιστικαὶ δὲ μή· αἳ δὴ οὐκ ἀναγκαῖαι κέκληνται— δῆλον, ἔφη. βούλει οὖν, ἦν δʼ ἐγώ, ἵνα μὴ σκοτεινῶς διαλεγώμεθα, πρῶτον ὁρισώμεθα τάς τε ἀναγκαίους ἐπιθυμίας καὶ τὰς μή; βούλομαι, ἦ δʼ ὅς. οὐκοῦν ἅς τε οὐκ ἂν οἷοί τʼ εἶμεν ἀποτρέψαι, δικαίως ἂν ἀναγκαῖαι καλοῖντο, καὶ ὅσαι ἀποτελούμεναι ὠφελοῦσιν ἡμᾶς; τούτων γὰρ ἀμφοτέρων ἐφίεσθαι ἡμῶν τῇ φύσει ἀνάγκη. ἢ οὔ; καὶ μάλα.
"정말 그렇고말고요." "내가 보기에 민주주의는 가난한 사람들이 승리를 거두어 상대방 중 일부는 죽이고 일부는 추방하며, 남은 사람들에게는 시민권과 관직을 평등하게 나누어 주고, 대체로 관직이 추첨에 의해 배분될 때 생겨나는 것 같네." "그는 말했다. '무력에 의해서든, 아니면 상대방이 두려움 때문에 물러남으로써든, 이것이 바로 민주주의 체제의 수립이니까요.'" "내가 말했다. '그렇다면 이 사람들은 어떤 방식으로 살아갈까? 그리고 이와 같은 체제는 또한 어떤 성격을 지니게 될까? 왜냐하면 이에 대응하는 사람이 민주주의적 인간으로 나타날 것이 분명하기 때문이네.'" "그가 말했다. '분명합니다.'" "내가 말했다. '그렇다면 먼저 그들은 자유롭고, 나라는 자유와 언론의 자유로 가득 차며, 그 안에서는 누구든 자기가 원하는 것을 할 수 있는 권한이 생기지 않겠는가?'" "그가 말했다. '확실히 그렇게들 말하지요.'" "내가 말했다. '그리고 권한이 있는 곳에서는 분명 각자가 그 나라 안에서 자신을 만족시키는 방식으로 저마다의 삶을 사적으로 꾸려나가게 될 걸세.'" "그가 말했다. '분명합니다.'" "내가 말했다. '생각건대 이 정체 안에서는 온갖 종류의 인간들이 가장 많이 생겨날 것이네.'" "그가 말했다. '어찌 그렇지 않겠습니까?'" "내가 말했다. '아마도 이 정체는 모든 정체 중에서 가장 아름다운 것일지도 모르네. 온갖 꽃들로 수놓아진 알록달록한 외투처럼, 이 정체 또한 온갖 성품들로 수놓아져 가장 아름답게 보일 것이네.'" "내가 말했다. '그리고 어쩌면 아이들과 여자들이 알록달록한 것을 보고 즐거워하듯이, 많은 이들이 이 정체를 가장 아름답다고 판단할지도 모르지.'" "그가 말했다. '정말 그렇습니다.'" "내가 말했다. '그리고 복받은 친구여, 이 나라 안에서 정체를 찾는 것은 아주 편리한 일이라네.'" "그가 말했다. '어째서입니까?'" "내가 말했다. '왜냐하면 그 자유 덕분에 온갖 종류의 정체가 그 안에 포함되어 있어서, 방금 우리가 했던 것처럼 나라를 세우고자 하는 사람에게는 민주주의가 행해지는 나라로 가서 자신을 만족시키는 방식을, 마치 정체 백화점에라도 온 것처럼 골라내어, 그렇게 고른 뒤에 나라를 세우는 것이 필요해 보이기 때문이네.'" "그가 말했다. '적어도 본보기가 부족하지는 않겠군요.'" "내가 말했다. '그리고 이 나라에서는 설령 그대에게 지배할 능력이 있더라도 지배할 의무가 전혀 없고, 원하지 않는다면 지배받을 의무도 없으며, 다른 이들이 전쟁을 하더라도 전쟁을 할 필요가 없고, 다른 이들이 평화를 지키더라도 그대가 평화를 원하지 않으면 평화롭게 있을 필요도 없다는 것, 또한 어떤 법이 그대에게 지배하거나 재판관이 되는 것을 금지하더라도 그대 자신이 원하기만 하면 그럼에도 불구하고 지배하고 재판을 할 수 있다는 것, 이러한 생활 방식은 당장은 신비롭고 유쾌한 것이 아니겠는가?'" "그가 말했다. '적어도 그 점에 있어서는 아마 그럴 것입니다.'" "내가 말했다. '그렇다면 이것은 어떤가? 유죄 판결을 받은 일부 사람들의 온화함은 참으로 기발하지 않은가? 아니면 그대는 이런 정체에서 사형이나 추방 판결을 받았음에도 불구하고 아무렇지도 않게 그 자리에 머물며 사람들 사이를 돌아다니고, 마치 아무도 신경 쓰지 않고 보지도 않는 것처럼 영웅처럼 활보하는 자들을 아직 보지 못했는가?'" "그가 말했다. '예, 아주 많이 보았습니다.'" "내가 말했다. '또한 이 정체의 관대함과 쩨쩨함이 전혀 없음, 오히려 우리가 나라를 세울 때 엄숙하게 말했던 것들――즉, 뛰어난 천성을 타고난 사람이 아니라면 어릴 때부터 곧바로 아름다운 것들 속에서 놀며 그와 같은 모든 것을 실천하지 않고서는 결코 훌륭한 사람이 될 수 없다는 것――을 얼마나 호기롭게 짓밟으며, 어떤 일상적 활동을 거쳐 정계에 입문하여 활동하는지 따위는 전혀 신경 쓰지 않고, 오직 그가 대중에게 호의적이라고 공언하기만 하면 그를 우대하는 그 모습은 어떠한가?'" "그가 말했다. '참으로 고결한 모습이군요.'" "내가 말했다. '민주주의는 이러한 특징들과 이와 유사한 다른 특징들을 지니게 될 것이네. 그리고 그것은 보아하니 유쾌하고 무정부 상태이며 다채로운 정체로서, 동등한 자들에게나 동등하지 않은 자들에게나 똑같이 일종의 평등을 배분해 주는 것 같네.'" "그가 말했다. '예, 정말 잘 아시는 말씀을 하십니다.'" "내가 말했다. '그렇다면 이제 살펴보세, 이러한 인간은 개인적으로 어떤 인물인지. 아니면 먼저 우리가 정체에 대해 살펴보았듯이, 그가 어떤 방식으로 태어나는지를 살펴보아야 할까?'" "그가 말했다. '예, 그렇습니다.'" "내가 말했다. '그렇다면 이와 같지 않겠는가? 저 검소하고 과두제적인 사람에게서, 아버지 밑에서 그 습관 속에서 자란 아들이 태어나지 않겠는가?'" "그가 말했다. '어찌 그렇지 않겠습니까?'" "내가 말했다. '그리고 이 아들 또한 자신 안에 있는 쾌락들 중에서 낭비적이면서도 돈벌이는 되지 않는 것, 즉 비필수적이라고 불리는 것들을 힘으로 억누를 것이네.'" "그가 말했다. '분명합니다.'" "내가 말했다. '그것들은 비필수적인 것이라 불리지.' 그가 말했다. '분명합니다.'" "내가 말했다. '그렇다면 우리의 대화가 모호해지지 않도록, 먼저 필수적인 욕망과 그렇지 않은 욕망을 정의해 두는 것이 어떻겠는가?'" "그가 말했다. '그렇게 하고 싶습니다.'" "내가 말했다. '그렇다면 우리가 물리칠 수 없는 욕망들과, 충족되었을 때 우리에게 이로움을 주는 욕망들은 정당하게 필수적인 것이라 불려야 하지 않겠는가?'" "내가 말했다. '왜냐하면 이 두 가지를 갈망하는 것은 우리 본성상 불가피하기 때문이네. 그렇지 않은가?'" "그가 말했다. '정말 그렇습니다.'"