§6.492ἣν τοίνυν ἔθεμεν τοῦ φιλοσόφου φύσιν, ἂν μὲν οἶμαι μαθήσεως προσηκούσης τύχῃ, εἰς πᾶσαν ἀρετὴν ἀνάγκη αὐξανομένην ἀφικνεῖσθαι, ἐὰν δὲ μὴ ἐν προσηκούσῃ σπαρεῖσά τε καὶ φυτευθεῖσα τρέφηται, εἰς πάντα τἀναντία αὖ, ἐὰν μή τις αὐτῇ βοηθήσας θεῶν τύχῃ.
"그러므로 우리가 규정한 철학자의 본성은, 내 생각에 만약 적절한 배움을 만난다면, 성장하여 온갖 덕에 도달할 수밖에 없네. 하지만 만약 적절하지 못한 환경에 뿌려지고 심어져 자라난다면, 신들 중 누군가가 도와주는 일이 일어나지 않는 한, 반대로 온갖 상반된 처지에 이르게 될 것이네.
ἢ καὶ σὺ ἡγῇ, ὥσπερ οἱ πολλοί, διαφθειρομένους τινὰς εἶναι ὑπὸ σοφιστῶν νέους, διαφθείροντας δέ τινας σοφιστὰς ἰδιωτικούς, ὅτι καὶ ἄξιον λόγου, ἀλλʼ οὐκ αὐτοὺς τοὺς ταῦτα λέγοντας μεγίστους μὲν εἶναι σοφιστάς, παιδεύειν δὲ τελεώτατα καὶ ἀπεργάζεσθαι οἵους βούλονται εἶναι καὶ νέους καὶ πρεσβυτέρους καὶ ἄνδρας καὶ γυναῖκας; πότε δή; ἦ δʼ ὅς.
아니면 자네도 대다수 사람들처럼, 소피스트들에 의해 타락하는 청년들이 일부 있고, 개인적으로 활동하는 소피스트들 중에 그들을 타락시키는 자들이 대단히 언급할 가치가 있을 만큼 존재한다고 생각하는가? 오히려 그러한 말을 하는 사람들 자신이 가장 큰 소피스트들이며, 그들이 가장 완벽하게 교육하고 청년이든 노인이든, 남자든 여자든 자신들이 원하는 대로 만들어내고 있는 것이 아닌가?" "대체 그것이 언제입니까?" 그가 말했다.
ὅταν, εἶπον, συγκαθεζόμενοι ἁθρόοι πολλοὶ εἰς ἐκκλησίας ἢ εἰς δικαστήρια ἢ θέατρα ἢ στρατόπεδα ἤ τινα ἄλλον κοινὸν πλήθους σύλλογον σὺν πολλῷ θορύβῳ τὰ μὲν ψέγωσι τῶν λεγομένων ἢ πραττομένων, τὰ δὲ ἐπαινῶσιν, ὑπερβαλλόντως ἑκάτερα, καὶ ἐκβοῶντες καὶ κροτοῦντες, πρὸς δʼ αὐτοῖς αἵ τε πέτραι καὶ ὁ τόπος ἐν ᾧ ἂν ὦσιν ἐπηχοῦντες διπλάσιον θόρυβον παρέχωσι τοῦ ψόγου καὶ ἐπαίνου.
"언제냐 하면," 내가 말했네, "많은 대중이 민회나 재판소, 극장, 진영, 혹은 다른 어떤 공동의 대중 집회에 한데 모여 앉아, 큰 소동 속에서 언급되거나 행해지는 일들에 대해 어떤 것은 비난하고 어떤 것은 칭찬하되, 양쪽 모두를 지나치게 행하며, 고함을 지르고 손뼉을 칠 때라네. 게다가 그들뿐만 아니라 바위들과 그들이 있는 장소 자체도 반향을 일으켜 비난과 칭찬의 소동을 두 배로 전달할 때라네.
ἐν δὴ τῷ τοιούτῳ τὸν νέον, τὸ λεγόμενον, τίνα οἴει καρδίαν ἴσχειν;
그러한 상황 속에서 청년이, 이른바 '어떤 마음'을 가질 수 있다고 생각하는가?
ἢ ποίαν αὐτῷ παιδείαν ἰδιωτικὴν ἀνθέξειν, ἣν οὐ κατακλυσθεῖσαν ὑπὸ τοῦ τοιούτου ψόγου ἢ ἐπαίνου οἰχήσεσθαι φερομένην κατὰ ῥοῦν ᾗ ἂν οὗτος φέρῃ, καὶ φήσειν τε τὰ αὐτὰ τούτοις καλὰ καὶ αἰσχρὰ εἶναι, καὶ ἐπιτηδεύσειν ἅπερ ἂν οὗτοι, καὶ ἔσεσθαι τοιοῦτον; πολλή, ἦ δʼ ὅς, ὦ Σώκρατες, ἀνάγκη.
혹은 그의 어떤 사적인 교육이 버텨낼 수 있겠는가? 그러한 비난이나 칭찬의 홍수에 휩쓸려 이것이 이끄는 대로 흐름을 따라 떠내려가지 않고 남을 교육이 있겠는가? 그리하여 그 또한 대중과 똑같은 것들을 아름답거나 추하다고 말하고, 그들과 똑같은 것을 일삼으며, 그러한 사람이 되지 않겠는가?" "소크라테스여, 그렇게 되는 것은 너무나 당연합니다"라고 그가 말했네.
καὶ μήν, ἦν δʼ ἐγώ, οὔπω τὴν μεγίστην ἀνάγκην εἰρήκαμεν. ποίαν; ἔφη.
"더욱이," 내가 말했네, "우리는 아직 가장 큰 강제력을 말하지 않았네." "어떤 것입니까?" 그가 말했다.
ἣν ἔργῳ προστιθέασι λόγῳ μὴ πείθοντες οὗτοι οἱ παιδευταί τε καὶ σοφισταί.
"이 교육자들이자 소피스트들이 말로 설득하지 못할 때 행동으로 덧붙이는 것일세.
ἢ οὐκ οἶσθα ὅτι τὸν μὴ πειθόμενον ἀτιμίαις τε καὶ χρήμασι καὶ θανάτοις κολάζουσι; καὶ μάλα, ἔφη, σφόδρα.
설득되지 않는 자를 그들이 시민권 박탈, 벌금, 그리고 사형으로 처벌한다는 것을 자네는 알지 못하는가?" "예, 너무나 잘 알고 있습니다"라고 그가 말했네.
τίνα οὖν ἄλλον σοφιστὴν οἴει ἢ ποίους ἰδιωτικοὺς λόγους ἐναντία τούτοις τείνοντας κρατήσειν; οἶμαι μὲν οὐδένα, ἦ δʼ ὅς.
"그렇다면 다른 어떤 소피스트가, 혹은 어떤 종류의 사적인 주장들이 이와 반대 방향으로 버티며 이겨낼 수 있다고 생각하는가?" "제 생각에는 아무도 없을 듯합니다"라고 그가 말했네.
οὐ γάρ, ἦν δʼ ἐγώ, ἀλλὰ καὶ τὸ ἐπιχειρεῖν πολλὴ ἄνοια.
"그렇다네," 내가 말했네. "오히려 그렇게 시도하는 것 자체가 커다란 어리석음일세.
§6.493οὔτε γὰρ γίγνεται οὔτε γέγονεν οὐδὲ οὖν μὴ γένηται ἀλλοῖον ἦθος πρὸς ἀρετὴν παρὰ τὴν τούτων παιδείαν πεπαιδευμένον, ἀνθρώπειον, ὦ ἑταῖρε—θεῖον μέντοι κατὰ τὴν παροιμίαν ἐξαιρῶμεν λόγου·
왜냐하면 그들의 교육에 반하여 덕을 향하도록 교육받아 달라진 성품은, 인간적인 것으로서는, 내 친구여, 생겨나지도 않았고 생겨난 적도 없으며 앞으로도 결코 생겨나지 않을 것이기 때문이네. 물론 신적인 것은 속담에 따라 논외로 하세나.
εὖ γὰρ χρὴ εἰδέναι, ὅτιπερ ἂν σωθῇ τε καὶ γένηται οἷον δεῖ ἐν τοιαύτῃ καταστάσει πολιτειῶν, θεοῦ μοῖραν αὐτὸ σῶσαι λέγων οὐ κακῶς ἐρεῖς. οὐδʼ ἐμοὶ ἄλλως, ἔφη, δοκεῖ.
왜냐하면 이러한 국제 체제 속에서 구원받아 마땅히 그래야 할 모습이 되는 것이 있다면, 그것을 구원한 것은 신의 섭리라고 말해도 결코 틀린 말이 아님을 잘 알아야 하기 때문이네." "저에게도 그 외의 것으로는 생각되지 않습니다"라고 그가 말했네.
ἔτι τοίνυν σοι, ἦν δʼ ἐγώ, πρὸς τούτοις καὶ τόδε δοξάτω. τὸ ποῖον; ἕκαστος τῶν μισθαρνούντων ἰδιωτῶν, οὓς δὴ οὗτοι σοφιστὰς καλοῦσι καὶ ἀντιτέχνους ἡγοῦνται, μὴ ἄλλα παιδεύειν ἢ ταῦτα τὰ τῶν πολλῶν δόγματα, ἃ δοξάζουσιν ὅταν ἁθροισθῶσιν, καὶ σοφίαν ταύτην καλεῖν·
"그렇다면 여기에 더해," 내가 말했네, "자네는 이것 또한 인정하게나." "어떤 것입니까?" "보수를 받는 개인들 각각, 즉 대중이 소피스트라 부르며 동업자이자 경쟁자로 여기는 자들이, 대중이 한데 모였을 때 품는 의견들 외에는 아무것도 가르치지 않으며, 이것을 '지혜'라고 부른다는 점일세.
οἷόνπερ ἂν εἰ θρέμματος μεγάλου καὶ ἰσχυροῦ τρεφομένου τὰς ὀργάς τις καὶ ἐπιθυμίας κατεμάνθανεν, ὅπῃ τε προσελθεῖν χρὴ καὶ ὅπῃ ἅψασθαι αὐτοῦ, καὶ ὁπότε χαλεπώτατον ἢ πρᾳότατον καὶ ἐκ τίνων γίγνεται, καὶ φωνὰς δὴ ἐφʼ οἷς ἑκάστας εἴωθεν φθέγγεσθαι, καὶ οἵας αὖ ἄλλου φθεγγομένου ἡμεροῦταί τε καὶ ἀγριαίνει, καταμαθὼν δὲ ταῦτα πάντα συνουσίᾳ τε καὶ χρόνου τριβῇ σοφίαν τε καλέσειεν καὶ ὡς τέχνην συστησάμενος ἐπὶ διδασκαλίαν τρέποιτο, μηδὲν εἰδὼς τῇ ἀληθείᾳ τούτων τῶν δογμάτων τε καὶ ἐπιθυμιῶν ὅτι καλὸν ἢ αἰσχρὸν ἢ ἀγαθὸν ἢ κακὸν ἢ δίκαιον ἢ ἄδικον, ὀνομάζοι δὲ πάντα ταῦτα ἐπὶ ταῖς τοῦ μεγάλου ζῴου δόξαις, οἷς μὲν χαίροι ἐκεῖνο ἀγαθὰ καλῶν, οἷς δὲ ἄχθοιτο κακά, ἄλλον δὲ μηδένα ἔχοι λόγον περὶ αὐτῶν, ἀλλὰ τἀναγκαῖα δίκαια καλοῖ καὶ καλά, τὴν δὲ τοῦ ἀναγκαίου καὶ ἀγαθοῦ φύσιν, ὅσον διαφέρει τῷ ὄντι, μήτε ἑωρακὼς εἴη μήτε ἄλλῳ δυνατὸς δεῖξαι.
그것은 마치 어떤 사람이 길러지고 있는 크고 강한 짐승의 노여움과 욕구를 면밀히 파악하는 것과 같네. 어떻게 접근해야 하고 어떻게 만져야 하는지, 언제 가장 사나워지고 언제 가장 온순해지며 그것이 무엇 때문에 그렇게 되는지, 그리고 어떤 경우에 각각 어떤 소리를 내는 버릇이 있는지, 또한 타인이 어떤 소리를 낼 때 온순해지고 야생화되는지를 말이네. 오랜 사귐과 시간의 소모를 통해 이 모든 것을 알아낸 후, 이를 지혜라고 부르고 기술로서 체계화하여 가르치는 일에 전념하되, 실제로는 이러한 의견들과 욕구들 중에서 무엇이 아름답거나 추한지, 혹은 좋거나 나쁜지, 의롭거나 불의한지 참되게는 아무것도 알지 못하면서, 그 거대한 짐승의 의견들에 맞추어 이 모든 것을 명명하는 것과 같네. 짐승이 기뻐하는 것을 좋은 것이라 부르고, 싫어하는 것을 나쁜 것이라 부르며, 그것들에 대해 다른 아무런 근거도 대지 못하고, 단지 필연적인 것을 의롭고 아름다운 것이라 부르되, 필연적인 것의 성질과 좋은 것의 성질이 실제로 얼마나 다른지는 보지도 못했고 타인에게 보여줄 능력도 없는 자와 같네.
τοιοῦτος δὴ ὢν πρὸς Διὸς οὐκ ἄτοπος ἄν σοι δοκεῖ εἶναι παιδευτής; ἔμοιγʼ, ἔφη.
제우스에 맹세코, 이러한 자라면 자네에게 이상한 교육자로 여겨지지 않겠는가?" "저에게는 참으로 그렇습니다"라고 그가 말했네.
ἦ οὖν τι τούτου δοκεῖ διαφέρειν ὁ τὴν τῶν πολλῶν καὶ παντοδαπῶν συνιόντων ὀργὴν καὶ ἡδονὰς κατανενοηκέναι σοφίαν ἡγούμενος, εἴτʼ ἐν γραφικῇ εἴτʼ ἐν μουσικῇ εἴτε δὴ ἐν πολιτικῇ;
"그렇다면 한데 모인 온갖 대중의 분노와 즐거움을 파악한 것을 지혜라고 생각하는 자가, 미술이든 음악이든 혹은 정치에서든 간에, 이 사육사와 조금이라도 다르다고 생각하는가?
ὅτι μὲν γὰρ ἄν τις τούτοις ὁμιλῇ ἐπιδεικνύμενος, ἢ ποίησιν ἤ τινα ἄλλην δημιουργίαν ἢ πόλει διακονίαν, κυρίους αὑτοῦ ποιῶν τοὺς πολλούς, πέρα τῶν ἀναγκαίων, ἡ Διομηδεία λεγομένη ἀνάγκη ποιεῖν αὐτῷ ταῦτα ἃ ἂν οὗτοι ἐπαινῶσιν·
왜냐하면 누구든 대중과 어울리며 시가나 다른 제작물, 혹은 국가에 대한 봉사를 과시하여 필요 이상으로 대중을 자신의 주인으로 삼는다면, 이른바 '디오메데스의 필연'이 그로 하여금 대중이 칭찬하는 것들을 제작하도록 만들기 때문이네.
ὡς δὲ καὶ ἀγαθὰ καὶ καλὰ ταῦτα τῇ ἀληθείᾳ, ἤδη πώποτέ του ἤκουσας αὐτῶν λόγον διδόντος οὐ καταγέλαστον; οἶμαι δέ γε, ἦ δʼ ὅς, οὐδʼ ἀκούσομαι.
하지만 이것들이 참으로 좋고 아름답다는 것에 대해, 자네는 지금까지 그들이 우스꽝스럽지 않은 근거를 제시하는 것을 들은 적이 있는가?" "제 생각에도 결코 듣지 못할 것 같습니다"라고 그가 말했다.