§2.371καὶ μὴν κενὸς ἂν ἴῃ ὁ διάκονος, μηδὲν ἄγων ὧν ἐκεῖνοι δέονται παρʼ ὧν ἂν κομίζωνται ὧν ἂν αὐτοῖς χρεία, κενὸς ἄπεισιν.
“그런데 참으로, 만일 심부름꾼이 그들로부터 자신들이 필요한 것을 가져오고자 하는 그 사람들이 필요로 하는 것을 아무것도 가져가지 않고 빈손으로 간다면, 빈손으로 돌아오게 될 것이네.
ἦ γάρ; δοκεῖ μοι. δεῖ δὴ τὰ οἴκοι μὴ μόνον ἑαυτοῖς ποιεῖν ἱκανά, ἀλλὰ καὶ οἷα καὶ ὅσα ἐκείνοις ὧν ἂν δέωνται. δεῖ γάρ. πλειόνων δὴ γεωργῶν τε καὶ τῶν ἄλλων δημιουργῶν δεῖ ἡμῖν τῇ πόλει. πλειόνων γάρ. καὶ δὴ καὶ τῶν ἄλλων διακόνων που τῶν τε εἰσαξόντων καὶ ἐξαξόντων ἕκαστα.
그렇지 않은가?” “그렇게 보입니다.” “그러므로 국내의 생산물을 자신들에게 충분할 뿐만 아니라, 그들이 필요로 하는 그러한 종류와 양만큼 만들어내야 하겠군.” “그래야만 합니다.” “그렇다면 우리 국가에는 더 많은 농부들과 다른 장인들이 필요하네.” “필요합니다.” “그리고 물론 각 물품을 수입하고 수출할 다른 심부름꾼들도 있어야 할 것이네.
οὗτοι δέ εἰσιν ἔμποροι· ἦ γάρ; ναί. καὶ ἐμπόρων δὴ δεησόμεθα. πάνυ γε. καὶ ἐὰν μέν γε κατὰ θάλατταν ἡ ἐμπορία γίγνηται, συχνῶν καὶ ἄλλων προσδεήσεται τῶν ἐπιστημόνων τῆς περὶ τὴν θάλατταν ἐργασίας. συχνῶν μέντοι. τί δὲ δή; ἐν αὐτῇ τῇ πόλει πῶς ἀλλήλοις μεταδώσουσιν ὧν ἂν ἕκαστοι ἐργάζωνται;
이들이 ‘상인’들이 아니겠는가?” “그렇습니다.” “그렇다면 상인들도 필요하겠군.” “참으로 그렇습니다.” “그리고 만일 무역이 바다를 통해 이루어진다면, 바다 와 관련된 일에 숙련된 다른 많은 이들이 추가로 필요할 것이네.” “참으로 많은 이들이 필요할 것입니다.” “그런데 국가 내부 자체에서는 그들이 저마다 생산한 것들을 어떻게 서로 나누겠는가?
ὧν δὴ ἕνεκα καὶ κοινωνίαν ποιησάμενοι πόλιν ᾠκίσαμεν.
바로 이것을 위해 우리가 공동 관계를 맺고 나라를 세우지 않았는가.” “분명히” 그가 말했네.
δῆλον δή, ἦ δʼ ὅς, ὅτι πωλοῦντες καὶ ὠνούμενοι. ἀγορὰ δὴ ἡμῖν καὶ νόμισμα σύμβολον τῆς ἀλλαγῆς ἕνεκα γενήσεται ἐκ τούτου. πάνυ μὲν οὖν. ἂν οὖν κομίσας ὁ γεωργὸς εἰς τὴν ἀγοράν τι ὧν ποιεῖ, ἤ τις ἄλλος τῶν δημιουργῶν, μὴ εἰς τὸν αὐτὸν χρόνον ἥκῃ τοῖς δεομένοις τὰ παρʼ αὐτοῦ ἀλλάξασθαι, ἀργήσει τῆς αὑτοῦ δημιουργίας καθήμενος ἐν ἀγορᾷ;
“팔고 사는 것을 통해서입니다.” “이로부터 우리에게 교환을 위한 시장과 그 징표로서의 화폐가 생겨나겠군.” “전적으로 그렇습니다.” “그렇다면 농부나 다른 장인들 중 누군가가 자신이 만든 물건을 시장에 가져왔는데, 그의 물건을 교환하려는 사람들과 같은 시간에 도착하지 못한다면, 그는 시장에 앉아 자신의 장인 일을 멈추게 되는가?” “결코 아닙니다”라고 그가 말했네.
οὐδαμῶς, ἦ δʼ ὅς, ἀλλὰ εἰσὶν οἳ τοῦτο ὁρῶντες ἑαυτοὺς ἐπὶ τὴν διακονίαν τάττουσιν ταύτην, ἐν μὲν ταῖς ὀρθῶς οἰκουμέναις πόλεσι σχεδόν τι οἱ ἀσθενέστατοι τὰ σώματα καὶ ἀχρεῖοί τι ἄλλο ἔργον πράττειν.
“이러한 상황을 보고 스스로 이 중개 업무를 맡는 사람들이 있네. 올바르게 다스려지는 나라들에서는 대체로 몸이 가장 약해서 다른 어떤 일을 하기에는 무익한 사람들이 이를 맡네.
αὐτοῦ γὰρ δεῖ μένοντας αὐτοὺς περὶ τὴν ἀγορὰν τὰ μὲν ἀντʼ ἀργυρίου ἀλλάξασθαι τοῖς τι δεομένοις ἀποδόσθαι, τοῖς δὲ ἀντὶ αὖ ἀργυρίου διαλλάττειν ὅσοι τι δέονται πρίασθαι.
왜냐하면 그들은 시장 주변에 머물면서, 무언가를 팔고자 하는 이들에게는 돈을 주고 물건을 바꾸어주고, 반대로 무언가를 사고자 하는 이들에게는 돈을 받고 물건을 바꾸어주어야 하기 때문이네.” “그렇다면” 내가 말했네.
αὕτη ἄρα, ἦν δʼ ἐγώ, ἡ χρεία καπήλων ἡμῖν γένεσιν ἐμποιεῖ τῇ πόλει.
“이러한 필요가 우리 국가에 ‘소매상인’의 존재를 낳는군.
ἢ οὐ καπήλους καλοῦμεν τοὺς πρὸς ὠνήν τε καὶ πρᾶσιν διακονοῦντας ἱδρυμένους ἐν ἀγορᾷ, τοὺς δὲ πλανήτας ἐπὶ τὰς πόλεις ἐμπόρους; πάνυ μὲν οὖν. ἔτι δή τινες, ὡς ἐγᾦμαι, εἰσὶ καὶ ἄλλοι διάκονοι, οἳ ἂν τὰ μὲν τῆς διανοίας μὴ πάνυ ἀξιοκοινώνητοι ὦσιν, τὴν δὲ τοῦ σώματος ἰσχὺν ἱκανὴν ἐπὶ τοὺς πόνους ἔχωσιν·
시장에 자리 잡고 사고파는 일을 돕는 이들을 ‘소매상인’이라 부르고, 여러 나라를 돌아다니는 이들을 ‘상인’이라 부르지 않는가?” “참으로 그렇습니다.” “게다가 내 생각에는 또 다른 심부름꾼들도 있으니, 이들은 지적 능력 면에서는 공동체에 참여할 만한 가치가 별로 없지만, 노역을 감당하기에 충분한 신체적 힘을 가진 이들이네.
οἳ δὴ πωλοῦντες τὴν τῆς ἰσχύος χρείαν, τὴν τιμὴν ταύτην μισθὸν καλοῦντες, κέκληνται, ὡς ἐγᾦμαι, μισθωτοί·
이들은 신체적 힘의 유용성을 팔고 그 대가를 ‘품삯’이라 부르기에, 내 생각에는 ‘임노동자’라 불리는 이들이네.
ἦ γάρ; πάνυ μὲν οὖν. πλήρωμα δὴ πόλεώς εἰσιν, ὡς ἔοικε, καὶ μισθωτοί. δοκεῖ μοι. ἆρʼ οὖν, ὦ Ἀδείμαντε, ἤδη ἡμῖν ηὔξηται ἡ πόλις, ὥστʼ εἶναι τελέα; ἴσως.
그렇지 않은가?” “참으로 그렇습니다.” “보아하니 임노동자들 역시 국가의 구성원을 채우는 이들인 것 같군.” “그렇게 보입니다.” “그렇다면 아데이만토스여, 이제 우리 국가는 완성될 만큼 성장한 것인가?” “아마도 그렇겠습니다.” “그렇다면 정의와 불의는 이 국가의 도대체 어디에 있는 것일까?
ποῦ οὖν ἄν ποτε ἐν αὐτῇ εἴη ἥ τε δικαιοσύνη καὶ ἡ ἀδικία; καὶ τίνι ἅμα ἐγγενομένη ὧν ἐσκέμμεθα;
그리고 우리가 고찰한 것들 중 어느 것과 함께 국가 안에 들어왔겠는가?”