§184ΛΑ. τέως μὲν οὖν παρέθει ἐν τῇ νηὶ ἀντεχόμενος τοῦ δόρατος·
라케스: 한동안 그는 창을 붙잡고 배를 따라 달렸소.
ἐπεὶ δὲ δὴ παρημείβετο ἡ ναῦς τὴν ναῦν καὶ ἐπέσπα αὐτὸν τοῦ δόρατος ἐχόμενον, ἐφίει τὸ δόρυ διὰ τῆς χειρός, ἕως ἄκρου τοῦ στύρακος ἀντελάβετο.
하지만 배가 상대선을 스쳐 지나가며 창을 잡고 있는 그를 끌어당기자, 그는 손 안에서 창을 미끄러뜨리며 마침내 창끝 석돌을 붙잡았소.
ἦν δὲ γέλως καὶ κρότος ὑπὸ τῶν ἐκ τῆς ὁλκάδος ἐπί τε τῷ σχήματι αὐτοῦ, καὶ ἐπειδὴ βαλόντος τινὸς λίθῳ παρὰ τοὺς πόδας αὐτοῦ ἐπὶ τὸ κατάστρωμα ἀφίεται τοῦ δόρατος, τότʼ ἤδη καὶ οἱ ἐκ τῆς τριήρους οὐκέτι οἷοί τʼ ἦσαν τὸν γέλωτα κατέχειν, ὁρῶντες αἰωρούμενον ἐκ τῆς ὁλκάδος τὸ δορυδρέπανον ἐκεῖνο.
상선에 있던 자들은 그의 기괴한 자세를 보고 웃음과 박수를 터뜨렸는데, 마침 누군가 그의 발밑 갑판 위로 돌을 던지자 그가 창을 놓아버렸소. 그러자 그제야 삼단노선에 있던 자들조차 상선에서 대롱대롱 매달려 흔들리는 저 낫 달린 창을 보고서 더 이상 웃음을 참지 못했소.
ἴσως μὲν οὖν εἴη ἂν τὶ ταῦτα, ὥσπερ Νικίας λέγει· οἷς δʼ οὖν ἐγὼ ἐντετύχηκα, τοιαῦτʼ ἄττα ἐστίν.
어쩌면 니키아스가 말하는 것처럼 이 일에 무언가 있을지도 모르겠소만, 내가 겪어본 바에 따르면 대략 그러했소.
ὃ οὖν καὶ ἐξ ἀρχῆς εἶπον, εἴτε οὕτω σμικρὰς ὠφελίας ἔχει μάθημα ὄν, εἴτε μὴ ὂν φασὶ καὶ προσποιοῦνται αὐτὸ εἶναι μάθημα, οὐκ ἄξιον ἐπιχειρεῖν μανθάνειν.
그러니 내가 처음에도 말했듯이, 이것이 설령 배움이라서 이토록 미미한 유익만을 주든, 아니면 배움이 아님에도 그들이 배움이라고 주장하며 그렇게 보이려 꾸미든 간에, 배울 가치가 없소.
καὶ γὰρ οὖν μοι δοκεῖ, εἰ μὲν δειλός τις ὢν οἴοιτο αὐτὸ ἐπίστασθαι, θρασύτερος ἂν διʼ αὐτὸ γενόμενος ἐπιφανέστερος γένοιτο οἷος ἦν, εἰ δὲ ἀνδρεῖος, φυλαττόμενος ἂν ὑπὸ τῶν ἀνθρώπων, εἰ καὶ σμικρὸν ἐξαμάρτοι, μεγάλας ἂν διαβολὰς ἴσχειν·
실로 내 생각에는, 만일 겁쟁이가 이것을 안다고 여긴다면, 그로 인해 대담해져 자신이 실제로 어떤 자인지를 더욱 명백히 드러내게 될 것이고, 반대로 용감한 자라면, 사람들의 예의 주시를 받기에 아주 작은 실수만 하더라도 커다란 비방을 사게 될 것이기 때문이오.
ἐπίφθονος γὰρ ἡ προσποίησις τῆς τοιαύτης ἐπιστήμης, ὥστʼ εἰ μή τι θαυμαστὸν ὅσον διαφέρει τῇ ἀρετῇ τῶν ἄλλων, οὐκ ἔσθʼ ὅπως ἄν τις φύγοι τὸ καταγέλαστος γενέσθαι φάσκων ἔχειν ταύτην τὴν ἐπιστήμην.
그런 지식을 가진 척하는 것은 시기심을 불러일으키기 십상이니, 만일 덕성에 있어서 남들보다 놀라울 정도로 뛰어나지 않다면, 이 지식을 가졌다고 공언하면서 웃음거리가 되는 일을 피할 방도가 전혀 없소.
τοιαύτη τις ἔμοιγε δοκεῖ, ὦ Λυσίμαχε, ἡ περὶ τοῦτο τὸ μάθημα εἶναι σπουδή·
리시마코스여, 내가 보기에 이 배움에 대한 열성은 대략 이런 것이오.
χρὴ δʼ ὅπερ σοι ἐξ ἀρχῆς ἔλεγον, καὶ Σωκράτη τόνδε μὴ ἀφιέναι, ἀλλὰ δεῖσθαι συμβουλεύειν ὅπῃ δοκεῖ αὐτῷ περὶ τοῦ προκειμένου.
그러니 내가 처음부터 말했듯이, 여기 있는 소크라테스를 놓아주지 말고 제시된 사안에 대해 그가 어떻게 생각하는지 조언을 구해야 하오.
ΛΥ. ἀλλὰ δέομαι ἔγωγε, ὦ Σώκρατες·
리시마코스: 아니, 소크라테스여, 나 또한 간청하오.
καὶ γὰρ ὥσπερ τοῦ ἐπιδιακρινοῦντος δοκεῖ μοι δεῖν ἡμῖν ἡ βουλή.
우리의 의논에는 마치 중재자가 필요한 것처럼 보이기 때문이오.
εἰ μὲν γὰρ συνεφερέσθην τώδε, ἧττον ἂν τοῦ τοιούτου ἔδει· νῦν δὲ τὴν ἐναντίαν γάρ, ὡς ὁρᾷς, Λάχης Νικίᾳ ἔθετο, εὖ δὴ ἔχει ἀκοῦσαι καὶ σοῦ ποτέρῳ τοῖν ἀνδροῖν σύμψηφος εἶ.
만약 이 두 사람이 뜻을 같이했다면 그러한 중재자가 덜 필요했겠지만, 보시다시피 지금 라케스는 니키아스와 정반대 입장을 취하고 있으니, 당신이 두 사람 중 누구의 손을 들어주는지 듣는 것이 참으로 좋겠소.
ΣΩ. τί δέ, ὦ Λυσίμαχε;
소크라테스: 그게 무슨 말씀이십니까, 리시마코스여?
ὁπότερʼ ἂν οἱ πλείους ἐπαινῶσιν ἡμῶν, τούτοις μέλλεις χρῆσθαι;
우리 중 다수가 찬성하는 쪽이 있다면 그것을 따르시겠다는 말씀이십니까?
ΛΥ. τί γὰρ ἄν τις καὶ ποιοῖ, ὦ Σώκρατες;
리시마코스: 소크라테스여, 달리 어찌할 방도가 있겠소?
ΣΩ. ἦ καὶ σύ, ὦ Μελησία, οὕτως ἂν ποιοῖς;
소크라테스: 멜레시아스여, 당신도 그렇게 하시겠습니까?
κἂν εἴ τις περὶ ἀγωνίας τοῦ ὑέος σοι βουλὴ εἴη τί χρὴ ἀσκεῖν, ἆρα τοῖς πλείοσιν ἂν ἡμῶν πείθοιο, ἢ ʼκείνῳ ὅστις τυγχάνει ὑπὸ παιδοτρίβῃ ἀγαθῷ πεπαιδευμένος καὶ ἠσκηκώς;
만일 당신의 아들이 치를 경기에 관해 무엇을 연마해야 할지 조언을 구한다면, 당신은 우리 중 다수의 의견을 따르시겠습니까, 아니면 훌륭한 체육 교사 밑에서 교육받고 훈련한 한 사람의 의견을 따르시겠습니까?
ΜΕ. ἐκείνῳ εἰκός γε, ὦ Σώκρατες.
멜레시아스: 당연히 후자의 사람이겠지요, 소크라테스여.
ΣΩ. αὐτῷ ἄρʼ ἂν μᾶλλον πείθοιο ἢ τέτταρσιν οὖσιν ἡμῖν;
소크라테스: 그렇다면 우리 네 사람보다 그 한 사람을 더 따르시겠다는 말씀이군요?
ΜΕ. ἴσως.
멜레시아스: 아마도 그렇겠지요.
ΣΩ. ἐπιστήμῃ γὰρ οἶμαι δεῖ κρίνεσθαι ἀλλʼ οὐ πλήθει τὸ μέλλον καλῶς κριθήσεσθαι.
소크라테스: 참으로 훌륭하게 판단되어야 할 일은 쪽수가 아니라 지식에 의해 판단되어야 마땅하다고 생각하기 때문입니다.
ΜΕ. πῶς γὰρ οὔ;
멜레시아스: 어찌 그렇지 않겠습니까?