§123ΣΩ. ὥστε εὖ χρὴ εἰδέναι ὅτι καὶ χρυσῷ καὶ ἀργύρῳ οἱ ἐκεῖ πλουσιώτατοί εἰσιν τῶν Ἑλλήνων, καὶ αὐτῶν ἐκείνων ὁ βασιλεύς·
소크라테스: 그러므로 그곳 사람들이 금에 있어서나 은에 있어서나 그리스인들 중 가장 부유하며, 그들 중에서도 왕이 가장 부유하다는 것을 잘 알아두어야 하네.
ἔκ τε γὰρ τῶν τοιούτων μέγισται λήψεις καὶ πλεῖσταί εἰσι τοῖς βασιλεῦσιν, ἔτι δὲ καὶ ὁ βασιλικὸς φόρος οὐκ ὀλίγος γίγνεται, ὃν τελοῦσιν οἱ Λακεδαιμόνιοι τοῖς βασιλεῦσιν.
그러한 방편들로부터 왕들에게는 가장 크고 가장 많은 수입이 들어오며, 게다가 라케다이몬인들이 왕들에게 내는 왕의 공납도 적지 않기 때문이지.
καὶ τὰ μὲν Λακεδαιμονίων ὡς πρὸς Ἑλληνικοὺς μὲν πλούτους μεγάλα, ὡς δὲ πρὸς τοὺς Περσικοὺς καὶ τοῦ ἐκείνων βασιλέως οὐδέν.
그리고 라케다이몬인의 부는 그리스의 부와 비교하면 거대하지만, 페르시아인들의 부나 그곳의 왕의 부와 비교하면 아무것도 아니라네.
ἐπεί ποτʼ ἐγὼ ἤκουσα ἀνδρὸς ἀξιοπίστου τῶν ἀναβεβηκότων παρὰ βασιλέα, ὃς ἔφη παρελθεῖν χώραν πάνυ πολλὴν καὶ ἀγαθήν, ἐγγὺς ἡμερησίαν ὁδόν, ἣν καλεῖν τοὺς ἐπιχωρίους ζώνην τῆς βασιλέως γυναικός·
내가 언젠가 왕에게 올라갔던 신뢰할 만한 사람에게 들은 바로는, 그가 하루 길에 가까운 아주 넓고 좋은 땅을 지나갔는데, 그곳을 현지인들은 ‘왕비의 허리띠’라고 부른다고 하더군.
εἶναι δὲ καὶ ἄλλην ἣν αὖ καλεῖσθαι καλύπτραν, καὶ ἄλλους πολλοὺς τόπους καλοὺς καὶ ἀγαθοὺς εἰς τὸν κόσμον ἐξῃρημένους τὸν τῆς γυναικός, καὶ ὀνόματα ἔχειν ἑκάστους τῶν τόπων ἀπὸ ἑκάστου τῶν κόσμων.
그리고 또 다른 곳은 ‘베일’이라 불리며, 그 밖에도 많은 아름답고 비옥한 땅들이 왕비의 장식품을 위해 따로 떼어 놓여 있고, 그 장소들은 저마다 각 장식품의 이름을 따서 명칭을 가지고 있다는 걸세.
ὥστʼ οἶμαι ἐγώ, εἴ τις εἴποι τῇ βασιλέως μητρί, Ξέρξου δὲ γυναικί, Ἀμήστριδι, ὅτι ἐν νῷ ἔχει σοῦ τῷ ὑεῖ ἀντιτάττεσθαι ὁ Δεινομάχης ὑός, ᾗ ἔστι κόσμος ἴσως ἄξιος μνῶν πεντήκοντα εἰ πάνυ πολλοῦ, τῷ δʼ ὑεῖ αὐτῆς γῆς πλέθρα Ἐρχίασιν οὐδὲ τριακόσια, θαυμάσαι ἂν ὅτῳ ποτὲ πιστεύων ἐν νῷ ἔχει οὗτος ὁ Ἀλκιβιάδης τῷ Ἀρτοξέρξῃ διαγωνίζεσθαι, καὶ οἶμαι ἂν αὐτὴν εἰπεῖν ὅτι οὐκ ἔσθʼ ὅτῳ ἄλλῳ πιστεύων οὗτος ἀνὴρ ἐπιχειρεῖ πλὴν ἐπιμελείᾳ τε καὶ σοφίᾳ· ταῦτα γὰρ μόνα ἄξια λόγου ἐν Ἕλλησιν.
그러니 내 생각에는, 만일 누군가가 왕의 어머니이자 크세르크세스의 아내인 아메스트리스에게 “디노마케의 아들이 당신의 아들과 맞서려 하고 있습니다”라고 말한다면, 그녀에게는 기껏해야 아주 많이 쳐주어야 오십 므나 정도 가치의 장신구가 있는 반면, 그녀 아들의 대항자에게는 에르키아에 삼백 플레트론도 안 되는 땅밖에 없으니, 그녀는 도대체 무엇을 믿고 이 알키비아데스라는 자가 아르타크세르크세스와 겨루려 하고 있는지 의아해할 걸세. 그리고 나는 그녀가 이렇게 말할 것이라 생각하네. “이 사내가 착수하는 것은 배려와 지혜 외에는 다른 어떤 것도 믿는 구석이 없기 때문일 것이다.
ἐπεὶ εἴ γε πύθοιτο ὅτι Ἀλκιβιάδης οὗτος νῦν ἐπιχειρεῖ πρῶτον μὲν ἔτη οὐδέπω γεγονὼς σφόδρα εἴκοσιν, ἔπειτα παντάπασιν ἀπαίδευτος, πρὸς δὲ τούτοις, τοῦ ἐραστοῦ αὐτῷ λέγοντος ὅτι χρὴ πρῶτον μαθόντα καὶ ἐπιμεληθέντα αὑτοῦ καὶ ἀσκήσαντα οὕτως ἰέναι διαγωνιούμενον βασιλεῖ, οὐκ ἐθέλει, ἀλλά φησιν ἐξαρκεῖν καὶ ὡς ἔχει, οἶμαι ἂν αὐτὴν θαυμάσαι τε καὶ ἐρέσθαι· τί οὖν ποτʼ ἔστιν ὅτῳ πιστεύει τὸ μειράκιον;
그리스인들 중에서 언급할 가치가 있는 것은 오직 이것들뿐이니까.” 하지만 만일 그녀가, 이 알키비아데스가 지금 도전하려는 것이, 첫째로 아직 나이가 스무 살도 채 되지 않았고, 둘째로 완전히 무교육한 상태이며, 게다가 그의 애인이 그에게 먼저 배우고 자신을 돌보며 훈련한 뒤에 그렇게 왕과 겨루러 나아가야 한다고 말하는데도, 그것을 원치 않고 지금 상태로도 충분하다고 말한다는 것을 알게 된다면, 그녀는 놀라며 이렇게 물을 것이라 생각하네.
εἰ οὖν λέγοιμεν ὅτι κάλλει τε καὶ μεγέθει καὶ γένει καὶ πλούτῳ καὶ φύσει τῆς ψυχῆς, ἡγήσαιτʼ ἂν ἡμᾶς, ὦ Ἀλκιβιάδη, μαίνεσθαι πρὸς τὰ παρὰ σφίσιν ἀποβλέψασα πάντα τὰ τοιαῦτα.
“그렇다면 그 젊은이는 도대체 무엇을 믿고 있는 것인가?” 그래서 우리가 만일 “아름다움과, 큰 체구와, 가문과, 부와, 혼의 천성입니다”라고 말한다면, 알키비아데스여, 그녀는 자신들이 가진 이 모든 것들을 바라보고 우리를 미쳤다고 여길 걸세.
§124ΣΩ. οἶμαι δὲ κἂν Λαμπιδώ, τὴν Λεωτυχίδου μὲν θυγατέρα, Ἀρχιδάμου δὲ γυναῖκα, Ἄγιδος δὲ μητέρα, οἳ πάντες βασιλῆς γεγόνασιν, θαυμάσαι ἂν καὶ ταύτην εἰς τὰ παρὰ σφίσιν ὑπάρχοντα ἀποβλέψασαν, εἰ σὺ ἐν νῷ ἔχεις τῷ ὑεῖ αὐτῆς διαγωνίζεσθαι οὕτω κακῶς ἠγμένος.
소크라테스: 그리고 나는 레오튀키데스의 딸이자, 아르키다모스의 아내이며 아기스의 어머니인 람피도 역시(이들은 모두 왕이었네), 그들이 가진 것들을 바라보고 자네가 이토록 형편없이 길러진 몸으로 그녀의 아들과 경쟁하려 마음먹고 있다면 기이하게 여길 것이라 생각하네.
καίτοι οὐκ αἰσχρὸν δοκεῖ εἶναι, εἰ αἱ τῶν πολεμίων γυναῖκες βέλτιον περὶ ἡμῶν διανοοῦνται, οἵους χρὴ ὄντας σφίσιν ἐπιχειρεῖν, ἢ ἡμεῖς περὶ ἡμῶν αὐτῶν;
그렇지만 적들의 아내들이, 자신들에게 도전하려면 어떤 자들이어야 하는가에 대해 우리가 우리 자신에 대해 생각하는 것보다 더 훌륭하게 생각하고 있다면, 그것은 부끄러운 일이 아니겠는가?
ἀλλʼ, ὦ μακάριε, πειθόμενος ἐμοί τε καὶ τῷ ἐν Δελφοῖς γράμματι, γνῶθι σαυτόν, ὅτι οὗτοι ἡμῖν εἰσιν ἀντίπαλοι, ἀλλʼ οὐχ οὓς σὺ οἴει·
그러니 복받은 벗이여, 나와 델포이의 글귀에 따라 “너 자신을 알라”를 따르게나. 이들이야말로 우리의 적수이며, 자네가 생각하는 그런 자들이 아니기 때문일세.
ὧν ἄλλῳ μὲν οὐδʼ ἂν ἑνὶ περιγενοίμεθα, εἰ μή περ ἐπιμελείᾳ γε ἂν καὶ τέχνῃ.
이들에게는 배려와 기술이 아니고서는 다른 그 어떤 것으로도 결코 이겨낼 수 없을 걸세.
ὧν σὺ εἰ ἀπολειφθήσῃ, καὶ τοῦ ὀνομαστὸς γενέσθαι ἀπολειφθήσῃ ἐν Ἕλλησί τε καὶ βαρβάροις, οὗ μοι δοκεῖς ἐρᾶν ὡς οὐδεὶς ἄλλος ἄλλου.
만일 자네가 이것들에서 뒤처진다면, 그리스인들과 야만인들 사이에서 이름난 자가 되는 일에서도 뒤처지게 될 것이네. 자네는 그것을 다른 누구보다도 열망하고 있는 것으로 나에게 보이네만.
ΑΛ. τίνα οὖν χρὴ τὴν ἐπιμέλειαν, ὦ Σώκρατες, ποιεῖσθαι;
알키비아데스: 그렇다면 소크라테스여, 어떤 배려를 기울여야 한단 말입니까?
ἔχεις ἐξηγήσασθαι;
설명해 주실 수 있습니까?
παντὸς γὰρ μᾶλλον ἔοικας ἀληθῆ εἰρηκότι.
당신은 그 누구보다도 진실을 말씀하신 것처럼 보이니까요.
ΣΩ. ναί·
소크라테스: 그렇네.
ἀλλὰ γὰρ κοινὴ βουλὴ ᾧτινι τρόπῳ ἂν ὅτι βέλτιστοι γενοίμεθα.
하지만 우리가 어떤 방법으로 가장 훌륭해질 수 있을지 공동으로 의논해 보아야 하네.
ἐγὼ γάρ τοι οὐ περὶ μὲν σοῦ λέγω ὡς χρὴ παιδευθῆναι, περὶ ἐμοῦ δὲ οὔ·
왜냐하면 나는 자네가 교육받아야 한다고 말하면서 나에 대해서는 그렇지 않다고 말하는 것이 아니기 때문일세.
οὐ γὰρ ἔσθʼ ὅτῳ σου διαφέρω πλήν γʼ ἑνί.
참으로 나는 자네와 단 한 가지만 제외하면 다를 바가 없네.
ΑΛ. τίνι;
알키비아데스: 무엇에서입니까?
ΣΩ. ὁ ἐπίτροπος ὁ ἐμὸς βελτίων ἐστὶ καὶ σοφώτερος ἢ Περικλῆς ὁ σός.
소크라테스: 나의 후견인은 자네의 페리클레스보다 더 훌륭하고 더 지혜롭다네.
ΑΛ. τίς οὗτος, ὦ Σώκρατες;
알키비아데스: 소크라테스여, 그것이 누구입니까?
ΣΩ. θεός, ὦ Ἀλκιβιάδη, ὅσπερ σοί με οὐκ εἴα πρὸ τῆσδε τῆς ἡμέρας διαλεχθῆναι·
소크라테스: 신일세, 알키비아데스여. 오늘 이전에는 내가 자네와 대화하는 것을 허락하지 않으셨던 바로 그분이지.
ᾧ καὶ πιστεύων λέγω ὅτι ἡ ἐπιφάνεια διʼ οὐδενὸς ἄλλου σοι ἔσται ἢ διʼ ἐμοῦ.
나는 그분을 믿고 말하건대, 자네가 세상에 드러나는 일은 나 이외의 다른 누구를 통해서도 일어나지 않을 걸세.
ΑΛ. παίζεις, ὦ Σώκρατες.
알키비아데스: 농담하시는군요, 소크라테스여.
ΣΩ. ἴσως·
소크라테스: 그럴지도 모르지.
λέγω μέντοι ἀληθῆ, ὅτι ἐπιμελείας δεόμεθα, μᾶλλον μὲν πάντες ἄνθρωποι, ἀτὰρ νώ γε καὶ μάλα σφόδρα.
하지만 내가 진실을 말하고 있는 것은 분명하네. 우리는 배려가 필요하며, 모든 인간이 그러하지만 우리 둘은 특히나 아주 절실히 그렇다네.
ΑΛ. ὅτι μὲν ἐγώ, οὐ ψεύδῃ.
알키비아데스: 제가 필요하다는 점에 대해서는, 당신은 거짓말을 하시는 게 아닙니다.
ΣΩ. οὐδὲ μὴν ὅτι γε ἐγώ.
소크라테스: 그리고 내가 필요하다는 점에 대해서도 그렇다네.
ΑΛ. τί οὖν ἂν ποιοῖμεν;
알키비아데스: 그렇다면 우리는 무엇을 해야 할까요?
ΣΩ. οὐκ ἀπορρητέον οὐδὲ μαλθακιστέον, ὦ ἑταῖρε.
소크라테스: 포기해서도 안 되고 유약해져서도 안 되네, 벗이여.
ΑΛ. οὔτοι δὴ πρέπει γʼ, ὦ Σώκρατες.
알키비아데스: 확실히 그래서는 안 되지요, 소크라테스여.
ΣΩ. οὐ γάρ, ἀλλὰ σκεπτέον κοινῇ.
소크라테스: 그렇고말고. 그러니 공동으로 검토해 보세.
καί μοι λέγε·
그리고 나에게 말해 주게.
φαμὲν γὰρ δὴ ὡς ἄριστοι βούλεσθαι γενέσθαι.
우리는 가장 훌륭한 자들이 되기를 원한다고 말하지 않는가?
ἦ γάρ;
그렇지 않은가?
ΑΛ. ναί.
알키비아데스: 예.
ΣΩ. τίνα ἀρετήν;
소크라테스: 어떤 덕에 있어서인가?
ΑΛ. δῆλον ὅτι ἥνπερ οἱ ἄνδρες οἱ ἀγαθοί.
알키비아데스: 분명히 훌륭한 사람들이 가진 바로 그 덕입니다.
ΣΩ. οἱ τί ἀγαθοί;
소크라테스: 무엇에 훌륭한 사람들 말인가?
ΑΛ. δῆλον ὅτι οἱ πράττειν τὰ πράγματα.
알키비아데스: 분명히 일들을 처리하는 데 훌륭한 사람들입니다.
ΣΩ. ποῖα;
소크라테스: 어떤 일들인가?
ἆρα τὰ ἱππικά;
승마에 관한 일들인가?
ΑΛ. οὐ δῆτα.
알키비아데스: 설마요.
ΣΩ. παρὰ τοὺς ἱππικοὺς γὰρ ἂν ᾖμεν;
소크라테스: 그렇다면 우리는 승마 전문가들에게 갔을 테니 말일세.
ΑΛ. ναί.
알키비아데스: 예.
ΣΩ. ἀλλὰ τὰ ναυτικὰ λέγεις;
소크라테스: 그렇다면 항해에 관한 일들을 말하는가?
ΑΛ. οὔ.
알키비아데스: 아닙니다.
ΣΩ. παρὰ τοὺς ναυτικοὺς γὰρ ἂν ᾖμεν;
소크라테스: 그렇다면 우리는 항해 전문가들에게 갔을 테니 말일세.
ΑΛ. ναί.
알키비아데스: 예.
ΣΩ. ἀλλὰ ποῖα;
소크라테스: 그렇다면 어떤 일들인가?
ἃ τίνες πράττουσιν;
누구들이 처리하는?
ΑΛ. ἅπερ Ἀθηναίων οἱ καλοὶ κἀγαθοί.
알키비아데스: 아테네인들 중 아름답고 훌륭한 사람들이 처리하는 바로 그러한 일들입니다.