§103ΣΩ. ὦ παῖ Κλεινίου, οἶμαί σε θαυμάζειν ὅτι πρῶτος ἐραστής σου γενόμενος τῶν ἄλλων πεπαυμένων μόνος οὐκ ἀπαλλάττομαι, καὶ ὅτι οἱ μὲν ἄλλοι διʼ ὄχλου ἐγένοντό σοι διαλεγόμενοι, ἐγὼ δὲ τοσούτων ἐτῶν οὐδὲ προσεῖπον.
소크라테스: 클레이니아스의 아들이여, 그대의 첫 번째 연인이 된 내가 다른 이들이 모두 그만둔 뒤에도 홀로 떠나지 않고 있는 것과, 다른 이들은 그대에게 말을 걸며 귀찮게 굴었지만 나는 이토록 오랜 세월 동안 말 한마디 건네지 않은 것을 그대가 이상하게 여기고 있으리라 생각하네.
τούτου δὲ τὸ αἴτιον γέγονεν οὐκ ἀνθρώπειον, ἀλλά τι δαιμόνιον ἐναντίωμα, οὗ σὺ τὴν δύναμιν καὶ ὕστερον πεύσῃ.
이 일의 원인은 인간적인 것이 아니라 어떤 다이모니온의 방해 때문이었으니, 그 힘에 대해서는 그대도 나중에 알게 될 것이네.
νῦν δὲ ἐπειδὴ οὐκέτι ἐναντιοῦται, οὕτω προσελήλυθα· εὔελπις δʼ εἰμὶ καὶ τὸ λοιπὸν μὴ ἐναντιώσεσθαι αὐτό.
하지만 이제는 그것이 더 이상 방해하지 않으므로 이렇게 그대에게 나아온 것이며, 앞으로도 방해하지 않기를 나는 크게 기대하고 있네.
σχεδὸν οὖν κατανενόηκα ἐν τούτῳ τῷ χρόνῳ σκοπούμενος ὡς πρὸς τοὺς ἐραστὰς ἔσχες·
그리하여 나는 이 시간 동안 그대가 연인들을 어떻게 대했는지 관찰하면서 거의 다 파악했네.
πολλῶν γὰρ γενομένων καὶ μεγαλοφρόνων οὐδεὶς ὃς οὐχ ὑπερβληθεὶς τῷ φρονήματι ὑπὸ σοῦ πέφευγεν.
수많은 기고만장한 이들이 나타났으나, 그대의 기세에 압도되어 도망치지 않은 자가 아무도 없었으니 말이네.
§104ΣΩ. τὸν δὲ λόγον, ᾧ ὑπερπεφρόνηκας, ἐθέλω διελθεῖν.
소크라테스: 그리고 자네가 그들을 얕잡아 본 그 이유를 나는 설명해주고자 하네.
οὐδενὸς φῂς ἀνθρώπων ἐνδεὴς εἶναι εἰς οὐδέν·
자네는 자신이 그 어떤 것에서도 그 어떤 사람도 아쉬울 것이 없다고 말하네.
τὰ γὰρ ὑπάρχοντά σοι μεγάλα εἶναι, ὥστε μηδενὸς δεῖσθαι, ἀπὸ τοῦ σώματος ἀρξάμενα τελευτῶντα εἰς τὴν ψυχήν.
자네에게 갖추어진 것들이 너무나 대단하여 아무것도 필요치 않기 때문인데, 이는 몸에서 시작해서 결국에는 혼에 이르기까지 그러하네.
οἴει γὰρ δὴ εἶναι πρῶτον μὲν κάλλιστός τε καὶ μέγιστος—καὶ τοῦτο μὲν δὴ παντὶ δῆλον ἰδεῖν ὅτι οὐ ψεύδῃ—ἔπειτα νεανικωτάτου γένους ἐν τῇ σεαυτοῦ ἐνταῦθα πρὸς πατρός τέ σοι φίλους καὶ συγγενεῖς πλείστους εἶναι καὶ ἀρίστους, οἳ εἴ τι δέοι ὑπηρετοῖεν ἄν σοι, τούτων δὲ τοὺς πρὸς μητρὸς οὐδὲν χείρους οὐδʼ ἐλάττους.
자네는 우선 자신이 가장 아름답고 키가 가장 크다고 생각하네. —그리고 이것은 자네가 거짓말을 하고 있지 않음이 누구에게나 분명하게 보이네.— 다음으로, 자네 자신의 이 도시에서 가장 활기 넘치는 가문 출신이기에, 아버지 쪽으로 자네에게는 아주 많고도 훌륭한 친구들과 친척들이 있어서 만약 어떤 필요가 있다면 자네를 도울 것이며, 어머니 쪽 친척들도 이들에 비해 전혀 뒤떨어지거나 적지 않다고 생각하네.
συμπάντων δὲ ὧν εἶπον μείζω οἴει σοι δύναμιν ὑπάρχειν Περικλέα τὸν Ξανθίππου, ὃν ὁ πατὴρ ἐπίτροπον κατέλιπε σοί τε καὶ τῷ ἀδελφῷ·
그리고 내가 말한 이 모든 것들보다 자네에게 더 큰 힘이 갖추어져 있다고 생각하는데, 그것은 크산티포스의 아들 페리클레스라네. 자네 아버지가 자네와 자네 형제의 후견인으로 남겨둔 인물이지.
ὃς οὐ μόνον ἐν τῇδε τῇ πόλει δύναται πράττειν ὅτι ἂν βούληται, ἀλλʼ ἐν πάσῃ τῇ Ἑλλάδι καὶ τῶν βαρβάρων ἐν πολλοῖς καὶ μεγάλοις γένεσιν.
그는 이 도시에서만 자기가 원하는 것은 무엇이든 행할 수 있는 능력이 있을 뿐만 아니라, 그리스 전역과 야만인들의 수많은 대국들 사이에서도 그러하네.
προσθήσω δὲ καὶ ὅτι τῶν πλουσίων·
여기에 더해 자네가 부유한 자들 중 하나라는 점도 덧붙이겠네.
δοκεῖς δέ μοι ἐπὶ τούτῳ ἥκιστα μέγα φρονεῖν.
하지만 자네는 이에 대해서는 가장 크게 뽐내지 않는 것으로 내게 보이네.
κατὰ πάντα δὴ ταῦτα σύ τε μεγαλαυχούμενος κεκράτηκας τῶν ἐραστῶν ἐκεῖνοί τε ὑποδεέστεροι ὄντες ἐκρατήθησαν, καί σε ταῦτʼ οὐ λέληθεν·
이 모든 것들 때문에 자네는 기세등등하여 연인들을 이겨냈고, 그들은 열등한 탓에 굴복하여 떠나갔으며, 자네 또한 이 사실을 잘 알고 있네.
ὅθεν δὴ εὖ οἶδα ὅτι θαυμάζεις τί διανοούμενός ποτε οὐκ ἀπαλλάττομαι τοῦ ἔρωτος, καὶ ἥντινʼ ἔχων ἐλπίδα ὑπομένω τῶν ἄλλων πεφευγότων.
그러니 내가 대체 무슨 생각을 하며 사랑을 그만두지 않고 버티는지, 다른 이들이 다 도망친 마당에 어떤 희망을 품고 견디고 있는지 그대가 이상하게 여기는 것도 내가 잘 아는 바일세.
ΑΛ. καὶ ἴσως γε, ὦ Σώκρατες, οὐκ οἶσθʼ ὅτι σμικρόν με ἔφθης.
알키비아데스: 그리고 어쩌면, 소크라테스여, 당신이 저보다 아주 조금 앞섰을 뿐이라는 것을 모르고 계실지도 모르겠군요.
ἐγὼ γάρ τοι ἐν νῷ εἶχον πρότερός σοι προσελθὼν αὐτὰ ταῦτʼ ἐρέσθαι, τί ποτε βούλει καὶ εἰς τίνα ἐλπίδα βλέπων ἐνοχλεῖς με, ἀεὶ ὅπου ἂν ὦ ἐπιμελέστατα παρών·
사실 저는 당신에게 먼저 다가가 바로 이 일들을 물어볼 마음을 먹고 있었거든요. 대체 무엇을 원하시며 어떤 희망을 바라보고 저를 귀찮게 하시는지, 제가 어디에 있든 항상 가장 정성스럽게 나타나시니 말입니다.
τῷ ὄντι γὰρ θαυμάζω ὅτι ποτʼ ἐστὶ τὸ σὸν πρᾶγμα, καὶ ἥδιστʼ ἂν πυθοίμην.
정말로 저는 당신의 속셈이 대체 무엇인지 이상하게 여기고 있으며, 아주 기꺼이 듣고 싶습니다.
ΣΩ. ἀκούσῃ μὲν ἄρα μου, ὡς τὸ εἰκός, προθύμως, εἴπερ, ὡς φῄς, ἐπιθυμεῖς εἰδέναι τί διανοοῦμαι, καὶ ὡς ἀκουσομένῳ καὶ περιμενοῦντι λέγω.
소크라테스: 그렇다면 자네가 말하듯 내가 무슨 생각을 하는지 알고 싶어 한다면, 당연히 내 말을 열심히 듣겠군. 자네가 듣고 또 기다려줄 것을 전제로 하여 이야기하겠네.
ΑΛ. πάνυ μὲν οὖν·
알키비아데스: 물론입니다.
ἀλλὰ λέγε.
말씀해 주십시오.
ΣΩ. ὅρα δή·
소크라테스: 그렇다면 잘 보게나.
οὐ γάρ τοι εἴη ἂν θαυμαστὸν εἰ, ὥσπερ μόγις ἠρξάμην, οὕτω μόγις καὶ παυσαίμην.
내가 가까스로 시작한 것처럼, 그렇게 가까스로 이야기를 끝맺게 된다 해도 전혀 이상할 것이 없을 테니 말이네.
ΑΛ. ὠγαθὲ λέγε·
알키비아데스: 좋은 분이시여, 말씀하십시오.
ἀκούσομαι γάρ.
들을 테니까요.