§290ΞΕ. τί δέ;
이방인: 그렇다면 이것은 어떤가?
τῶν ἐλευθέρων ὅσοι τοῖς νυνδὴ ῥηθεῖσιν εἰς ὑπηρετικὴν ἑκόντες αὑτοὺς τάττουσι, τά τε γεωργίας καὶ τὰ τῶν ἄλλων τεχνῶν ἔργα διακομίζοντες ἐπʼ ἀλλήλους καὶ ἀνισοῦντες, οἱ μὲν κατʼ ἀγοράς, οἱ δὲ πόλιν ἐκ πόλεως ἀλλάττοντες κατὰ θάλατταν καὶ πεζῇ, νόμισμά τε πρὸς τὰ ἄλλα καὶ αὐτὸ πρὸς αὑτὸ διαμείβοντες, οὓς ἀργυραμοιβούς τε καὶ ἐμπόρους καὶ ναυκλήρους καὶ καπήλους ἐπωνομάκαμεν, μῶν τῆς πολιτικῆς ἀμφισβητήσουσί τι;
자유인들 중에서 방금 말한 봉사적 성격의 일에 자발적으로 자신을 배치하는 자들, 즉 농업과 다른 기술의 생산물을 서로에게 실어 나르고 평준화하며, 어떤 이들은 시장에서, 어떤 이들은 도시에서 도시로 바다와 육지를 통해 교환을 하고, 화폐를 다른 물건과, 그리고 화폐 자체를 화폐와 교환하는 자들 말이네. 우리가 환전상이나 상인, 선주, 소매상이라 이름 부른 자들이 과연 정치가의 기술에 대해 무언가 논쟁을 벌이겠는가?
ΝΕ. ΣΩ. τάχʼ ἂν ἴσως τῆς γε τῶν ἐμπορευτικῶν.
젊은 소크라테스: 아마도 상업 기술에 있어서는 그럴지도 모르겠습니다.
ΞΕ. ἀλλʼ οὐ μὴν οὕς γε ὁρῶμεν μισθωτοὺς καὶ θῆτας πᾶσιν ἑτοιμότατα ὑπηρετοῦντας, μή ποτε βασιλικῆς μεταποιουμένους εὕρωμεν.
이방인: 하지만 우리가 고용인이나 일용노동자라 부르며 모든 사람에게 가장 기꺼이 봉사하는 자들 중에서는 결코 왕의 기술을 요구하는 자를 발견하지 못할 것이네.
ΝΕ. ΣΩ. πῶς γάρ;
젊은 소크라테스: 어떻게 그렇겠습니까?
ΞΕ. τί δὲ ἄρα τοὺς τὰ τοιάδε διακονοῦντας ἡμῖν ἑκάστοτε;
이방인: 그렇다면 우리에게 그때그때 그러한 일을 돕는 자들은 도대체 어떠한가?
ΝΕ. ΣΩ. τὰ ποῖα εἶπες καὶ τίνας;
젊은 소크라테스: 어떤 부류를 말씀하시고 누구를 지칭하시는 것입니까?
ΞΕ. ὧν τὸ κηρυκικὸν ἔθνος, ὅσοι τε περὶ γράμματα σοφοὶ γίγνονται πολλάκις ὑπηρετήσαντες, καὶ πόλλʼ ἄττα ἕτερα περὶ τὰς ἀρχὰς διαπονεῖσθαί τινες ἕτεροι πάνδεινοι, τί τούτους αὖ λέξομεν;
이방인: 전령 집단이나, 종종 보좌하면서 문자 사용에 능숙해진 자들, 그리고 관청 주변에서 다른 여러 일들을 다루는 매우 수완이 좋은 몇몇 다른 자들 말이네. 이들을 우리는 다시 무엇이라 부겠는가?
ΝΕ. ΣΩ. ὅπερ εἶπες νῦν, ὑπηρέτας, ἀλλʼ οὐκ αὐτοὺς ἐν ταῖς πόλεσιν ἄρχοντας.
젊은 소크라테스: 방금 당신께서 말씀하신 대로 봉사자들입니다. 도시 안에서 그들 스스로가 지배자인 것은 아닙니다.
ΞΕ. ἀλλὰ οὐ μὴν οἶμαί γε ἐνύπνιον ἰδὼν εἶπον ταύτῃ πῃ φανήσεσθαι τοὺς διαφερόντως ἀμφισβητοῦντας τῆς πολιτικῆς.
이방인: 하지만 내가 꿈속에서 본 것을 말한 것은 아닐세. 정치가의 기술을 두고 두드러지게 논쟁을 벌이는 자들이 이 부근 어딘가에서 나타날 것이라고 말했을 때 말이네.
καίτοι σφόδρα γε ἄτοπον ἂν εἶναι δόξειε τὸ ζητεῖν τούτους ἐν ὑπηρετικῇ μοίρᾳ τινί.
비록 그들을 어떤 봉사자의 몫 안에서 찾는다는 것이 매우 기이해 보이겠지만 말일세.
ΝΕ. ΣΩ. κομιδῇ μὲν οὖν.
젊은 소크라테스: 정말 그렇습니다.
ΞΕ. ἔτι δὴ προσμείξωμεν ἐγγύτερον ἐπὶ τοὺς μήπω βεβασανισμένους.
이방인: 이제 아직 충분히 검증받지 않은 자들에게 더 가까이 다가가 보세.
εἰσὶ δὲ οἵ τε περὶ μαντικὴν ἔχοντές τινος ἐπιστήμης διακόνου μόριον·
예언술에 종사하며 어떤 봉사적 지식의 일부를 가지고 있는 자들이 있네.
ἑρμηνευταὶ γάρ που νομίζονται παρὰ θεῶν ἀνθρώποις.
그들은 신들과 인간 사이의 통역자로 여겨지기 때문이네.
ΝΕ. ΣΩ. ναί.
젊은 소크라테스: 예.
ΞΕ. καὶ μὴν καὶ τὸ τῶν ἱερέων αὖ γένος, ὡς τὸ νόμιμόν φησι, παρὰ μὲν ἡμῶν δωρεὰς θεοῖς διὰ θυσιῶν ἐπιστῆμόν ἐστι κατὰ νοῦν ἐκείνοις δωρεῖσθαι, παρὰ δὲ ἐκείνων ἡμῖν εὐχαῖς κτῆσιν ἀγαθῶν αἰτήσασθαι·
이방인: 그리고 더 나아가 신관들의 부류 역시, 관습이 말하듯이, 우리로부터의 선물을 제사를 통해 신들에게 그들의 뜻에 맞게 전문 지식을 가지고 바치고, 신들로부터는 기도를 통해 우리에게 좋은 것들의 획득을 간청하네.
ταῦτα δὲ διακόνου τέχνης ἐστί που μόρια ἀμφότερα.
이것들은 둘 다 봉사의 기술의 일부이네.
ΝΕ. ΣΩ. φαίνεται γοῦν.
젊은 소크라테스: 확실히 그렇게 보입니다.
ΞΕ. ἤδη τοίνυν μοι δοκοῦμεν οἷόν γέ τινος ἴχνους ἐφʼ ὃ πορευόμεθα προσάπτεσθαι.
이방인: 그렇다면 우리는 이미 우리가 쫓고 있는 어떤 발자국에 닿아 있는 것처럼 보이네.
τὸ γὰρ δὴ τῶν ἱερέων σχῆμα καὶ τὸ τῶν μάντεων εὖ μάλα φρονήματος πληροῦται καὶ δόξαν σεμνὴν λαμβάνει διὰ τὸ μέγεθος τῶν ἐγχειρημάτων, ὥστε περὶ μὲν Αἴγυπτον οὐδʼ ἔξεστι βασιλέα χωρὶς ἱερατικῆς ἄρχειν, ἀλλʼ ἐὰν ἄρα καὶ τύχῃ πρότερον ἐξ ἄλλου γένους βιασάμενος, ὕστερον ἀναγκαῖον εἰς τοῦτο εἰστελεῖσθαι αὐτὸν τὸ γένος·
신관과 예언자의 자태는 참으로 큰 자부심으로 가득 차 있고, 그 임무의 중대함 때문에 엄숙한 명성을 얻고 있네. 그리하여 에지프토스에서는 신관의 지위 없이는 왕이 다스리는 것조차 허용되지 않으며, 혹시 다른 부류에서 무력으로 먼저 왕이 되었다 하더라도, 나중에는 필히 이 부류로 입문해야만 하네.
ἔτι δὲ καὶ τῶν Ἑλλήνων πολλαχοῦ ταῖς μεγίσταις ἀρχαῖς τὰ μέγιστα τῶν περὶ τὰ τοιαῦτα θύματα εὕροι τις ἂν προσταττόμενα θύειν.
또한 헬라스인들의 여러 곳에서도 가장 중대한 관직에 이러한 제례에 관한 가장 중대한 희생 제사를 바치도록 규정되어 있는 것을 발견할 수 있을 것이네.
καὶ δὴ καὶ παρʼ ὑμῖν οὐχ ἥκιστα δῆλον ὃ λέγω·
그리고 특히 그대들의 나라에서도 내가 하는 말은 아주 분명하네.
τῷ γὰρ λαχόντι βασιλεῖ φασιν τῇδε τὰ σεμνότατα καὶ μάλιστα πάτρια τῶν ἀρχαίων θυσιῶν ἀποδεδόσθαι.
제비뽑기로 선출된 왕에게 이곳의 가장 엄숙하고 전통적인 고대의 희생 제사가 맡겨져 있다고 사람들이 말하기 때문이네.
ΝΕ. ΣΩ. καὶ πάνυ γε.
젊은 소크라테스: 아주 그렇습니다.