§96ΦΑΙΔ. ἐγὼ οὖν σοι δίειμι περὶ αὐτῶν, ἐὰν βούλῃ, τά γε ἐμὰ πάθη·
파이돈: “그러면 내가 원한다면 이 일들에 대해 내 자신이 겪은 일들을 자세히 이야기해 주겠네.
ἔπειτα ἄν τί σοι χρήσιμον φαίνηται ὧν ἂν λέγω, πρὸς τὴν πειθὼ περὶ ὧν δὴ λέγεις χρήσῃ. ἀλλὰ μήν, ἔφη ὁ Κέβης, βούλομαί γε.
그런 다음 내가 말하는 것 중에서 자네에게 유용한 것이 보인다면, 자네가 말하는 바를 설득하는 데 그것을 사용하게나.” “정말이지 저는 참으로 원합니다.” 하고 케베스가 말했네.
ἄκουε τοίνυν ὡς ἐροῦντος.
“그렇다면 내가 이야기할 테니 듣게나.
ἐγὼ γάρ, ἔφη, ὦ Κέβης, νέος ὢν θαυμαστῶς ὡς ἐπεθύμησα ταύτης τῆς σοφίας ἣν δὴ καλοῦσι περὶ φύσεως ἱστορίαν·
케베스여,” 하고 그가 말했네. “내가 젊었을 때, 사람들이 ‘자연 탐구’라고 부르는 그 지혜를 나 자신이 놀라울 정도로 갈망했다네.
ὑπερήφανος γάρ μοι ἐδόκει εἶναι, εἰδέναι τὰς αἰτίας ἑκάστου, διὰ τί γίγνεται ἕκαστον καὶ διὰ τί ἀπόλλυται καὶ διὰ τί ἔστι.
왜냐하면 각각의 원인을 아는 것, 즉 왜 각각의 것이 생겨나고, 왜 소멸하며, 왜 존재하는지를 아는 것은 나에게 대단히 고결하게 여겨졌기 때문이네.
καὶ πολλάκις ἐμαυτὸν ἄνω κάτω μετέβαλλον σκοπῶν πρῶτον τὰ τοιάδε·
그리고 나는 종종 내 마음을 이리저리 뒤흔들며 가장 먼저 다음과 같은 것들을 고찰했다네.
ἆρ’ ἐπειδὰν τὸ θερμὸν καὶ τὸ ψυχρὸν σηπεδόνα τινὰ λάβῃ, ὥς τινες ἔλεγον, τότε δὴ τὰ ζῷα συντρέφεται;
어떤 이들이 말했듯이, 열과 냉이 어떤 부패를 겪을 때, 바로 그때 생물들이 자라나는가?
καὶ πότερον τὸ αἷμά ἐστιν ᾧ φρονοῦμεν, ἢ ὁ ἀὴρ ἢ τὸ πῦρ;
또 우리가 생각하는 데 쓰는 것은 피인가, 공기인가, 아니면 불인가?
ἢ τούτων μὲν οὐδέν, ὁ δ’ ἐγκέφαλός ἐστιν ὁ τὰς αἰσθήσεις παρέχων τοῦ ἀκούειν καὶ ὁρᾶν καὶ ὀσφραίνεσθαι, ἐκ τούτων δὲ γίγνοιτο μνήμη καὶ δόξα, ἐκ δὲ μνήμης καὶ δόξης λαβούσης τὸ ἠρεμεῖν, κατὰ ταῦτα γίγνεσθαι ἐπιστήμην;
혹은 이것들 중 아무것도 아니고, 뇌가 청각, 시각, 후각을 제공하며 이것들로부터 기억과 의견이 생겨나고, 기억과 의견이 안정을 얻을 때 이에 따라 지식이 생겨나는 것인가?
καὶ αὖ τούτων τὰς φθορὰς σκοπῶν, καὶ τὰ περὶ τὸν οὐρανόν τε καὶ τὴν γῆν πάθη, τελευτῶν οὕτως ἐμαυτῷ ἔδοξα πρὸς ταύτην τὴν σκέψιν ἀφυὴς εἶναι ὡς οὐδὲν χρῆμα.
그리고 다시 이것들의 소멸을 고찰하고, 하늘과 땅에 관한 현상들을 고찰한 끝에, 결국 나는 나 자신이 이러한 탐구에 대해 전혀 소질이 없다고 생각하기에 이르렀네.
τεκμήριον δέ σοι ἐρῶ ἱκανόν·
자네에게 충분한 증거를 말해 주겠네.
ἐγὼ γὰρ ἃ καὶ πρότερον σαφῶς ἠπιστάμην, ὥς γε ἐμαυτῷ καὶ τοῖς ἄλλοις ἐδόκουν, τότε ὑπὸ ταύτης τῆς σκέψεως οὕτω σφόδρα ἐτυφλώθην, ὥστε ἀπέμαθον καὶ ταῦτα ἃ πρὸ τοῦ ᾤμην εἰδέναι, περὶ ἄλλων τε πολλῶν καὶ διὰ τί ἄνθρωπος αὐξάνεται.
왜냐하면 나는 전에는 나 자신에게나 다른 사람들에게나 분명히 알고 있다고 여겨졌던 것들에 대해, 당시에는 이 탐구로 인해 너무나 눈이 멀어버린 나머지, 그전까지는 알고 있다고 생각했던 것들마저 잊어버리게 되었기 때문이네. 다른 많은 일들에 대해서는 물론이고, ‘왜 인간이 성장하는가’에 대해서도 말이네.
τοῦτο γὰρ ᾤμην πρὸ τοῦ παντὶ δῆλον εἶναι, ὅτι διὰ τὸ ἐσθίειν καὶ πίνειν·
전에는 나도 이것이 누구에게나 분명하다고 생각했다네. 즉, 먹고 마시기 때문이라는 것 말이네.
ἐπειδὰν γὰρ ἐκ τῶν σιτίων ταῖς μὲν σαρξὶ σάρκες προσγένωνται, τοῖς δὲ ὀστοῖς ὀστᾶ, καὶ οὕτω κατὰ τὸν αὐτὸν λόγον καὶ τοῖς ἄλλοις τὰ αὐτῶν οἰκεῖα ἑκάστοις προσγένηται, τότε δὴ τὸν ὀλίγον ὄγκον ὄντα ὕστερον πολὺν γεγονέναι, καὶ οὕτω γίγνεσθαι τὸν σμικρὸν ἄνθρωπον μέγαν.
왜냐하면 음식물로부터 살에는 살이 더해지고, 뼈에는 뼈가 더해지며, 이와 같이 동일한 방식에 따라 다른 각각의 기관에도 그것들에 고유한 것들이 더해질 때, 바로 그때 이전에는 작았던 부피가 나중에는 크게 되고, 이렇게 해서 작은 인간이 크게 된다고 생각했기 때문이네.
οὕτως τότε ᾤμην·
그때는 그렇게 생각했다네.
οὐ δοκῶ σοι μετρίως; ἔμοιγε, ἔφη ὁ Κέβης.
자네가 보기에도 그럴듯하지 않은가?” “저에게도 그렇습니다.” 하고 케베스가 말했네.
σκέψαι δὴ καὶ τάδε ἔτι.
“그렇다면 이것들도 더 생각해 보게나.
ᾤμην γὰρ ἱκανῶς μοι δοκεῖν, ὁπότε τις φαίνοιτο ἄνθρωπος παραστὰς μέγας σμικρῷ μείζων εἶναι αὐτῇ τῇ κεφαλῇ, καὶ ἵππος ἵππου·
왜냐하면 나는 어떤 키 큰 사람이 작은 사람 곁에 서서 머리 하나만큼 더 크다고 보일 때, 그리고 말 한 마리가 다른 말보다 그렇게 보일 때, 내가 그것을 충분히 올바르게 생각하고 있다고 믿었기 때문이네.
καὶ ἔτι γε τούτων ἐναργέστερα, τὰ δέκα μοι ἐδόκει τῶν ὀκτὼ πλέονα εἶναι διὰ τὸ δύο αὐτοῖς προσεῖναι, καὶ τὸ δίπηχυ τοῦ πηχυαίου μεῖζον εἶναι διὰ τὸ ἡμίσει αὐτοῦ ὑπερέχειν.
그리고 이보다 훨씬 더 분명한 것으로는, 10은 8보다 더 많다고 생각했네. 왜냐하면 거기에 2가 더해져 있기 때문이며, 두 큐빗짜리는 한 큐빗짜리보다 더 크다고 생각했네.
νῦν δὲ δή, ἔφη ὁ Κέβης, τί σοι δοκεῖ περὶ αὐτῶν;
왜냐하면 그것의 절반만큼 더 넘쳐나기 때문이네.” “하지만 이제는,” 하고 케베스가 말했네. “그것들에 대해 어떻게 생각하십니까?”