§114ΦΑΙΔ. οἳ δ’ ἂν ἰάσιμα μὲν μεγάλα δὲ δόξωσιν ἡμαρτηκέναι ἁμαρτήματα, οἷον πρὸς πατέρα ἢ μητέρα ὑπ’ ὀργῆς βίαιόν τι πράξαντες, καὶ μεταμέλον αὐτοῖς τὸν ἄλλον βίον βιῶσιν, ἢ ἀνδροφόνοι τοιούτῳ τινὶ ἄλλῳ τρόπῳ γένωνται, τούτους δὲ ἐμπεσεῖν μὲν εἰς τὸν Τάρταρον ἀνάγκη, ἐμπεσόντας δὲ αὐτοὺς καὶ ἐνιαυτὸν ἐκεῖ γενομένους ἐκβάλλει τὸ κῦμα, τοὺς μὲν ἀνδροφόνους κατὰ τὸν Κωκυτόν, τοὺς δὲ πατραλοίας καὶ μητραλοίας κατὰ τὸν Πυριφλεγέθοντα·
파이돈. "반면에 치유 가능하지만 중대한 죄를 저지른 자들, 예컨대 분노를 이기지 못해 부친이나 모친에게 폭력을 행사하고 평생을 후회 속에 살았거나, 혹은 그와 유사한 다른 방식으로 살인자가 된 자들은, 타르타로스에 던져지는 것이 불가피하네. 그리하여 던져진 후 그곳에서 일 년을 보내고 나면 파도가 이들을 밖으로 뱉어내는데, 살인자들은 코키토스를 따라, 존속살해자들은 피리플레게톤을 따라 내던져지네.
ἐπειδὰν δὲ φερόμενοι γένωνται κατὰ τὴν λίμνην τὴν Ἀχερουσιάδα, ἐνταῦθα βοῶσί τε καὶ καλοῦσιν, οἱ μὲν οὓς ἀπέκτειναν, οἱ δὲ οὓς ὕβρισαν, καλέσαντες δ’ ἱκετεύουσι καὶ δέονται ἐᾶσαι σφᾶς ἐκβῆναι εἰς τὴν λίμνην καὶ δέξασθαι, καὶ ἐὰν μὲν πείσωσιν, ἐκβαίνουσί τε καὶ λήγουσι τῶν κακῶν, εἰ δὲ μή, φέρονται αὖθις εἰς τὸν Τάρταρον καὶ ἐκεῖθεν πάλιν εἰς τοὺς ποταμούς, καὶ ταῦτα πάσχοντες οὐ πρότερον παύονται πρὶν ἂν πείσωσιν οὓς ἠδίκησαν·
그리하여 이들이 흘러가서 아케루시가스 호수 근처에 이르면, 그곳에서 큰 소리로 부르짖으며 어떤 이들은 자신들이 죽인 자들을, 어떤 이들은 자신들이 모욕한 자들을 애타게 부르네. 그리고 그들을 불러 자신들이 호수로 나아가도록 허락하고 받아들여 주기를 애원하고 간청하네. 그리하여 만일 그들을 설득해 내면, 밖으로 나와 고통에서 벗어나지만, 그렇지 못하면 다시 타르타로스로, 그리고 그곳으로부터 다시 강들로 쓸려 가며, 자신들이 부당하게 대했던 자들을 설득하기 전까지는 이러한 고통을 겪는 일을 멈추지 못하네.
αὕτη γὰρ ἡ δίκη ὑπὸ τῶν δικαστῶν αὐτοῖς ἐτάχθη.
이것이 판관들에 의해 그들에게 부과된 형벌이기 때문이네.
οἳ δὲ δὴ ἂν δόξωσι διαφερόντως πρὸς τὸ ὁσίως βιῶναι, οὗτοί εἰσιν οἱ τῶνδε μὲν τῶν τόπων τῶν ἐν τῇ γῇ ἐλευθερούμενοί τε καὶ ἀπαλλαττόμενοι ὥσπερ δεσμωτηρίων, ἄνω δὲ εἰς τὴν καθαρὰν οἴκησιν ἀφικνούμενοι καὶ ἐπὶ γῆς οἰκιζόμενοι.
이와 달리 경건하게 사는 면에서 탁월하다고 판정받은 자들은, 대지 내부에 있는 이곳들로부터 마치 감옥에서 풀려나듯 해방되고 벗어나서, 위쪽에 있는 깨끗한 거처로 도달하여 대지 위에 자리를 잡는 자들이네.
τούτων δὲ αὐτῶν οἱ φιλοσοφίᾳ ἱκανῶς καθηράμενοι ἄνευ τε σωμάτων ζῶσι τὸ παράπαν εἰς τὸν ἔπειτα χρόνον, καὶ εἰς οἰκήσεις ἔτι τούτων καλλίους ἀφικνοῦνται, ἃς οὔτε ῥᾴδιον δηλῶσαι οὔτε ὁ χρόνος ἱκανὸς ἐν τῷ παρόντι.
이들 중에서 철학에 의해 충분히 정화된 자들은 이후의 시간 동안 육신 없이 완전히 살아가며, 이보다 훨씬 더 아름다운 거처들에 도달하게 되는데, 이를 설명하기는 쉽지 않으며 현재 상황에서는 시간도 충분하지 않네.
ἀλλὰ τούτων δὴ ἕνεκα χρὴ ὧν διεληλύθαμεν, ὦ Σιμμία, πᾶν ποιεῖν ὥστε ἀρετῆς καὶ φρονήσεως ἐν τῷ βίῳ μετασχεῖν·
그러니 심미아스여, 우리가 지금껏 논했던 이 모든 것들을 위해서라도, 일생 동안 덕과 지혜를 나누어 가질 수 있도록 온갖 노력을 다해야 하네.
καλὸν γὰρ τὸ ἆθλον καὶ ἡ ἐλπὶς μεγάλη.
상급은 아름답고 희망은 거대하기 때문이네.
τὸ μὲν οὖν ταῦτα διισχυρίσασθαι οὕτως ἔχειν ὡς ἐγὼ διελήλυθα, οὐ πρέπει νοῦν ἔχοντι ἀνδρί·
그러므로 이러한 일들이 내가 말한 바와 정확히 일치한다고 완고하게 주장하는 것은 지각 있는 사람에게 어울리지 않네.
ὅτι μέντοι ἢ ταῦτ᾽ ἐστὶν ἢ τοιαῦτ’ ἄττα περὶ τὰς ψυχὰς ἡμῶν καὶ τὰς οἰκήσεις, ἐπείπερ ἀθάνατόν γε ἡ ψυχὴ φαίνεται οὖσα, τοῦτο καὶ πρέπειν μοι δοκεῖ καὶ ἄξιον κινδυνεῦσαι οἰομένῳ οὕτως ἔχειν — καλὸς γὰρ ὁ κίνδυνος — καὶ χρὴ τὰ τοιαῦτα ὥσπερ ἐπᾴδειν ἑαυτῷ, διὸ δὴ ἔγωγε καὶ πάλαι μηκύνω τὸν μῦθον.
하지만 우리의 영혼이 불멸한다는 사실이 드러난 이상, 우리의 영혼과 그 거처에 대해 이것들이거나 이와 유사한 어떤 일들이 존재한다고 믿는 것은 내게도 어울리는 일로 보이며, 그렇게 믿고 모험을 감수할 가치가 있다고 여겨지네. 그 모험은 아름다운 것이기 때문이네. 그리고 이러한 것들을 마치 스스로에게 주문을 걸듯 읊조려야 하며, 나 역시 이 때문에 예로부터 신화를 길게 늘어놓은 것이라네.
ἀλλὰ τούτων δὴ ἕνεκα θαρρεῖν χρὴ περὶ τῇ ἑαυτοῦ ψυχῇ ἄνδρα ὅστις ἐν τῷ βίῳ τὰς μὲν ἄλλας ἡδονὰς τὰς περὶ τὸ σῶμα καὶ τοὺς κόσμους εἴασε χαίρειν, ὡς ἀλλοτρίους τε ὄντας, καὶ πλέον θάτερον ἡγησάμενος ἀπεργάζεσθαι, τὰς δὲ περὶ τὸ μανθάνειν ἐσπούδασέ τε καὶ κοσμήσας τὴν ψυχὴν οὐκ ἀλλοτρίῳ ἀλλὰ τῷ αὐτῆς κόσμῳ, σωφροσύνῃ τε καὶ δικαιοσύνῃ καὶ ἀνδρείᾳ καὶ ἐλευθερίᾳ καὶ ἀληθείᾳ, οὕτω περιμένει τὴν εἰς Ἅιδου πορείαν.
그러므로 이 모든 일들을 위해서라도, 자신의 영혼에 대해 확신을 가져야 하네. 평생 동안 육체와 관련된 다른 쾌락이나 장식들은 자신과 무관한 것이라 여겨 버려두고, 그것들이 이롭기보다 오히려 반대의 결과를 낳는다고 생각한 반면, 배움에 관한 쾌락에 열중하고 외적인 장식이 아닌 영혼 자신의 장식, 즉 절제와 정의, 용기, 자유, 그리고 진리로 영혼을 단장한 사람이라면 말이네. 그는 이러한 상태로 하데스로 떠나는 여정을 기다려야 하네."