§41εἰ γάρ τις ἀφικόμενος εἰς Ἅιδου, ἀπαλλαγεὶς τουτωνὶ τῶν φασκόντων δικαστῶν εἶναι, εὑρήσει τοὺς ὡς ἀληθῶς δικαστάς, οἵπερ καὶ λέγονται ἐκεῖ δικάζειν, Μίνως τε καὶ Ῥαδάμανθυς καὶ Αἰακὸς καὶ Τριπτόλεμος καὶ ἄλλοι ὅσοι τῶν ἡμιθέων δίκαιοι ἐγένοντο ἐν τῷ ἑαυτῶν βίῳ, ἆρα φαύλη ἂν εἴη ἡ ἀποδημία;
만약 어떤 사람이 하데스에 도착하여, 이곳의 배심원을 자처하는 자들로부터 벗어나, 그곳에서 참되게 재판한다고 일컬어지는 참된 재판관들, 곧 미노스와 라다만티스, 아이아코스, 트리프톨레모스, 그리고 반신들 중에서 자신의 평생 동안 의로웠던 다른 모든 이들을 만나게 된다면, 그 여행은 과연 나쁜 것이겠습니까?
ἢ αὖ Ὀρφεῖ συγγενέσθαι καὶ Μουσαίῳ καὶ Ἡσιόδῳ καὶ Ὁμήρῳ ἐπὶ πόσῳ ἄν τις δέξαιτʼ ἂν ὑμῶν;
혹은 오르페우스와 무사이오스, 헤시오도스, 호메로스 양반들과 함께하기 위해서라면, 여러분 중 누군가가 대체 어떠한 대가를 아끼겠습니까?
ἐγὼ μὲν γὰρ πολλάκις ἐθέλω τεθνάναι εἰ ταῦτʼ ἔστιν ἀληθῆ.
저는 만약 이것이 참되다면 몇 번이고 기꺼이 죽고 싶습니다.
ἐπεὶ ἔμοιγε καὶ αὐτῷ θαυμαστὴ ἂν εἴη ἡ διατριβὴ αὐτόθι, ὁπότε ἐντύχοιμι Παλαμήδει καὶ Αἴαντι τῷ Τελαμῶνος καὶ εἴ τις ἄλλος τῶν παλαιῶν διὰ κρίσιν ἄδικον τέθνηκεν, ἀντιπαραβάλλοντι τὰ ἐμαυτοῦ πάθη πρὸς τὰ ἐκείνων—ὡς ἐγὼ οἶμαι, οὐκ ἂν ἀηδὲς εἴη—καὶ δὴ τὸ μέγιστον, τοὺς ἐκεῖ ἐξετάζοντα καὶ ἐρευνῶντα ὥσπερ τοὺς ἐνταῦθα διάγειν, τίς αὐτῶν σοφός ἐστιν καὶ τίς οἴεται μέν, ἔστιν δʼ οὔ.
왜냐하면 저 자신에게도 그곳에서의 체류는 참으로 놀라운 일이 될 것이기 때문입니다. 즉, 팔라메데스와 텔라몬의 아들 아이아스를 만나거나, 혹은 옛사람들 중에서 부당한 판결로 인해 죽은 다른 누군가를 만나서, 제 자신의 처지를 그들의 처지와 비교해 보게 될 때 말입니다――제 생각에는 그것이 결코 불쾌하지 않을 것입니다――, 그리고 무엇보다도 큰 일로서, 이곳의 사람들에게 했던 것처럼 그곳에 있는 사람들을 음미하고 탐구하며 보내는 일, 즉 그들 중 누가 지혜로운 사람이고 누가 자신은 지혜롭다고 생각하지만 실제로는 그렇지 않은 사람인지를 규명하는 일 말입니다.
ἐπὶ πόσῳ δʼ ἄν τις, ὦ ἄνδρες δικασταί, δέξαιτο ἐξετάσαι τὸν ἐπὶ Τροίαν ἀγαγόντα τὴν πολλὴν στρατιὰν ἢ Ὀδυσσέα ἢ Σίσυφον ἢ ἄλλους μυρίους ἄν τις εἴποι καὶ ἄνδρας καὶ γυναῖκας, οἷς ἐκεῖ διαλέγεσθαι καὶ συνεῖναι καὶ ἐξετάζειν ἀμήχανον ἂν εἴη εὐδαιμονίας;
배심원 여러분, 트로이아로 대군을 이끌고 간 자나, 오디세우스, 시시포스, 그 밖에 남녀를 막론하고 언급할 수 있는 수많은 다른 이들을 음미하기 위해서라면 사람은 대체 어떤 대가를 치르겠습니까? 그곳에서 그들과 대화하고 함께 지내며 음미하는 것은 헤아릴 수 없는 행복일 것입니다.
πάντως οὐ δήπου τούτου γε ἕνεκα οἱ ἐκεῖ ἀποκτείνουσι·
어쨌든 그곳의 사람들이 이 일 때문에 사람을 사형에 처하는 일은 결코 없을 것입니다.
τά τε γὰρ ἄλλα εὐδαιμονέστεροί εἰσιν οἱ ἐκεῖ τῶν ἐνθάδε, καὶ ἤδη τὸν λοιπὸν χρόνον ἀθάνατοί εἰσιν, εἴπερ γε τὰ λεγόμενα ἀληθῆ.
왜냐하면 그곳의 사람들은 다른 점에서도 이곳 사람들보다 더 행복할 뿐만 아니라, 전해지는 말이 참되다면 이제 남은 시간 동안 영원히 죽지 않는 불사신이기 때문입니다.
ἀλλὰ καὶ ὑμᾶς χρή, ὦ ἄνδρες δικασταί, εὐέλπιδας εἶναι πρὸς τὸν θάνατον, καὶ ἕν τι τοῦτο διανοεῖσθαι ἀληθές, ὅτι οὐκ ἔστιν ἀνδρὶ ἀγαθῷ κακὸν οὐδὲν οὔτε ζῶντι οὔτε τελευτήσαντι, οὐδὲ ἀμελεῖται ὑπὸ θεῶν τὰ τούτου πράγματα·
그러니 배심원 여러분, 여러분도 죽음에 대해 좋은 희망을 품어야 하며, 이 한 가지 사실만큼은 참된 것으로 명심해야 합니다. 즉, 선한 사람에게는 살아 있을 때나 죽은 뒤에나 결코 어떠한 악도 존재하지 않으며, 그의 일들은 신들에 의해 소홀히 다루어지지 않는다는 점입니다.
οὐδὲ τὰ ἐμὰ νῦν ἀπὸ τοῦ αὐτομάτου γέγονεν, ἀλλά μοι δῆλόν ἐστι τοῦτο, ὅτι ἤδη τεθνάναι καὶ ἀπηλλάχθαι πραγμάτων βέλτιον ἦν μοι.
저 자신의 지금 일 역시 우연히 일어난 것이 아닙니다. 오히려 저에게는 다음 사실이 분명합니다. 즉, 이제 죽어서 온갖 번거로운 일들로부터 벗어나는 것이 저에게 더 좋은 일이었다는 점입니다.
διὰ τοῦτο καὶ ἐμὲ οὐδαμοῦ ἀπέτρεψεν τὸ σημεῖον, καὶ ἔγωγε τοῖς καταψηφισαμένοις μου καὶ τοῖς κατηγόροις οὐ πάνυ χαλεπαίνω.
이 때문에 그 예언적 징조도 저를 어디서도 가로막지 않았던 것이며, 저 또한 저에게 유죄 표를 던진 이들과 저를 고발한 이들에게 전혀 화를 내지 않습니다.
καίτοι οὐ ταύτῃ τῇ διανοίᾳ κατεψηφίζοντό μου καὶ κατηγόρουν, ἀλλʼ οἰόμενοι βλάπτειν·
비록 그들은 이러한 생각으로 유죄 표를 던지고 고발한 것이 아니라, 해를 끼치려 한 것이었지만 말입니다.
τοῦτο αὐτοῖς ἄξιον μέμφεσθαι.
이 점에 있어서는 그들을 책망할 만합니다.
τοσόνδε μέντοι αὐτῶν δέομαι·
하지만 저는 그들에게 이만큼의 부탁을 하고자 합니다.
τοὺς ὑεῖς μου, ἐπειδὰν ἡβήσωσι, τιμωρήσασθε, ὦ ἄνδρες, ταὐτὰ ταῦτα λυποῦντες ἅπερ ἐγὼ ὑμᾶς ἐλύπουν, ἐὰν ὑμῖν δοκῶσιν ἢ χρημάτων ἢ ἄλλου του πρότερον ἐπιμελεῖσθαι ἢ ἀρετῆς, καὶ ἐὰν δοκῶσί τι εἶναι μηδὲν ὄντες, ὀνειδίζετε αὐτοῖς ὥσπερ ἐγὼ ὑμῖν, ὅτι οὐκ ἐπιμελοῦνται ὧν δεῖ, καὶ οἴονταί τι εἶναι ὄντες οὐδενὸς ἄξιοι.
제 아들들이 자라나 성년이 되었을 때, 여러분, 제가 여러분을 괴롭혔던 것과 똑같은 방식으로 그들을 괴롭힘으로써 복수해 주십시오. 만약 그들이 덕보다 앞서 돈이나 다른 어떤 것에 신경을 쓰는 것처럼 보이거나, 아무것도 아니면서 대단한 인물인 양 처신한다면, 제가 여러분을 꾸짖었던 것처럼 그들을 꾸짖어 주십시오. 그들이 마땅히 신경 써야 할 일에 신경 쓰지 않고, 아무런 값어치도 없으면서 대단한 인물인 양 생각한다는 이유로 말입니다.
§42καὶ ἐὰν ταῦτα ποιῆτε, δίκαια πεπονθὼς ἐγὼ ἔσομαι ὑφʼ ὑμῶν αὐτός τε καὶ οἱ ὑεῖς.
그리고 만약 여러분이 이 일을 해 주신다면, 저 자신도 제 아들들도 여러분으로부터 올바른 대접을 받게 될 것입니다.
ἀλλὰ γὰρ ἤδη ὥρα ἀπιέναι, ἐμοὶ μὲν ἀποθανουμένῳ, ὑμῖν δὲ βιωσομένοις·
그러나 이제 떠날 시간입니다. 저는 죽으러 가고, 여러분은 살러 갑니다.
ὁπότεροι δὲ ἡμῶν ἔρχονται ἐπὶ ἄμεινον πρᾶγμα, ἄδηλον παντὶ πλὴν ἢ τῷ θεῷ.
우리 중 어느 쪽이 더 좋은 일로 나아가는지는, 오직 신을 제외하고는 그 누구에게도 분명하지 않습니다.