§4#2ἐκ τούτου δὲ τοῦ γένους ἐστὶ καὶ ὅσα διὰ θερμότητα τὴν κεφαλὴν συμπληροῖ, καθάπερ οἶνός τε καὶ νᾶπυ καὶ πετροσέλινον καὶ δαῦκος καὶ κρόμμυον καὶ σμύρνιον.
이 부류에는 와인, 겨자, 파슬리, 당근, 양파, 스미르니움처럼 그 열기로 인해 머리를 무겁게 만드는 모든 것도 속한다.
ταῦτα μὲν καὶ πέρα τοῦ δέοντος ἐστὶ καυσώδη τε κακόχυμα.
이것들은 필요 이상으로 불타오르듯 뜨겁고 나쁜 체액을 만드는 것들이다.
τὸ δὲ νᾶπυ καίτοι γ’ ἐπιτηδειότατον ὑπάρχον ὅσον ἐπὶ τὸ τέμνειν τοὺς χυμοὺς, ὡς ἁπτόμενον τῆς κεφαλῆς παραιτητέον.
겨자는 체액을 자르는 데 있어서는 가장 적합함에도 불구하고, 머리를 자극하므로 피해야 한다.
ὀξυμέλιτι δὲ χρηστέον θαῤῥοῦντα, κᾂν εἰ καθ’ ἑκάστην ἡμέραν βούλοιο.
그러나 옥시멜(초밀)은 매일이라도 원한다면 안심하고 사용해야 한다.
δύναται δὲ ἥ τε κάππαρις δι’ αὐτοῦ λαμβάνεσθαι καί τινα ταρίχη τῶν μικρῶν, ἐλαίου δηλονότι παραχεομένου βραχέος, εἰς ὅσον ἡδῦναι προσήκει τὸ ὄψον.
그리고 케이퍼나 일부 작은 염장 생선을 그것과 함께 섭취할 수도 있는데, 반찬을 맛있게 하기에 적절한 만큼의 약간의 올리브유를 당연히 곁들여야 한다.
ἀλλὰ τοῦτο μὲν ὥσπερ τι φάρμακόν ἐστιν αὐτῆς τῆς διαθέσεως.
참으로 이것은 이 병증 자체에 대한 일종의 약과 같다.
καὶ μᾶλλον εἰ καὶ τὸ ὄξος ἐσκευασμένον εἴη διὰ τῶν σκιλλῶν, ὃ δὴ καλοῦσι συνήθως ἅπαντες ἤδη σκιλλητικὸν, ὅπερ ἐγὼ μὲν, εἴπερ τι καὶ ἄλλο, καὶ τούτων· θάτερον ἐφ’ ἑκάστῃ κελεύω λαμβάνειν ἡμέρᾳ, λέγω δὲ τὴν κάππαριν ἢ τὸ τάριχος ὀξυμέλιτος ἔχον.
그 식초가 해초를 사용하여 조제된 것이라면 더욱 그러한데, 그것을 다들 보통 '해초초'라 부르며, 나는 다른 무엇보다도 이것들을 권하고, 매일 그 둘 중 하나, 즉 케이퍼나 옥시멜을 곁들인 염장 생선을 섭취하도록 명한다.
εἰ δὲ καὶ πίνειν ἐθελήσειεν ὁ παῖς ὀξύμελι, ἔστω μὲν ἐσκευασμένον ἕτοιμον, οὐκ αὐτοσχέδιον ἐπὶ τοῦ καιροῦ συντιθέμενον ἐξ ὠμῶν ἀμφοτέρων.
만약 아이가 옥시멜을 마시기를 원하기도 한다면, 그것은 미리 조제되어 준비된 것이어야지, 그 자리에서 가공하지 않은 두 가지로부터 즉석에서 혼합된 것이어서는 안 된다.
ὡς δὲ χρὴ σκευάζειν αὐτὸ, γεγράψεται μετ’ ὀλίγον.
그것을 어떻게 조제해야 하는지는 조금 뒤에 쓰도록 하겠다.
ὕδατι δὲ κεραννύσθω πλείονι·
그리고 더 많은 물로 희석해야 한다.
καὶ γὰρ καὶ ἥδιον οὕτω γένοιτ’ ἄν·
그렇게 하면 더 맛있어질 것이기 때문이다.
καὶ χειμῶνος μὲν θερμὸν λαμβανέσθω, θέρους δὲ οὐδὲν ἂν κωλύσειε καὶ ψυχρῷ χρῆσθαι πολλάκις, εἰ θάλπος γε ὑπερβάλλον εἴη καὶ δίψος σφοδρὸν καὶ ὁ λαμβάνων μὴ παντάπασιν ἀήθης πόσεως ψυχροῦ.
그리고 겨울에는 따뜻하게 섭취해야 하지만, 여름에는 만약 더위가 극심하고 갈증이 심하며 복용하는 이가 찬 것을 마시는 데 아주 낯설지 않다면, 찬 상태로 자주 사용하는 것을 막을 것은 아무것도 없다.
τά τε γὰρ ἄλλα καὶ ἀδιψότατόν ἐστιν ὀξύμελι τὸ μὴ λίαν γλυκὺ καὶ μᾶλλον εἰ ὕδατι ψυχρῷ κεραννύοιτο.
왜냐하면 다른 점에서도, 너무 달지 않은 옥시멜은 가장 갈증을 풀어주는 것이며, 찬물로 희석되면 더욱 그러하기 때문이다.
καί μοι πολλάκις ἤρκεσεν ἐπίληπτον παῖδα τελέως ἐξιᾶσθαι μετὰ τὴν πρώτην κάθαρσιν, οὐδὲν τῆς ἀρχαίας διαίτης μεταποιήσαντι, πλὴν τὰ περὶ τὴν δόσιν τοῦ ὀξυμέλιτος καὶ τὴν χρῆσιν τοῦ φαρμάκου.
그리고 나에게는 뇌전증 아이를 첫 번째 하제 후에 완전히 치료하는 데 있어서, 이전의 양생법을 아무것도 바꾸지 않고 오직 옥시멜의 투여법과 이 약의 사용만을 바꿈으로써 충분했던 적이 자주 있었다.
ἀλλ’ ἐπεὶ μήτε γινώσκω τὴν φύσιν τοῦ παιδός σου, μήτ’ εἰς ὅσον ἰσχύος ἥκει τὸ πάθος οἶδα, μήτ’ αὐτὸς ἐφεστάναι μέλλω παρὼν, οὐκ ἔχω μαντεύσασθαι τίνων ἐλαχίστων τὸν ἀριθμὸν δεῖται βοηθημάτων, ἀλλ’ ἄμεινον εἶναί μοι δοκεῖ περὶ πάντων ὑποτίθεσθαι.
하지만 내가 당신 아이의 체질을 알지 못하고, 병증이 어느 정도의 강도에 이르렀는지도 모르며, 나 자신이 직접 입회하여 지도할 것도 아니기에, 아이에게 필요한 최소한의 치료법이 몇 가지나 되는지 짐작할 수는 없으나, 오히려 모든 것에 대해 지침을 일러두는 것이 더 좋겠다고 여겨진다.
μετὰ τοίνυν τὰ γυμνάσια κατὰ τὸ ἄριστον ὀξυμέλιτί τε χρηστέον, ὡς εἴρηται, καὶ λαχάνοις τισὶν ἐλαίαις τε καὶ καρύοις καὶ σύκοις καὶ ἰσχάσιν, οὐχ ἅμα πᾶσιν ἐφ’ ἑκάστης ἡμέρας.
그러므로 운동을 마친 뒤 아침 식사 때, 언급한 바와 같이 옥시멜을 사용해야 하며, 또한 몇몇 채소, 올리브, 견과류, 신선한 무화과, 말린 무화과도 사용해야 하지만, 매일 이 모든 것을 동시에 섭취해서는 안 된다.
ἓν γάρ που καὶ ἁπλοῦν ἔστω τὸ λαμβανόμενον, ἀλλ’ ὑπὲρ τοῦ ποικίλλεσθαι τὴν δίαιταν ὑπὲρ ἁπάντων δίειμι.
섭취되는 것은 무언가 단순한 하나여야 하겠지만, 양생법에 다양성을 주기 위해 나는 모든 것에 대해 자세히 설명하고 있다.
κατὰ δὲ τὸν καιρὸν τοῦτον, ὡς ἐλέγετο, καὶ τῶν ἄλλων ἀκροδρύων ἁπτέον ἐπιθυμοῦντος τοῦ παιδὸς, ἐπεὶ ἄλλως γε κάλλιον ἀπέχεσθαι μὴ ὅτι νοσήματος ἰάσεως ἕνεκεν, ἀλλὰ καὶ πρὸς τὴν ὅλην ὑγείαν, ὡς καὶ ἡμᾶς ὁρᾷς ἀπεχομένους ἁπάντων σχεδὸν τῶν ὡραίων ἐδεσμάτων.
그리고 이 때에는, 말한 바와 같이, 아이가 원한다면 다른 나무열매도 섭취해도 된다. 그렇지 않다면 단지 질병의 치료를 위해서뿐만 아니라 건강 전체를 위해서도 그것들을 멀리하는 것이 더 바람직하기 때문이다. 당신이 우리 또한 제철 음식 거의 모두를 멀리하고 있는 것을 보는 바와 같다.
ἀλλὰ γὰρ οὐ φιλοσόφοις γράφομεν ὑποθήκας διαίτης ὑγιεινῆς, ὡς ἔμοιγε τοῦτ’ ἂν ἦν εὐκταιότατον, οὐκ εἰς τὴν τοῦ πάθους ἴασιν μόνον, ἀλλὰ καὶ πρὸς τὸν σύμπαντα τοῦ παιδός σου βίον.
하지만 우리는 철학자들을 위해 건강한 양생법의 지침을 쓰고 있는 것은 아니다. 물론 나로서는 그것이 단지 질병의 치료를 위해서뿐만 아니라 당신 아이의 평생에 걸쳐서도 가장 바랄 만한 일이었겠지만 말이다.
ἐπιτρεπτέον οὖν αὐτῷ προσφέρεσθαι φανερῶς τε καὶ κατὰ καιρὸν, ὅσα μὴ μεγάλας ἔχει τὰς βλάβας, ἵνα μὴ λαθραίως τε καὶ ἀκαίρως ἀπολαβὼν αὐτῶν βλάπτηται μειζόνως.
그러므로 큰 해가 없는 것들에 대해서는 드러내 놓고 적절한 때에 섭취하도록 아이에게 허락해야 한다. 이는 아이가 그것들을 몰래 부적절한 때에 취함으로써 더 크게 해를 입지 않도록 하기 위함이다.
καὶ γὰρ ἀθρόως καὶ πλειόνως ἐμπίπλανται τῶν ἐπιθυμουμένων οἱ φανερῶς ἐξειργόμενοι μὴ χρῆσθαι.
왜냐하면 드러내 놓고 사용을 금지당한 사람들은 원하는 것들을 한꺼번에, 그리고 더 많이 채워 넣기 마련이기 때문이다.
ταῦτά τοι καὶ συγχωρῶ τοῖς παισὶν ἐγὼ πολλὰ τῶν οὐκ ἐπιτηδείων ἐδεσμάτων, ὅσα γε μὴ μεγάλως βλάπτει φανερῶς τε καὶ κατὰ καιρὸν καὶ σὺν τῷ προσήκοντι μέτρῳ προσφέρεσθαι μᾶλλον ἢ ὥστε διὰ τὴν σφοδρὰν ἐπιθυμίαν ἀκαίρως ἀναγκασθῆναι πλείω τε ἅμα καὶ λάβρως προσενέγκασθαι.
그렇기 때문에 나는 아이들에게 적합하지 않은 많은 음식이라도, 큰 해를 끼치지 않는 한, 드러내 놓고 적절한 때에 적절한 분량과 함께 섭취하도록 허락한다. 이는 강한 갈망 때문에 부적절한 때에 한꺼번에 많이 그리고 탐욕스럽게 섭취하도록 강제되는 것보다 낫기 때문이다.
τὰ μὲν δὴ κατὰ τὴν τροφὴν οὕτω διατετάχθω.
음식에 관한 규정은 이와 같이 정해지도록 하자.