§3Κείσθω τοίνυν πρῶτον ἀρχὴν φλεγμονῆς ζητεῖσθαι.
그러므로 먼저 염증의 시작이 탐구된다고 가정하자.
τίς οὐκ ἂν φαίη τὴν οἱονεὶ γένεσιν αὐτῆς ὑπάρχειν ἐν ἐκείνῳ παντὶ τῷ χρόνῳ, καθ’ ὃν πληροῦται τὸ μόριον αἱματώδους οὐσίας;
그 부위가 혈액과 같은 물질로 가득 차는 그 모든 시간 동안에, 그것의 이른바 발생이 존재한다고 누가 말하지 않겠는가?
εἴτε γὰρ ἐπὶ παρεμπτώσει συμβαίνει τὸ τοιοῦτον, εἴτ’ ἐπὶ τῇ σφηνώσει πάντων τῶν ἀγγείων, εἴτε ἐπὶ περιστάσει τινὶ τῶν ὄγκων ἐν τοῖς πόροις, εἴθ’, ὡς ἡμεῖς ἐδιδάξαμεν ἔν τε τῷ περὶ τῆς ἀνωμάλου δυσκρασίας καὶ τῷ περὶ τῶν παρὰ φύσιν ὄγκων ὑπομνήματι, πλεονεξία τις αἵματος ἐν τῷ μορίῳ συνίσταται, γεννωμένης τῆς φλεγμονῆς, οὗτος ἔσται πρῶτος καιρὸς, ἐν ᾧ πληροῦται τὸ μέρος ἀνακείμενον τῷ μεγέθει τοῦ πάθους.
왜냐하면 그러한 일이 유입에 기인하여 일어나든, 모든 혈관의 폐쇄에 기인하여 일어나든, 통로 안의 종물들의 어떤 정체에 기인하여 일어나든, 혹은 우리가 『불균등한 불균형에 관하여』와 『자연에 반하는 종물들에 관한 각서』에서 가르친 바와 같이 염증이 생성될 때 그 부위에 어떤 혈액의 과잉이 형성되든 간에, 이것이 첫 번째 시기가 될 것이며, 이 시기 동안 그 부위가 질병의 크기에 상응하여 채워지기 때문이다.
ὅταν δὲ τὸ μὲν ἐπιῤῥέον παύσηται, τὸ δ’ ἐν τῷ φλεγμαίνοντι περιεχόμενον ὑπάρξηται σήπεσθαι, θερμασία τις γίνεται διὰ τὴν σηπεδόνα, καὶ ἡ χύσις ἐπιπλέον διὰ τὴν θερμασίαν, ἐφ’ ᾗ καὶ πνεῦμα γεννᾶται, καὶ δι’ ἄμφω ταῦτα διατείνεται μᾶλλον ἢ πρόσθεν τὸ μόριον, εἰ καὶ μηδὲν ἐπιῤῥέοι·
그러나 유입되는 것이 멈추고, 염증을 일으킨 부위에 함유되어 있던 것이 부패하기 시작할 때, 부패로 인해 어떤 열이 생기고, 열로 인해 더욱 액화가 일어나며, 이에 기초하여 프네우마도 생성되고, 이 두 가지 때문에 비록 아무것도 유입되지 않더라도 그 부위는 이전보다 더 늘어나게 된다.
δεύτερος οὗτός ἐστι χρόνος ὁ τῆς αὐξήσεως τῆς φλεγμονῆς.
이것이 두 번째 시간이며, 곧 염증의 상승기이다.
ὅταν δὲ εἰς πῦον ἤδη μεταβάλλῃ, μέγιστοι μὲν δή που πόνοι τηνικαῦτα καταλαμβάνουσι.
그리고 그것이 이미 고름으로 변할 때, 참으로 그 시절에 가장 큰 통증들이 엄습한다.
περὶ γὰρ τὰς γενέσιας τοῦ πύου οἱ πόνοι καὶ οἱ πυρετοὶ συμβαίνουσι μᾶλλον ἢ γενομένου·
왜냐하면 고름이 형성된 후보다 오히려 그것의 생성기 무렵에 통증과 열이 더 많이 발생하기 때문이다.
καλεῖται δ’ ἀκμὴ τοῦ πάθους ὁ τοιοῦτος καιρός.
이러한 시기가 질병의 극기라 불린다.
εἰ δὲ ἐκπυϊσκόμενον ἢ διαφορούμενον τὸ ῥεῦμα τόν τ’ ὄγκον ἐλάττω καὶ τὴν τάσιν ἀποφαίνει, παρακμῆς ἀρχὴ τὸ τοιοῦτόν ἐστιν.
하지만 만일 그 흐름이 화농되거나 발산됨으로써 종물을 더 작게 하고 긴장을 완화시킨다면, 그러한 상태가 쇠퇴기의 시작이다.
οὕτω μὲν ἐπὶ τῆς φλεγμονῆς οἱ καιροὶ διαιροῦνται.
이와 같이 염증에 있어서 시기들이 구분된다.
ἐπὶ πυρετοῦ δὲ τοῦ μὲν ἐπὶ φλεγμονῇ συνισταμένου τοὺς αὐτοὺς ἐκείνῃ τίθεσθαι καιρούς·
반면 열병에 있어서, 염증에 기인하여 일어나는 열병에 대해서는 염증과 동일한 시기들을 설정해야 한다.
τοῦ δ’ ἐπὶ χυμοῦ ἄνευ φλεγμονῆς, τὸν μὲν τῆς ἀπεψίας τῶν λυπούντων χυμῶν χρόνον, ἀρχήν· ὅταν δ’ ἄρξηται πέττεσθαι, πεπαῦσθαι μὲν τὴν ἀρχὴν, τὸν δεύτερον δ’ ἥκειν καιρὸν, τὸν τῆς ἀναβάσεως ὀνομαζόμενον· ὁπότε δὲ ἡ πέψις αὐτὴ συντελεῖται μάλιστα, τὸν τῆς ἀκμῆς·
하지만 염증 없이 체액에 기인하여 일어나는 열병에 대해서는, 해를 끼치는 체액들이 미소화된 시간을 시작으로 삼고, 그것들이 소화되기 시작할 때는 시작 단계가 끝나고 상승기라 불리는 두 번째 시기가 도달하며, 소화 자체가 가장 많이 이루어질 때를 극기로 삼고, 그 다음에 쇠퇴기로 삼아야 한다.
εἶθ’ ἑξῆς τὸν τῆς παρακμῆς, ἐν ᾧ πέπαυται μὲν ἤδη τό τε μέγεθος τῶν συμπτωμάτων καὶ τὸ πλῆθος τῶν πεττομένων, ὀλίγον δ’ ἐστὶν ἔτι λείψανον τῶν πεφθῆναι δεομένων χυμῶν.
이 시기에는 증상들의 격렬함도 소화되는 것들의 양도 이미 줄어들었으며, 소화되어야 할 체액의 아주 적은 잔재가 아직 남아 있다.
ἐδήλωσα δ’ ἐν τῇ περὶ κρίσεων πραγματείᾳ καὶ τὰ γνωρίσματα πάντα, τά τε τῆς πέψεως τῆς ἀμυδρᾶς καὶ τὰ τῆς παντελοῦς ἀπεψίας, καὶ τὰ τῆς ἐναργοῦς καὶ τὰ τῆς τελείας, ἴδια μὲν ὑπάρχοντα τῶν κατὰ τὴν γαστέρα πέψεων, ἴδια δὲ τῶν κατὰ τὰς φλέβας, ἴδια δὲ ἄλλα τῶν ἀναπνευστικῶν.
나는 『위기들에 관하여』 논고 에서 미약한 소화의 징후들과 완전한 미소화의 징후들, 그리고 분명한 소화의 징후들과 완전한 소화의 징후들을 모두 나타내 보였다. 이것들은 한편으로는 위에서의 소화들에 특유한 것이고, 다른 한편으로는 혈관들에서의 소화들에 특유한 것이며, 또 다른 것들은 호흡 기관들에 특유한 것들이다.
ἐλαμβάνετο δὲ τὰ μὲν ἐκ τῶν διαχωρημάτων, τὰ δὲ ἐκ τῶν οὔρων, τὰ δὲ ἐκ τῶν πτυσμάτων.
그리고 이것들은 어떤 것은 대변으로부터, 어떤 것은 소변으로부터, 어떤 것은 가래로부터 파악되었다.
καὶ ταῦτα ἐπιπλεῖστον ἐν ἐκείνῳ τῷ λόγῳ διῆλθον ἅμα ταῖς Ἱπποκρατείαις ῥήσεσιν, ἀρκεῖ δὲ ἐν τῷ νῦν ἐνεστῶτι τοσοῦτον μόνον εἰπεῖν, ὡς καὶ τῶν ἑλκῶν οἱ αὐτοὶ καιροί.
그리고 나는 그것들을 저 논고에서 히포크라테스의 어구들과 함께 매우 상세히 다루었으나, 현재의 논고에서는 궤양들의 시기들도 이와 동일하다는 점만을 말하는 것으로 충분하다.
πρῶτον μὲν γὰρ ἰχῶρες ὑδατώδεις ἄπεπτοι καὶ λεπτοὶ ῥέουσιν ἐξ αὐτῶν·
왜냐하면 먼저 물 같고 미소화된 얇은 장액들이 그것들로부터 흘러나오기 때문이다.
εἶθ’ ἑξῆς ἐλάττους τε καὶ παχύτεροι· κᾄπειτα ἤδη πῦον λεπτόν· εἶτα ἔλαττον μὲν τῷ πλήθει τοῦτο γίνεται, παχύτερον δὲ καὶ λευκότερον·
그 다음 차례로 더 적고 더 걸쭉한 장액이 흘러나오고, 그 뒤에 이미 묽은 고름이 나오며, 그 다음 이 고름은 양적으로는 더 적어지지만 더 걸쭉하고 더 하얗게 된다.
ὥστε οὐδέν ἐστι τῶν λυομένων παθῶν, ὃ μὴ διεξέρχεται τοὺς καιρούς.
그리하여 해결되는 질병들 중 이 시기들을 거치지 않는 것은 아무것도 없다.
οὐ μὴν οὐδ’ ἐξ ἄλλου τινὸς ἡ γνῶσις αὐτῶν, ὅτι μὴ τῶν τῆς ἀπεψίας τε καὶ πέψεως σημείων, ἃ διὰ τῶν περιττωμάτων γνωρίζεται.
참으로 그것들에 대한 인식은 배설물들을 통해 인식되는 미소화 및 소화의 징후들을 제외하고는 다른 어떤 것으로부터도 얻어지지 않는다.
τίς γὰρ οὐκ οἶδεν ἠπεπτηκέναι τὴν γαστέρα, διαχωρήματα θεασάμενος ἀχύλωτα;
왜냐하면 유즙화되지 않은 대변을 보고서 위가 소화시키지 못했음을 모르는 사람이 누가 있겠는가?
τίς δὲ οὐκ οἶδεν, οὖρον ὑδατῶδες ἰδὼν, ἠτυχῆσθαι τὴν ἐν τοῖς ἀγγείοις πέψιν;
또 물 같은 소변을 보고서 혈관들에서의 소화가 실패했음을 모르는 사람이 누가 있겠는가?
τίς δὲ λεπτὸν ἀναβηττόμενον πτύσμα κατὰ πλευρῖτιν, ἢ περιπνευμονίαν ἑωρακὼς, ὁμοίως οὐ συνήσει ὡς ἀρχή ἐστιν ἔτι τοῦ πάθους;
그리고 늑막염이나 폐렴에 걸려 기침으로 나오는 묽은 가래를 본 사람이라면, 그것이 아직 질병의 시작임을 마찬가지로 이해하지 못하겠는가?
οὕτω δὲ κᾀν ταῖς ὀφθαλμίαις ἐν ἀρχῇ μὲν ἀποῤῥεῖ πολὺ καὶ λεπτὸν, ἄπεπτον ἱκανῶς·
이와 같이 안염에 있어서도 시작 단계에는 충분히 미소화된, 많고 묽은 분비물이 흘러나온다.
ἐφεξῆς δὲ, ἔλαττόν τε καὶ παχύτερον, ὑπογραφήν τινα πέψεως λαμβάνον·
그 다음에는 더 적고 더 걸쭉해지면서 소화의 어떤 징조를 띠게 된다.
εἶτα ἐν τῷ χρόνῳ προϊόντι, τοῦ μὲν πλήθους μειουμένου, τῆς συστάσεως δὲ ἐπὶ τὸ παχύτερον ἰούσης, αὐξάνεται τὰ τῆς πέψεως εἰς τοσοῦτον, ὡς καὶ κολλᾶσθαι τὰ βλέφαρα κοιμηθέντων ὑπὸ τῆς γενομένης λήμης, ἥτις καὶ αὐτὴ καταρχὰς μὲν λεπτὴ καὶ πολλὴ, τῷ χρόνῳ δὲ ἐλάττων τε καὶ παχυτέρα γενομένη, τήν τε πέψιν τοῦ νοσήματος ἐνδείκνυται καὶ τὴν παρακμὴν τούτου.
그 다음 시간이 흐름에 따라, 양은 감소하고 굳기는 더 걸쭉한 쪽으로 가면서, 소화의 징후들이 아주 증대하여 잠든 이들의 눈꺼풀이 생성된 눈곱에 의해 달라붙을 정도에 이른다. 이 눈곱 자체도 처음에는 묽고 많지만, 시간이 흐르면서 더 적어지고 더 걸쭉해져서 질병의 소화와 그것의 쇠퇴를 둘러 보여준다.
καὶ μὴν καὶ τῶν ἐξ ἐγκεφάλου καταῤῥεόντων δι’ ὑπερῴας καὶ ῥινῶν ἀρχὴ μὲν, ὅταν ὑδατῶδές τε καὶ λεπτὸν ᾖ καὶ πολὺ καὶ δριμὺ τὸ φερόμενον·
더욱이 뇌로부터 입천장과 콧구멍을 통해 흘러내리는 카타르에 있어서도, 흘러나오는 것이 물 같고 묽으며 많고 자극적일 때가 시작이다.
ἐσχάτην γὰρ ἀπεψίαν ἐνδείκνυται ταῦτα·
왜냐하면 이것들은 극도의 미소화를 나타내기 때문이다.
πέψεως δέ ἐστιν ἤδη γνωρίσματα παχύτερόν τε καὶ ἧττον δριμὺ καὶ ὀλίγον κενούμενον·
반면 그것이 더 걸쭉하고 덜 자극적이며 소량만 배출될 때 이미 소화의 징후들이라 할 수 있다.
εἰ δὲ καὶ ἡ καλουμένη μύξα καὶ βλέννα συναπέρχοιτο, βεβαιότερον ἤδη τοῦτό ἐστι πέψεως σημεῖον·
만일 이른바 콧물과 점액이 함께 나온다면, 이것은 이미 소화의 더 확실한 징후이다.
ὥσπερ δὴ καὶ (εἰ) παχυτέρα μὲν αὐτῆς καὶ ἐλάττων γινομένη, πολὺ δὴ καὶ μᾶλλον πέψιν ἐνδείκνυται.
참으로 그것이 그것보다 더 걸쭉해지고 더 적어진다면, 훨씬 더 소화를 나타내게 된다.
καὶ οὗτοι μὲν οἱ καιροὶ τῶν νοσημάτων εἰσὶν, ἐξ ὧν οἱ κάμνοντες σώζονται.
그리고 이것들이 환자들이 살아나는 질병들의 시기들이다.