§3#3ἐγὼ τοῦτ’ ἔδειξα μειράκιά πω γεγυμνασμένα ἐν μαθήμασι διδάξας γνωρίζειν ἀληθεῖς λόγους, ἀξιώσας τι προβάλλειν αὐτοῖς σοφισμάτων τοῖς βουλομένοις τῶν παρόντων.
나는 이 점을 기초 학문들에서 어느 정도 훈련받은 젊은이들에게 참된 논의를 분별하는 법을 가르침으로써 보여주었으니, 옆에 있던 사람들 중 원하는 자들에게 그 젊은이들에게 몇 가지 소피즘을 제시해 보라고 요구했던 것이다.
αὐτὰ γὰρ ἐγνώρισε τὴν ἀτοπίαν αὐτῶν, ἤτοι κατὰ τὸ σχῆμα γεγενημένην, οὐκ ὂν συλλογιστικὸν, ἢ κατὰ τῶν λημμάτων ψευδῆ οὖσαν, ὥστε κᾀκ τούτου φανῆναι σαφῶς τοῖς δοξοσόφοις τούτοις πρεσβύταις, ὅσοι σοφίσματα λύειν ἀδυνατοῦσιν, ὅτι διὰ τὴν ἄγνοιαν τῶν ἀληθῶν λόγων τοῦτο πεπόνθασιν·
왜냐하면 젊은이들 스스로가 그것들의 부조리함을 알아차렸기 때문인데, 그것은 추론 형식이 삼단논법적이지 않아서 발생했거나, 전제들에서 거짓이었기 때문이다. 그리하여 이 일로부터 소피즘을 해결하지 못하는 이 오만한 노인들에게도, 자신들이 참된 논의에 대해 무지하기 때문에 이러한 처지에 놓이게 되었다는 점이 분명하게 드러났다.
εἶτ’ ἐσχάτης καταγνώσεως ἄξιοί εἰσιν, διὰ προπετῆ συγκατάθεσιν ἐν κακοδαίμονι βίῳ γενόμενοι·
그리하여 그들은 극심한 비난을 받아 마땅한데, 경솔한 동의로 인해 불행한 삶에 처하게 되었기 때문이다.
ἡ γὰρ περὶ τέλους δόξα ψευδὴς ὡμολόγηται πᾶσι πρὸς κακοδαιμονίαν ἄγειν·
왜냐하면 목적(종극)에 대한 거짓된 오명은 불행으로 이어진다는 점이 모든 이에게 동의되어 있기 때문이다.
οὗτοι δὲ ἀγύμναστοί τινές εἰσι περὶ διαγνώσεως ἀληθῶν τε καὶ ψευδῶν λόγων, ἐνίοτε πιστευόμενοί τινος νοεῖν ἀλήθειαν δόξης, ἀγνοοῦσι μὲν, ὅτι λόγον ἐνδεχόμενον εἰρήκασιν, ὡς φαινομένων ἐναργῶς ὧν δοξάζουσι, κελεύουσι δ’ ἡμᾶς ἕπεσθαί τε καὶ πείθεσθαι χωρὶς ἀποδείξεως, πολλάκις δὲ μόνης ἐνδείξεως δεομένου τοῦ λόγου, δι’ ἀποδείξεως ἐπιχειροῦσιν αὐτὸν πιστοῦσθαι.
그러나 이들은 참된 논의와 거짓된 논의의 식별에 있어서 훈련되지 않은 자들이어서, 때로는 어떤 의견의 진리를 이해하고 있다고 여겨지기도 하지만, 정작 자신들이 믿고 있는 바가 명백해 보인다는 이유만으로 단지 개연적인 논의를 말했을 뿐이라는 점을 알지 못한다. 그리고 그들은 우리에게 증명 없이 따르고 믿으라고 요구하지만, 종종 논의가 단지 직접적인 지시(ἔνδειξις)만을 필요로 하는 경우에 증명(ἀπόδειξις)을 통해 그것을 확증하려고 시도한다.
τινὲς δὲ ἀγνοοῦντες, ὅπῃ διαφέρει τὸ τῆς ἐνδείξεως δεόμενον, ἢ ὡς πρῶτόν τε καὶ ἐξ αὐτοῦ πιστὸν, ὅμως ἐπιχειροῦσιν ἀποφαίνεσθαι περὶ πραγμάτων ἀκριβοῦς ἐπισκέψεως δεομένων.
또한 어떤 이들은 지시를 필요로 하는 것이 시초이며 그 자체로 신뢰할 만한 것과 어떻게 다른지 알지 못한 채, 그럼에도 불구하고 정확한 검토를 필요로 하는 사안들에 대해 선언하려 시도한다.
καὶ ταῦτα πεπόνθασι πολλοὶ τῶν ἤδη γεγηρακότων ἐν φιλοσοφίᾳ.
그리고 이미 철학 안에서 늙어버린 많은 이들이 이와 같은 처지에 빠져 있다.
τί οὖν, ὦ πρὸς θεῶν, ἢ τῶν τοιούτων ἀμάθειάν τε καὶ δοξοσοφίαν δοκεῖ σοι δύνασθαι θεραπευθῆναι ῥᾳδίως;
그렇다면 신들의 이름으로 묻건대, 그러한 자들의 무지와 독단이 쉽게 치료될 수 있다고 그대에게 생각되는가?
ἢ ὅστις μὲν σκιῤῥώδης ἐτῶν ἤδη τριῶν ἢ τεττάρων ἄλυπον ἔχει τὸν σκίῤῥον;
아니면 이미 3, 4년 동안 통증 없는 경결(硬結, scirrhus)을 앓고 있는 경결 환자가 [쉽게 치료되겠겠는가]?
ἤ τε τῶν τοιούτων γερόντων ψυχὴ τὸν τῆς ἀμαθείας τε καὶ δοξοσοφίας σκίῤῥον ἐτῶν τριάκοντα ἔχουσα δύναται λυθῆναι;
아니면 그러한 노인들의 영혼이 무지와 독단의 경결을 30년 동안이나 품고 있는데 그것이 풀어질 수 있겠는가?
θὲς, εἰ βούλει, καὶ δύνασθαι, καὶ σκέψαι, πότερον ἡμερῶν, ἢ μηνῶν, ἢ ἐτῶν τοῦ τοιούτου σκίῤῥου θεραπεία δεῖται.
원한다면 그것이 가능하다고 가정해 보고, 그러한 경결의 치료에 며칠, 몇 달, 혹은 몇 년이 필요한지 생각해 보라.
μὴ τοίνυν θαύμαζε, διὰ τί πολλοῖς τῶν φιλοσοφεῖν ἐπαγγελλομένων οὐδ’ ὅλως ἀξιῶ διαλέγεσθαι·
그러므로 철학을 하노라 자처하는 많은 이들과 내가 전혀 대화하려 하지 않는 이유를 이상하게 여기지 말라.
ἀμείνους γὰρ αὐτῶν οἶδα πάντας ἰδιώτας τε καὶ συνετοὺς φύσει, καὶ πεπαιδευμένους τὴν παρ’ Ἕλλησιν ἐξ ἀρχῆς εὐδοκιμοῦσαν παιδείαν.
왜냐하면 나는 그들보다 모든 일반인들 중에서 천성적으로 총명하고 처음부터 그리스인들 사이에서 크게 평판이 높은 교양을 쌓은 이들이 더 훌륭하다는 것을 알기 때문이다.
οὗτοι μὲν καὶ γνωρίζουσι ῥᾳδίως, ὅσα τ’ ἐναργῶς ἀκολουθεῖ.
이들은 명백하게 따르는(논리적으로 귀결되는) 일들조차 쉽게 분별해 낸다.
τῶν δ’ ὡς ἐριζομένων ὄντων, ἢ προσποιουμένων μὲν μὴ γνωρίζειν, ὅσα τοῖς δόγμασιν αὐτῶν ἐναντιοῦται, πολλάκις ἐπειράθην.
반면에 말다툼하기를 좋아하는 자들이나, 자신들의 교설에 대립하는 것들을 알아차리지 못하는 체하는 자들에 대해서는 내가 종종 경험해 보았다.
περὶ μὲν γοῦν τῶν ἑπομένων ἑκάστῳ τέλει μυριάκις ἤδη λόγων ἡμῖν γεγονότων πρὸς πολλοὺς τῶν φιλοσόφων, οἱ μὲν ἄλλοι πάντες διὰ τὸ πεπαιδεῦσθαι τὴν πρώτην παιδείαν ὀξεῖς εἰσι τὴν διάνοιαν, αὐτοί τε τοὺς ἀκολούθους βίους τοῖς αὑτῶν δόγμασιν ἔλεγον, τὸν ἡμῶν λόγον γνωρίζοντες· οἱ δ’ ἄλλοι, ὡς εἴρηται, γεγηρακότες ἐν δοξοσοφίᾳ, μόνοι τἀναντία λέγοντες, εἶτα καταγελώμενοι πρὸς ἁπάντων τῶν παρόντων εἰς λοιδορίαν αὐτῶν ἐτρέποντο.
적어도 각각의 목적에 따르는 삶에 대해 우리와 많은 철학자들 사이에 이미 수만 번의 논의가 있었을 때, 다른 모든 이들은 기초 교양을 받았기에 지성이 예리하여 우리의 논의를 분별하고 자신들의 교설과 부합하는 삶에 대해 스스로 말했으나, 다른 이들, 즉 말했듯이 독단 속에서 늙어버린 자들만은 홀로 반대되는 것을 말하다가 이내 배석한 모든 이들로부터 비웃음을 사고는 그들에 대한 욕설로 돌아섰던 것이다.
ἀλλὰ τὰ μὲν ἐξηγημένα πολλάκις ἡμῖν ἅμα πολλοῖς ἀνδράσι περὶ τῶν ἀκολούθων ἑκάστῳ τέλει βίων ἐν ἑτέροις ὑπομνήμασιν ἔχεις·
하지만 각각의 목적에 따르는 삶에 관하여 우리가 많은 사람들과 함께 자주 설명했던 일들은 그대가 다른 저술들 속에 가지고 있다.
καὶ δῆλον ὅτι πολλὰ παραδείγματα τῶν ἁμαρτημάτων, ὧν ἁμαρτάνουσιν ἐν αὐτοῖς, γέγραπται.
그리고 그 안에서 그들이 범하는 오류들의 많은 예가 기록되어 있음은 분명하다.
πάντα γὰρ, ὅσα καθ’ ὅλον τὸν βίον ἐναντίως ἀλλήλοις πράττουσιν, ὅσα τε καὶ λέγουσιν οἱ ἀπὸ τῶν διαφόρων αἱρέσεων ἀναγόμενοι, κατάκρισις ψευδὴς γίγνεται, καὶ πρόδηλόν γ’ ἐστὶν, ὡς κακῶς τε γίγνεται πάντα, καὶ ἁμαρτημάτων ἐστὶ τὰ κατὰ πᾶσαν αἵρεσιν πλημμελήματα, τῆς ἀληθοῦς εὑρηκυίας οὐ μόνον τὸ τέλος, ἀλλὰ καὶ τὸν ἀκόλουθον αὐτῷ βίον, ἔνθα καὶ σαφῶς, ὅπῃ διαφέρει πάθος ἁμαρτήματος, ἔνεστί σοι μαθεῖν.
왜냐하면 여러 학파로부터 이끌린 자들이 평생 동안 서로 상반되게 행하고 말하는 모든 것이 거짓된 판정 이 되기 때문이며, 모든 것이 잘못 이루어지고 있고 모든 학파에 따른 과실이 오류에 속한다는 것은 지극히 명백하기 때문이다. 참된 철학이 목적뿐만 아니라 그에 따르는 삶까지 발견해 낸 반면에 말이다. 그 저술에서 그대는 정념이 오류와 어떻게 다른지 역시 분명하게 배울 수 있다.
ὁ μὲν γὰρ εὐεργετεῖν, εἰ οὕτως ἔτυχε, τοὺς ἀνθρώπους δόγμα θέμενος, ὡς ἀληθὲς, ἢ τέλειον εὐεργετῆσαί τινας, ἐκλείπων τὴν βοήθειαν, ἢ δι’ ὕπνον, ἢ ἀργίαν, ἢ φιληδονίαν, ἤ τι τοιοῦτον κατὰ πάθος ἐσφάλη·
왜냐하면 예를 들어 사람들에게 은혜를 베푸는 것이 참되다거나 어떤 이들에게 은혜를 베푸는 것이 온전하다고 교설을 세운 자가, 잠이나 게으름, 혹은 쾌락에 대한 사랑이나 그와 같은 정념으로 인해 도움을 주는 일을 빠뜨린다면, 그는 정념에 따라 실족한 것이기 때문이다.
κεκρικὼς δέ τις ἑαυτῷ μόνῳ τὰς ἡδονὰς ἢ τὴν ἀοχλησίαν ἐκπορίζειν, ἀποσχόμενος δὲ διὰ τοῦτο πολίταις ἢ οἰκείοις ἀδικουμένοις βοηθῆσαι, διὰ μοχθηρὰν δόξαν, οὐ διὰ πάθος ἥμαρτε.
하지만 오직 자신만을 위해 쾌락이나 무사평안(ἀοχλησία)을 마련하기로 판정하고, 이 때문에 불의를 당하는 시민들이나 친지들을 돕는 일을 삼가는 자는, 타락한 의견으로 인해 오류를 범한 것이지 정념 때문이 아니다.