§3Αἱ βλάβαι τοῖς σώμασιν ἡμῶν, αἱ μὲν ἀπὸ τῶν ἔξωθεν αἰτιῶν, αἱ δ’ ἀπὸ τῶν τῆς τροφῆς ὁρμῶνται περιττωμάτων.
우리 몸이 입는 손상은 한편으로는 외부의 원인들로부터, 다른 한편으로는 음식의 잔류물들로부터 생겨난다.
αἱ μὲν ἀπ’ αὐτῶν τῶν ἔξωθεν αἰτιῶν ἐγκαυθεῖσί τε καὶ ψυχθεῖσιν, ὑγρανθεῖσί τε καὶ ξηρανθεῖσι πέρα τοῦ προσήκοντος.
외부의 원인들 자체로 인한 손상은 적절한 한도를 넘어 뜨거워지거나 차가워질 때, 축축해지거나 건조해질 때 발생한다.
ἐν τούτῳ δὲ τῷ γένει καὶ κόπους, καὶ λύπας, καὶ ἀγρυπνίας, καὶ φροντίδας ὅσα τ’ ἄλλα τοιαῦτα θετέον.
이 부류에는 피로, 슬픔, 불면, 걱정 및 그 밖의 모든 유사한 것들을 포함시켜야 한다.
ἀπὸ δὲ τῶν τῆς τροφῆς περιττωμάτων διτταὶ μὲν κατὰ γένος, ὅτι καὶ ταῦτα διττὰ, τὰ μὲν τῷ ποσῷ, τὰ δὲ τῷ ποιῷ διοχλοῦνται, πολυειδεῖς δὲ κατ’ εἶδος.
음식의 잔류물들로 인한 손상은 이러한 잔류물들 또한 이중적이기 때문에, 유(類)적으로는 이중적이며(하나는 양에 의해, 다른 하나는 질에 의해 몸을 괴롭힌다), 종(種)적으로는 다채롭다.
ὅτι μὲν οὖν τοῖς ἔξωθεν αἰτίοις τὸ συμμέτρως διακείμενον σῶμα δυσάλωτόν ἐστι, πρόδηλον μὲν κᾀξ αὐτῆς τῆς εὐκρασίας, χαλεπῶς καὶ μόγις εἰς ἀμετρίαν κράσεως ἀφικνουμένης τῷ πάντη τῶν ἄκρων ἀφεστάναι πλεῖστον.
따라서 균형 잡힌 상태에 있는 몸이 외부의 원인들에 의해 쉽게 침범당하지 않는다는 것은, 그것의 양호한 혼합 자체로부터도 미리 분명한데, 그 혼합이 모든 방향에서 극단들로부터 가장 멀리 떨어져 있기 때문에 혼합의 불균형에 도달하는 일이 어렵고 드물기 때문이다.
οὐ μὴν ἀλλὰ καὶ ἐκ τοῦ καλῶς ἐνεργεῖν ἄριστ’ ἂν εἴη παρεσκευασμένον εἰς δυσπάθειαν, ἥκιστα καμάτοις ἁλισκόμενον.
그뿐만 아니라 활동을 훌륭하게 수행하는 것으로부터도 병에 걸리기 어려움에 대해 최선으로 대비되어 있을 것이며, 피로에 사로잡히는 일도 극히 드물 것이다.
ὑπάρχει δ’ εὐθὺς τῷ τοιούτῳ σώματι καὶ εὐχυμότατον τῶν ἄλλων ἁπάντων εἶναι, ὥστε καὶ λύπης, καὶ θυμοῦ, καὶ ἀγρυπνίας, καὶ φροντίδος, ὄμβρων τε καὶ αὐχμῶν, καὶ λοιμῶν, καὶ πάντων ἁπλῶς εἰπεῖν τῶν νοσερῶν αἰτιῶν ῥᾷον τῶν ἄλλων ἀνέξεται σωμάτων.
그리고 이러한 몸에는 다른 모든 몸들 중에서 가장 우수한 체액을 즉각 갖추고 있다는 특징이 있어, 슬픔, 분노, 불면, 걱정, 폭우와 가뭄, 역병, 그리고 간단히 말해 모든 병적인 원인들에 대해서도 다른 몸들보다 더 쉽게 견뎌낼 것이다.
μάλιστα γὰρ δὴ τὰ κακόχυμα πρὸς τῶν τοιούτων αἰτιῶν ἐξελέγχεται ῥᾳδίως, ὡς ἂν ἤδη καὶ καθ’ ἑαυτῶν πλησίον ἡκουσῶν νόσων.
왜냐하면 불량한 체액을 가진 몸들은 이러한 원인들에 의해 극히 쉽게 그 약함이 탄로 나는데, 마치 그것들 자체가 이미 질병에 가까워져 있는 것과 같기 때문이다.
οὕτω μὲν ὑπὸ τῶν ἔξωθεν ἡμῖν προσπιπτόντων καὶ λυπούντων τὸ σῶμα δυσαλωτότατός ἐστιν ἡ εἰρημένη διάθεσις.
이처럼 외부로부터 우리에게 닥쳐와 몸을 괴롭히는 것들에 대해, 앞서 말한 상태는 가장 침범당하기 어렵다.
ὅτι δὲ οὐδ’ ὑπὸ τῶν τῆς τροφῆς περιττωμάτων εὐάλωτος ὑπάρχει νόσοις, ᾧδ’ ἂν μάλιστα καὶ τόδε μάθοις, εἰ λογίσαιο μήτε πλῆθος ἐν τῇ τοιαύτῃ φύσει μήτε κακοχυμίαν οὐδεμίαν ἢ ἀθροίζεσθαι ῥᾳδίως, ἢ ἀθροισθεῖσαν λυμαίνεσθαί τι τοῖς ζώοις.
또한 그것이 음식의 잔류물들에 의해서도 질병에 쉽게 걸리지 않는다는 점에 대해서는, 다음과 같은 점을 고려해 본다면 가장 잘 알 수 있을 것이다. 즉, 그러한 성질에 있어서는 과다함도 그 어떤 불량한 체액도 쉽게 축적되지 않으며, 혹 축적된다 하더라도 생체에 조금도 해를 끼치지 않는다는 점을.
ἥ τε γὰρ συμμετρία τῶν φυσικῶν ἐνεργειῶν πρὸς ἀλλήλας καὶ ἡ καθ’ ἑκάστην αὐτῶν ἀρετὴ καὶ γίνεσθαι κωλύει τὰ περιττώματα, καὶ γεννώμενα ῥᾳδίως ἐκκρίνει, κᾂν εἰ μείνειε δέ ποτε μέχρι πλείονος, ἥκιστα νικᾶται πρὸς αὐτῶν.
왜냐하면 자연스러운 활동들의 상호 간의 균형과 그 활동들 각각의 우수함은 잔류물이 생성되는 것을 막고, 생성된 것도 쉽게 배출하며, 설령 그것이 언제인가 더 오랫동안 머물게 된다 하더라도 그것들에 의해 굴복당하는 일이 극히 적기 때문이다.
τὸ μὲν γὰρ ὑπὸ τῶν νοσερῶν αἰτιῶν ῥᾳδίως νικᾶσθαι ταῖς ἀσθενέσι τε καὶ δυσκράτοις φύσεσιν ὑπάρχει, τὸ δ’ ἀντέχειν ἐπὶ πλεῖστον ταῖς εὐκράτοις καὶ ἰσχυραῖς, ὁποίαν εἶναι τὴν ἀρίστην ἔφαμεν.
왜냐하면 병적인 원인들에 의해 쉽게 굴복당하는 것은 약하고 불량하게 혼합된 성질들에 속하는 일이며, 가장 오랫동안 버텨내는 것은 양호하게 혼합되고 강한 성질들에 속하는 일이기 때문인데, 우리가 최선의 구성이라고 말했던 것이 바로 그러한 것이다.
ἔχεις δ’ αὐτῆς ἐν μὲν τοῖς περὶ κράσεων ὑπομνήμασιν ὡς εὐκράτου τὰ γνωρίσματα, κατὰ δὲ τὸ ἑπτακαιδέκατον τῆς περὶ χρείας μορίων ὡς συμμέτρως ἐχούσης τοῖς ὀργανικοῖς μορίοις, καὶ νῦν δ’ ἂν οὐδὲν ἧττον ἐκ τῶν νῦν εἰρησομένων ἀναμνησθείης αὐτῶν.
그대에게는 『혼합에 관하여』 저술들에서 그것의 양호한 혼합으로서의 징표들이 있고, 『신체 부위들의 효용에 관하여』 제17권에서는 기관적 부위들에 대해 균형 잡힌 비율을 가진 것으로서의 징표들이 있으며, 지금도 이제 말하게 될 내용들을 통해 그것들을 다름없이 상기할 수 있을 것이다.
ἐπειδὴ γὰρ οὐκ ἐστενωμένον, οὐδ’ ἁπλοῦν ἀκριβῶς, οὐδ’ ἄτμητον πρᾶγμα τὴν ὑγείαν ἐδείξαμεν ἐν τοῖς περὶ αὐτῆς λόγοις, ἀλλ’ εἰς ἱκανὸν πλάτος ἐκτείνεσθαι δυναμένην, δοκεῖ μοι καλῶς ἔχειν, εἰ μέλλει χρήσιμος ὁ λόγος ἔσεσθαι τοῖς ἐργαζομένοις τὴν τέχνην, μὴ μόνον τὸ σπάνιον ἐν αὐτῷ σῶμα καὶ οἷον παράδειγμα τοῦ Πολυκλείτου κανόνος ἐν τῷ λόγῳ πλάττειν, ἀλλὰ καὶ τῶν ἀπολειπομένων μὲν αὐτοῦ κατά τι, μὴ μέντοι κατάφωρον ἤδη καὶ μέγα τὸ σφάλμα κεκτημένων ἀναμνησθῆναι.
왜냐하면 건강이란 좁혀진 것도, 엄격하게 단순한 것도, 분할 불가능한 것도 아님을 우리가 그것에 관한 논의에서 보여주었으며, 오히려 충분한 폭으로 확장될 수 있는 것임을 보여주었기 때문에, 이 기술에 종사하는 이들에게 이 논의가 유용하려면, 논의 속에서 오직 드물게 존재하며 폴리클레이토스의 카논의 모범과 같은 몸만을 형상화할 뿐 아니라, 그것에서 어떤 점에서는 뒤떨어지지만 아직 명백하고 커다란 오류를 가지고 있지는 않은 것들에 대해서도 상기하는 것이 적절하다고 내게 생각되기 때문이다.
τό τε γὰρ ἑτοίμως γνωρίζειν τὴν ἀρίστην κατασκευὴν τοῦ σώματος, εἰ καὶ σπανίως ἡ γένεσις αὐτοῦ, καὶ τὸ τὰς ἄλλας ἁπάσας, αἷς ὁμιλοῦμεν ὁσημέραι, διαγινώσκειν ῥᾳδίως οὕτως ἂν μάλιστα ἡμῖν ὑπάρξαι.
왜냐하면 최선의 몸의 구성을 기꺼이 인식하는 것(설령 그것의 생성이 드물다 할지라도)과, 우리가 매일 접하는 다른 모든 구성을 쉽게 진단하는 것 모두가 이와 같은 방식으로 우리에게 가장 가능해질 것이기 때문이다.
τὸ μὲν γὰρ ἄκρως ἐν ἅπασι κατωρθωμένον, ὡς μήτε τῶν ὁμοιομερῶν μήτε τῶν ὀργανικῶν μορίων μηδὲν ἔχειν ἀμέτρως διακείμενον, οὐ πάνυ τι συνεχῶς, ἀλλ’ ἐν μακροτέραις χρόνων περιόδοις εἴωθε γίνεσθαι, τὸ δ’ ἀπολειπόμενον βραχὺ τοῦδε κᾂν συνεχῶς θεάσαιο.
왜냐하면 모든 면에서 극도로 완벽하게 정돈되어, 동질적 부분들도 기관적 부위들도 그 어떤 것도 어긋난 상태에 있지 않은 것은 극히 연속적으로가 아니라 더 긴 시간의 주기 속에서 생겨나는 것이 보통이지만, 이것보다 약간 뒤떨어지는 것은 연속적으로라도 볼 수 있을 것이기 때문이다.