§1.1ἐγὼ μὲν τοῦτο ἀεί ποτε νομίζω, ὁποῖοί τινες ἂν οἱ προστάται ὦσι, τοιαύτας καὶ τὰς πολιτείας γίγνεσθαι.
나는 언제나 지도자들의 품성이 어떠하냐에 따라 국가의 체제도 그와 같이 된다고 생각한다.
ἐπεὶ δὲ τῶν Ἀθήνησι προεστηκότων ἔλεγόν τινες ὡς γιγνώσκουσι μὲν τὸ δίκαιον οὐδενὸς ἧττον τῶν ἄλλων ἀνθρώπων, διὰ δὲ τὴν τοῦ πλήθους πενίαν ἀναγκάζεσθαι ἔφασαν ἀδικώτεροι εἶναι περὶ τὰς πόλεις, ἐκ τούτου ἐπεχείρησα σκοπεῖν εἴ πῃ δύναιντʼ ἂν οἱ πολῖται διατρέφεσθαι ἐκ τῆς ἑαυτῶν, ὅθενπερ καὶ δικαιότατον, νομίζων, εἰ τοῦτο γένοιτο, ἅμα τῇ τε πενίᾳ αὐτῶν ἐπικεκουρῆσθαι ἂν καὶ τῷ ὑπόπτους τοῖς Ἕλλησιν εἶναι.
아테네의 지도자들 중 일부가 자신들은 다른 어떤 사람들 못지않게 정의를 알고 있지만, 민중의 빈곤 때문에 여러 도시들에 대해 다소 부정하게 행동할 수밖에 없다고 말하는 것을 듣고, 나는 이로부터 시민들이 자신들의 땅으로부터 스스로 부양할 수 있는 방법이 어딘가에 있지 않을까 검토하기 시작했다. 만약 이것이 이루어진다면, 그것이 가장 정의로운 방법이기도 하거니와, 그들의 빈곤을 구제함과 동시에 그리스인들에게 의심을 받는 일도 면하게 될 것이라고 생각했기 때문이다.
§1.2σκοποῦντι δή μοι ἃ ἐπενόησα τοῦτο μὲν εὐθὺς ἀνεφαίνετο, ὅτι ἡ χώρα πέφυκεν οἵα πλείστας προσόδους παρέχεσθαι.
내가 구상한 것들을 검토해 보았을 때, 우선 다음의 사실이 즉각 분명해졌다. 즉, 이 땅은 매우 많은 수입을 제공할 수 있는 천혜의 본성을 지니고 있다는 점이다.
ὅπως δὲ γνωσθῇ ὅτι ἀληθὲς τοῦτο λέγω, πρῶτον διηγήσομαι τὴν φύσιν τῆς Ἀττικῆς.
내가 말하는 바가 진실임을 알 수 있도록, 먼저 아티카의 자연적 특성에 대해 설명하겠다.
§1.3οὐκοῦν τὸ μὲν τὰς ὥρας ἐνθάδε πρᾳοτάτας εἶναι καὶ αὐτὰ τὰ γιγνόμενα μαρτυρεῖ·
우선, 이곳의 기후가 지극히 온화하다는 것은 이곳에서 자라나는 작물 자체가 증명한다.
ἃ γοῦν πολλαχοῦ οὐδὲ βλαστάνειν δύναιτʼ ἂν ἐνθάδε καρποφορεῖ.
즉, 많은 곳에서는 싹을 틔우지도 못할 것들이 이곳에서는 열매를 맺는다.
ὥσπερ δὲ ἡ γῆ, οὕτω καὶ ἡ περὶ τὴν χώραν θάλαττα παμφορωτάτη ἐστίν.
땅이 그러하듯이, 이 지역을 둘러싼 바다 또한 매우 풍요롭다.
καὶ μὴν ὅσαπερ οἱ θεοὶ ἐν ταῖς ὥραις ἀγαθὰ παρέχουσι, καὶ ταῦτα πάντα ἐνταῦθα πρῳαίτατα μὲν ἄρχεται, ὀψιαίτατα δὲ λήγει.
나아가, 신들이 계절에 맞추어 베풀어 주시는 온갖 좋은 것들이 이곳에서는 가장 먼저 시작되고 가장 늦게 끝난다.
§1.4οὐ μόνον δὲ κρατεῖ τοῖς ἐπʼ ἐνιαυτὸν θάλλουσί τε καὶ γηράσκουσιν, ἀλλὰ καὶ ἀίδια ἀγαθὰ ἔχει ἡ χώρα.
또한 이 땅은 한 해 동안 자라나고 시드는 것들에서만 뛰어날 뿐만 아니라, 영원한 보물도 품고 있다.
πέφυκε μὲν γὰρ λίθος ἐν αὐτῇ ἄφθονος, ἐξ οὗ κάλλιστοι μὲν ναοί, κάλλιστοι δὲ βωμοὶ γίγνονται, εὐπρεπέστατα δὲ θεοῖς ἀγάλματα·
그 땅에는 풍부한 석재가 자생하여, 그것으로 가장 아름다운 신전과 가장 아름다운 제단이 만들어지고, 신들을 위한 가장 장엄한 신상들이 조각된다.
πολλοὶ δʼ αὐτοῦ καὶ Ἕλληνες καὶ βάρβαροι προσδέονται.
이에 대해서는 수많은 그리스인들과 이방인들도 그것을 필요로 하여 구하고 있다.
§1.5ἔστι δὲ καὶ γῆ ἣ σπειρομένη μὲν οὐ φέρει καρπόν, ὀρυττομένη δὲ πολλαπλασίους τρέφει ἢ εἰ σῖτον ἔφερε.
또한 씨를 뿌려도 열매를 맺지 못하지만, 땅을 파내면 곡식을 낼 때보다 몇 배나 많은 사람들을 부양하는 땅도 있다.
καὶ μὴν ὑπάργυρός ἐστι σαφῶς θείᾳ μοίρᾳ·
더욱이 신의 섭리에 의해 은을 함유하고 있음이 분명하다.
πολλῶν γοῦν πόλεων παροικουσῶν καὶ κατὰ γῆν καὶ κατὰ θάλατταν εἰς οὐδεμίαν τούτων οὐδὲ μικρὰ φλὲψ ἀργυρίτιδος διήκει.
참으로 육로나 수로로 이웃한 많은 도시들이 있음에도 불구하고, 이들 중 어느 곳에도 은광의 맥이 아주 조금조차 뻗어 있지 않기 때문이다.
§1.6οὐκ ἂν ἀλόγως δέ τις οἰηθείη τῆς Ἑλλάδος καὶ πάσης δὲ τῆς οἰκουμένης ἀμφὶ τὰ μέσα οἰκεῖσθαι τὴν πόλιν.
또한 이 도시가 그리스, 나아가 온 거주 세계의 거의 중심에 위치하고 있다고 생각하는 것도 불합리하지 않을 것이다.
ὅσῳ γὰρ ἄν τινες πλέον ἀπέχωσιν αὐτῆς, τοσούτῳ χαλεπωτέροις ἢ ψύχεσιν ἢ θάλπεσιν ἐντυγχάνουσιν·
왜냐하면 이 도시에서 멀어지면 멀어질수록 사람들은 더 심한 추위나 더위에 부딪히기 때문이다.
ὁπόσοι τʼ ἂν αὖ βουληθῶσιν ἀπʼ ἐσχάτων τῆς Ἑλλάδος ἐπʼ ἔσχατα ἀφικέσθαι, πάντες οὗτοι ὥσπερ κύκλου τόρνον τὰς Ἀθήνας ἢ παραπλέουσιν ἢ παρέρχονται.
또한 그리스의 한 끝에서 다른 끝으로 가고자 하는 자들은 모두, 마치 컴퍼스로 그린 원처럼 아테네를 지나쳐 항해하거나 통과해 가기 때문이다.
§1.7καὶ μὴν οὐ περίρρυτός γε οὖσα ὅμως ὥσπερ νῆσος πᾶσιν ἀνέμοις προσάγεταί τε ὧν δεῖται καὶ ἀποπέμπεται ἃ βούλεται·
또한, 물로 둘러싸여 있지는 않지만 섬처럼 모든 바람을 타고 필요한 물자를 들여오고 원하는 물자를 내보낼 수 있다.
ἀμφιθάλαττος γάρ ἐστι.
양쪽으로 바다를 접하고 있기 때문이다.
καὶ κατὰ γῆν δὲ πολλὰ δέχεται ἐμπορίᾳ·
그리고 육로를 통해서도 교역을 통해 많은 것을 받아들인다.
ἤπειρος γάρ ἐστιν.
대륙이기도 하기 때문이다.
§1.8ἔτι δὲ ταῖς μὲν πλείσταις πόλεσι βάρβαροι προσοικοῦντες πράγματα παρέχουσιν· Ἀθήναις δὲ γειτονεύουσιν αἳ καὶ αὐταὶ πλεῖστον ἀπέχουσι τῶν βαρβάρων.
나아가, 대부분의 도시들에서는 이방인들이 이웃하여 살면서 골칫거리를 안겨주지만, 아테네에 이웃한 도시들은 그 자체로도 이방인들로부터 가장 멀리 떨어져 있다.