§8.1ἀλλὰ μὴν ἄξιόν γε αὐτοῦ καὶ τὸ εὔχαρι μὴ σιωπᾶσθαι·
그러나 그가 지닌 친근함 역시 침묵 속에 묻혀서는 안 될 일이다.
ᾧ γε ὑπαρχούσης μὲν τιμῆς, παρούσης δὲ δυνάμεως, πρὸς δὲ τούτοις βασιλείας, καὶ ταύτης οὐκ ἐπιβουλευομένης ἀλλʼ ἀγαπωμένης, τὸ μὲν μεγάλαυχον οὐκ εἶδέ τις, τὸ δὲ φιλόστοργον καὶ θεραπευτικὸν τῶν φίλων καὶ μὴ ζητῶν κατενόησεν ἄν.
그에게는 명예가 주어져 있었고, 권력이 곁에 있었으며, 게다가 왕위까지 있었고, 그 왕위 또한 음모의 대상이 아니라 사랑받는 것이었음에도 불구하고, 그의 오만방자함을 본 사람은 아무도 없었으며, 도리어 친구들에 대한 깊은 자애와 배려는 찾아 구하지 않더라도 누구나 알아차렸을 것이다.
§8.2καὶ μὴν μετεῖχε μὲν ἥδιστα παιδικῶν λόγων, συνεσπούδαζε δὲ πᾶν ὅ τι δέοι φίλοις.
그리고 참으로 그는 젊고 유머러스한 대화에 기꺼이 참여했으며, 친구들에게 필요한 일이라면 무엇이든 함께 진지하게 고민했다.
διὰ δὲ τὸ εὔελπις καὶ εὔθυμος καὶ ἀεὶ ἱλαρὸς εἶναι πολλοὺς ἐποίει μὴ τοῦ διαπράξασθαί τι μόνον ἕνεκα πλησιάζειν, ἀλλὰ καὶ τοῦ ἥδιον διημερεύειν.
그는 늘 희망차고 유쾌하며 밝은 성품을 가졌기에, 많은 사람들이 단지 용무를 해결하기 위해서만이 아니라, 더 즐겁게 하루를 보내기 위해 그에게 가까이 다가갔다.
ἥκιστα δʼ ὢν οἷος μεγαληγορεῖν ὅμως τῶν ἐπαινούντων αὑτοὺς οὐ βαρέως ἤκουεν, ἡγούμενος βλάπτειν οὐδὲν αὐτούς, ὑπισχνεῖσθαι δὲ ἄνδρας ἀγαθοὺς ἔσεσθαι.
자신을 뽐내는 것을 가장 싫어하는 성품이었으나, 그럼에도 불구하고 스스로를 칭찬하는 자들의 말을 거부감 없이 들어주었는데, 그것이 그들에게 해를 끼치지 않고 도리어 훌륭한 사람이 되겠다고 약속하는 것이라 생각했기 때문이다.
§8.3ἀλλὰ μὴν καὶ τῇ μεγαλογνωμοσύνῃ γε ὡς εὐκαίρως ἐχρῆτο οὐ παραλειπτέον.
또한, 그가 자신의 도량 넓음을 이처럼 시의적절하게 발휘한 점도 결코 빠뜨려서는 안 된다.
ἐκεῖνος γὰρ ὅτʼ ἦλθεν αὐτῷ ἐπιστολὴ παρὰ βασιλέως, ἣν ὁ μετὰ Καλλία τοῦ Λακεδαιμονίου Πέρσης ἤνεγκε, περὶ ξενίας τε καὶ φιλίας, ταύτην μὲν οὐκ ἐδέξατο, τῷ δὲ φέροντι εἶπεν ἀπαγγεῖλαι βασιλεῖ ὡς ἰδίᾳ μὲν πρὸς αὐτὸν οὐδὲν δέοι ἐπιστολὰς πέμπειν, ἢν δὲ φίλος τῇ Λακεδαίμονι καὶ τῇ Ἑλλάδι εὔνους ὢν φαίνηται, ὅτι καὶ αὐτὸς φίλος ἀνὰ κράτος αὐτῷ ἔσοιτο·
라케다이몬인 칼리아스와 동행한 페르시아인이 페르시아 왕으로부터 온 '손님 대접과 우호'에 관한 서한을 그에게 가져왔을 때, 그는 이 서한을 받지 않고 배달자에게 왕에게 이처럼 전하라고 말했다. 개인적으로는 자신에게 서한을 보낼 필요가 전혀 없으며, 만일 왕이 라케다이몬에게 친구가 되고 그리스에 호의를 가진 자임이 밝혀진다면, 자신 또한 전력을 다해 왕의 친구가 될 것이라고 말이다.
ἢν μέντοι, ἔφη, ἐπιβουλεύων ἁλίσκηται, μηδʼ ἂν πάνυ πολλὰς ἐπιστολὰς δέχωμαι, φίλον ἕξειν με οἰέσθω.
하지만 그는 덧붙여 말하기를, 만일 왕이 음모를 꾸미다 적발된다면, 자신이 아주 많은 서한을 받는다 할지라도 자신을 친구로 둘 수 있을 것이라 생각지 말라고 했다.
§8.4ἐγὼ οὖν καὶ τοῦτο ἐπαινῶ Ἀγησιλάου τὸ πρὸς τὸ ἀρέσκειν τοῖς Ἕλλησιν ὑπεριδεῖν τὴν βασιλέως ξενίαν.
따라서 나는 아게실라오스의 이 점, 즉 그리스인들의 마음에 들기 위해 페르시아 왕의 호의를 가볍게 여긴 점을 찬양한다.
ἄγαμαι δὲ κἀκεῖνο, ὅτι οὐχ ὁπότερος πλείω τε χρήματα ἔχοι καὶ πλειόνων ἄρχοι, τούτῳ ἡγήσατο μεῖζον φρονητέον εἶναι, ἀλλʼ ὁπότερος αὐτός τε ἀμείνων εἴη καὶ ἀμεινόνων ἡγοῖτο.
또한 나로서는 다음의 점에도 감탄하지 않을 수 없다. 즉, 그는 어느 쪽이 더 많은 재물을 가졌고 더 많은 이들을 다스리는가에 따라 더 큰 자부심을 가져야 한다고 생각지 않고, 어느 쪽 자신이 더 훌륭하며 더 훌륭한 자들을 이끄는가에 따라 그래야 한다고 생각한 점이다.
§8.5ἐπαινῶ δὲ κἀκεῖνο τῆς προνοίας αὐτοῦ, ὅτι νομίζων ἀγαθὸν τῇ Ἑλλάδι ἀφίστασθαι τοῦ βασιλέως ὡς πλείστους σατράπας, οὐκ ἐκρατήθη οὔθʼ ὑπὸ δώρων οὔθʼ ὑπὸ τῆς βασιλέως ῥώμης ἐθελήσας ξενωθῆναι αὐτῷ, ἀλλʼ ἐφυλάξατο μὴ ἄπιστος γενέσθαι τοῖς ἀφίστασθαι βουλομένοις.
그리고 나는 그의 선견지명 중 이 점도 찬양한다. 즉, 가능한 한 많은 사트랍들이 페르시아 왕으로부터 이탈하는 것이 그리스에 이익이 된다고 판단하여, 선물의 유혹이나 왕의 막강한 힘에 굴복하여 왕과 개인적인 손님 관계를 맺기를 원치 않았고, 도리어 이탈하고자 하는 자들에게 자신이 신뢰를 잃지 않도록 경계했다는 점이다.
§8.6ἐκεῖνό γε μὴν αὐτοῦ τίς οὐκ ἂν ἀγασθείη;
더욱이 그의 다음 행동에 감탄하지 않을 자가 있겠는가?
ὁ μὲν γὰρ Πέρσης, νομίζων, ἢν χρήματα πλεῖστα ἔχῃ, πάνθʼ ὑφʼ ἑαυτῷ ποιήσεσθαι, διὰ τοῦτο πᾶν μὲν τὸ ἐν ἀνθρώποις χρυσίον, πᾶν δὲ τὸ ἀργύριον, πάντα δὲ τὰ πολυτελέστατα ἐπειρᾶτο πρὸς ἑαυτὸν ἁθροίζειν.
페르시아 왕은 자신이 가장 많은 재물을 가지면 모든 것을 손아귀에 넣을 수 있다고 생각하여, 사람들 사이에 있는 모든 금과 모든 은, 그리고 가장 값비싼 모든 물건을 자기 주변으로 긁어모으려 애썼다.
ὁ δὲ οὕτως ἀντεσκευάσατο τὸν οἶκον ὥστε τούτων μηδενὸς προσδεῖσθαι.
그러나 아게실라오는 이 중 어느 것도 필요치 않도록 자신의 집안을 정돈해 놓았다.
§8.7εἰ δέ τις ταῦτα ἀπιστεῖ, ἰδέτω μὲν οἵα οἰκία ἤρκει αὐτῷ, θεασάσθω δὲ τὰς θύρας αὐτοῦ·
만일 누군가가 이 사실을 믿지 못한다면, 그에게 어떤 집이 충분했는지를 보고 그의 집 문들을 바라볼지어다.
εἰκάσειε γὰρ ἄν τις ἔτι ταύτας ἐκείνας εἶναι ἅσπερ Ἀριστόδημος ὁ Ἡρακλέους ὅτε κατῆλθε λαβὼν ἐπεστήσατο·
누구나 이 문들이 헤라클레스의 후손 아리스토데모스가 귀환했을 때 얻어 달아놓았던 바로 그 문들이라고 추측할 정도이다.
πειράσθω δὲ θεάσασθαι τὴν ἔνδον κατασκευήν, ἐννοησάτω δὲ ὡς ἐθοίναζεν ἐν ταῖς θυσίαις, ἀκουσάτω δὲ ὡς ἐπὶ πολιτικοῦ καννάθρου κατῄει εἰς Ἀμύκλας ἡ θυγάτηρ αὐτοῦ.
또한 집 안의 세간들을 보려 애쓰고, 그가 제사 때 어떻게 음식을 대접했는지를 생각해보며, 그의 딸이 어떻게 시중의 평범한 나무 마차를 타고 아미클라이로 내려갔는지를 들을지어다.
§8.8τοιγαροῦν οὕτως ἐφαρμόσας τὰς δαπάνας ταῖς προσόδοις οὐδὲν ἠναγκάζετο χρημάτων ἕνεκα ἄδικον πράττειν.
이처럼 지출을 수입에 철저히 맞추었기에, 그는 돈 때문에 어떠한 불의한 일도 하도록 강요받지 않았다.
καίτοι καλὸν μὲν δοκεῖ εἶναι τείχη ἀνάλωτα κτᾶσθαι ὑπὸ πολεμίων· πολὺ μέντοι ἔγωγε κάλλιον κρίνω τὸ τὴν αὑτοῦ ψυχὴν ἀνάλωτον κατασκευάσαι καὶ ὑπὸ χρημάτων καὶ ὑπὸ ἡδονῶν καὶ ὑπὸ φόβου.
참으로 적들이 함락할 수 없는 성벽을 얻는 것이 아름다운 일로 여겨지나, 나는 자신의 영혼을 돈에 대해서도, 쾌락에 대해서도, 그리고 두려움에 대해서도 함락할 수 없는 것으로 만드는 편이 훨씬 더 아름답다고 판단한다.