§13οὐκοῦν ἄλλην μὲν οὐδεμίαν τῶν ἐν τῇ πόλει γυναῖκα ἔχεις εἰπεῖν, ᾗτινι ἐγὼ τούτων αἴτιός εἰμι, περὶ ἧς δὲ νῦν τὴν κατηγορίαν πεποίησαι, πότερα ᾤου προσήκειν συνοικεῖν ἐκδεδομένην Χαρίππῳ, ἑνὶ τῶν πολιτῶν, ἢ ἀνέκδοτον ἔνδον καταγηράσκειν, ἣ εὐθὺς ἐξεδόθη τάλαντον ἀργυρίου προσθέντος αὐτῇ Εὐφήμου, δηλονότι οὐ διὰ πονηρίαν, ἀλλὰ διʼ ἐπιείκειαν;
그러므로 당신은 이와 같은 일에 대해 제가 책임이 있다고 말할 수 있는 국가 안의 다른 여인을 단 한 명도 댈 수 없으며, 당신이 지금 고발하고 있는 그 여인에 대해서는, 시민 중 한 명인 차리포스에게 시집가서 동거하는 것이 마땅하다고 생각했습니까, 아니면 혼인하지 못한 채 집 안에서 늙어가는 것이 마땅하다고 생각했습니까? 그녀는 에우페모스가 은 1탈란톤을 얹어준 덕분에 즉시 시집을 갔는데, 이는 분명히 악덕 때문이 아니라 그의 관대함 덕분이었습니다.
§14τούτῳ μὲν οὖν ἔξεστιν, ὦ ἄνδρες δικασταί, καὶ λέγειν ὅ τι ἂν βούληται καὶ καταψεύδεσθαι, ὑμᾶς δʼ οἶμαι δεῖν οὐκ ἐκ τῶν τοῦ κατηγόρου διαβολῶν περὶ ἐμοῦ δικάζειν, ἀλλʼ ἐξ ἅπαντος τοῦ βίου ὃν βεβίωκα ἐξετάσαντας.
배심원 여러분, 이 자에게는 자신이 원하는 것은 무엇이든 말하고 거짓말을 할 자유가 있습니다만, 배심원 여러분께서는 고발인의 비방을 근거로 저에 대해 판결을 내리실 것이 아니라, 제가 살아온 전 생애를 엄밀히 검토하신 후에 판결을 내리셔야 한다고 저는 생각합니다.
λαθεῖν γὰρ τὸ πλῆθος τὸ ὑμέτερον οὐκ ἔνι οὔτε πονηρὸν ὄντα οὐδένα τῶν ἐν τῇ πόλει οὔτε ἐπιεικῆ, ἀλλʼ ὁ παρεληλυθὼς χρόνος μάρτυς ἐστὶν ἑκάστῳ τοῦ τρόπου ἀκριβέστατος, ἄλλως τε δὴ καὶ περὶ τούτων τῶν αἰτιῶν οἵα αὕτη ἐστίν.
왜냐하면 국가 안에서 악한 자든 선한 자든 그 누구도 여러분 대중의 눈을 피할 수는 없기 때문입니다. 오히려 지나온 세월이야말로 각자의 됨됨이를 가장 정확하게 보여주는 증인이며, 특히 이와 같은 종류의 혐의에 대해서는 더욱 그러합니다.
§15ὅσα μὲν γὰρ τῶν ἀδικημάτων ἐν ἁπάσῃ τῇ ἡλικίᾳ τῇ τοῦ ἀνθρώπου ἐνδέχεται ἀδικῆσαι, ταῦτα μὲν δεῖ σκοπεῖν ἀπʼ αὐτοῦ τοῦ ἐγκλήματος οὗ ἂν ἔχῃ τις· μοιχεύειν δʼ οὐκ ἐνδέχεται ἀπὸ πεντήκοντα ἐτῶν ἄνθρωπον ἀλλʼ ἢ πάλαι τοιοῦτός ἐστιν, ὃ δειξάτωσαν οὗτοι, ἢ ψευδῆ τὴν αἰτίαν εἰκὸς εἶναι.
왜냐하면 인간이 모든 연령대에 걸쳐 저지를 수 있는 범죄들의 경우에는, 제기된 혐의 자체를 바탕으로 검토해야 마땅하지만, 쉰 살이 넘은 남자가 간통을 저지른다는 것은, 그가 오래전부터 그런 자였던 경우가 아니라면 불가능한 일이며, 그렇지 않다면 그 혐의는 거짓일 가능성이 크기 때문입니다.
§16ἐγὼ τοίνυν, ὦ ἄνδρες δικασταί, μεθʼ ὑμῶν διατρίβων ἐν τῇ πόλει τὸν ἅπαντα χρόνον, οὔτε αἰτίαν πονηρὰν οὐδεμίαν πώποτʼ ἔλαβον, οὔτʼ ἔγκλημά μοι πρὸς οὐδένα τῶν πολιτῶν γέγονεν, οὐδὲ πέφευγα δίκην οὐδεμίαν, οὐδʼ ἕτερον δεδίωχα, ἱπποτροφῶν δὲ διατετέλεκα φιλοτίμως τὸν ἅπαντα χρόνον παρὰ δύναμιν καὶ ὑπὲρ τὴν οὐσίαν τὴν ἐμαυτοῦ.
배심원 여러분, 저는 평생 동안 이 국가에서 여러분과 함께 생활하면서, 단 한 번도 나쁜 평판을 얻은 적이 없으며, 시민 중 그 누구와도 소송에 얽힌 적이 없습니다. 피고로서 재판을 받은 적도 없고, 타인을 고발한 적도 없습니다. 오히려 저는 평생에 걸쳐 제 능력 이상으로, 그리고 제 재산을 넘어서기까지 열성적으로 말을 사육해 왔습니다.
ἐστεφάνωμαι δʼ ὑπό τε τῶν ἱππέων πάντων ἀνδραγαθίας ἕνεκα, καὶ ὑπὸ τῶν συναρχόντων.
그리고 저는 그 용맹함 덕분에 모든 기병들로부터, 그리고 동료 관직자들로부터 관을 수여받았습니다.
§17ὑμεῖς γάρ με, ὦ ἄνδρες δικασταί, πρῶτον μὲν φύλαρχον ἐχειροτονήσατε, ἔπειτα εἰς Λῆμνον ἵππαρχον·
배심원 여러분, 여러분께서 저를 먼저 필라르코스로 선출하셨고, 이어서 렘노스 섬으로 파견할 히파르코스로 선출하셨기 때문입니다.
καὶ ἦρξα μὲν αὐτόθι δύʼ ἔτη τῶν πώποθʼ ἱππαρχηκότων μόνος, προσκατέμεινα δὲ αὐτόθι τὸν τρίτον ἐνιαυτόν, οὐ βουλόμενος πολίτας ἄνδρας ἐπὶ κεφαλὴν εἰσπράττειν τὸν μισθὸν τοῖς ἱππεῦσιν ἀπόρως διακειμένους.
저는 그곳에서 2년 동안 다스렸는데, 이는 역대 히파르코스들 중 오직 저만이 해낸 일이며, 나아가 그곳에서 세 번째 해까지 머물렀습니다. 이는 곤경에 처한 동료 시민들로부터 기병들의 급료를 강압적으로 징수하고 싶지 않았기 때문입니다.
§18καὶ ἐν τούτῳ μοι τῷ χρόνῳ ἔγκλημα μὲν οὐδεὶς τῶν ἐκεῖ ἐνεκάλεσεν οὔτε ἰδίᾳ οὔτε δημοσίᾳ, στεφάνοις δὲ τρισὶν ἐστεφανώθην ὑπὸ τοῦ δήμου τοῦ ἐν Ἡφαιςτίᾳ καὶ ἑτέροις ὑπὸ τοῦ ἐν Μυρίνῃ·
그리고 이 기간 동안 그곳 주민 중 누구도 저에 대해 사적으로나 공적으로나 어떠한 혐의도 제기하지 않았습니다. 오히려 저는 헤파이스티아의 민중으로부터 세 개의 관을 수여받았고, 뮤리나의 민중으로부터 또 다른 관들을 수여받았습니다.
ἃ χρὴ τεκμήρια ὑμῖν εἶναι εἰς τοῦτον τὸν ἀγῶνα, ὡς ψευδεῖς κατʼ ἐμοῦ αἱ αἰτίαι εἰσίν.
이것들은 저에 대한 혐의가 거짓이라는 사실을 보여주는, 이번 재판에서 여러분께 증거가 되어야 마땅합니다.
οὐ γὰρ οἷόν τε τὸν Ἀθήνησι πονηρὸν ἐν Λήμνῳ χρηστὸν εἶναι, οὐδʼ ὑμεῖς ὡς τοιοῦτον ὄντα με ἀπεστέλλετε ἐκεῖσε, παρακατατιθέμενοι δύο πόλεις τῶν ὑμετέρων αὐτῶν.
아테네에서 악한 자가 렘노스에서 선한 자가 될 수는 없는 법이며, 여러분께서도 저를 그러한 자로 보지 않으셨기에 자신들의 도시 두 곳을 제게 위임하시어 그곳으로 파견하셨던 것입니다.
§19ὅσα μὲν οὖν ἐγὼ εἶχον, ὦ ἄνδρες δικασταί, ὑπὲρ ἐμαυτοῦ εἰπεῖν, σχεδὸν ἀκηκόατε.
배심원 여러분, 제가 제 자신을 위해 말씀드릴 수 있는 것은 거의 다 들으셨습니다.
ἐπειδὴ δὲ ὁ κατήγορος οὐκ ἀπείρως ἔχων τοῦ λέγειν, εἰωθὼς δὲ πολλάκις ἀγωνίζεσθαι, ἐκάλει συνηγόρους τοὺς συναπολοῦντάς τινα τῶν πολιτῶν ἀδίκως, δέομαι ὑμῶν καὶ ἐγὼ καὶ ἀντιβολῶ κελεῦσαι κἀμὲ καλέσαι τοὺς συνεροῦντας ἐμοὶ ὑπὲρ τηλικούτου ἀγῶνος, καὶ ἀκοῦσαι εὐνοικῶς, εἴ τίς μοι ἔχει τῶν οἰκείων ἢ τῶν φίλων βοηθῆσαι, §20πολίτῃ μὲν ὄντι ὑμετέρῳ, ἰδιώτῃ δὲ καὶ οὐκ εἰωθότι λέγειν, ἀγωνιζομένῳ δὲ καὶ κινδυνεύοντι οὐ μόνον περὶ θανάτου, ἐλάχιστον γὰρ τοῦτό ἐστιν τοῖς ὀρθῶς λογιζομένοις, ἀλλʼ ὑπὲρ τοῦ ἐξορισθῆναι καὶ ἀποθανόντα μηδὲ ἐν τῇ πατρίδι ταφῆναι.
하지만 고발인은 말하기에 미숙하지 않고 오히려 자주 재판에서 다투는 데 익숙한 자로서, 동료 시민 한 사람을 부당하게 파멸시키는 데 동참할 공동 변호인들을 불러 세웠으므로, 저 또한 여러분께 간청하고 애원하건대, 이처럼 중대한 재판에서 저를 위해 함께 말해줄 자들을 저 역시 부를 수 있도록 허락해 주시고, 제 친척이나 친구 중에 저를 도울 능력이 있는 자가 있다면 그들의 말을 호의적으로 들어주십시오, 여러분의 시민이면서도 한 사람의 사인이고 말하는 데 익숙하지 않은 자로서, 단지 죽음뿐만 아니라 — 올바르게 생각하는 이들에게 이것은 가장 사소한 일입니다만 — 국외로 추방당하고 죽어서도 조국에 묻히지 못할 위기에 처해 싸우고 있는 자를 도울 수 있도록 말입니다.
ἐὰν οὖν κελεύητε, ὦ ἄνδρες δικασταί, καλῶ τινα βοηθήσοντα.
그러므로 배심원 여러분, 여러분께서 허락하신다면 저를 도울 이를 부르겠습니다.
ἀνάβηθί μοι, Θεόφιλε, καὶ σύνειπε ὅ τι ἔχεις·
테오필로스여, 저를 위해 단상에 올라 당신이 할 수 있는 말을 해 주십시오.
κελεύουσιν οἱ δικασταί.
재판관들이 허락하셨습니다.