§94ἡμᾶς δὲ τί τοιοῦτον ἔδει παθεῖν;
그러나 우리는 왜 이와 같은 일을 겪어야만 했는가?
πότε γὰρ εἰς ἀπόστασιν ὑπωπτεύθημεν;
¦p. 531 M.¦ 우리가 언제 반란의 혐의를 받은 적이 있었는가?
πότε δ’ οὐκ εἰρηνικοὶ πᾶσιν ἐνομίσθημεν;
우리가 언제 모든 이들에게 평화적인 이들로 여겨지지 않은 적이 있었는가?
τὰ δ’ ἐπιτηδεύματα, οἷς καθ’ ἑκάστην ἡμέραν χρώμεθα, οὐκ ἀνεπίληπτα, οὐ συντείνοντα πρὸς εὐνομίαν πόλεως καὶ εὐστάθειαν;
우리가 날마다 행하는 관습들은 비난받을 여지가 없으며, 도시의 법질서와 안정에 기여하는 것이 아닌가?
εἴ γε μὴν εἶχον ὅπλα Ἰουδαῖοι παρ’ αὑτοῖς, ὑπὲρ τετρακοσίας ἀφῃρέθησαν ἂν οἰκίας, ἐξ ὧν μετανάσται ἐγένοντο, φυγαδευθέντες πρὸς τῶν τὰς οὐσίας ἁρπασάντων;
만일 유다인들이 자신들의 수중에 무기를 가지고 있었다면, 자신들의 재산을 강탈한 자들에 의해 쫓겨나 이주민이 된 사백 채가 넘는 집들로부터 그것(무기)을 빼앗겼지 않았겠는가?
διὰ τί οὖν οὐχὶ καὶ τὰ παρὰ τούτοις ἠρεύνησέ τις, τοῖς εἰ καὶ μὴ ἴδια ὅπλα, ὅσα γοῦν ἥρπασαν, ἔχουσιν;
그렇다면 왜 아무도 이들의 집을 수색하지 않았는가? 이들은 자신들의 고유한 무기는 아닐지라도, 최소한 강탈한 만큼의 무기는 가지고 있는데 말이다.
§95ἀλλ’ ἦν, ὡς ἔφην, ὅλον τὸ πρᾶγμα ἐπιβουλὴ τῆς ἀποτομίας Φλάκκου καὶ τῶν ὄχλων, ὧν ἀπέλαυσαν καὶ γυναῖκες.
그러나 내가 말했듯이, 모든 일은 플라쿠스의 잔혹함과 군중들의 음모였으며, 그 음모로 인해 부녀자들마저 피해를 입었다.
οὐκ ἐν ἀγορᾷ γὰρ μόνον ἀλλὰ καὶ ἐν μέσῳ τῷ θεάτρῳ καθάπερ αἰχμάλωτοι συνηρπάζοντο καὶ ἐπὶ τὴν σκηνὴν ἐφ’ ὅτῳ δήποτε συκοφαντούμεναι παρήγοντο μετά τινος ἀφορήτου καὶ ἀργαλεωτάτης ὕβρεως·
그들은 광장뿐만 아니라 극장 한가운데서도 포로처럼 붙잡혔고, 참을 수 없고 매우 가혹한 모욕을 겪으며 온갖 날조된 혐의로 무대 위로 끌려갔다.
§96εἶτ’ ἐπειδὴ μὲν ἐγνωρίσθησαν ἑτέρου γένους, ἀπελύοντο — πολλὰς γὰρ ὡς Ἰουδαίας ἀκριβῆ μὴ ποιούμενοι τῆς ἀληθείας τὴν ἔρευναν συνελάμβανον —, εἰ δ’ ἐφάνησαν ἡμέτεραι, προσέταττον οἱ ἀντὶ θεατῶν τύραννοι καὶ δεσπόται γεγονότες κρέα χοίρεια διδόναι κομίζοντας.
그리하여 그들이 다른 민족임이 확인되었을 때에는 풀려났다. —왜냐하면 그들은 진실에 대한 정확한 조사도 하지 않은 채 많은 부녀자들을 유다인으로 여겨 붙잡았기 때문이다—. 하지만 우리 동포임이 밝혀지면, 관객 대신 참주와 주인이 된 자들은 돼지고기를 가져와 주라고 명령했다.
ὅσαι μὲν οὖν φόβῳ κολάσεως ἀπεγεύσαντο, μηδὲν ἔτι δεινὸν προσυπομείνασαι ἀπελύοντο·
그리하여 형벌이 두려워 그것을 맛본 이들은 더 이상의 끔찍한 고통을 겪지 않고 풀려났다.
αἱ δ’ ἐγκρατέστεραι βασανισταῖς παρεδίδοντο πρὸς αἰκίας ἀνηκέστους, ὅπερ τοῦ μηδὲν ἀδικεῖν αὐτὰς σαφεστάτη πίστις ἐστί.
그러나 더 절제력 있는 이들은 회복할 수 없는 학대를 받도록 고문 기술자들에게 넘겨졌는데, 이는 그들이 아무런 잘못도 저지르지 않았다는 가장 명백한 증거다.
§97Πρὸς τοῖς εἰρημένοις οὐ δι’ ἑαυτοῦ μόνον ἀλλ’ ἤδη καὶ διὰ τοῦ αὐτοκράτορος ἐζήτει καὶ ἐπενόει κακοῦν ἡμᾶς.
앞서 말한 것들에 더해, 그는 자신을 통해서뿐만 아니라 이제 황제를 통해서도 우리를 해치고자 모색하고 음모를 꾸몄다.
τιμὰς γάρ, ὅσας οἷόν τε ἦν καὶ ἐπέτρεπον οἱ νόμοι, πάσας Γαΐῳ ψηφισάμενοι καὶ ἐπιτελέσαντες ἔργοις ἀνέδομεν τὸ ψήφισμα αὐτῷ, δεηθέντες, ἐπειδὴ πρεσβείαν αἰτησαμένοις οὐκ ἂν ἐπέτρεψεν, ἵνα διαπέμψηται δι’ αὑτοῦ.
우리는 가이우스에게 가능하고 율법이 허용하는 모든 명예를 결의하고 실제로 실행하여 결의서를 그에게 전했는데, 우리가 사절단 파견을 요청했더라도 그가 허락하지 않았을 것이기에, 그를 통해 결의서가 전달되기를 간청했다.
§98ἀναγνοὺς δὲ καὶ ἑκάστῳ τῶν ἐν τῷ ψηφίσματι πολλάκις τῇ κεφαλῇ συνεπινεύσας, ὑπομειδιῶν καὶ γεγανωμένος ἢ προσποιούμενος τὸν ἡδόμενον, "ἀποδέχομαι πάντας ὑμᾶς" ἔφη „τῆς εὐσεβείας καὶ πέμψω, καθάπερ αἰτεῖσθε, ἢ πρεσβευτοῦ τάξιν ἐκπλήσω, ἵν’ αἴσθηται Γάιος τῆς ὑμετέρας εὐχαριστίας.
그는 그것을 읽고 결의서의 각 항목에 대해 여러 번 머리를 끄덕여 동의했으며, 미소를 지으며 기뻐하거나 혹은 기뻐하는 척하면서 이렇게 말했다. "나는 너희 모두의 경건함을 기꺼이 받아들이며, 너희가 요청한 대로 그것을 보내거나, 혹은 내가 직접 사절의 임무를 완수하여 가이우스가 너희의 감사하는 마음을 알 수 있게 하겠다.
§99μαρτυρήσω δὲ καὶ αὐτὸς ὅσα σύνοιδα τῷ πλήθει τῶν εἰς κοσμιότητα καὶ εἰς εὐπείθειαν προστιθεὶς οὐδέν·
나 역시 이 무리에 대해 내가 아는 모든 것, 즉 그들의 단정함과 순종함에 대해 아무것도 보태지 않고 증언할 것이다.
ἡ γὰρ ἀλήθεια αὐταρκέστατος ἔπαινος“. ἐπὶ ταύταις ταῖς ὑποσχέσεσι γεγηθότες εὐχαριστοῦμεν, ὡς ἤδη ταῖς ἐλπίσι παρανεγνωσμένου Γαΐῳ τοῦ ψηφίσματος.
진실이야말로 가장 자족적인 찬사이기 때문이다." 이러한 약속에 우리는 기뻐하며 감사하였으니, 우리의 희망 속에서는 결의서가 이미 가이우스에게 낭독된 것과 다름없었기 때문이다.
§100καὶ γὰρ ἦν εἰκός, ἐπειδὴ πάνθ’ ὅσα διὰ τῶν ὑπάρχων πέμπεται μετὰ σπουδῆς ἀνυπέρθετον ἔχει τὴν παρ’ ἡγεμόνι διάγνωσιν.
과연 그것은 당연한 일이었으니, 총독들을 통해 신속하게 ¦p. 532 M.¦ 전해지는 모든 것은 통치자에게서 지체 없이 판단을 받기 때문이다.
ὁ δὲ πολλὰ χαίρειν φράσας οἷς διενοήθημεν, οἷς εἶπεν, οἷς ὡμολόγησε, τὸ ψήφισμα παρ’ ἑαυτῷ παρακατέσχεν, ἵνα μόνοι τῶν ὑφ’ ἥλιον ἀνθρώπων ἐχθροὶ νομισθῶμεν.
그러나 그는 우리가 의도한 바와 자신이 말한 바, 그리고 자신이 약속한 바에 대해 작별을 고하고, 결의서를 자기 곁에 묶어 두었으니, 이는 해 아래 있는 모든 인간들 중에서 오직 우리만이 원수로 여겨지게 하려는 것이었다.
§101ταῦτ’ οὐ διηγρυπνηκότος ἦν ἐκ πολλοῦ καὶ περιεσκεμμένου τὴν καθ’ ἡμῶν ἐπιβουλήν, ἀλλὰ μὴ κατ’ ἀπόνοιαν αὐτοσχεδιάζοντος ἀκαίρῳ φορᾷ καὶ παραγωγῇ τινὶ λογισμοῦ;
이러한 일들은 우리를 해치려는 음모를 오랫동안 잠들지 않고 치밀하게 준비해 온 자의 소행이 아니라, 이성의 부적절한 충동과 이탈에 의해 광기 어린 상태에서 즉흥적으로 행하는 자의 소행이었을 뿐이란 말인가?
§102θεὸς δ’ ὡς ἔοικεν, ᾧ μέλει τῶν ἀνθρωπείων πραγμάτων, τοὺς θῶπας αὐτοῦ λόγους καὶ κεκομψευμένους ἐπὶ φενακισμῷ καὶ τὸ τῆς ἐκνόμου διανοίας βουλευτήριον, ἐν ᾧ κατεστρατήγει, προβαλλόμενος, λαβὼν οἶκτον ἡμῶν, ἀφορμὴν οὐκ εἰς μακρὰν ἐμπαρέσχε τοῦ μὴ ψευσθῆναι τῆς ἐλπίδος.
그러나 인간사를 돌보시는 하느님께서는, 사람을 속이기 위해 꾸며진 그의 아첨하는 말들과 우리를 기만하던 무법한 생각의 음모를 물리치시고, 우리를 불쌍히 여기시어 우리의 희망이 꺾이지 않도록 머지않아 기회를 마련해 주신 듯하다.
§103Ἀγρίππας γὰρ ἐπιδημήσας ὁ βασιλεὺς διηγησαμένοις ἡμῖν τὴν ἐκ Φλάκκου γενομένην ἐπιβουλὴν ἐπανορθοῦται τὸ πρᾶγμα καὶ ὑποσχόμενος τὸ ψήφισμα διαπέμψεσθαι λαβὼν ὡς ἀκούομεν ἔπεμψεν, ἀπολογησάμενος καὶ περὶ τοῦ χρόνου, ὡς οὐκ ὀψὲ μαθόντων εὐσεβεῖν εἰς τὸν εὐεργέτην οἶκον, ἀλλ’ ἐξ ἀρχῆς μὲν σπουδασάντων, ἐπηρείᾳ δὲ τοῦ προεστῶτος τὴν καίριον ἐπίδειξιν ἀφαιρεθέντων.
과연 아그리파 왕이 이곳에 머물렀을 때, 우리가 그에게 플라쿠스로부터 당한 음모를 털어놓자 그는 상황을 바로잡아 주었으며, 결의서를 받아서 전달하겠다고 약속한 뒤 우리가 전해 들은 바로는 실제로 그것을 발송했다. 그는 또한 시간의 지체에 대해서도 해명해 주었으니, 우리가 은혜를 베푸는 황실에 대해 경건함을 표하는 법을 뒤늦게 배운 것이 아니라 처음부터 열심을 내었으나, 통치자의 해코지 때문에 적절한 때에 그것을 보여줄 기회를 박탈당했던 것이라고 변호해 주었다.
§104ἐπὶ δὴ τούτοις ἤρξατο κονίεσθαι κατ’ αὐτοῦ ἡ ὑπέρμαχος μὲν καὶ παραστάτις ἀδικουμένων τιμωρὸς δ’ ἀνοσίων καὶ ἔργων καὶ ἀνθρώπων δίκη.
바로 이러한 일들 뒤에, 박해받는 자들의 옹호자이자 조력자이며 불경한 행위와 인간들에 대한 보복자인 '정의'가 그를 대적하여 싸울 준비를 하기 시작했다.
πρῶτον μὲν γὰρ καινοτάτην ὑπέμεινεν ὕβριν καὶ συμφορὰν οὐδενὶ τῶν πάλαι γενομένην ὑπάρχων, ἀφ’ οὗ τὴν ἡγεμονίαν ὁ Σεβαστὸς οἶκος ἀνήψατο γῆς καὶ θαλάττης.
왜냐하면 첫째로, 그는 존엄한 황실이 육지와 바다의 지배권을 장악한 이래 과거의 그 어떤 총독도 겪지 못했던, 가장 전대미문의 모욕과 재난을 겪었기 때문이다.