§9.26.1ἐνθαῦτα ἐν τῇ διατάξι ἐγένετο λόγων πολλῶν ὠθισμὸς Τεγεητέων τε καὶ Ἀθηναίων·
거기서 대열을 정렬할 때, 테게아인들과 아테네인들 사이에 격렬한 말다툼이 벌어졌다.
ἐδικαίευν γὰρ αὐτοὶ ἑκάτεροι ἔχειν τὸ ἕτερον κέρας, καὶ καινὰ καὶ παλαιὰ παραφέροντες ἔργα.
왜냐하면 그들 양측은 자신들이 다른 한쪽 날개를 차지할 권리가 있다고 주장하며, 최근과 옛날의 공적들을 내세웠기 때문이다.
τοῦτο μὲν οἱ Τεγεῆται ἔλεγον τάδε.
먼저 테게아인들은 다음과 같이 말했다.
§9.26.2ἡμεῖς αἰεί κοτε ἀξιεύμεθα ταύτης τῆς τάξιος ἐκ τῶν συμμάχων ἁπάντων, ὅσαι ἤδη ἔξοδοι κοιναὶ ἐγένοντο Πελοποννησίοισι καὶ τὸ παλαιὸν καὶ τὸ νέον, ἐξ ἐκείνου τοῦ χρόνου ἐπείτε Ἡρακλεῖδαι ἐπειρῶντο μετὰ τὸν Εὐρυσθέος θάνατον κατιόντες ἐς Πελοπόννησον·
“우리는 에우뤼스테우스가 죽은 후 헤라클레스의 후예들이 펠로폰네소스 반도로 복귀하려고 시도했던 그 시절 이래로, 옛날이든 오늘날이든 펠로폰네소스인들의 공동 원정이 치러질 때마다 항상 모든 동맹군 중에서 이 자리를 차지할 자격이 있다고 인정받아 왔습니다.
§9.26.3τότε εὑρόμεθα τοῦτο διὰ πρῆγμα τοιόνδε.
그때 우리는 다음과 같은 일로 인해 이 특권을 얻었습니다.
ἐπεὶ μετὰ Ἀχαιῶν καὶ Ἰώνων τῶν τότε ἐόντων ἐν Πελοποννήσῳ ἐκβοηθήσαντες ἐς τὸν Ἰσθμὸν ἱζόμεθα ἀντίοι τοῖσι κατιοῦσι, τότε ὦν λόγος Ὕλλον ἀγορεύσασθαι ὡς χρεὸν εἴη τὸν μὲν στρατὸν τῷ στρατῷ μὴ ἀνακινδυνεύειν συμβάλλοντα, ἐκ δὲ τοῦ Πελοποννησίου στρατοπέδου τὸν ἂν σφέων αὐτῶν κρίνωσι εἶναι ἄριστον, τοῦτόν οἱ μουνομαχῆσαι ἐπὶ διακειμένοισι.
당시 펠로폰네소스에 있던 아카이아인 및 이오니아인들과 함께 우리가 구원에 나서 지협에 진을 치고 복귀하려는 자들과 대치했을 때, 휠로스가 다음과 같이 연설했다고 합니다. 즉, 군대와 군대가 맞붙어 위험을 무릅쓸 필요가 없으며, 펠로폰네소스 진영에서 그들 스스로가 가장 뛰어나다고 판정한 자가 합의된 조건 하에 자신과 일대일 대결을 벌여야 한다는 것이었습니다.
§9.26.4ἔδοξέ τε τοῖσι Πελοποννησίοισι ταῦτα εἶναι ποιητέα καὶ ἔταμον ὅρκιον ἐπὶ λόγῳ τοιῷδε, ἢν μὲν Ὕλλος νικήσῃ τὸν Πελοποννησίων ἡγεμόνα, κατιέναι Ἡρακλείδας ἐπὶ τὰ πατρώια, ἢν δὲ νικηθῇ, τὰ ἔμπαλιν Ἡρακλείδας ἀπαλλάσσεσθαι καὶ ἀπάγειν τὴν στρατιὴν ἑκατόν τε ἐτέων μὴ ζητῆσαι κάτοδον ἐς Πελοπόννησον.
펠로폰네소스인들도 이를 실행해야 한다고 동의하고 다음과 같은 조건으로 맹세를 맺었습니다. 만약 휠로스가 펠로폰네소스인의 지도자를 이긴다면 헤라클레스의 후예들은 조상의 땅으로 복귀하되, 만약 그가 패배한다면 반대로 헤라클레스의 후예들은 물러나 군대를 이끌고 돌아가며 백 년 동안은 펠로폰네소스로의 복귀를 도모하지 않는다는 조건이었습니다.
§9.26.5προσκρίθη τε δὴ ἐκ πάντων τῶν συμμάχων ἐθελοντὴς Ἔχεμος ὁ Ἠερόπου τοῦ Φηγέος στρατηγός τε ἐὼν καὶ βασιλεὺς ἡμέτερος, καὶ ἐμουνομάχησέ τε καὶ ἀπέκτεινε Ὕλλον.
그리하여 모든 동맹군 중에서 우리의 장군이자 왕이었던 에로포스의 아들이자 페게우스의 손자인 에케모스가 자원하여 뽑혔고, 그는 일대일 대결을 벌여 휠로스를 죽였습니다.
ἐκ τούτου τοῦ ἔργου εὑρόμεθα ἐν Πελοποννησίοισί γε τοῖσι τότε καὶ ἄλλα γέρεα μεγάλα, τὰ διατελέομεν ἔχοντες, καὶ τοῦ κέρεος τοῦ ἑτέρου αἰεὶ ἡγεμονεύειν κοινῆς ἐξόδου γινομένης.
이 공적으로 인해 우리는 당시 펠로폰네소스인들로부터 우리가 지금까지 계속 누리고 있는 다른 큰 특권들과 함께, 공동 원정이 치러질 때마다 항상 다른 한쪽 날개를 지휘하는 특권도 얻게 되었습니다.
§9.26.6ὑμῖν μέν νυν ὦ Λακεδαιμόνιοι οὐκ ἀντιεύμεθα, ἀλλὰ διδόντες αἵρεσιν ὁκοτέρου βούλεσθε κέρεος ἄρχειν παρίεμεν·
라케다이몬인들이여, 우리는 이제 여러분에게 반대하지 않으며, 여러분이 어느 쪽 날개를 이끌고 싶어 하든 그 선택권을 드리고 양보하겠습니다.
τοῦ δὲ ἑτέρου φαμὲν ἡμέας ἱκνέεσθαι ἡγεμονεύειν κατά περ ἐν τῷ πρόσθε χρόνῳ.
다만 다른 한쪽 날개에 대해서는 예전과 마찬가지로 우리가 지휘하는 것이 합당하다고 주장합니다.
χωρίς τε τούτου τοῦ ἀπηγημένου ἔργου ἀξιονικότεροί εἰμεν Ἀθηναίων ταύτην τὴν τάξιν ἔχειν.
그리고 방금 이야기한 공적 외에도, 우리는 아테네인들보다 이 자리를 차지할 자격이 더 큽니다.
§9.26.7πολλοὶ μὲν γὰρ καὶ εὖ ἔχοντες πρὸς ὑμέας ἡμῖν, ἄνδρες Σπαρτιῆται, ἀγῶνες ἀγωνίδαται, πολλοὶ δὲ καὶ πρὸς ἄλλους.
스파르타인들이여, 우리는 여러분을 상대로도 훌륭하게 수행된 많은 싸움을 싸웠고, 다른 이들을 상대로도 그러했습니다.
οὕτω ὦν δίκαιον ἡμέας ἔχειν τὸ ἕτερον κέρας ἤ περ Ἀθηναίους·
그러므로 우리가 아테네인들보다 다른 한쪽 날개를 차지하는 것이 정당합니다.
οὐ γάρ σφι ἐστὶ ἔργα οἷά περ ἡμῖν κατεργασμένα, οὔτʼ ὦν καινὰ οὔτε παλαιά.
왜냐하면 그들에게는 우리가 완수한 것과 같은 공적이 최근 것이든 옛날 것이든 전혀 없기 때문입니다.”