§8.65.1ἔφη δὲ Δίκαιος ὁ Θεοκύδεος, ἀνὴρ Ἀθηναῖος φυγάς τε καὶ παρὰ Μήδοισι λόγιμος γενόμενος τοῦτον τὸν χρόνον, ἐπείτε ἐκείρετο ἡ Ἀττικὴ χώρη ὑπὸ τοῦ πεζοῦ στρατοῦ τοῦ Ξέρξεω ἐοῦσα ἔρημος Ἀθηναίων, τυχεῖν τότε ἐὼν ἅμα Δημαρήτῳ τῷ Λακεδαιμονίῳ ἐν τῷ Θριασίῳ πεδίῳ, ἰδεῖν δὲ κονιορτὸν χωρέοντα ἀπʼ Ἐλευσῖνος ὡς ἀνδρῶν μάλιστά κῃ τρισμυρίων, ἀποθωμάζειν τε σφέας τὸν κονιορτὸν ὅτεων κοτὲ εἴη ἀνθρώπων, καὶ πρόκατε φωνῆς ἀκούειν, καί οἱ φαίνεσθαι τὴν φωνὴν εἶναι τὸν μυστικὸν ἴακχον.
테오퀴데스의 아들이자 아테네 출신의 망명객으로서 당시 페르시아인들 사이에서 신망이 두터웠던 디카이오스는 다음과 같이 말했다. 크세르크세스의 보병 부대에 의해 아티카 지방이 황폐해지고 아테네인들이 없어 텅 비어 있었을 때, 그는 당시 라케다이몬 사람 데마라토스와 함께 트리아 평원에 있었는데, 에레우시스 쪽에서 약 삼만 명가량의 군사들이 일으키는 것과 같은 흙먼지가 밀려오는 것을 보았다. 그들은 그 흙먼지가 도대체 누구의 것인지 의아해하고 있었는데, 갑자기 목소리가 들려왔고 그에게는 그 목소리가 비의의 ‘이아코스’ 외침인 것처럼 생각되었다.
§8.65.2εἶναι δʼ ἀδαήμονα τῶν ἱρῶν τῶν ἐν Ἐλευσῖνι γινομένων τὸν Δημάρητον, εἰρέσθαί τε αὐτὸν ὅ τι τὸ φθεγγόμενον εἴη τοῦτο.
데마라토스는 에레우시스에서 행해지는 성스러운 의식에 대해 아는 바가 없었기에, 이 소리를 내는 것이 무엇인지 그에게 물었다.
αὐτὸς δὲ εἰπεῖν
Δημάρητε, οὐκ ἔστι ὅκως οὐ μέγα τι σίνος ἔσται τῇ βασιλέος στρατιῇ·
이에 그가 대답했다. “데마라토스여, 왕의 군대에 큰 재앙이 닥치지 않을 방법은 없다.
τάδε γὰρ ἀρίδηλα, ἐρήμου ἐούσης τῆς Ἀττικῆς, ὅτι θεῖον τὸ φθεγγόμενον, ἀπʼ Ἐλευσῖνος ἰὸν ἐς τιμωρίην Ἀθηναίοισί τε καὶ τοῖσι συμμάχοισι.
아티카가 텅 비어 있는 상황에서 이 소리가 신적인 것이며, 아테네인들과 그 동맹국들을 위해 복수하고자 에레우시스에서 오고 있음은 지극히 명백하기 때문이다.
§8.65.3καὶ ἢν μέν γε κατασκήψῃ ἐς τὴν Πελοπόννησον, κίνδυνος αὐτῷ τε βασιλέι καὶ τῇ στρατιῇ τῇ ἐν τῇ ἠπείρῳ ἔσται, ἢν δὲ ἐπὶ τὰς νέας τράπηται τὰς ἐν Σαλαμῖνι, τὸν ναυτικὸν στρατὸν κινδυνεύσει βασιλεὺς ἀποβαλεῖν.
만약 이것이 펠로폰네소스 쪽으로 내려앉는다면 왕 자신과 육상 군대에게 위험이 닥칠 것이나, 살라미스에 있는 배들 쪽으로 향한다면 왕은 해군을 잃을 위험에 처하게 될 것이다.
§8.65.4τὴν δὲ ὁρτὴν ταύτην ἄγουσι Ἀθηναῖοι ἀνὰ πάντα ἔτεα τῇ Μητρὶ καὶ τῇ Κούρῃ, καὶ αὐτῶν τε ὁ βουλόμενος καὶ τῶν ἄλλων Ἑλλήνων μυεῖται·
이 축제는 아테네인들이 매년 어머니와 딸을 위해 개최하는 것으로, 그들 자신이나 다른 그리스인들 중에서 원하는 자는 누구든 비의를 전수받는다.
καὶ τὴν φωνὴν τῆς ἀκούεις ἐν ταύτῃ τῇ ὁρτῇ ἰακχάζουσι. πρὸς ταῦτα εἰπεῖν Δημάρητον
σίγα τε καὶ μηδενὶ ἄλλῳ τὸν λόγον τοῦτον εἴπῃς·
그리고 그대가 듣고 있는 소리는 이 축제에서 그들이 이아코스를 외치는 소리이다.” 이 말을 듣고 데마라토스가 말했다. “침묵하게나. 그리고 이 이야기를 다른 누구에게도 말하지 말게.
§8.65.5ἢν γάρ τοι ἐς βασιλέα ἀνενειχθῇ τὰ ἔπεα ταῦτα, ἀποβαλέεις τὴν κεφαλήν, καὶ σε οὔτε ἐγὼ δυνήσομαι ῥύσασθαι οὔτʼ ἄλλος ἀνθρώπων οὐδὲ εἶς.
만일 이 말이 왕에게 보고된다면 자네는 목이 달아날 것이네. 그때는 나도, 다른 그 어떤 인간도 자네를 구해주지 못할 걸세.
ἀλλʼ ἔχʼ ἥσυχος, περὶ δὲ στρατιῆς τῆσδε θεοῖσι μελήσει. §8.65.6τὸν μὲν δὴ ταῦτα παραινέειν, ἐκ δὲ τοῦ κονιορτοῦ καὶ τῆς φωνῆς γενέσθαι νέφος καὶ μεταρσιωθὲν φέρεσθαι ἐπὶ Σαλαμῖνος ἐπὶ τὸ στρατόπεδον τὸ τῶν Ἑλλήνων.
그러니 조용히 있게나. 이 군대에 관해서는 신들께서 알아서 하실 것이네.” 그가 이처럼 권고하자, 그 흙먼지와 소리로부터 구름이 생겨나 높이 떠올라 살라미스에 있는 그리스인들의 진영 쪽으로 흘러갔다.
οὕτω δὴ αὐτοὺς μαθεῖν ὅτι τὸ ναυτικὸν τὸ Ξέρξεω ἀπολέεσθαι μέλλοι.
이로써 그들은 크세르크세스의 해군이 멸망할 운명임을 알게 되었다.
ταῦτα μὲν Δίκαιος ὁ Θεοκύδεος ἔλεγε, Δημαρήτου τε καὶ ἄλλων μαρτύρων καταπτόμενος.
이것이 테오퀴데스의 아들 디카이오스가 한 말이며, 그는 데마라토스와 다른 이들을 증인으로 내세웠다.