§6.137.1Λῆμνον δὲ Μιλτιάδης ὁ Κίμωνος ὧδε ἔσχε.
키몬의 아들 밀티아데스가 렘노스를 차지한 경위는 다음과 같다.
Πελασγοὶ ἐπείτε ἐκ τῆς Ἀττικῆς ὑπὸ Ἀθηναίων ἐξεβλήθησαν, εἴτε ὦν δὴ δικαίως εἴτε ἀδίκως· τοῦτο γὰρ οὐκ ἔχω φράσαι, πλὴν τὰ λεγόμενα, ὅτι Ἑκαταῖος μὲν ὁ Ἡγησάνδρου ἔφησε ἐν τοῖσι λόγοισι λέγων ἀδίκως·
펠라스고이인들이 아테나이인들에 의해 아티카에서 쫓겨났을 때, 그것이 과연 정의로운 일이었는지 아니면 불의한 일이었는지에 대해, 나는 전해지는 이야기 외에는 무엇이라 말할 수 없다. 다만 헤게산드로스의 아들 헤카타이오스는 자신의 역사에서 그것이 불의한 일이었다고 말하며 다음과 같이 주장했다.
§6.137.2ἐπείτε γὰρ ἰδεῖν τοὺς Ἀθηναίους τὴν χώρην, τὴν σφίσι αὐτοῖσι ὑπὸ τὸν Ὑμησσὸν ἐοῦσαν ἔδοσαν Πελασγοῖσι οἰκῆσαι μισθὸν τοῦ τείχεος τοῦ περὶ τὴν ἀκρόπολιν κοτὲ ἐληλαμένου, ταύτην ὡς ἰδεῖν τοὺς Ἀθηναίους ἐξεργασμένην εὖ, τὴν πρότερον εἶναι κακήν τε καὶ τοῦ μηδενὸς ἀξίην, λαβεῖν φθόνον τε καὶ ἵμερον τῆς γῆς, καὶ οὕτω ἐξελαύνειν αὐτοὺς οὐδεμίαν ἄλλην πρόφασιν προϊσχομένους τοὺς Ἀθηναίους.
즉, 과거에 아크로폴리스 주변에 장벽을 쌓아 준 대가로, 아테나이인들이 자신들의 소유인 휘메토스산 아래의 땅을 펠라스고이인들에게 주어 살게 하였는데, 아테나이인들이 이 땅이 (이전에는 척박하고 아무런 가치도 없던 곳이었음에도) 훌륭하게 개간된 것을 보자마자, 그 땅에 대한 시기심과 탐욕이 생겨, 아테나이인들이 다른 아무런 핑계도 대지 않고 그들을 이와 같이 쫓아냈다는 것이다.
§6.137.3ὡς δὲ αὐτοὶ Ἀθηναῖοι λέγουσι, δικαίως ἐξελάσαι.
반면 아테나이인들 스스로의 말에 따르면, 그들을 쫓ا낸 것은 정의로운 일이었다.
κατοικημένους γὰρ τοὺς Πελασγοὺς ὑπὸ τῷ Ὑμησσῷ, ἐνθεῦτεν ὁρμωμένους ἀδικέειν τάδε.
휘메토스산 아래에 정착한 펠라스고이인들이 그곳을 거점으로 삼아 다음과 같은 불의를 저질렀기 때문이다.
φοιτᾶν γὰρ αἰεὶ τὰς σφετέρας θυγατέρας τε καὶ τοὺς παῖδας ἐπʼ ὕδωρ ἐπὶ τὴν Ἐννεάκρουνον· οὐ γὰρ εἶναι τοῦτον τὸν χρόνον σφίσι κω οὐδὲ τοῖσι ἄλλοισι Ἕλλησι οἰκέτας· ὅκως δὲ ἔλθοιεν αὗται, τοὺς Πελασγοὺς ὑπὸ ὕβριός τε καὶ ὀλιγωρίης βιᾶσθαι σφέας.
그들의 딸들과 아들들이 물을 길으러 늘 에네아크루노스로 가곤 했는데 (당시에는 그들에게도 다른 그리스인들에게도 하인이 없었기 때문이다), 그녀들이 올 때마다 펠라스고이인들은 오만함과 무시하는 태도로 그녀들에게 난폭한 짓을 저질렀다는 것이다.
καὶ ταῦτα μέντοι σφι οὐκ ἀποχρᾶν ποιέειν, ἀλλὰ τέλος καὶ ἐπιβουλεύοντας ἐπιχείρησιν φανῆναι ἐπʼ αὐτοφώρῳ.
또한 그것만으로 만족하지 않고, 마침내는 음모를 꾸미다 현장에서 발각되기까지 했다고 한다.
§6.137.4ἑωυτοὺς δὲ γενέσθαι τοσούτῳ ἐκείνων ἄνδρας ἀμείνονας, ὅσῳ, παρεὸν ἑωυτοῖσι ἀποκτεῖναι τοὺς Πελασγούς, ἐπεί σφεας ἔλαβον ἐπιβουλεύοντας, οὐκ ἐθελῆσαι, ἀλλά σφι προειπεῖν ἐκ τῆς γῆς ἐξιέναι.
하지만 아테나이인들은 그들보다 훨씬 더 훌륭한 사람인 것으로 드러났으니, 음모를 꾸미는 펠라스고이인들을 붙잡았을 때 그들을 죽일 수도 있었음에도 그렇게 하기를 원치 않고, 그저 그 땅에서 떠나라고 명했을 뿐이라는 것이다.
τοὺς δὲ οὕτω δὴ ἐκχωρήσαντας ἄλλα τε σχεῖν χωρία καὶ δὴ καὶ Λῆμνον.
그리하여 물러난 이들이 다른 여러 지역과 특히 렘노스를 차지하게 되었다.
ἐκεῖνα μὲν δὴ Ἑκαταῖος ἔλεξε, ταῦτα δὲ Ἀθηναῖοι λέγουσι.
앞의 이야기는 헤카타이오스가 한 말이며, 뒤의 이야기는 아테나이인들이 하는 말이다.