§5.82.1ἡ δὲ ἔχθρη ἡ προοφειλομένη ἐς Ἀθηναίους ἐκ τῶν Αἰγινητέων ἐγένετο ἐξ ἀρχῆς τοιῆσδε.
아이기나인들이 아테나이인들에게 이전에 품고 있던 원한은 본래 다음과 같은 원인에서 비롯되었다.
Ἐπιδαυρίοισι ἡ γῆ καρπὸν οὐδένα ἀνεδίδου.
에피다우로스인들에게 대지는 아무런 수확도 내어주지 않았다.
περὶ ταύτης ὦν τῆς συμφορῆς οἱ Ἐπιδαύριοι ἐχρέωντο ἐν Δελφοῖσι·
그리하여 에피다우로스인들은 이 불행에 관해 델포이에서 신탁을 구했다.
ἡ δὲ Πυθίη σφέας ἐκέλευε Δαμίης τε καὶ Αὐξησίης ἀγάλματα ἱδρύσασθαι καί σφι ἱδρυσαμένοισι ἄμεινον συνοίσεσθαι. §5.82.2ἐπειρώτεον ὦν οἱ Ἐπιδαύριοι κότερα χαλκοῦ ποιέωνται τὰ ἀγάλματα ἢ λίθου·
그러자 피티아는 그들에게 다미아와 아욱세시아의 신상을 건립하라고 명령하며, 그것을 건립한다면 그들에게 더 좋게 귀결될 것이라고 말했다. 이에 에피다우로스인들은 신상을 청동으로 만들어야 할지 아니면 돌로 만들어야 할지 거듭 물었다.
ἡ δὲ Πυθίη οὐδέτερα τούτων ἔα, ἀλλὰ ξύλου ἡμέρης ἐλαίης.
그러나 피티아는 둘 중 어느 것도 허락하지 않고, 재배된 올리브 나무로 만들라고 하였다.
ἐδέοντο ὦν οἱ Ἐπιδαύριοι Ἀθηναίων ἐλαίην σφι δοῦναι ταμέσθαι, ἱρωτάτας δὴ κείνας νομίζοντες εἶναι.
그리하여 에피다우로스인들은 자신들이 베어 갈 올리브 나무를 달라고 아테나이인들에게 요청했는데, 그 올리브 나무들이 가장 성스럽다고 생각했기 때문이다.
λέγεται δὲ καὶ ὡς ἐλαῖαι ἦσαν ἄλλοθι γῆς οὐδαμοῦ κατὰ χρόνον ἐκεῖνον ἢ ἐν Ἀθήνῃσι. §5.82.3οἳ δὲ ἐπὶ τοῖσιδε δώσειν ἔφασαν ἐπʼ ᾧ ἀπάξουσι ἔτεος ἑκάστου τῇ Ἀθηναίῃ τε τῇ Πολιάδι ἱρὰ καὶ τῷ Ἐρεχθέι.
또한 당시에는 아테나이 외에 지상의 다른 어디에도 올리브 나무가 없었다고 전해진다. 그러자 아테나이인들은 매년 아테나 폴리아스와 에레크테우스에게 제물을 바친다는 조건으로 그것을 주겠다고 말했다.
καταινέσαντες δὲ ἐπὶ τούτοισι οἱ Ἐπιδαύριοι τῶν τε ἐδέοντο ἔτυχον καὶ ἀγάλματα ἐκ τῶν ἐλαιέων τουτέων ποιησάμενοι ἱδρύσαντο·
이 조건에 동의한 에피다우로스인들은 자신들이 요청한 것을 얻었고, 그 올리브 나무들로 신상을 만들어 건립했다.
καὶ ἥ τε γῆ σφι ἔφερε καρπὸν καὶ Ἀθηναίοισι ἐπετέλεον τὰ συνέθεντο.
그리하여 그들의 대지는 수확을 가져다주었으며, 그들은 아테나이인들과 약속한 바를 이행했다.