§4.15.1ταῦτα μὲν αἱ πόλιες αὗται λέγουσι, τάδε δὲ οἶδα Μεταποντίνοισι τοῖσι ἐν Ἰταλίῃ συγκυρήσαντα μετὰ τὴν ἀφάνισιν τὴν δευτέρην Ἀριστέω ἔτεσι τεσσεράκοντα καὶ διηκοσίοισι, ὡς ἐγὼ συμβαλλόμενος ἐν Προκοννήσῳ τε καὶ Μεταποντίῳ εὕρισκον.
이것이 이 두 도시가 말하는 바이며, 다음은 아리스테아스가 두 번째로 사라진 지 240년 뒤에 이탈리아의 메타폰티온인들에게 일어난 일로서 내가 알고 있는 바이니, 이는 내가 프로콘네소스와 메타폰티온 양쪽에서 대조하여 알아낸 것이다.
§4.15.2Μεταποντῖνοι φασὶ αὐτὸν Ἀριστέην φανέντα σφι ἐς τὴν χώρην κελεῦσαι βωμὸν Ἀπόλλωνος ἱδρύσασθαι καὶ Ἀριστέω τοῦ Προκοννησίου ἐπωνυμίην ἔχοντα ἀνδριάντα πὰρʼ αὐτὸν ἱστάναι·
메타폰티온인들의 말에 따르면, 아리스테아스 자신이 그들의 땅에 나타나 아폴론의 제단을 세우고 그 곁에 프로콘네소스의 아리스테아스라는 이름을 가진 동상을 세우라고 명령했다.
φάναι γὰρ σφι τὸν Ἀπόλλωνα Ἰταλιωτέων μούνοισι δὴ ἀπικέσθαι ἐς τὴν χώρην, καὶ αὐτὸς οἱ ἕπεσθαι ὁ νῦν ἐὼν Ἀριστέης·
왜냐하면 아폴론이 이탈리아인들 가운데 오직 그들의 땅에만 오셨으며, 지금 아리스테아스인 자기 자신도 그분을 따랐다고 그가 말했기 때문이다.
τότε δὲ, ὅτε εἵπετο τῷ θεῷ, εἶναι κόραξ.
그리고 신을 따르던 그때, 그는 까마귀였다고 한다.
§4.15.3καὶ τὸν μὲν εἰπόντα ταῦτα ἀφανισθῆναι, σφέας δὲ Μεταποντῖνοι λέγουσι ἐς Δελφοὺς πέμψαντας τὸν θεὸν ἐπειρωτᾶν ὃ τι τὸ φάσμα τοῦ ἀνθρώπου εἴη.
그리고 그가 이 말을 하고 사라지자, 메타폰티온인들은 델포이로 사람을 보내 그 사람의 환영이 무엇을 의미하는지 신에게 물었다고 그들은 말한다.
τὴν δὲ Πυθίην σφέας κελεύειν πείθεσθαι τῷ φάσματι, πειθομένοισι δὲ ἄμεινον συνοίσεσθαι.
그러자 피티아는 그들에게 그 환영에 복종하라고 명령하며, 복종하면 그들에게 더 좋은 일이 생길 것이라고 했다.
καὶ σφέας δεξαμένους ταῦτα ποιῆσαι ἐπιτελέα.
이에 그들은 이를 받아들여 실행에 옮겼다.
§4.15.4καὶ νῦν ἔστηκε ἀνδριὰς ἐπωνυμίην ἔχων Ἀριστέω παρʼ αὐτῷ τῷ ἀγάλματι τοῦ Ἀπόλλωνος, πέριξ δὲ αὐτὸν δάφναι ἑστᾶσι·
그리하여 지금 아리스테아스의 이름을 가진 동상이 아폴론의 신상 바로 곁에 서 있고, 그 주변에는 월계수들이 둘러서 있다.
τὸ δὲ ἄγαλμα ἐν τῇ ἀγορῇ ἵδρυται.
한편 그 신상은 광장에 세워져 있다.
Ἀριστέω μέν νυν πέρι τοσαῦτα εἰρήσθω.
이제 아리스테아스에 관해서는 이쯤 해 두자.