§3.90.1ἀπὸ μὲν δὴ Ἰώνων καὶ Μαγνήτων τῶν ἐν τῇ Ἀσίῃ καὶ Αἰολέων καὶ Καρῶν καὶ Λυκίων καὶ Μιλυέων καὶ Παμφύλων (εἷς γὰρ ἦν οἱ τεταγμένος οὗτος φόρος) προσήιε τετρακόσια τάλαντα ἀργυρίου.
아시아의 이오니아인, 마그네시아인, 그리고 아이올리스인, 카리아인, 리키아인, 밀뤼아스인, 팜필리아인으로부터는(이것이 그에게 책정된 하나의 공납이었기 때문이다) 은 400탈란톤이 들어왔다.
ὁ μὲν δὴ πρῶτος οὗτός οἱ νομὸς κατεστήκεε, ἀπὸ δὲ Μυσῶν καὶ Λυδῶν καὶ Λασονίων καὶ Καβαλέων καὶ Ὑτεννέων πεντακόσια τάλαντα·
이것이 그를 위해 제정된 첫 번째 관구였다. 그리고 뮈시아인, 리디아인, 라소니오스인, 카발레스인, 휘텐네스인으로부터는 500탈란톤이었다.
δεύτερος νομὸς οὗτος.
이것이 두 번째 관구이다.
§3.90.2ἀπὸ δὲ Ἑλλησποντίων τῶν ἐπὶ δεξιὰ ἐσπλέοντι καὶ Φρυγῶν καὶ Θρηίκων τῶν ἐν τῇ Ἀσίῃ καὶ Παφλαγόνων καὶ Μαριανδυνῶν καὶ Συρίων ἑξήκοντα καὶ τριηκόσια τάλαντα ἦν φόρος·
(배를 타고 들어갈 때) 오른편에 있는 헬레스폰토스인, 프리기아인, 아시아의 트라키아인, 파플라고니아인, 마리안뒤노스인, 시리아인으로부터는 360탈란톤이 공납으로 바쳐졌다.
νομὸς τρίτος οὗτος.
이것이 세 번째 관구이다.
§3.90.3ἀπὸ δὲ Κιλίκων ἵπποι τε λευκοὶ ἑξήκοντα καὶ τριηκόσιοι, ἑκάστης ἡμέρης εἷς γινόμενος, καὶ τάλαντα ἀργυρίου πεντακόσια·
킬리키아인으로부터는 백마 360마리(하루에 한 마리꼴이 되는 것)와 은 500탈란톤이 바쳐졌다.
τούτων δὲ τεσσεράκοντα καὶ ἑκατὸν ἐς τὴν φρουρέουσαν ἵππον τὴν Κιλικίην χώρην ἀναισιμοῦτο, τὰ δὲ τριηκόσια καὶ ἑξήκοντα Δαρείῳ ἐφοίτα·
이 중 140탈란톤은 킬리키아 지방을 수비하는 기병대에게 소비되었고, 나머지 360탈란톤은 다레이오스에게로 들어갔다.
νομὸς τέταρτος οὗτος.
이것이 네 번째 관구이다.