§3.62.1οἵ τε δὴ ὦν ἄλλοι κήρυκες προηγόρευον ταῦτα καὶ δὴ καὶ ὁ ἐπʼ Αἴγυπτον ταχθείς, εὕρισκε γὰρ Καμβύσεα καὶ τὸν στρατὸν ἐόντα τῆς Συρίης ἐν Ἀγβατάνοισι, προηγόρευε στὰς ἐς μέσον τὰ ἐντεταλμένα ἐκ τοῦ Μάγου.
다른 전령들도 이 일을 선포하고 다녔는데, 특히 에집트로 파견된 전령은 캄비세스와 그의 군대가 시리아의 아그바타나에 있는 것을 발견하고서, 사람들 한가운데에 서서 마고스로부터 명령받은 바를 선포했다.
§3.62.2Καμβύσης δὲ ἀκούσας ταῦτα ἐκ τοῦ κήρυκος καὶ ἐλπίσας μιν λέγειν ἀληθέα αὐτός τε προδεδόσθαι ἐκ Πρηξάσπεος (πεμφθέντα γὰρ αὐτὸν ὡς ἀποκτενέοντα Σμέρδιν οὐ ποιῆσαι ταῦτα), βλέψας ἐς τὸν Πρηξάσπεα εἶπε
Πρήξασπες, οὕτω μοι διεπρήξαο τό τοι προσέθηκα πρῆγμα; §3.62.3ὁ δὲ εἶπε
ὦ δέσποτα, οὐκ ἔστι ταῦτα ἀληθέα, ὅκως κοτὲ σοὶ Σμέρδις ἀδελφεὸς σὸς ἐπανέστηκε, οὐδὲ ὅκως τι ἐξ ἐκείνου τοῦ ἀνδρὸς νεῖκός τοι ἔσται ἢ μέγα ἢ σμικρόν·
캄비세스는 전령으로부터 이 말을 듣고, 그가 진실을 말하고 있다고 믿었으며, 자신이 프레학사스페스에게 배신당했다고 생각했다(스메르디스를 죽이기 위해 파견된 프레학사스페스가 그 일을 실행하지 않았다고 생각했기 때문이다). 그는 프레학사스페스를 노려보며 말했다. “프레학사스페스야, 네가 나를 위해 내가 네게 맡긴 일을 이따위로 처리했단 말이냐?” 그러자 프레학사스페스가 말했다. “나의 주인이시여, 당신의 형제 스메르디스가 당신께 반기를 들었다거나, 그자로부터 당신께 크든 작든 어떤 불화가 생기리라는 것은 결코 사실이 아닙니다.
ἐγὼ γὰρ αὐτός, ποιήσας τὰ σύ με ἐκέλευες, ἔθαψά μιν χερσὶ τῇσι ἐμεωυτοῦ.
저 자신이 당신께서 제게 명령하신 일을 수행하고, 제 손으로 그를 묻었기 때문입니다.
§3.62.4εἰ μέν νυν οἱ τεθνεῶτες ἀνεστᾶσι, προσδέκεό τοι καὶ Ἀστυάγεα τὸν Μῆδον ἐπαναστήσεσθαι·
만약 이제 죽은 자들이 부활한다면, 메디아인 아스티아게스 역시 당신께 반란을 일으킬 것까지 각오하셔야 할 것입니다.
εἰ δʼ ἔστι ὥσπερ πρὸ τοῦ, οὐ μή τί τοι ἔκ γε ἐκείνου νεώτερον ἀναβλάστῃ.
하지만 예전과 상황이 같다면, 그자로부터 당신께 어떤 새로운 문제도 결코 생겨나지 않을 것입니다.
νῦν ὦν μοι δοκέει μεταδιώξαντας τὸν κήρυκα ἐξετάζειν εἰρωτεῦντας παρʼ ὅτευ ἥκων προαγορεύει ἡμῖν Σμέρδιος βασιλέος ἀκούειν.
그러니 지금 제 생각에는, 우리가 전령을 뒤쫓아 잡아다가, 그가 누구에게서 와서 우리에게 왕 스메르디스에게 복종하라고 선포하는지 신문해 보는 것이 좋을 것 같습니다.”