§3.14.1ἡμέρῃ δὲ δεκάτῃ ἀπʼ ἧς παρέλαβε τὸ τεῖχος τὸ ἐν Μέμφι Καμβύσης, κατίσας ἐς τὸ προάστειον ἐπὶ λύμῃ τὸν βασιλέα τῶν Αἰγυπτίων Ψαμμήνιτον, βασιλεύσαντα μῆνας ἕξ, τοῦτον κατίσας σὺν ἄλλοισι Αἰγυπτίοισι διεπειρᾶτο αὐτοῦ τῆς ψυχῆς ποιέων τοιάδε·
캄비세스가 멤피스의 성벽을 함락한 지 열흘째 되던 날, 그는 단 여섯 달 동안 왕위에 있었던 이집트의 왕 프삼메니투스를 모욕하기 위해 교외에 앉혀 두었다. 그를 다른 이집트인들과 함께 앉혀 둔 채, 캄비세스는 다음과 같은 일을 행하여 그의 정신력을 시험했다.
§3.14.2στείλας αὐτοῦ τὴν θυγατέρα ἐσθῆτι δουληίῃ ἐξέπεμπε ἐπʼ ὕδωρ ἔχουσαν ὑδρήιον, συνέπεμπε δὲ καὶ ἄλλας παρθένους ἀπολέξας ἀνδρῶν τῶν πρώτων, ὁμοίως ἐσταλμένας τῇ τοῦ βασιλέος.
그는 프삼메니투스의 딸에게 노예의 옷을 입히고 물동이를 들려 물을 길어 오도록 내보냈으며, 유력자들의 딸들 가운데서 선발한 다른 처녀들도 왕의 딸과 똑같이 입혀 그녀와 함께 보냈다.
§3.14.3ὡς δὲ βοῇ τε καὶ κλαυθμῷ παρήισαν αἱ παρθένοι παρὰ τοὺς πατέρας, οἱ μὲν ἄλλοι πάντες ἀντεβόων τε καὶ ἀντέκλαιον ὁρῶντες τὰ τέκνα κεκακωμένα, ὁ δὲ Ψαμμήνιτος προϊδὼν καὶ μαθὼν ἔκυψε ἐς τὴν γῆν.
처녀들이 울부짖으며 자신들의 아버지 앞을 지나갈 때, 다른 모든 이들은 자식들이 곤경에 처한 모습을 보고 마주 울부짖으며 통곡했으나, 프삼메니투스는 그 모습을 먼저 보고 알아챈 뒤 단지 땅을 향해 고개를 숙일 뿐이었다.
§3.14.4παρελθουσέων δὲ τῶν ὑδροφόρων, δεύτερά οἱ τὸν παῖδα ἔπεμπε μετʼ ἄλλων Αἰγυπτίων δισχιλίων τὴν αὐτὴν ἡλικίην ἐχόντων, τούς τε αὐχένας κάλῳ δεδεμένους καὶ τὰ στόματα ἐγκεχαλινωμένους·
물을 길어 나르는 자들이 지나가자, 다음으로 그는 왕의 아들을 동갑내기 다른 이천 명의 이집트인들과 함께 보냈는데, 그들은 목에 밧줄이 묶이고 입에는 재갈이 물려 있었다.
§3.14.5ἤγοντο δὲ ποινὴν τίσοντες Μυτιληναίων τοῖσι ἐν Μέμφι ἀπολομένοισι σὺν τῇ νηί.
그들은 멤피스에서 배와 함께 목숨을 잃은 미틸레네인들의 목숨에 대한 대가로 처형당하기 위해 끌려가고 있었다.
ταῦτα γὰρ ἐδίκασαν οἱ βασιλήιοι δικασταί, ὑπὲρ ἀνδρὸς ἑκάστου δέκα Αἰγυπτίων τῶν πρώτων ἀνταπόλλυσθαι.
왕의 재판관들이, 죽은 자 한 사람당 이집트의 유력자 열 명을 대신 죽여야 한다고 판결했기 때문이다.
§3.14.6ὁ δὲ ἰδὼν παρεξιόντας καὶ μαθὼν τὸν παῖδα ἡγεόμενον ἐπὶ θάνατον, τῶν ἄλλων Αἰγυπτίων τῶν περικατημένων αὐτὸν κλαιόντων καὶ δεινὰ ποιεύντων, τὠυτὸ ἐποίησε τὸ καὶ ἐπὶ τῇ θυγατρί.
프삼메니투스는 그들이 지나가는 것을 보고 자신의 아들이 죽음의 행렬을 이끌고 있음을 알게 되자, 그의 주위에 둘러앉은 다른 이집트인들이 울부짖으며 무참한 상황을 한탄하는 동안, 딸의 경우와 똑같이 행동했다.
§3.14.7παρελθόντων δὲ καὶ τούτων, συνήνεικε ὥστε τῶν συμποτέων οἱ ἄνδρα ἀπηλικέστερον, ἐκπεπτωκότα ἐκ τῶν ἐόντων ἔχοντά τε οὐδὲν εἰ μὴ ὅσα πτωχὸς καὶ προσαιτέοντα τὴν στρατιήν, παριέναι Ψαμμήνιτόν τε τὸν Ἀμάσιος καὶ τοὺς ἐν τῷ προαστείῳ κατημένους Αἰγυπτίων.
이 행렬마저 지나가자, 다음과 같은 일이 일어났다. 예전에 그의 주연 동료(술자리 동료)였던 나이 지긋한 남자로서, 가진 재산을 모두 잃고 거지들이 가진 것 외에는 아무것도 없이 군대에게 동냥을 구하며 돌아다니던 이가, 아마시스의 아들 프삼메니투스와 교외에 앉아 있던 이집트인들 앞을 지나간 것이다.
ὁ δὲ Ψαμμήνιτος ὡς εἶδε, ἀνακλαύσας μέγα καὶ καλέσας ὀνομαστὶ τὸν ἑταῖρον ἐπλήξατο τὴν κεφαλήν.
프삼메니투스는 그를 보자마자 크게 소리 내어 울며 동료의 이름을 부르고는 자기 머리를 세차게 내리쳤다.
§3.14.8ἦσαν δʼ ἄρα αὐτοῦ φύλακοι, οἳ τὸ ποιεύμενον πᾶν ἐξ ἐκείνου ἐπʼ ἑκάστῃ ἐξόδῳ Καμβύσῃ ἐσήμαινον.
그런데 마침 거기에는 그의 감시원들이 있어서, 행렬이 지나갈 때마다 그가 하는 모든 행동을 캄비세스에게 보고했다.
θωμάσας δὲ ὁ Καμβύσης τὰ ποιεύμενα, πέμψας ἄγγελον εἰρώτα αὐτὸν λέγων τάδε.
캄비세스는 그의 행동을 의아하게 여겨 전령을 보내 다음과 같이 물었다.
§3.14.9δεσπότης σε Καμβύσης, Ψαμμήνιτε, εἰρωτᾷ διʼ ὅ τι δὴ τὴν μὲν θυγατέρα ὁρέων κεκακωμένην καὶ τὸν παῖδα ἐπὶ θάνατον στείχοντα οὔτε ἀνέβωσας οὔτε ἀπέκλαυσας, τὸν δὲ πτωχὸν οὐδὲν σοὶ προσήκοντα, ὡς ἄλλων πυνθάνεται, ἐτίμησας. ὃ μὲν δὴ ταῦτα ἐπειρώτα, ὃ δʼ ἀμείβετο τοῖσιδε.
"프삼메니투스여, 너의 주인 캄비세스께서 물으신다. 네 딸이 곤경에 처한 모습을 보고 네 아들이 죽음을 향해 걸어가는 것을 보았을 때는 소리쳐 울지도 통곡하지도 않았으면서, 다른 이들에게 전해 듣기로는 너와 아무런 상관도 없는 거지에게는 어찌하여 이토록 깊은 경의를 표하는가?" 전령은 이렇게 물었고, 그는 다음과 같이 대답했다.
§3.14.10ὦ παῖ Κύρου, τὰ μὲν οἰκήια ἦν μέζω κακὰ ἢ ὥστε ἀνακλαίειν, τὸ δὲ τοῦ ἑταίρου πένθος ἄξιον ἦν δακρύων, ὃς ἐκ πολλῶν τε καὶ εὐδαιμόνων ἐκπεσὼν ἐς πτωχηίην ἀπῖκται ἐπὶ γήραος οὐδῷ. καὶ ταῦτα ὡς ἀπενειχθέντα ὑπὸ τούτου εὖ δοκέειν σφι εἰρῆσθαι,
"키루스의 아들이시여, 제 집안의 재앙은 너무나 커서 소리 내어 울수조차 없었습니다. 그러나 제 동료의 슬픔은 눈물을 흘릴 만합니다. 그는 많고 풍요로운 복을 누리다가 나락으로 떨어져, 노년의 문턱에서 거지가 되었기 때문입니다." 그의 이 대답이 보고되자, 그들에게 매우 훌륭한 말로 여겨졌다.
§3.14.11ὡς λέγεται ὑπʼ Αἰγυπτίων, δακρύειν μὲν Κροῖσον (ἐτετεύχεε γὰρ καὶ οὗτος ἐπισπόμενος Καμβύσῃ ἐπʼ Αἴγυπτους), δακρύειν δὲ Περσέων τοὺς παρεόντας·
이집트인들의 말에 따르면, 크로이소스도 눈물을 흘렸고(그 역시 캄비세스를 따라 이집트로 와 있었기 때문이다), 동석했던 페르시아인들도 눈물을 흘렸다.
αὐτῷ τε Καμβύσῃ ἐσελθεῖν οἶκτον τινά, καὶ αὐτίκα κελεύειν τόν τέ οἱ παῖδα ἐκ τῶν ἀπολλυμένων σώζειν καὶ αὐτὸν ἐκ τοῦ προαστείου ἀναστήσαντας ἄγειν παρʼ ἑωυτόν.
그리고 캄비세스 자신에게도 어떤 연민의 정이 솟구쳐, 즉시 그의 아들을 처형자 명단에서 구해내고 그 자신도 교외에서 부축해 세워 자기 앞으로 데려오도록 명령했다.