§3.108.1λέγουσι δὲ καὶ τόδε Ἀράβιοι, ὡς πᾶσα ἂν γῆ ἐπίμπλατο τῶν ὀφίων τούτων, εἰ μὴ γίνεσθαι κατʼ αὐτοὺς οἷόν τι κατὰ τὰς ἐχίδνας ἠπιστάμην γίνεσθαι.
아라비아인들은 또한 다음과 같은 일도 말한다. 즉, 내가 살무사들에게 일어난다고 알고 있는 것과 같은 일이 그들에게도 일어나지 않는다면, 온 땅이 이 뱀들로 가득 찼을 것이라는 점이다.
§3.108.2καί κως τοῦ θείου ἡ προνοίη, ὥσπερ καὶ οἰκός ἐστι, ἐοῦσα σοφή, ὅσα μὲν ψυχήν τε δειλὰ καὶ ἐδώδιμα, ταῦτα μὲν πάντα πολύγονα πεποίηκε, ἵνα μὴ ἐπιλίπῃ κατεσθιόμενα, ὅσα δὲ σχέτλια καὶ ἀνιηρά, ὀλιγόγονα.
그리고 신적인 섭리는 마땅히 그러하듯 지혜로워서, 겁이 많고 먹이가 되는 모든 동물들은 먹혀서 대가 끊기지 않도록 모두 번식력이 강하게 만드신 반면, 사납고 해로운 동물들은 번식력이 약하게 만드셨다.
§3.108.3τοῦτο μέν, ὅτι ὁ λαγὸς ὑπὸ παντὸς θηρεύεται θηρίου καὶ ὄρνιθος καὶ ἀνθρώπου, οὕτω δή τι πολύγονον ἐστί·
한편으로, 토끼는 모든 야수와 새와 인간에게 사냥을 당하기 때문에 이처럼 대단히 번식력이 강하다.
ἐπικυΐσκεται μοῦνον πάντων θηρίων, καὶ τὸ μὲν δασὺ τῶν τέκνων ἐν τῇ γαστρὶ τὸ δὲ ψιλόν, τὸ δὲ ἄρτι ἐν τῇσι μήτρῃσι πλάσσεται, τὸ δὲ ἀναιρέεται.
토끼는 모든 야수 중에서 유일하게 중복 임신을 하는데, 태중의 새끼들 중 어떤 것은 이미 털이 나 있고 어떤 것은 털이 없으며, 어떤 것은 자궁 속에서 막 형태를 갖추어가고 있고, 어떤 것은 막 수태되는 중이다.
§3.108.4τοῦτο μὲν δὴ τοιοῦτο ἐστί·
이것은 참으로 이와 같다.
ἡ δὲ δὴ λέαινα ἐὸν ἰσχυρότατον καὶ θρασύτατον ἅπαξ ἐν τῷ βίῳ τίκτει ἕν·
하지만 암사자는 극히 강하고 용맹한 맹수임에도 평생 단 한 번 한 마리만 낳는다.
τίκτουσα γὰρ συνεκβάλλει τῷ τέκνῳ τὰς μήτρας.
왜냐하면 새끼를 낳을 때 새끼와 함께 자궁을 밖으로 밀어내기 때문이다.
τὸ δὲ αἴτιον τούτου τόδε ἐστί·
그 이유는 다음과 같다.
ἐπεὰν ὁ σκύμνος ἐν τῇ μητρὶ ἐὼν ἄρχηται διακινεόμενος, ὁ δὲ ἔχων ὄνυχας θηρίων πολλὸν πάντων ὀξυτάτους ἀμύσσει τὰς μήτρας, αὐξόμενός τε δὴ πολλῷ μᾶλλον ἐσικνέεται καταγράφων·
새끼가 어미의 몸 안에서 움직이기 시작하면, 모든 야수 중에서 단연코 가장 날카로운 발톱을 가졌기에 자궁을 긁어대며, 자라남에 따라 훨씬 더 깊이 다다라 상처를 낸다.
πέλας τε δὴ ὁ τόκος ἐστί, καὶ τὸ παράπαν λείπεται αὐτέων ὑγιὲς οὐδέν.
그리하여 출산이 가까워질 때면 자궁에는 온전한 부분이 전혀 남지 않게 되는 것이다.