§2.154.1τοῖσι δὲ Ἴωσι καὶ τοῖσι Καρσὶ τοῖσι συγκατεργασαμένοισι αὐτῷ ὁ Ψαμμήτιχος δίδωσι χώρους ἐνοικῆσαι ἀντίους ἀλλήλων, τοῦ Νείλου τὸ μέσον ἔχοντος, τοῖσι οὐνόματα ἐτέθη Στρατόπεδα·
프사메티코스는 자신을 도와 함께 싸워 준 이오니아인들과 카리아인들에게 나일강을 사이에 두고 서로 마주 보는 땅을 거주지로 주었는데, 이 땅에는 '진영'이라는 이름이 붙여졌다.
τούτους τε δή σφι τοὺς χώρους δίδωσι καὶ τὰ ἄλλα τὰ ὑπέσχετο πάντα ἀπέδωκε.
그는 그들에게 이 땅을 주었을 뿐만 아니라, 약속했던 다른 모든 보상도 다 지불했다.
§2.154.2καὶ δὴ καὶ παῖδας παρέβαλε αὐτοῖσι Αἰγυπτίους τὴν Ἑλλάδα γλῶσσαν ἐκδιδάσκεσθαι.
게다가 그는 에지프트인 소년들을 그들에게 맡겨 그리스어를 가르쳐 배우게 했다.
ἀπὸ δὲ τούτων ἐκμαθόντων τὴν γλῶσσαν οἱ νῦν ἑρμηνέες ἐν Αἰγύπτῳ γεγόνασι.
이 언어를 완벽히 익힌 이 소년들로부터 오늘날 에지프트의 통역사들이 생겨나게 되었다.
§2.154.3οἱ δὲ Ἴωνές τε καὶ οἱ Κᾶρες τούτους τοὺς χώρους οἴκησαν χρόνον ἐπὶ πολλόν·
이오니아인들과 카리아인들은 이 땅에서 오랫동안 살았다.
εἰσὶ δὲ οὗτοι οἱ χῶροι πρὸς θαλάσσης ὀλίγον ἔνερθε Βουβάστιος πόλιος, ἐπὶ τῷ Πηλουσίῳ καλεομένῳ στόματι τοῦ Νείλου.
이 땅은 부바스티스 시에서 조금 아래쪽의 바다 방향으로, 나일강의 이른바 펠루시움이라 불리는 하구에 위치해 있다.
τούτους μὲν δὴ χρόνῳ ὕστερον βασιλεὺς Ἄμασις ἐξαναστήσας ἐνθεῦτεν κατοίκισε ἐς Μέμφιν, φυλακὴν ἑωυτοῦ ποιεύμενος πρὸς Αἰγυπτίων.
그러나 훗날 아마시스 왕이 그들을 그곳에서 퇴거시켜 멤피스에 정착시켰는데, 이는 그들을 에지프트인들로부터 자신을 지킬 호위대로 삼기 위함이었다.
§2.154.4τούτων δὲ οἰκισθέντων ἐν Αἰγύπτῳ, οἱ Ἕλληνες οὕτω ἐπιμισγόμενοι τούτοισι τὰ περὶ Αἴγυπτον γινόμενα ἀπὸ Ψαμμητίχου βασιλέος ἀρξάμενοι πάντα καὶ τὰ ὕστερον ἐπιστάμεθα ἀτρεκέως·
이들이 에지프트에 정착한 후로, 그리스인들은 이들과 교류함으로써 프사메티코스 왕부터 시작된 에지프트의 역사와 그 이후의 모든 일을 정확하게 알게 되었다.
πρῶτοι γὰρ οὗτοι ἐν Αἰγύπτῳ ἀλλόγλωσσοι κατοικίσθησαν.
이들이야말로 에지프트에 정착한 최초의 이방어를 구사하는 이들이었기 때문이다.
§2.154.5ἐξ ὧν δὲ ἐξανέστησαν χώρων, ἐν τούτοισι δὲ οἵ τε ὁλκοὶ τῶν νεῶν καὶ τὰ ἐρείπια τῶν οἰκημάτων τὸ μέχρι ἐμεῦ ἦσαν.
그들이 퇴거한 땅에는 배를 끌어올리는 사도(斜道)와 주거지의 폐허가 나의 시대에 이르기까지 남아 있었다.