§1.194.1τὸ δὲ ἁπάντων θῶμα μέγιστόν μοι ἐστὶ τῶν ταύτῃ μετά γε αὐτὴν τὴν πόλιν, ἔρχομαι φράσων·
그 도시 자체 다음으로 나에게 이 지방에서 가장 큰 경이로움으로 여겨지는 것을 이제 말하고자 한다.
τὰ πλοῖα αὐτοῖσι ἐστὶ τὰ κατὰ τὸν ποταμὸν πορευόμενα ἐς τὴν Βαβυλῶνα, ἐόντα κυκλοτερέα, πάντα σκύτινα.
그들이 바빌론으로 강을 따라 내려갈 때 사용하는 배들은 둥근 모양이며, 모두 가죽으로 만들어져 있다.
§1.194.2ἐπεὰν γὰρ ἐν τοῖσι Ἀρμενίοισι τοῖσι κατύπερθε Ἀσσυρίων οἰκημένοισι νομέας ἰτέης ταμόμενοι ποιήσωνται, περιτείνουσι τούτοισι διφθέρας στεγαστρίδας ἔξωθεν ἐδάφεος τρόπον, οὔτε πρύμνην ἀποκρίνοντες οὔτε πρῴρην συνάγοντες, ἀλλʼ ἀσπίδος τρόπον κυκλοτερέα ποιήσαντες καὶ καλάμης πλήσαντες πᾶν τὸ πλοῖον τοῦτο ἀπιεῖσι κατὰ τὸν ποταμὸν φέρεσθαι, φορτίων πλήσαντες·
아시리아인들의 위쪽에 사는 아르메니아인들의 땅에서 버드나무 갈비대를 베어 배의 뼈대를 만든 후, 그들은 이 갈비대 바깥쪽에 방수 가죽을 배 밑바닥 모양으로 팽팽하게 씌운다. 이때 고물(배의 뒷부분)을 구분하지도 않고 이물(배의 앞부분)을 오므리지도 않으며, 방패 모양처럼 둥글게 만든다. 그리고 배 전체에 짚을 가득 채우고 화물을 가득 실어 강물의 흐름에 따라 흘려보낸다.
μάλιστα δὲ βίκους φοινικηίους κατάγουσι οἴνου πλέους.
그들이 실어 내려보내는 화물은 대부분 야자나무로 만든 항아리에 가득 채운 포도주이다.
§1.194.3ἰθύνεται δὲ ὑπό τε δύο πλήκτρων καὶ δύο ἀνδρῶν ὀρθῶν ἑστεώτων, καὶ ὃ μὲν ἔσω ἕλκει τὸ πλῆκτρον ὁ δὲ ἔξω ὠθέει.
배는 두 개의 노와 똑바로 서 있는 두 남자에 의해 조종되는데, 한 사람은 노를 안쪽으로 당기고 다른 사람은 바깥쪽으로 밀어낸다.
ποιέεται δὲ καὶ κάρτα μεγάλα ταῦτα τὰ πλοῖα καὶ ἐλάσσω·
이 배들은 매우 크게 만들어지기도 하고 더 작게 만들어지기도 한다.
τὰ δὲ μέγιστα αὐτῶν καὶ πεντακισχιλίων ταλάντων γόμον ἔχει.
그중 가장 큰 것은 5,000달란트의 적재량을 가진다.
ἐν ἑκάστῳ δὲ πλοίῳ ὄνος ζωὸς ἔνεστι, ἐν δὲ τοῖσι μέζοσι πλεῦνες.
각각의 배에는 살아 있는 나귀가 한 마리씩 실려 있고, 더 큰 배에는 여러 마리가 실려 있다.
§1.194.4ἐπεὰν ὦν ἀπίκωνται πλέοντες ἐς τὴν Βαβυλῶνα καὶ διαθέωνται τὸν φόρτον, νομέας μὲν τοῦ πλοίου καὶ τὴν καλάμην πᾶσαν ἀπʼ ὦν ἐκήρυξαν, τὰς δὲ διφθέρας ἐπισάξαντες ἐπὶ τοὺς ὄνους ἀπελαύνουσι ἐς τοὺς Ἀρμενίους.
그리하여 그들이 배를 타고 바빌론에 도착하여 화물을 처분하고 나면, 배의 갈비대와 모든 짚은 경매에 붙여 팔아넘기고, 가죽은 나귀의 등에 얹어 아르메니아인들이 있는 곳으로 몰고 돌아간다.
§1.194.5ἀνὰ τὸν ποταμὸν γὰρ δὴ οὐκ οἷά τε ἐστὶ πλέειν οὐδενὶ τρόπῳ ὑπὸ τάχεος τοῦ ποταμοῦ·
강의 흐름이 빠르기 때문에 강을 거슬러 항해하는 것은 어떤 방법으로도 불가능하기 때문이다.
διὰ γὰρ ταῦτα καὶ οὐκ ἐκ ξύλων ποιεῦνται τὰ πλοῖα ἀλλʼ ἐκ διφθερέων.
바로 이러한 이유 때문에 그들은 배를 나무가 아니라 가죽으로 만드는 것이다.
ἐπεὰν δὲ τοὺς ὄνους ἐλαύνοντες ἀπίκωνται ὀπίσω ἐς τοὺς Ἀρμενίους, ἄλλα τρόπῳ τῷ αὐτῷ ποιεῦνται πλοῖα.
그리하여 그들이 나귀를 몰고 아르메니아인들에게로 돌아오면, 같은 방식으로 또 다른 배들을 만든다.