§1.185.1ἡ δὲ δὴ δεύτερον γενομένη ταύτης βασίλεια, τῇ οὔνομα ἦν Νίτωκρις, αὕτη δὲ συνετωτέρη γενομένη τῆς πρότερον ἀρξάσης τοῦτο μὲν μνημόσυνα ἐλίπετο τὰ ἐγὼ ἀπηγήσομαι, τοῦτο δὲ τὴν Μήδων ὁρῶσα ἀρχὴν μεγάλην τε καὶ οὐκ ἀτρεμίζουσαν, ἀλλʼ ἄλλα τε ἀραιρημένα ἄστεα αὐτοῖσι, ἐν δὲ δὴ καὶ τὴν Νίνον, προεφυλάξατο ὅσα ἐδύνατο μάλιστα.
이 여성의 뒤를 이어 두 번째로 여왕이 된 이의 이름은 니토크리스였는데, 그녀는 먼저 통치했던 여왕보다 더 현명하여, 한편으로는 내가 앞으로 설명할 만한 기념비적인 유적들을 남겼고, 다른 한편으로는 메디아의 세력이 대단히 강력하며 평온을 유지하지 못하고 그들에 의해 니노스를 비롯한 다른 도시들이 함락되는 것을 보고서, 자신이 할 수 있는 한 최대한의 방비책을 세웠다.
§1.185.2πρῶτα μὲν τὸν Εὐφρήτην ποταμὸν ῥέοντα πρότερον ἰθύν, ὅς σφι διὰ τῆς πόλιος μέσης ῥέει, τοῦτον ἄνωθεν διώρυχας ὀρύξασα οὕτω δή τι ἐποίησε σκολιὸν ὥστε δὴ τρὶς ἐς τῶν τινα κωμέων τῶν ἐν τῇ Ἀσσυρίῃ ἀπικνέεται ῥέων·
우선 그녀는, 이전에는 곧게 흐르며 그들의 도시 한가운데를 관통하던 유프라테스강을 상류에서 운하들을 파냄으로써 흐르는 동안 아시리아의 어떤 한 마을에 세 번이나 도달할 정도로 대단히 굽이치게 만들었다.
τῇ δὲ κώμῃ οὔνομα ἐστί, ἐς τὴν ἀπικνέεται ὁ Εὐφρήτης, Ἀρδέρικκα.
유프라테스강이 도달하는 그 마을의 이름은 아르데리카이다.
καὶ νῦν οἳ ἂν κομίζωνται ἀπὸ τῆσδε τῆς θαλάσσης ἐς Βαβυλῶνα, καταπλέοντες τὸν Εὐφρήτην ποταμὸν τρίς τε ἐς τὴν αὐτὴν ταύτην κώμην παραγίνονται καὶ ἐν τρισὶ ἡμέρῃσι.
그리고 오늘날에도 이 바다로부터 바빌론으로 여행하는 이들은 유프라테스강을 타고 내려가면서 이 동일한 마을에 세 번 이르게 되며, 그것도 사흘 만에 그렇게 된다.
§1.185.3τοῦτο μὲν δὴ τοιοῦτον ἐποίησε, χῶμα δὲ παρέχωσε παρʼ ἑκάτερον τοῦ ποταμοῦ τὸ χεῖλος ἄξιον θώματος μέγαθος καὶ ὕψος ὅσον τι ἐστί.
그녀는 실로 이러한 일을 행하였고, 강 양쪽 기슭을 따라 그 크기와 높이가 경탄할 만한 제방을 쌓아 올렸다.
§1.185.4κατύπερθε δὲ πολλῷ Βαβυλῶνος ὤρυσσε ἔλυτρον λίμνῃ, ὀλίγον τι παρατείνουσα ἀπὸ τοῦ ποταμοῦ, βάθος μὲν ἐς τὸ ὕδωρ αἰεὶ ὀρύσσουσα, εὖρος δὲ τὸ περίμετρον αὐτοῦ ποιεῦσα εἴκοσί τε καὶ τετρακοσίων σταδίων·
또한 바빌론에서 훨씬 위쪽 강에서 조금 떨어진 곳에 호수를 위한 저수지를 팠는데, 깊이는 항상 물이 나올 때까지 파내려 갔고, 그 둘레의 너비는 420스타디온이 되게 했다.
τὸν δὲ ὀρυσσόμενον χοῦν ἐκ τούτου τοῦ ὀρύγματος ἀναισίμου παρὰ τὰ χείλεα τοῦ ποταμοῦ παραχέουσα.
그리고 이 굴착 작업에서 나온 흙을 모두 사용하여 강기슭을 따라 둑을 쌓아 올렸다.
§1.185.5ἐπείτε δέ οἱ ὀρώρυκτο, λίθους ἀγαγομένη κρηπῖδα κύκλῳ περὶ αὐτὴν ἤλασε.
그녀를 위해 굴착이 완료되자, 그녀는 돌을 가져다가 그 호수 둘레에 석축을 두르고 쌓았다.
§1.185.6ἐποίεε δὲ ἀμφότερα ταῦτα, τόν τε ποταμὸν σκολιὸν καὶ τὸ ὄρυγμα πᾶν ἕλος, ὡς ὅ τε ποταμὸς βραδύτερος εἴη περὶ καμπὰς πολλὰς ἀγνύμενος, καὶ οἱ πλόοι ἔωσι σκολιοὶ ἐς τὴν Βαβυλῶνα, ἔκ τε τῶν πλόων ἐκδέκηται περίοδος τῆς λίμνης μακρή.
그녀가 이 두 가지 일, 즉 강을 굽이치게 만들고 굴착지 전체를 습지로 만든 것은, 강이 여러 차례 꺾이면서 흐름이 느려지게 하고, 바빌론으로 가는 항로가 굽이치게 하며, 또한 그 항로 끝에 호수를 길게 돌아가는 우회로가 이어지게 하기 위함이었다.
§1.185.7κατὰ τοῦτο δὲ ἐργάζετο τῆς χώρης τῇ αἵ τε ἐσβολαὶ ἦσαν καὶ τὰ σύντομα τῆς ἐκ Μήδων ὁδοῦ, ἵνα μὴ ἐπιμισγόμενοι οἱ Μῆδοι ἐκμανθάνοιεν αὐτῆς τὰ πρήγματα.
그녀는 메디아로부터의 침입로와 지름길이 있는 영토의 바로 이 지역에 이 공사를 진행했는데, 이는 메디아인들이 왕래하면서 자신들의 사정을 자세히 탐지하지 못하게 하기 위함이었다.