§1.171.1Ἅρπαγος δὲ καταστρεψάμενος Ἰωνίην ἐποιέετο στρατηίην ἐπὶ Κᾶρας καὶ Καυνίους καὶ Λυκίους, ἅμα ἀγόμενος καὶ Ἴωνας καὶ Αἰολέας.
하르파고스는 이오니아를 정복한 후, 이오니아인들과 아이올리스인들을 모두 거느리고 카리아인, 카우노스인, 리키아인들을 상대로 원정을 벌였다.
§1.171.2εἰσὶ δὲ τούτων Κᾶρες μὲν ἀπιγμένοι ἐς τὴν ἤπειρον ἐκ τῶν νήσων.
이들 중 카리아인은 섬에서 대륙으로 건너온 이들이다.
τὸ γὰρ παλαιὸν ἐόντες Μίνω κατήκοοι καὶ καλεόμενοι Λέλεγες εἶχον τὰς νήσους, φόρον μὲν οὐδένα ὑποτελέοντες, ὅσον καὶ ἐγὼ δυνατός εἰμι ἐπὶ μακρότατον ἐξικέσθαι ἀκοῇ·
예전에는 그들이 미노스의 신하로서 레레게스인이라 불리며 섬들을 영유했고, 내가 전해 들은 바로 가장 멀리 거슬러 올라갈 수 있는 한에서는 공납을 전혀 바치지 않았다.
οἳ δέ, ὅκως Μίνως δέοιτο, ἐπλήρουν οἱ τὰς νέας.
다만 미노스가 원할 때면 언제나 그를 위해 배의 선원을 채워주었다.
§1.171.3ἅτε δὴ Μίνω τε κατεστραμμένου γῆν πολλὴν καὶ εὐτυχέοντος τῷ πολέμῳ, τὸ Καρικὸν ἦν ἔθνος λογιμώτατον τῶν ἐθνέων ἁπάντων κατὰ τοῦτον ἅμα τὸν χρόνον μακρῷ μάλιστα.
미노스가 많은 땅을 정복하고 전쟁에서 승리를 거둠에 따라, 카리아 민족은 같은 시대에 모든 민족 중에서 단연 가장 명성이 높았다.
§1.171.4καί σφι τριξὰ ἐξευρήματα ἐγένετο, τοῖσι οἱ Ἕλληνες ἐχρήσαντο·
또한 그들에게는 그리스인들이 채택한 세 가지 발명품이 있었다.
καὶ γὰρ ἐπὶ τὰ κράνεα λόφους ἐπιδέεσθαι Κᾶρες εἰσὶ οἱ καταδέξαντες καὶ ἐπὶ τὰς ἀσπίδας τὰ σημήια ποιέεσθαι, καὶ ὄχανα ἀσπίσι οὗτοι εἰσὶ οἱ ποιησάμενοι πρῶτοι·
투구에 깃장식을 다는 것을 전수한 이들이 바로 카리아인들이며, 방패에 문장을 새기는 것과 방패에 손잡이를 처음 만든 이들도 바로 이들이었기 때문이다.
τέως δὲ ἄνευ ὀχάνων ἐφόρεον τὰς ἀσπίδας πάντες οἳ περ ἐώθεσαν ἀσπίσι χρᾶσθαι, τελαμῶσι σκυτίνοισι οἰηκίζοντες, περὶ τοῖσι αὐχέσι τε καὶ τοῖσι ἀριστεροῖσι ὤμοισι περικείμενοι.
그전까지는 방패를 쓰는 버릇이 있던 모든 이들이 손잡이 없이 방패를 들고 다녔으며, 목과 왼쪽 어깨에 걸치는 가죽 띠로 조종했다.
§1.171.5μετὰ δὲ τοὺς Κᾶρας χρόνῳ ὕστερον πολλῷ Δωριέες τε καὶ Ἴωνες ἐξανέστησαν ἐκ τῶν νήσων, καὶ οὕτω ἐς τὴν ἤπειρον ἀπίκοντο.
카리아인들의 뒤를 이어 한참 뒤에 도리스인들과 이오니아인들이 그들을 섬에서 몰아내었고, 그리하여 그들은 대륙으로 오게 되었다.
κατὰ μὲν δὴ Κᾶρας οὕτω Κρῆτες λέγουσι γενέσθαι·
카리아인들에 대해 크레타인들은 이와 같이 말한다.
οὐ μέντοι αὐτοί γε ὁμολογέουσι τούτοισι οἱ Κᾶρες, ἀλλὰ νομίζουσι αὐτοὶ ἑωυτοὺς εἶναι αὐτόχθονας ἠπειρώτας, καὶ τῷ οὐνόματι τῷ αὐτῷ αἰεὶ διαχρεωμένους τῷ περ νῦν.
그러나 카리아인들 자신은 이에 동의하지 않고, 스스로를 대륙의 토착민이며 항상 지금과 같은 이름을 써왔다고 생각한다.
§1.171.6ἀποδείκνῦσι δὲ ἐν Μυλάσοισι Διὸς Καρίου ἱρὸν ἀρχαῖον, τοῦ Μυσοῖσι μὲν καὶ Λυδοῖσι μέτεστι ὡς κασιγνήτοισι ἐοῦσι τοῖσι Καρσί·
또한 그들은 뮐라사에 카리아의 제우스의 고대 신전을 보여주는데, 그곳에는 미시아인들과 리디아인들이 카리아인의 형제라는 이유로 참여할 권리를 가진다.
τὸν γὰρ Λυδὸν καὶ τὸν Μυσὸν λέγουσι εἶναι Καρὸς ἀδελφεούς.
그들은 리도스와 뮈소스가 카로스의 형제라고 말하기 때문이다.
τούτοισι μὲν δὴ μέτεστι, ὅσοι δὲ ἐόντες ἄλλου ἔθνεος ὁμόγλωσσοι τοῖσι Καρσὶ ἐγένοντο, τούτοισι δὲ οὐ μέτα.
이들은 정녕 참여할 권리가 있으나, 다른 민족이면서 카리아인들과 같은 언어를 쓰게 된 자들에게는 권리가 없다.