§1.1παντὸς ἀρχομένῳ σπουδαίου καὶ λόγου καὶ ἔργου ἀπὸ τῶν θεῶν ὑπολαμβάνω προσήκειν πρῶτον ἄρχεσθαι.
어떤 진지한 말이나 행동을 시작하려는 사람에게는, 먼저 신들로부터 시작하는 것이 마땅하다고 나는 생각한다.
εὔχομαι δὴ τοῖς θεοῖς πᾶσι καὶ πάσαις, ὅ τι τῷ δήμῳ τῷ Ἀθηναίων ἄριστόν ἐστι καὶ τοῖς εὐνοοῦσι τῷ δήμῳ καὶ νῦν καὶ εἰς τὸν ἔπειτα χρόνον, τοῦτʼ ἐμοὶ μὲν ἐπὶ νοῦν ἐλθεῖν γράψαι, τοῖς δʼ ἐκκλησιάσασιν Ἀθηναίων ἑλέσθαι.
참으로 나는 모든 남신들과 여신들에게 기원하니, 아테네 민중과 또한 현재나 장래에나 민중에게 호의를 품은 자들에게 가장 좋은 것, 이것이 나에게는 기록해야 할 것으로 마음에 떠오르고, 민회에 모인 아테네 시민들에게는 선택되기를 바란다.
εὐξάμενος δὲ ταῦτα, τῆς ἀγαθῆς ἐπινοίας ἐλπίδʼ ἔχων παρὰ τῶν θεῶν, τάδʼ ἐπιστέλλω.
이와 같이 기원하고, 신들로부터 선한 생각을 얻으리라는 희망을 품고, 나는 다음을 써 보낸다.
§1.2Δημοσθένης τῇ βουλῇ καὶ τῷ δήμῳ χαίρειν.
데모스테네스가 평의회와 민중에게 문안한다.
περὶ μὲν τῆς ἐμῆς οἴκαδʼ ἀφίξεως ἀεὶ νομίζω πᾶσιν ὑμῖν ἔσεσθαι βουλεύσασθαι, διόπερ νῦν οὐδὲν περὶ αὐτῆς γέγραφα·
나의 귀국에 관해서는 언제나 너희 모두가 심의할 기회가 있을 것이라 생각하며, 그렇기에 지금은 그것에 대해 아무것도 쓰지 않는다.
τὸν δὲ παρόντα καιρὸν ὁρῶν ἑλομένων μὲν ὑμῶν τὰ δέοντα ἅμα δόξαν καὶ σωτηρίαν καὶ ἐλευθερίαν δυνάμενον κτήσασθαι οὐ μόνον ὑμῖν ἀλλὰ καὶ τοῖς ἄλλοις ἅπασιν Ἕλλησιν, ἀγνοησάντων δʼ ἢ παρακρουσθέντων οὐ ῥᾴδιον αὖθις τὸν αὐτὸν ἀναλαβεῖν, ᾠήθην χρῆναι τὴν ἐμαυτοῦ γνώμην ὡς ἔχω περὶ τούτων εἰς μέσον θεῖναι.
그러나 현재의 기회는, 너희가 필요한 일을 선택한다면 너희뿐만 아니라 다른 모든 그리스인들에게도 명성과 안전과 자유를 동시에 가져다줄 수 있는 반면, 만약 너희가 무지하거나 기만당한다면 다시는 동일한 기회를 되찾기 쉽지 않음을 보았기에, 나는 이 일들에 관해 내가 가진 의견을 대중 앞에 내놓아야 한다고 생각했다.
§1.3ἔστι μὲν οὖν ἔργον ἐξ ἐπιστολῆς ἐμμεῖναι συμβουλῇ·
참으로 서한을 통해 조언을 관철하는 것은 어려운 일이다.
πολλοῖς γὰρ εἰώθατʼ ἀπαντᾶν ὑμεῖς πρὸ τοῦ περιμεῖναι μαθεῖν.
왜냐하면 너희는 기다려 배우기도 전에 많은 일에 반대하곤 하기 때문이다.
λέγοντι μὲν οὖν ἔστιν αἰσθέσθαι τί βούλεσθε καὶ διορθώσασθαι τἀγνοούμενα ῥᾴδιον·
과연 말하는 사람에게는 너희가 무엇을 원하는지 알아차리고 오해된 것들을 바로잡기가 쉽다.
τὸ δὲ βιβλίον οὐδεμίαν ἔχει βοήθειαν τοιαύτην πρὸς τοὺς θορυβοῦντας.
그러나 글로 쓰인 책은 소란을 피우는 자들에 대해 그러한 도움을 전혀 주지 못한다.
οὐ μὴν ἀλλʼ ἐὰν ἐθελήσητʼ ἀκοῦσαι σιγῇ καὶ περιμείνητε πάντα μαθεῖν, οἴομαι, ὡς σὺν θεοῖς εἰρῆσθαι, καίπερ βραχέων τῶν γεγραμμένων ὄντων, αὐτός τε φανήσεσθαι μετὰ πάσης εὐνοίας τὰ δέονθʼ ὑπὲρ ὑμῶν πράττων καὶ τὰ συμφέρονθʼ ὑμῖν ἐμφανῆ δείξειν.
그럼에도 너희가 조용히 듣고자 하고 모든 것을 배울 때까지 기다려 준다면, 신들의 가호와 함께 말하건대, 기록된 것이 짧을지라도, 나 자신이 너희를 위해 전적인 호의를 가지고 필요한 일을 행하는 자로 보일 것이며, 너희에게 유익한 것들을 명백히 보여 주리라 생각한다.
§1.4οὐχ ὡς ἀπορούντων δʼ ὑμῶν ῥητόρων, οὐδὲ τῶν ἄνευ λογισμοῦ ῥᾳδίως ὅ τι ἂν τύχωσιν ἐρούντων, ἔδοξέ μοι τὴν ἐπιστολὴν πέμπειν·
너희에게 연설가가 부족해서도 아니고, 생각 없이 닥치는 대로 쉽게 말해 버리는 자들이 부족해서도 아니라, 나는 이 서한을 보내기로 결정했다.
ἀλλʼ ὅσα τυγχάνω διʼ ἐμπειρίαν καὶ τὸ παρηκολουθηκέναι τοῖς πράγμασιν εἰδώς, ταῦτʼ ἐβουλήθην τοῖς μὲν προαιρουμένοις λέγειν ἐμφανῆ ποιήσας ἀφθόνους ἀφορμὰς ὧν ὑπολαμβάνω συμφέρειν ὑμῖν δοῦναι, τοῖς δὲ πολλοῖς ῥᾳδίαν τὴν τῶν βελτίστων αἵρεσιν καταστῆσαι.
오히려 내가 경험과 사태의 추이를 주시해 온 것을 통해 우연히 알게 된 바를, 연설하기로 결심한 자들에게 밝히 보여 줌으로써 내가 너희에게 유익하다고 생각하는 풍부한 자원을 그들에게 제공하고, 대중에게는 가장 좋은 것을 선택하기 쉽게 해 주기를 바랐기 때문이다.
ὧν μὲν οὖν ἕνεκʼ ἐπῆλθέ μοι τὴν ἐπιστολὴν γράφειν, ταῦτʼ ἐστίν.
그러므로 내가 이 서한을 쓰기로 생각한 원인은 이러하다.
§1.5δεῖ δʼ ὑμᾶς, ὦ ἄνδρες Ἀθηναῖοι, πρῶτον μὲν ἁπάντων πρὸς ὑμᾶς αὐτοὺς ὁμόνοιαν εἰς τὸ κοινῇ συμφέρον τῇ πόλει παρασχέσθαι καὶ τὰς ἐκ τῶν προτέρων ἐκκλησιῶν ἀμφισβητήσεις ἐᾶσαι, δεύτερον δὲ πάντας ἐκ μιᾶς γνώμης τοῖς δόξασι προθύμως συναγωνίζεσθαι·
아테네인들이여, 너희는 무엇보다 먼저 국가의 공동 이익을 위해 너희 자신들 사이에 화합을 도모하고, 이전 민회들에서 발생한 논쟁들을 내버려 두어야 한다. 둘째로는 모든 이가 한마음으로 결정된 사항들을 위해 기꺼이 함께 싸워야 한다.
ὡς τὸ μήθʼ ἓν μήθʼ ἁπλῶς πράττειν οὐ μόνον ἐστὶν ἀνάξιον ὑμῶν καὶ ἀγεννές, ἀλλὰ καὶ τοὺς μεγίστους κινδύνους ἔχει.
왜냐하면 단합하지도 않고 한결같이 행동하지도 않는 것은 너희에게 어울리지 않고 비열할 뿐만 아니라, 가장 큰 위험들을 내포하고 있기 때문이다.
§1.6δεῖ δὲ μηδὲ ταῦτα λαθεῖν ὑμᾶς, ἃ καθʼ αὑτὰ μὲν οὐκ ἔστιν αὐτάρκη κατασχεῖν πράγματα, προστεθέντα δὲ ταῖς δυνάμεσι πολλῷ πάντʼ εὐκατεργαστότερʼ ὑμῖν ποιήσει.
또한 너희는 이것들을 간과해서는 안 되니, 그것들 자체로는 사태를 장악하기에 충분하지 않으나, 전력에 보태어지면 모든 것을 너희에게 훨씬 더 수월하게 성취되도록 만들어 줄 것이다.
τίνʼ οὖν ἐστιν ταῦτα;
그렇다면 이것들은 무엇인가?
μήτε πόλει μηδεμιᾷ μήτε τῶν ἐν ἑκάστῃ τῶν πόλεων συνηγωνισμένων τοῖς καθεστηκόσι μηδενὶ μήτε πικραίνεσθαι μήτε μνησικακεῖν.
어떤 도시에 대해서도, 그리고 각 도시에서 기존 체제와 함께 싸웠던 이들 중 그 누구에 대해서도 적개심을 품지 않고 원한을 사지 않는 것이다.
§1.7ὁ γὰρ τοιοῦτος φόβος τοὺς συνειδότας αὑτοῖς, ὡς ἀναγκαίοις τοῖς καθεστηκόσι καὶ κίνδυνον ἔχουσι πρόδηλον προθύμους συναγωνιστὰς ποιεῖ·
그러한 공포는 자신들의 행위를 스스로 알고 있는 자들로 하여금, 기존 체제가 불가피하고 명백한 위험을 안고 있다는 이유로 그것의 열성적인 공투자가 되게 만들기 때문이다.
ἀφεθέντες δὲ τοῦ δέους τούτου πάντες ἠπιώτεροι γενήσονται.
그러나 이 두려움에서 벗어난다면 모든 이가 더 온화해질 것이다.
τοῦτο δʼ οὐ μικρὰν ὠφέλειαν ἔχει.
그리고 이것은 적지 않은 유익을 가져다준다.
κατὰ μὲν δὴ πόλεις τὰ τοιαῦτʼ εὔηθες προλέγειν, μᾶλλον δʼ οὐδʼ ἐν δυνατῷ·
과연 도시별로 이러한 것들을 미리 선포하는 것은 어리석은 일이며, 오히려 불가능하기도 하다.
ὡς δʼ ἂν ὑμῖν αὐτοῖς ὀφθῆτε χρώμενοι, τοιαύτην καὶ κατὰ τῶν ἄλλων προσδοκίαν παραστήσεθʼ ἑκάστοις.
하지만 너희가 스스로를 어떻게 대하는지 보임에 따라, 다른 이들에 대해서도 각자에게 그와 같은 기대를 안겨 주게 될 것이다.