§7ὧν μὲν τοίνυν οὐδένʼ ᾤμην δεῖν λόγον ποιεῖσθαι, ταῦτʼ ἐστίν.
그러므로 제가 전혀 상관할 필요가 없다고 생각했던 일들은 이것들입니다.
χρόνῳ δʼ ὕστερον οὐ πολλῷ περιπατοῦντος, ὥσπερ εἰώθειν, ἑσπέρας ἐν ἀγορᾷ μου μετὰ Φανοστράτου τοῦ Κηφισιέως, τῶν ἡλικιωτῶν τινός, παρέρχεται Κτησίας ὁ υἱὸς ὁ τούτου, μεθύων, κατὰ τὸ Λεωκόριον, ἐγγὺς τῶν Πυθοδώρου.
그 후 얼마 지나지 않아, 늘 하던 대로 저녁에 제 동년배 중 한 명인 케피시아의 파노스트라토스와 함께 광장을 산책하고 있을 때, 이 자의 아들인 크테시아스가 술에 취해 레오코리온 근처, 피토도로스의 집 근처를 지나갔습니다.
κατιδὼν δʼ ἡμᾶς καὶ κραυγάσας, καὶ διαλεχθείς τι πρὸς αὑτὸν οὕτως ὡς ἂν μεθύων, ὥστε μὴ μαθεῖν ὅ τι λέγοι, παρῆλθε πρὸς Μελίτην ἄνω.
그는 우리를 보고 고함을 지르더니, 술 취한 사람처럼 혼잣말로 무어라 지껄였는데, 무슨 말을 하는지 알아들을 수 없을 정도였습니다. 그러고는 위쪽 멜리테 방향으로 지나갔습니다.
ἔπινον δʼ ἄρʼ ἐνταῦθα (ταῦτα γὰρ ὕστερον ἐπυθόμεθα) παρὰ Παμφίλῳ τῷ γναφεῖ Κόνων οὑτοσί, Θεότιμός τις, Ἀρχεβιάδης, Σπίνθαρος ὁ Εὐβούλου, Θεογένης ὁ Ἀνδρομένους, πολλοί τινες, οὓς ἐξαναστήσας ὁ Κτησίας ἐπορεύετʼ εἰς τὴν ἀγοράν. §8καὶ ἡμῖν συμβαίνει ἀναστρέφουσιν ἀπὸ τοῦ Φερρεφαττίου καὶ περιπατοῦσιν πάλιν κατʼ αὐτό πως τὸ Λεωκόριον εἶναι, καὶ τούτοις περιτυγχάνομεν.
그런데 그들은 거기서(이 일은 나중에야 우리가 알게되었습니다) 축융공 판필로스의 집에서 술을 마시고 있었습니다. 즉 여기 있는 코논, 어떤 테오티모스, 아르케비아데스, 에우불로스의 아들 스핀타로스, 안드로메네스의 아들 테오게네스 등 여러 사람이었습니다. 크테시아스가 그들을 일으켜 세워 광장으로 향했던 것입니다. 그리고 우리가 페레파티온에서 발길을 돌려 다시 레오코리온 바로 그 근처를 산책하고 있을 때, 우연히 이들과 마주치게 되었습니다.
ὡς δʼ ἀνεμείχθημεν, εἷς μὲν αὐτῶν, ἀγνώς τις, Φανοστράτῳ προσπίπτει καὶ κατεῖχεν ἐκεῖνον, Κόνων δʼ οὑτοσὶ καὶ ὁ υἱὸς αὐτοῦ καὶ ὁ Ἀνδρομένους υἱὸς ἐμοὶ προσπεσόντες τὸ μὲν πρῶτον ἐξέδυσαν, εἶθʼ ὑποσκελίσαντες καὶ ῥάξαντες εἰς τὸν βόρβορον οὕτω διέθηκαν ἐναλλόμενοι καὶ ὑβρίζοντες, ὥστε τὸ μὲν χεῖλος διακόψαι, τοὺς δʼ ὀφθαλμοὺς συγκλεῖσαι·
우리가 한데 뒤섞이자, 그들 중 낯선 한 사람이 파노스트라토스에게 달려들어 그를 붙잡았고, 여기 있는 코논과 그의 아들, 그리고 안드로메네스의 아들은 나에게 달려들어 처음에는 옷을 벗기더니, 다음에는 발을 걸어 진흙탕 속에 메쳐버렸습니다. 그리고 제 몸 위에 올라타 짓밟고 모욕을 주며, 입술을 찢어놓고 두 눈을 부어올라 감기게 만들 정도로 나를 처참한 지경으로 만들었습니다.
οὕτω δὲ κακῶς ἔχοντα κατέλιπον, ὥστε μήτʼ ἀναστῆναι μήτε φθέγξασθαι δύνασθαι.
그들은 내가 일어서지도 말하지도 못할 정도로 처참한 상태인 나를 버려두고 떠났습니다.
κείμενος δʼ αὐτῶν ἤκουον πολλὰ καὶ δεινὰ λεγόντων. §9καὶ τὰ μὲν ἄλλα καὶ βλασφημίαν ἔχει τινὰ καὶ ὀνομάζειν ὀκνήσαιμʼ ἂν ἐν ὑμῖν ἔνια, ὃ δὲ τῆς ὕβρεώς ἐστι τῆς τούτου σημεῖον καὶ τεκμήριον τοῦ πᾶν τὸ πρᾶγμʼ ὑπὸ τούτου γεγενῆσθαι, τοῦθʼ ὑμῖν ἐρῶ·
누워 있는 동안 저는 그들이 입에 담지 못할 끔찍한 말들을 많이 하는 것을 들었습니다. 다른 일들은 어떤 모욕적인 언사를 담고 있어서 여러분 앞에서 몇 가지는 언급하기가 꺼려집니다만, 이 자의 방자함을 보여주는 징표이자 모든 일이 이 자에 의해 저질러졌다는 증거가 되는 것을 여러분에게 말씀드리겠습니다.
ᾖδε γὰρ τοὺς ἀλεκτρυόνας μιμούμενος τοὺς νενικηκότας, οἱ δὲ κροτεῖν τοῖς ἀγκῶσιν αὐτὸν ἠξίουν ἀντὶ πτερύγων τὰς πλευράς.
왜냐하면 그는 승리한 수탉의 흉내를 내며 울어댔고, 다른 자들은 그에게 날개 대신 양팔꿈치로 옆구리를 치라고 부추겼기 때문입니다.
καὶ μετὰ ταῦτʼ ἐγὼ μὲν ἀπεκομίσθην ὑπὸ τῶν παρατυχόντων γυμνός, οὗτοι δʼ ᾤχοντο θοἰμάτιον λαβόντες μου.
그리고 그 후에 저는 옆에 있던 사람들에 의해 벌거벗겨진 채 실려 갔고, 이 자들은 제 겉옷을 빼앗아 가버렸습니다.
ὡς δʼ ἐπὶ τὴν θύραν ἦλθον, κραυγὴ καὶ βοὴ τῆς μητρὸς καὶ τῶν θεραπαινίδων ἦν, καὶ μόγις ποτʼ εἰς βαλανεῖον ἐνεγκόντες με καὶ περιπλύναντες ἔδειξαν τοῖς ἰατροῖς.
제가 집 문 앞에 이르렀을 때, 어머니와 여종들의 비명과 울음소리가 터져 나왔습니다. 그들은 간신히 나를 목욕탕으로 옮겨 온몸을 씻어낸 뒤 의사들에게 보였습니다.
ὡς οὖν ταῦτʼ ἀληθῆ λέγω, τούτων ὑμῖν τοὺς μάρτυρας παρέξομαι.
그러므로 제가 이 일들을 사실대로 말하고 있다는 것에 대해, 여러분에게 이 일들의 증인들을 제시하겠습니다.
ΜΑΡΤΥΡΕΣ. §10συνέβη τοίνυν, ὦ ἄνδρες δικασταί, καὶ Εὐξίθεον τουτονὶ τὸν Χολλῄδην, ὄνθʼ ἡμῖν συγγενῆ, καὶ Μειδίαν μετὰ τούτου ἀπὸ δείπνου ποθὲν ἀπιόντας περιτυχεῖν πλησίον ὄντι μοι τῆς οἰκίας ἤδη, καὶ εἴς τε τὸ βαλανεῖον φερομένῳ παρακολουθῆσαι, καὶ ἰατρὸν ἄγουσιν παραγενέσθαι.
증인들. 배심원 여러분, 그런데 마침 우리의 친척인 여기 콜리다이 구의 에우크시테오스와 그와 함께 가던 메이디아스가 어딘가에서 저녁 식사를 하고 돌아오던 중에 이미 집 근처에 있던 저와 우연히 마주치게 되었습니다. 그들은 목욕탕으로 실려 가던 저를 따라왔고, 의사를 데려오던 사람들이 도착했을 때도 자리에 함께해 주었습니다.
οὕτω δʼ εἶχον ἀσθενῶς ὥστε, ἵνα μὴ μακρὰν φεροίμην οἴκαδʼ ἐκ τοῦ βαλανείου, ἐδόκει τοῖς παροῦσιν ὡς τὸν Μειδίαν ἐκείνην τὴν ἑσπέραν κομίσαι, καὶ ἐποίησαν οὕτω.
제 상태가 너무나 쇠약했기에, 목욕탕에서 집까지 멀리 실려 가지 않도록 그날 밤에는 저를 메이디아스의 집으로 데려가는 것이 곁에 있던 사람들의 의견이었고, 그들은 그렇게 했습니다.
λάβʼ οὖν καὶ τὰς τούτων μαρτυρίας, ἵνʼ εἰδῆθʼ ὅτι πολλοὶ συνίσασιν ὡς ὑπὸ τούτων ὑβρίσθην.
그러니 이들의 증언도 받으십시오. 제가 이 자들에게 폭행을 당했다는 것을 많은 사람이 알고 있다는 것을 여러분이 아시도록 말입니다.
ΜΑΡΤΥΡΙΑΙ.
λαβὲ δὴ καὶ τὴν τοῦ ἰατροῦ μαρτυρίαν.
증언들. 자, 의사의 증언도 받으십시오.
ΜΑΡΤΥΡΙΑ. §11τότε μὲν τοίνυν παραχρῆμʼ ὑπὸ τῶν πληγῶν ἃς ἔλαβον καὶ τῆς ὕβρεως οὕτω διετέθην, ὡς ἀκούετε καὶ μεμαρτύρηται παρὰ πάντων ὑμῖν τῶν εὐθὺς ἰδόντων.
증언. 그 당시 저는 제가 맞은 매와 폭행으로 인해, 여러분이 들으신 바와 같고 저를 즉시 본 모든 이들이 여러분에게 증언한 바와 같이 그런 상태에 놓여 있었습니다.
μετὰ δὲ ταῦτα τῶν μὲν οἰδημάτων τῶν ἐν τῷ προσώπῳ καὶ τῶν ἑλκῶν οὐδὲν ἔφη φοβεῖσθαι λίαν ὁ ἰατρός, πυρετοὶ δὲ παρηκολούθουν μοι συνεχεῖς καὶ ἀλγήματα, ὅλου μὲν τοῦ σώματος πάνυ σφοδρὰ καὶ δεινά, μάλιστα δὲ τῶν πλευρῶν καὶ τοῦ ἤτρου, καὶ τῶν σιτίων ἀπεκεκλείμην. §12καὶ ὡς μὲν ὁ ἰατρὸς ἔφη, εἰ μὴ κάθαρσις αἵματος αὐτομάτη μοι πάνυ πολλὴ συνέβη περιωδύνῳ ὄντι καὶ ἀπορουμένῳ ἤδη, κἂν ἔμπυος γενόμενος διεφθάρην·
하지만 그 후에 의사는 얼굴의 부종이나 상처에 대해서는 크게 걱정할 필요가 없다고 말했으나, 제게는 끊임없는 고열과 통증이 뒤따랐는데, 온몸에 매우 격렬하고 끔찍한 통증이 일었으며, 특히 옆구리와 하복부가 심하여 음식을 전혀 먹지 못했습니다. 그리고 의사가 말하기를, 제가 극심한 통증 속에서 이미 가망이 없던 상태였을 때, 대량의 하혈이 자연스럽게 일어나지 않았다면 종양이 생겨 목숨을 잃었을 것이라고 했습니다.
νῦν δὲ τοῦτʼ ἔσῳσεν τὸ αἷμʼ ἀποχωρῆσαν.
하지만 실제로는 이 흘러나온 피가 저를 살렸습니다.
ὡς οὖν καὶ ταῦτʼ ἀληθῆ λέγω, καὶ παρηκολούθησέ μοι τοιαύτη νόσος ἐξ ἧς εἰς τοὔσχατον ἦλθον, ἐξ ὧν ὑπὸ τούτων ἔλαβον πληγῶν, λέγε τὴν τοῦ ἰατροῦ μαρτυρίαν καὶ τὴν τῶν ἐπισκοπούντων.
그러므로 제가 이 사실들도 참되게 말하고 있으며, 이 자들에게 맞은 매로 인해 죽음의 지경에 이르는 그러한 질병이 뒤따랐다는 것에 대해, 의사의 증언과 저를 간호해 주던 사람들의 증언을 읽어주십시오.
ΜΑΡΤΥΡΙΑΙ.
증언들.