§1ὑβρισθείς, ὦ ἄνδρες δικασταί, καὶ παθὼν ὑπὸ Κόνωνος τουτουὶ τοιαῦτα, ὥστε πολὺν χρόνον πάνυ μήτε τοὺς οἰκείους μήτε τῶν ἰατρῶν μηδένα προσδοκᾶν περιφεύξεσθαί με, ὑγιάνας καὶ σωθεὶς ἀπροσδοκήτως ἔλαχον αὐτῷ τὴν δίκην τῆς αἰκείας ταυτηνί.
배심원 여러분, 저는 여기 있는 코논에게 모욕을 당하고 그러한 피해를 입어, 아주 오랫동안 친척들도 의사들도 아무도 제가 살아남을 것이라 기대하지 못했습니다. 그러나 뜻밖에 회복되어 목숨을 건진 후, 그를 상대로 이 폭행죄 소송을 제기하게 되었습니다.
πάντων δὲ τῶν φίλων καὶ τῶν οἰκείων, οἷς συνεβουλευόμην, ἔνοχον μὲν φασκόντων αὐτὸν ἐκ τῶν πεπραγμένων εἶναι καὶ τῇ τῶν λωποδυτῶν ἀπαγωγῇ καὶ ταῖς τῆς ὕβρεως γραφαῖς, συμβουλευόντων δέ μοι καὶ παραινούντων μὴ μείζω πράγματʼ ἢ δυνήσομαι φέρειν ἐπάγεσθαι, μηδʼ ὑπὲρ τὴν ἡλικίαν περὶ ὧν ἐπεπόνθειν ἐγκαλοῦντα φαίνεσθαι, οὕτως ἐποίησα καὶ διʼ ἐκείνους ἰδίαν ἔλαχον δίκην, ἥδιστʼ ἄν, ὦ ἄνδρες Ἀθηναῖοι, θανάτου κρίνας τουτονί.
제가 의견을 구한 모든 친구와 친척들은, 그의 행실로 볼 때 그가 의복 강도 현행범 체포와 모욕죄 공소에 처해 마땅하다고 말하면서도, 제가 감당할 수 있는 것보다 더 큰 일에 얽매이지 않도록, 그리고 제 나이에 겪은 피해에 대해 고소하는 모습으로 보이지 않도록 저에게 조언하고 권고했습니다. 그리하여 저는 그렇게 행동했고 그들 때문에 사소송을 제기했습니다. 아테네인 여러분, 저로서는 가장 기쁘게 그를 사형에 처할 소송으로 기소하고 싶었지만 말입니다.
§2καὶ τούτου συγγνώμην ἕξετε, εὖ οἶδʼ ὅτι, πάντες, ἐπειδὰν ἃ πέπονθʼ ἀκούσητε·
그리고 이에 대해 제가 당한 일을 들으신다면 여러분 모두가 너그러이 이해해 주실 것임을 저는 잘 알고 있습니다.
δεινῆς γὰρ οὔσης τῆς τότε συμβάσης ὕβρεως οὐκ ἐλάττων ἡ μετὰ ταῦτʼ ἀσέλγειʼ ἐστὶ τουτουί.
당시 발생했던 모욕이 끔찍했던 만큼이나, 그 이후 이 자가 보인 방자함도 그에 못지않기 때문입니다.
ἀξιῶ δὴ καὶ δέομαι πάντων ὁμοίως ὑμῶν πρῶτον μὲν εὐνοϊκῶς ἀκοῦσαί μου περὶ ὧν πέπονθα λέγοντος, εἶτα, ἐὰν ἠδικῆσθαι καὶ παρανενομῆσθαι δοκῶ, βοηθῆσαί μοι τὰ δίκαια.
이에 저는 여러분 모두에게 똑같이, 먼저 제가 당한 일에 대해 말하는 것을 호의적으로 들어주시고, 다음으로 제가 부당하게 처우받고 법을 어긴 피해를 입었다고 생각되신다면 합당한 도움을 제게 주시기를 청하고 간청합니다.
ἐξ ἀρχῆς δʼ ὡς ἕκαστα πέπρακται διηγήσομαι πρὸς ὑμᾶς, ὡς ἂν οἷός τʼ ὦ διὰ βραχυτάτων.
처음부터 어떻게 각각의 일들이 행해졌는지 여러분에게 최대한 간결하게 설명해 드리겠습니다.
§3ἐξῆλθον ἔτος τουτὶ τρίτον εἰς Πάνακτον φρουρᾶς ἡμῖν προγραφείσης.
재작년에 우리에게 수비 임무가 부과되어 저는 파낙툼으로 나갔습니다.
ἐσκήνωσαν οὖν οἱ υἱεῖς οἱ Κόνωνος τουτουὶ ἐγγὺς ἡμῶν, ὡς οὐκ ἂν ἐβουλόμην·
그런데 여기 이 코논의 아들들이 우리 근처에 천막을 쳤는데, 이는 제가 전혀 바라지 않던 일이었습니다.
ἡ γὰρ ἐξ ἀρχῆς ἔχθρα καὶ τὰ προσκρούματʼ ἐκεῖθεν ἡμῖν συνέβη·
왜냐하면 최초의 적대감과 마찰이 바로 거기서부터 우리에게 발생했기 때문입니다.
ἐξ ὧν δέ, ἀκούσεσθε.
그 원인이 무엇이었는지는 이제 들으시게 될 것입니다.
ἔπινον ἑκάστοθʼ οὗτοι τὴν ἡμέραν, ἐπειδὴ τάχιστʼ ἀριστήσαιεν, ὅλην, καὶ τοῦθʼ, ἕως περ ἦμεν ἐν τῇ φρουρᾷ, διετέλουν ποιοῦντες.
이들은 매일 아침 식사를 마치자마자 하루 종일 술을 마셨고, 우리가 수비대에 있는 동안 내내 그런 행동을 계속했습니다.
ἡμεῖς δʼ ὥσπερ ἐνθάδʼ εἰώθειμεν, οὕτω διήγομεν καὶ ἔξω.
반면 우리는 이곳에서 늘 하던 대로 야외에서도 지냈습니다.
§4ἣν οὖν δειπνοποιεῖσθαι τοῖς ἄλλοις ὥραν συμβαίνοι, ταύτην ἂν ἤδη ἐπαρῴνουν οὗτοι, τὰ μὲν πόλλʼ εἰς τοὺς παῖδας ἡμῶν τοὺς ἀκολούθους, τελευτῶντες δὲ καὶ εἰς ἡμᾶς αὐτούς.
다른 사람들이 저녁 식사를 준비할 시간이 되면, 이들은 이미 술에 취해 행패를 부리기 시작했는데, 주로 우리의 시종 노예들에게, 나중에는 우리 자신에게까지 그리했습니다.
φήσαντες γὰρ καπνίζειν αὑτοὺς ὀψοποιουμένους τοὺς παῖδας ἢ κακῶς λέγειν, ὅ τι τύχοιεν, ἔτυπτον καὶ τὰς ἀμίδας κατεσκεδάννυον καὶ προσεούρουν, καὶ ἀσελγείας καὶ ὕβρεως οὐδʼ ὁτιοῦν ἀπέλειπον.
노예들이 음식을 만들면서 연기를 피웠다거나 욕을 했다는 등 생각나는 대로 핑계를 대며 그들을 때렸고, 요강을 쏟아붓고 오줌을 누었으며, 방자함과 모욕적인 행위를 전혀 가리지 않았습니다.
ὁρῶντες δʼ ἡμεῖς ταῦτα καὶ λυπούμενοι τὸ μὲν πρῶτον ἀπεπεμψάμεθα, ὡς δʼ ἐχλεύαζον ἡμᾶς καὶ οὐκ ἐπαύοντο, τῷ στρατηγῷ τὸ πρᾶγμʼ εἴπομεν κοινῇ πάντες οἱ σύσσιτοι προσελθόντες, οὐκ ἐγὼ τῶν ἄλλων ἔξω.
우리는 이것을 보고 불쾌해져 처음에는 그들을 물리쳤으나, 그들이 우리를 조롱하며 그치지 않자, 저 혼자가 아니라 식사를 같이하는 동료들 모두가 함께 장군에게 가서 이 일을 고했습니다.
§5λοιδορηθέντος δʼ αὐτοῖς ἐκείνου καὶ κακίσαντος αὐτοὺς οὐ μόνον περὶ ὧν εἰς ἡμᾶς ἠσέλγαινον, ἀλλὰ καὶ περὶ ὧν ὅλως ἐποίουν ἐν τῷ στρατοπέδῳ, τοσούτου ἐδέησαν παύσασθαι ἢ αἰσχυνθῆναι, ὥστʼ ἐπειδὴ θᾶττον συνεσκότασεν, εὐθὺς ὡς ἡμᾶς εἰσεπήδησαν ταύτῃ τῇ ἑσπέρᾳ, καὶ τὸ μὲν πρῶτον κακῶς ἔλεγον, τελευτῶντες δὲ καὶ πληγὰς ἐνέτειναν ἐμοί, καὶ τοσαύτην κραυγὴν καὶ θόρυβον περὶ τὴν σκηνὴν ἐποίησαν ὥστε καὶ τὸν στρατηγὸν καὶ τοὺς ταξιάρχους ἐλθεῖν καὶ τῶν ἄλλων στρατιωτῶν τινάς, οἵπερ ἐκώλυσαν μηδὲν ἡμᾶς ἀνήκεστον παθεῖν μηδʼ αὐτοὺς ποιῆσαι παροινουμένους ὑπὸ τουτωνί.
장군이 그들을 꾸짖고, 우리에게 행한 방자한 짓뿐만 아니라 진영 전체에서 그들이 행한 짓들에 대해 혹평하자, 그들은 그치거나 부끄러워하기는커녕 날이 어두워지자마자 그날 저녁 곧바로 우리에게 들이닥쳤습니다. 그리고 처음에는 욕설을 퍼붓다가 마침내 저를 때리기까지 했고, 천막 주변에서 어찌나 큰 비명과 소란을 피웠던지 장군과 부대장들, 그리고 다른 군인들 일부가 달려와서, 이 자들에게 행패를 당하던 우리가 돌이킬 수 없는 피해를 입거나 스스로 그것을 저지르지 않도록 막아주었습니다.
§6τοῦ δὲ πράγματος εἰς τοῦτο προελθόντος, ὡς δεῦρʼ ἐπανήλθομεν, ἦν ἡμῖν, οἷον εἰκός, ἐκ τούτων ὀργὴ καὶ ἔχθρα πρὸς ἀλλήλους.
일이 이 지경에 이르렀으므로 우리가 이곳으로 돌아왔을 때, 당연히 이 일들로 인해 서로 분노와 적대감을 품게 되었습니다.
μὰ τοὺς θεοὺς οὐ μὴν ἔγωγʼ ᾠόμην δεῖν οὔτε δίκην λαχεῖν αὐτοῖς οὔτε λόγον ποιεῖσθαι τῶν συμβάντων οὐδένα, ἀλλʼ ἐκεῖνʼ ἁπλῶς ἐγνώκειν τὸ λοιπὸν εὐλαβεῖσθαι καὶ φυλάττεσθαι μὴ πλησιάζειν τοῖς τοιούτοις.
신들께 맹세코, 그러나 저는 그들을 고소하거나 일어난 일에 대해 어떤 언급도 할 필요가 없다고 생각했고, 단지 앞으로는 조심하고 그러한 자들에게 가까이 가지 않도록 주의해야겠다고 결심했을 뿐입니다.
πρῶτον μὲν οὖν τούτων ὧν εἴρηκα βούλομαι τὰς μαρτυρίας παρασχόμενος, μετὰ ταῦθʼ οἷʼ ὑπʼ αὐτοῦ τούτου πέπονθʼ ἐπιδεῖξαι, ἵνʼ εἰδῆθʼ ὅτι ᾧ προσῆκεν τοῖς τὸ πρῶτον ἁμαρτηθεῖσιν ἐπιτιμᾶν, οὗτος αὐτὸς πρότερος πολλῷ δεινότερʼ εἴργασται.
그러므로 먼저 제가 말씀드린 일들에 대한 증언들을 제시하고, 그 후에 이 자 자신에게 제가 어떤 일을 당했는지 보여드리고자 합니다. 이는 최초의 잘못을 저지른 자들을 꾸짖어야 마땅했을 자가, 스스로 훨씬 더 끔찍한 짓들을 먼저 저질렀음을 여러분이 아시게 하려는 것입니다.
ΜΑΡΤΥΡΙΑΙ.
증언.