§21ὅλως δʼ, ὦ ἄνδρες δικασταί, δίκαιον μὲν οὐδενὶ δήπου σκῆψιν οὐδεμίαν τοιαύτην οὐδʼ ἄδειαν ὑπάρχειν παρʼ ὑμῖν, διʼ ἣν ὑβρίζειν ἐξέσται·
대체로, 배심원 여러분, 여러분 사이에 그 누구에게도 폭행이 허용될 수 있는 어떠한 핑계나 면책도 주어지지 않는 것이 확실히 정의롭습니다.
εἰ δʼ ἄρʼ ἐστίν τῳ, τοῖς διʼ ἡλικίαν τούτων τι πράττουσιν, τούτοις ἀποκεῖσθαι προσήκει τὰς τοιαύτας καταφυγάς, κἀκείνοις οὐκ εἰς τὸ μὴ δοῦναι δίκην, ἀλλʼ εἰς τὸ τῆς προσηκούσης ἐλάττω.
그러나 만일 누군가에게 그것이 허용되어야 한다면, 나이 때문에 이런 짓을 저지르는 자들에게 그러한 피난처가 준비되는 것이 마땅하며, 그것도 처벌을 면하기 위함이 아니라 마땅히 받아야 할 처벌보다 가벼운 처벌을 받기 위함이어야 합니다.
§22ὅστις δʼ ἐτῶν μέν ἐστιν πλειόνων ἢ πεντήκοντα, παρὼν δὲ νεωτέροις ἀνθρώποις καὶ τούτοις υἱέσιν, οὐχ ὅπως ἀπέτρεψεν ἢ διεκώλυσεν, ἀλλʼ αὐτὸς ἡγεμὼν καὶ πρῶτος καὶ πάντων βδελυρώτατος γεγένηται, τίνʼ ἂν οὗτος ἀξίαν τῶν πεπραγμένων ὑπόσχοι δίκην;
그러나 쉰 살이 넘은 자가, 젊은이들, 그것도 자신의 아들들과 함께 있으면서, 그들을 만류하거나 저지하기는커녕 스스로 우두머리가 되고 주동자가 되어 모든 이들 중에서 가장 혐오스러운 자가 되었다면, 이 자가 자신의 소행에 합당한 무슨 처벌을 감당할 수 있겠습니까?
ἐγὼ μὲν γὰρ οὐδʼ ἀποθανόντʼ οἴομαι.
제 생각에는 죽음으로도 부족합니다.
καὶ γὰρ εἰ μηδὲν αὐτὸς εἴργαστο τῶν πεπραγμένων, ἀλλʼ εἰ παρεστηκότος τούτου Κτησίας ὁ υἱὸς ὁ τούτου ταὔθʼ ἅπερ νυνὶ πεποιηκὼς ἐφαίνετο, τοῦτον ἐμισεῖτʼ ἂν δικαίως.
왜냐하면 설령 그가 스스로 그 행위들 중 아무것도 하지 않았더라도, 그가 곁에 서 있는 동안 그의 아들 크테시아스가 지금 한 것과 똑같은 짓을 저지른 것이 드러났다면, 이 자는 마땅히 미움을 받았을 것이기 때문입니다.
§23εἰ γὰρ οὕτω τοὺς αὑτοῦ προῆκται παῖδας ὥστʼ ἐναντίον ἐξαμαρτάνοντας ἑαυτοῦ, καὶ ταῦτʼ ἐφʼ ὧν ἐνίοις θάνατος ἡ ζημία κεῖται, μήτε φοβεῖσθαι μήτʼ αἰσχύνεσθαι, τί τοῦτον οὐκ ἂν εἰκότως παθεῖν οἴεσθε;
만일 그가 자신의 자식들을 제멋대로 내버려 두어, 자신 앞에서 잘못을 저지르면서도, 그것도 그중 일부에 대해서는 사형이 형벌로 규정되어 있음에도 두려워하지도 부끄러워하지도 않게 만들었다면, 여러분은 이 자가 마땅히 어떤 일을 당해야 한다고 생각하십니까?
ἐγὼ μὲν γὰρ ἡγοῦμαι ταῦτʼ εἶναι σημεῖα τοῦ μηδὲ τοῦτον τὸν ἑαυτοῦ πατέρʼ αἰσχύνεσθαι·
저는 이것이 이 자 역시 자신의 아버지를 공경하지 않았다는 증거라고 생각합니다.
εἰ γὰρ ἐκεῖνον αὐτὸς ἐτίμα καὶ ἐδεδίει, κἂν τούτους αὑτὸν ἠξίου.
왜냐하면 만일 그가 스스로 아버지를 존경하고 두려워했다면, 이 아이들에게도 자신을 공경할 것을 요구했을 것이기 때문입니다.
§24λαβὲ δή μοι καὶ τοὺς νόμους, τόν τε τῆς ὕβρεως καὶ τὸν περὶ τῶν λωποδυτῶν·
제게 법률들을 가져다주십시오. 폭행죄에 관한 법과 옷 탈취범에 관한 법 둘 다 말입니다.
καὶ γὰρ τούτοις ἀμφοτέροις ἐνόχους τούτους ὄψεσθε.
여러분은 그들이 이 두 가지 모두에 해당함을 보게 될 것입니다.
λέγε. ΝΟΜΟΙ.
τούτοις τοῖς νόμοις ἀμφοτέροις ἐκ τῶν πεπραγμένων ἔνοχος Κόνων ἐστὶν οὑτοσί·
읽어 주십시오. 법률 이 두 법률에 따라, 행해진 일들로부터 여기 있는 코논은 유죄입니다.
καὶ γὰρ ὕβριζεν καὶ ἐλωποδύτει.
왜냐하면 그는 폭행을 저질렀고 옷을 탈취했기 때문입니다.
εἰ δὲ μὴ κατὰ τούτους προειλόμεθʼ ἡμεῖς δίκην λαμβάνειν, ἡμεῖς μὲν ἀπράγμονες καὶ μέτριοι φαινοίμεθʼ ἂν εἰκότως, οὗτος δʼ ὁμοίως πονηρός.
만일 우리가 이 법률들에 따라 처벌을 구하기를 선택하지 않았다면, 우리는 마땅히 송사를 싫어하고 온순한 사람들로 보였을 것이나, 이 자는 마찬가지로 사악한 자로 보였을 것입니다.
§25καὶ μὴν εἰ παθεῖν τί μοι συνέβη, φόνου καὶ τῶν δεινοτάτων ἂν ἦν ὑπόδικος.
참으로 제게 어떤 불행한 일이라도 일어났다면, 그는 살인죄와 가장 무서운 죄로 처벌을 받아야 했을 것입니다.
τὸν γοῦν τῆς Βραυρωνόθεν ἱερείας πατέρʼ ὁμολογουμένως οὐχ ἁψάμενον τοῦ τελευτήσαντος, ὅτι τῷ πατάξαντι τύπτειν παρεκελεύσατο, ἐξέβαλεν ἡ βουλὴ ἡ ἐξ Ἀρείου πάγου, δικαίως·
어쨌든 브라우론 출신의 여사제의 아버지는 죽은 자에게 손도 대지 않았다는 것이 공인되었음에도, 때린 자에게 때리라고 사주했다는 이유로 아레오파고스 의회로부터 마땅히 추방당했습니다.
εἰ γὰρ οἱ παρόντες ἀντὶ τοῦ κωλύειν τοὺς ἢ διʼ οἶνον ἢ διʼ ὀργὴν ἤ τινʼ ἄλλην αἰτίαν ἐξαμαρτάνειν ἐπιχειροῦντας αὐτοὶ παροξυνοῦσιν, οὐδεμίʼ ἐστὶν ἐλπὶς σωτηρίας τῷ περιπίπτοντι τοῖς ἀσελγαίνουσιν, ἀλλʼ ἕως ἂν ἀπείπωσιν, ὑβρίζεσθαι ὑπάρξει·
왜냐하면 만일 곁에 있는 자들이 술이나 분노 혹은 다른 어떤 이유로 잘못을 저지르려는 자들을 저지하는 대신 스스로 부추긴다면, 난폭한 자들을 만난 자에게는 구원의 희망이 전혀 없으며, 그들이 지칠 때까지 폭행당하는 일이 일어날 것이기 때문입니다.
ὅπερ ἐμοὶ συνέβη.
그것이 바로 제게 일어난 일이었습니다.
§26ἃ τοίνυν, ὅθʼ ἡ δίαιτα ἐγίγνετο, ἐποίουν, βούλομαι πρὸς ὑμᾶς εἰπεῖν·
그리하여 중재가 진행되던 당시에 그들이 행했던 일들을 여러분에게 말씀드리고자 합니다.
καὶ γὰρ ἐκ τούτων τὴν ἀσέλγειαν θεάσεσθʼ αὐτῶν.
이 일들로부터도 여러분은 그들의 방자함을 보게 될 것이기 때문입니다.
ἐποίησαν μὲν γὰρ ἔξω μέσων νυκτῶν τὴν ὥραν, οὔτε τὰς μαρτυρίας ἀναγιγνώσκειν ἐθέλοντες οὔτʼ ἀντίγραφα διδόναι, τῶν τε παρόντων ἡμῖν καθʼ ἕνʼ οὑτωσὶ πρὸς τὸν λίθον ἄγοντες καὶ ἐξορκοῦντες, καὶ γράφοντες μαρτυρίας οὐδὲν πρὸς τὸ πρᾶγμα, ἀλλʼ ἐξ ἑταίρας εἶναι παιδίον αὐτῷ καὶ τοῦτο πεπονθέναι τὰ καὶ τά, ἃ μὰ τοὺς θεούς, ἄνδρες δικασταί, οὐδεὶς ὅστις οὐκ ἐπετίμα τῶν παρόντων καὶ ἐμίσει, τελευτῶντες δὲ καὶ αὐτοὶ οὗτοι ἑαυτούς.
그들은 시간을 자정 넘어서까지 끌었고, 증언들을 낭독하려 하지도 않고 사본을 주려 하지도 않았으며, 우리를 위해 참석한 자들을 한 사람씩 이와 같이 제단 앞으로 데려가 선서하게 하고, 사건과는 아무런 상관도 없는, 즉 코논이 헤타이라와의 사이에 아이를 두었으며 그 아이가 이러저러한 일을 겪었다는 등의 증언들을 기록했습니다. 신들께 맹세코, 배심원 여러분, 참석한 자들 중 이를 비난하고 혐오하지 않는 이가 없었고, 결국 이 자들 스스로도 자신들을 부끄러워했습니다.
§27ἐπειδὴ δʼ οὖν ποτʼ ἀπεῖπον καὶ ἐνεπλήσθησαν ταῦτα ποιοῦντες, προκαλοῦνται ἐπὶ διακρούσει καὶ τῷ μὴ σημανθῆναι τοὺς ἐχίνους ἐθέλειν ἐκδοῦναι περὶ τῶν πληγῶν παῖδας, ὀνόματα γράψαντες.
어쨌든 마침내 그들이 지치고 이런 짓을 벌이는 데 넌더리가 났을 때, 그들은 소송을 지연시키고 증거 수거함이 봉인되지 않기를 바라면서, 매질에 관하여 노예들을 넘겨줄 것을 요구하며 이름들을 적어 제출했습니다.
καὶ νῦν οἶμαι περὶ τοῦτʼ ἔσεσθαι τοὺς πολλοὺς τῶν λόγων αὐτοῖς.
그리고 지금 저는 그들의 변론 중 대부분이 이에 관한 것일 거라 생각합니다.
ἐγὼ δʼ οἶμαι δεῖν πάντας ὑμᾶς ἐκεῖνο σκοπεῖν, ὅτι οὗτοι, εἰ τοῦ γενέσθαι τὴν βάσανον ἕνεκα προὐκαλοῦντο καὶ ἐπίστευον τῷ δικαίῳ τούτῳ, οὐκ ἂν ἤδη τῆς διαίτης ἀποφαινομένης, νυκτός, οὐδεμιᾶς ὑπολοίπου σκήψεως οὔσης, προὐκαλοῦντο,
그러나 저는 여러분 모두가 저 점을 주목해야 한다고 생각합니다. 즉 이들이 만일 고문이 행해지도록 하기 위함이었고 이 정당성을 믿었다면, 이미 중재의 평결이 선언되려 하는 야밤에, 다른 아무런 핑계도 남아있지 않은 때에 요구를 제기하지는 않았을 것이라는 점입니다.
§28ἀλλὰ πρῶτον μὲν πρὸ τοῦ τὴν δίκην ληχθῆναι, ἡνίκʼ ἀσθενῶν ἐγὼ κατεκείμην, καὶ οὐκ εἰδὼς εἰ περιφεύξομαι, πρὸς ἅπαντας τοὺς εἰσιόντας τοῦτον ἀπέφαινον τὸν πρῶτον πατάξαντα καὶ τὰ πλεῖσθʼ ὧν ὑβρίσμην διαπεπραγμένον, τότʼ ἂν εὐθέως ἧκεν ἔχων μάρτυρας πολλοὺς ἐπὶ τὴν οἰκίαν, τότʼ ἂν τοὺς οἰκέτας παρεδίδου καὶ τῶν ἐξ Ἀρείου πάγου τινὰς παρεκάλει·
오히려 첫째로 소송이 제기되기 전, 제가 병상에 누워 있어 살아날 수 있을지 알지 못하던 때에, 문병을 오는 모든 이들에게 이 자를 저를 처음으로 때리고 저질러진 모욕의 대부분을 실행한 자라고 지목하던 그때에, 즉시 많은 증인들을 대동하고 집으로 찾아왔을 것이며, 그때 노예들을 넘겨주고 아레오파고스 의원들 중 몇몇을 입회시켰을 것입니다.
εἰ γὰρ ἀπέθανον, παρʼ ἐκείνοις ἂν ἦν ἡ δίκη.
왜냐하면 만일 제가 죽었다면, 재판은 그들 앞에서 열렸을 것이기 때문입니다.